Samið um undirbúning að virkjun í Ófeigsfirði

Forsvarsmenn orkufyrirtækisins VesturVerk ehf. hafa gert samstarfsamning við Vatnsfall, fagfjárfestasjóð á vegum fjármálafyrirtækisins GAMMA, um fjármögnun á áframhaldandi undirbúningsvinnu vegna allt að 40MW vatnsaflsvirkjunar í Ófeigsfirði á Vestfjörðum.

Skuldatryggingarálagið hátt um þessar mundir

Skuldatryggingarálag á evruskuldir Ríkissjóðs Íslands hefur hækkað nokkuð að undanförnu. Greining Íslandsbanka segir að skuldatryggingarálagið sé nú nokkuð hærra en meðaláhættulag á meðal þróaðra ríkja Evrópu, sé Grikkland undanskilið. Í lok dags í gær stóð álagið í tæpum 319 punktum (3,19%) samkvæmt gögnum úr Bloomberg gagnaveitunni og er það með því hæsta sem það hefur farið upp í frá áramótum. Í raun hefur það aðeins einu sinni farið hærra á árinu sem var um miðja síðustu viku, þegar það fór upp í 321 punkt, en lægst hefur álagið farið niður í 200 punkta sem var snemma í júnímánuði.

Bankakerfið fær falleinkunn

Ísland er í þriðja neðsta sæti af 143 ríkjum í heiminum þegar traust á bönkum í ríkjunum er metið. Einungis Úkraína og Írland eru fyrir neðan Ísland, en Írland er langneðst. Kanada er það ríki þar sem mest traust á bankakerfinu er og næstmest traust ríkir á bankakerfinu í Suður-Afríku samkvæmt niðurstöðunum. Af Norðurlöndunum er Finnland efst, í áttunda sæti, en Noregur er í þrettánda sæti.

Næstu vikur ráða úrslitum

Þjóðverjar gerðu í gær lítið úr fregnum þess efnis að samþykkt hefði verið á fundi í Washington um helgina að fjórfalda björgunarsjóð evruríkjanna sautján. Hlutabréfaverð hafði hækkað í allan gærdag vegna frétta þess efnis.

Varaformaður SA: Stjórnvöld eiga að gefa atvinnulífinu vinnufrið

Varaformaður Samtaka Atvinnulífsins vill að stjórnvöld gefi atvinnulífinu vinnufrið í stað þess að standa sífellt í vegi fyrir uppbygginu með tortryggni. Núverandi atvinnuleysi kostar atvinnulífið 20 milljarða króna á ári.

Hlutabréfavísitölur hækkuðu í dag - helmingu skulda Grikkja afskrifaður

Alþjóðagjaldeyrissjóðurinn og Evrópubandalagið íhuga nú að afskrifa um fimmtíu prósent af skuldum gríska ríkisins til að leysa vanda evrusvæðisins. Hlutabréfavísitölur í kauphöllum í Evrópu hækkuðu eftir að fjölmiðlar greindu frá þessum hugmyndum í morgun.

DV bjargað fyrir horn

Hlutafjáraukningu útgáfufélags DV er að ljúka, samkvæmt upplýsingum frá Stefáni Torfa Sigurðssyni, framkvæmdastjóra félagsins.

Íslendingar enn svartsýnir á ástand efnahagsmála

Íslendingar eiga langt í land með að vera bjartsýnir á horfur í efnahags- og atvinnumálum, samkvæmt væntingarvísitölu Gallups. Sem kunnugt er mælir vísitalan væntingar neytenda til efnahags- og atvinnulífsins. Vísitalan hefur lækkað undanfarið og lækkaði hún á milli júlí og águst þriðja mánuðinn í röð. Vísitalan mælist nú rétt rúmlega 50 stig sem er 20 stigum lægra en það var í ágúst í fyrra þegar hún náði sínu hæsta gildi frá hruni. Þegar vísitalan er undir 100 stigum eru fleiri svartsýnir en bjartsýnir.

Gylfi: Menn búnir að gefast upp á Grikklandi

Gylfi Magnússon, dósent í viðskiptafræðideild Háskóla Íslands og fyrrverandi efnahags- og viðskiptaráðherra, segir að björgunarpakkinn sem nú sé ræddur bendi til þess að menn séu búnir að gefast upp á að reyna halda Grikklandi á floti án greiðslufalls.

Inspired by Iceland skilaði 34 milljarða tekjum í fyrra

Markaðsherferðin Inspired by Iceland er talin hafa skilað 33,8 milljörðum króna í tekjur. Alls fóru 700 milljónir króna í átakið, en það er talið hafa skilað sér tæplega fimmtíufalt til baka. Þetta má lesa í skýrslu um átakið sem gerð verður heyrinkunn í dag.

Er þegar flutt í annað húsnæði

Icelandair Group ætlar að flytja starfsemi ferðaskrifstofunnar Vita yfir í sjálfstætt dótturfélag um næsta áramót. Fyrirtækið hefur þegar flutt í annað húsnæði.

Verslunin Iceland verður seld fyrir áramót

Stjórnendur bresku verslanakeðjunnar Asda, sem er í eigu Wal-Mart, hafa tryggt sér fjármögnun fyrir væntanlegt tilboðsferli í eignarhluti skilanefnda Landsbankans og Glitnis í lágvöruverðsverslunina Iceland Foods. Tilboðsgögn og fjárhagsupplýsingar verða send væntanlegum bjóðendum í vikunni, að því fram kemur í netútgáfu breska blaðsins Sunday Times í gær. Stefnt mun að því að selja hlutinn fyrir áramót.

Endurskoðendur mæltu með riftunum hjá Gift vegna blekkinga Kaupþings

Endurskoðendur sem fóru yfir rekstur eignarhaldsfélagsins Giftar töldu ástæðu til að fara í riftunarmál við Kaupþing vegna blekkinga stjórnenda Kaupþings um styrk bankans, en Gift keypti hlutabréf í Kaupþingi fyrir tugi milljarða króna fyrir hrunið.

Blikur á lofti í alþjóðahagkerfinu

Miklar blikur eru á lofti í alþjóðahagkerfinu sem nauðsynlegt er að taka á af festu og krefst það öflugra aðgerða af hálfu Alþjóðagjaldeyrissjóðsins og aðildarríkja. Þetta kemur fram í ályktun fjárhagsnefndar AGS en nefndin fundaði í gær.

Ráðning Þorgeirs herkænskuleg til að fá lífeyrissjóði að borðinu

Seðlabankinn vill fá helstu lífeyrissjóði landsins að samningaborðinu í gjaldeyrisútboðum bankans, en þau eru forsenda afnáms gjaldeyrishaftanna. Ráðning Þorgeirs Eyjólfssonar fyrrverandi framkvæmdastjóra Lífeyrissjóðs verzlunarmanna í starf verkefnisstjóra við afnám haftanna var meðal annars til að ná þessu markmiði.

Húsasmiðjan tapaði 309 milljónum á fyrstu 7 mánuðum ársins

Húsasmiðjan, sem er sem stendur í söluferli, heldur áfram að tapa peningum en fyrirtækið tapaði 309 milljónum króna á fyrstu sjö mánuðum ársins. Fjárhagsáætlun hafði gert ráð fyrir 93 milljóna króna hagnaði, að því er fram kemur í Viðskiptablaðinu.

Kínverjar hafa áhuga á íslenska fasteignamarkaðnum

Framkvæmdastjóri Félags fasteignasala segir hóp kínverskra embættismanna á leið til landsins en hann hefur lýst yfir áhuga sínum á íslenska fasteignamarkaðinum. Umhugsunarverðar upplýsingar, segir innanríkisráðherra.

Gagnrýnir bókhaldsaðferðir fjármálaráðherra

Ríkisendurskoðun tekur ekki afstöðu til þeirrar ákvörðunar að ráðast í byggingu hjúkrunar­heimila í níu sveitarfélögum með láni frá Íbúðalánasjóði, eins og ráðgert er. Þetta kemur fram í tilkynningu frá Ríkisendurskoðunar vegna athugasemda Steingríms J. Sigfússonar fjármálaráðherra í hádegisfréttum Ríkisútvarpsins.

Bjóða sjómönnum skrímslatryggingu

Tryggingafélagið Vörður býður nú sjómönnum svokallaða skrímslatryggingu í tilefni af því að Sjávarútvegssýningin stendur nú sem hæst í Fífunni í Kópavogi. Með tryggingunni er ætlunin að vekja athygli á þeim hættum sem sjófarendum eru búnar.

Steingrímur á fund AGS og Alþjóðabankans

Steingrímur J. Sigfússon, fjármálaráðherra, heldur til Washington nú um helgina til að sækja árlegan fund Alþjóðagjaldeyrissjóðsins og Alþjóðabankans að því er greinir frá á heimasíðu fjármálaráðuneytisins.

Landsbankinn skrifar undir samkomulag við lánatryggingasjóð kvenna

Landsbankinn hefur skrifað undir samstarfssamning við Svanna - lánatryggingasjóð kvenna, um að bankinn veiti konum í atvinnurekstri lán sem sjóðurinn og bankinn ábyrgjast sameiginlega. Landsbankinn veitir helming ábyrgðar á móti sjóðnum og tryggir þannig konum í nýrri starfsemi rýmri aðgang að fjármagni en ella og eykur möguleika þeirra til að stofna fyrirtæki. Samstarfssamningurinn er liður Landsbankans í að efla atvinnulíf og hvetja til nýsköpunar í landinu.

Alþjóðlegt upplýsingatæknifyrirtæki velur dótturfélag Nýherja

Applicon, dótturfélag Nýherja, hefur undirritað samning við alþjóðlega upplýsingatæknifyrirtækið Advent Software, sem framleiðir hugbúnað sérsniðinn að þörfum fjármálafyrirtækja samkvæmt tilkynningu frá Nýherja.

Kreditkort brýtur gegn ákvæðum um neytendalán og eftirlit

Áfrýjunarnefnd neytendamála hefur staðfest úrskurð Neytendastofu um að Kreditkort bryti bæði gegn ákvæðum laga um neytendalán og laga um eftirlit með viðskiptaháttum og markaðssetningu með greiðsludreifingunni.

Fengu 336 milljarða af 463 afskrifaða

Alls hafa 336 milljarðar af 463 milljörðum verið afskrifaðir hjá 41 fyrirtæki samkvæmt skýrslu eftirlitsnefndar efnahags- og viðskiptaráðuneytis um aðgerðir í þágu einstaklinga, heimila og fyrirtækja vegna banka- og gjaldeyrishrunsins.

Marel verðlaunað fyrir framúrskarandi tækjabúnað

Marel hlaut í dag verðlaun sem „framúrskarandi framleiðandi tækjabúnaðar á heildina litið“ þegar íslensku sjávarútvegsverðlaunin voru afhent í Gerðarsafni í Kópavogi. Sigsteinn P.Grétarsson, forstjóri Marel ehf., veitti verðlaununum viðtöku.

Atlantsolía lækkar bensínið um tvær krónur

Atlantsolía lækkaði bensínlítrann um tvær krónur í morgun. Dísel lækkar ekki að sinni að því er upplýsingafulltrúi félagsins segir í samtali við fréttastofu. Bensínið kostar nú 233,90 aura lítrinn en hæst fór verðið í 243,50 í sumar. Díselolía lækkar ekki að sinni og kostar lítrinn því enn 235,90.

Staða lífeyrissjóðanna batnar

Ávöxtun lífeyrissjóðanna umfram verðbólgu var 2,65% í fyrra samanborið við 0,34% á árinu 2009. Meðaltal hreinnar raunávöxtunar síðastliðin 5 ár var -1,6% og meðaltal síðastliðna 10 ára var 2,2%. Þetta kemur fram í skýrslu um ársreikninga lífeyrissjóða fyrir síðasta ár. Skýrslan var birt á vefsíðu Fjármálaeftirlitsins í dag. Fjármálaeftirlitið segir að raunávöxtun sjóðanna, það er ávöxtun umfram verðbólgu, fari því batnandi þrátt fyrir að margir sjóðir glími enn við eftirköst bankahrunsins.

Skýrr hýsir fyrir Virðingu

Verðbréfafyrirtækið Virðing hefur samið við Skýrr um heildarlausn í hýsingu, rekstri og útvistun upplýsingatækni. Um er að ræða miðlæga hýsingu með kerfisleiguhögun á öllu tölvuumhverfi, hugbúnaðarlausnum og gögnum Virðingar. Starfsfólk Virðingar mun þannig fá aðgang að eigin vinnuumhverfi, gögnum og hugbúnaði gegnum öfluga gagnatengingu við Skýrr.

Spáir minna atvinnuleysi - samt hátt í sögulegu samhengi

Alls fóru 940 fyrirtæki á hausinn fyrstu sjö mánuði ársins samkvæmt morgunkorni Íslandsbanka, en það er litlu minna en á síðasta ári þegar 982 fóru á hausinn.

Launavísitala hækkar - kaupmáttur launa hækkar líka

Launavísitala í ágúst 2011 hækkaði um 0,1 prósent frá fyrri mánuði. Síðastliðna tólf mánuði hefur launavísitalan hækkað um 8,0%.

Fluttu út fisk fyrir 220 milljarða - þorskurinn vinsælastur

Samanlagt virði útfluttra sjávarafurða á síðasta ári voru 220 milljarðar króna samkvæmt nýútkominni sjávarútvegsskýrslu Íslandsbanka.

Forseti ESA segir ekkert ákveðið um dómsmál vegna Icesave

Eftirlitsstofnun ESA hefur ekki ákveðið neitt um hvort Icesave málinu verði vísað til EFTA-dómstólsins samkvæmt yfirlýsingu sem barst frá segir Oda Helen Sletnes, forseta ESA.

Arion banki selur sparisjóði

Stofnfjárhlutir Arion banka hf. í AFLi-sparisjóði og Sparisjóði Ólafsfjarðar eru nú til sölumeðferðar hjá Fyrirtækjaráðgjöf Arion banka. Í tilkynningu segir að boðin séu til sölu 94,45% stofnfjár í AFLi og 99,99% í Sparisjóði Ólafsfjarðar og er gert ráð fyrir að eignarhlutarnir verði seldir saman í einu lagi. Söluferlið er aðeins opið hæfum fjárfestum samkvæmt lögum um verðbréfaviðskipti sem geta sýnt fram á að hafa til þess bæran fjárhagslegan styrk, eða aðgang að a.m.k. 800 milljónum króna í auðseljanlegum eignum, og geta sýnt fram á að vera hæfir til að fara með virkan eignarhlut í fjármálafyrirtæki. Frestur til að sækja um er til 10. október næstkomandi.

Hundruð milljóna tap á Skjáeinum ár eftir ár

Skjárinn, sem rekur Skjáeinn, tapaði stórum hluta af veltu sinni árin 2007, 2008 og 2009 samkvæmt ársreikningum félagsins og er rekstrarsagan að því er virðist saga samfellds taprekstrar.

Fá 260 milljónir frá Evrópusambandinu

CarbFix vísindaverkefnið, sem rekið er við Hellisheiðarvirkjun, hefur fengið um 260 milljóna króna styrk frá Evrópusambandinu. Það er orkurannsóknahluti 7. rammaáætlunar ESB, sem hefur svo mikla trúa á verkefninu, eftir því sem fram kemur í tilkynningu frá Orkuveitu Reykjavíkur.

Hermann ráðinn forstjóri Sjóvár

Hermann Björnsson, framkvæmdastjóri viðskiptabankasviðs Arion banka, hefur verið ráðinn forstjóri Sjóvár.

Jóhanna: Erfiðleikar í Evrópu gætu haft neikvæð áhrif á ESB-umsókn

Jóhanna Sigurðardóttir forsætisráðherra segir í viðtali við AFP fréttastofuna í dag að það megi vel vera að efnahagserfiðleikarnir, sem nú geysa innan Evrópusambandsins, geti orðið til þess að Íslendingar fari ekki inn í sambandið.

Þrýstingur eykst á Grikki

Grikkir eru undir miklum þrýstingi til að skera niður og brúa fjárlagahallann á ríkissjóði en í húfi er 8 milljarða evra fjárhagsaðstoð frá Alþjóðagjaldeyrissjóðnum og Evrópusambandinu. Um er að ræða jafnvirði 1.200 milljarða íslenskra króna.

Vextir ekki hækkaðir vegna minni verðbólgu og styrkingu krónunnar

Seðlabanki Íslands ákvað í dag að halda stýrivöxtum óbreyttum þvert á spár greiningaraðila. Minni verðbólga í ágúst en búist hafði verið við, áframhaldandi styrking gengis krónunnar og lakari horfur í heimsbúskapnum eru meðal ástæða þess að vextir voru ekki hækkaðir segir Seðlabankastjóri.

Nýr fjármálastjóri Icelandic Group

Jóhann Gunnar Jóhannsson hefur verið ráðinn fjármálastjóri Icelandic Group. Jóhann var áður forstöðumaður hagdeildar félagsins.

Stýrivöxtum haldið óbreyttum

Peningastefnunefnd Seðlabanka Íslands hefur ákveðið að halda stýrivöxtum óbreyttum. Stýrivextir verða því áfram 4,5 prósent. Þetta er þvert á spár sérfræðinga sem flestir höfðu gert ráð fyrir hækkun vaxtanna upp á 0,25 til 0,5 prósentustig.

Sigurjón Þ. Árnason: Málshöfðun slitastjórnar óskiljanleg

Sigurjón Þ. Árnason, fyrrverandi bankastjóri Landsbankans, segir skaðabótamál slitastjórnar bankans á hendur sér algjörlega óskiljanlegt. Hann segir að einhver í Landsbankanum hljóti að hafa framlengt 19 milljarða króna lán til Straums eftir að hann fór úr bankanum eða tekið ákvörðun um að innheimta ekki lánið.

Glaðbeittur auðkýfingur - brosir breitt eftir samkomulag við Kaupþing

"Vincent brosir breitt núna,“ sagði heimildarmaður í viðtali við breska dagblaðið The Guardian þar sem fjallað er um samkomulag Vincent Tchenguiz við Kaupþing.

Síminn kærir niðurstöðu Samkeppniseftirlitsins

Síminn hefur ákveðið að kæra niðurstöðu Samkeppniseftirlitsins sem snýr að 3G netlykla tilboði félagsins á árinu 2009.

Misnotaði markaðsráðandi stöðu sína - 60 milljónir í sekt

Síminn misnotaði markaðsráðandi stöðu sína sumarið 2009 með tilboði sem fyrirtækið gerði notendum sínum. "3G netlykill og áskrift fyrir 0 kr. í allt sumar," stóð í tilboðinu. Í úrskurði samkeppniseftirlitsins er Símanum gert að greiða 60 milljónir króna í stjórnvaldssekt.