Fleiri fréttir

Hollendingar segja Íslendinga víst hafa logið - sýna bréf til sönnunar

Hollenski vefmiðillin RTLZ birti í gær bréfasamskipti á milli viðskiptaráðuneytisins á Íslandi við breska fjármálaráðuneytið og telur greinarhöfundur bréfin sýna fram á að Ísland hafi logið fram á síðasta dag um raunverulega stöðu mála og styðji því við fullyrðingar Nout Wellink, seðlabankastjóra Hollands og Arnolds Schilder, yfirmanns hollenska bankaeftirlitsins um meinar lygar íslenska ríkisins.

Verðmæti útflutnings Alcoa Fjarðaráls 200 milljónir á dag

Útflutningur Alcoa Fjarðaáls á síðasta ári nam tæplega 600 milljónum bandaríkjadala, sem jafngildir um 74 milljörðum íslenskra króna, miðað við núverandi gengi. Flutt voru út rúmlega 349 þúsund tonn af hreinu áli, álblöndum og álvírum. Verðmæti útflutnings Alcoa Fjarðaáls í fyrra nam því rúmlega 1,4 milljörðum króna á viku, eða rúmlega 200 milljónum króna á dag.

Viðsnúningur upp á rúma 14 milljarða hjá Landsneti

Hagnaður Landsnets hf. samkvæmt rekstrarreikningi nam 1.471 milljónum kr. fyrir árið 2009 samanborið við tap að fjárhæð tæpa 12,8 milljarða kr. á árinu 2008. Betri afkoma stafar aðallega af mun minna gengistapi en á fyrra ári auk þess sem tekjur af raforkuflutningi hafa aukist.

Hagnaður RARIK tæpar 700 milljónir í fyrra

Samkvæmt rekstrarreikningi var hagnaður RARIK í fyrra 697 milljónir króna en rekstrarhagnaður fyrir afskriftir, fjármagnsliði og skatta (EBITDA) var 2.843 milljónir króna eða 32,7% af veltu tímabilsins. Hefur EBITDA félagsins hækkað um rúm 50% frá árinu 2008. Handbært fé frá rekstri var 1.847 milljónir króna.

Meðalverð á fiskmörkuðum hækkaði umtalsvert mili ára

Meðalverð á fiskmörkuðum í janúar var fjörutíu og þremur prósentum hærra en í sama mánuði í fyrra, samkvæmt reiknistofu fiskmarkaða. Það var nú tæpar 285 krónur, en var 199 krónur í janúar í fyrra. Fisksalar kaupa fisk í verslanir sínar á fiskmörkuðunum og skýrir það sjálfsagt ört hækkandi fiskverð.

40 milljarða kröfur og engar eignir

Kröfur í þrotabú Styrks Invest, sem var að stærstum hluta í eigu Gaums, félags Jóns Ásgeirs Jóhannessonar og fjölskyldu, og Kaldbaks, fjárfestingararms Samherja, nema nú um fjörutíu milljörðum. Félagið er eignalaust, og því fæst líklega ekkert upp í kröfurnar.

Skilanefndin orðin einn stærsti kráareigandi Bretlands

Skilanefnd Kaupþings er orðin einn stærsti kráaeigandi í Bretlandi, en fyrirtækið eignaðist öldurhúsin vegna skulda bresk-íranska viðskiptajöfursins Robert Tchenguiz við Kaupþing. Skilanefndin hefur nú kyrrsett yfir 100 milljónir punda á reikningum Tchenguiz.

Hlutabréf Össurar hreyfðust ein í dag

Gengi hlutabréfa stoðtækjafyrirtækisins Össurar lækkaði um 0,61 prósent í Kauphöllinni i dag. Það hækkaði hins vegar 0,71 prósent á hlutabréfamarkaði í Kaupmannahöfn á sama tíma.

H.F. Verðbréf viðurkenndur ráðgjafi í Kauphöllinni

Kauphöllin hefur samþykkt að H.F. Verðbréf verði viðurkenndur ráðgjafi ( Certified Adviser) á First North Iceland. Hlutverk viðurkennds ráðgjafa felst í því að vera til ráðgjafar og aðstoðar fyrirtækjum við skráningu á First North og á meðan bréf þeirra eru í viðskiptum á markaðnum.

Iceland Express semur við stóra markaðsskrifstofu

Iceland Express hefur gert samstarfssamning við öfluga sölu- og markaðsskrifstofu, AVIAREPS Group, í Bandaríkjunum og Póllandi. Er þetta gert til að efla markaðsstarf á þessum svæðum, því eins og kunnugt er mun Iceland Express hefja flug til New York og Winnipeg í Kanada í júníbyrjun. Þá mun félagið fljúga til þriggja staða í Póllandi í sumar til Varsjár, Kraká og Gdansk.

Skilanefnd Glitnis sendi fimm mál til FME og saksóknara

Skilanefnd Glitnis hefur hingað til sent fimm mál sem tengjast viðskiptum gamla bankans til Fjármálaeftirlitsins (FME) og sérstaks saksóknara til frekari rannsóknar. Skilanefnd Kaupþings og Landsbankans hafa jafnframt sent gögn og mál frá sér.

Landsbanki og Kaupþing áttu megnið af ástarbréfunum

Stærstur hluti þeirra skuldabréfa sem íslenska ríkið situr uppi með vegna veðlánaviðskipta Seðlabanka Íslands voru útgefin af Landsbanka Íslands. Viðskiptin hafa gengið undir nafninu ástarbréfin.

Skuldabréf Atorku tekin úr viðskiptum

Kauphöllin hefur ákveðið að taka skuldabréf Atorku Group hf. úr viðskiptum þar sem héraðsdómur hefur staðfest nauðasamning félagsins.

Segir sláandi mótsögn í aðgerðum Seðlabankans.

"Þetta er sérstaklega áhugavert í ljósi þess að Seðlabanki Íslands er að soga til sín allt lausafé á íslenskum markaði í þeim tilgangi að halda vöxtum hér háum. Sem sagt, þá vill Seðlabanki fá til landsins erlent lánsfjármagn og erlenda fjárfesta á sama tíma og hann sogar til sín allt íslenskt lausafé svo að tryggt sé að því verði örugglega ekki fjárfest á Íslandi. Er ekki einhver sláandi mótsögn í þessum aðgerðum?"

Skuldabréf Landsbankans hafa tvöfaldast í verði

Skuldabréf Landsbankans halda áfram að hækka og eru í dag skráð á 8% af nafnverði á viðskiptavefnum Keldan.is. Þau hafa því tvöfaldast í verði frá því að forseti Íslands ákvað að vísa Icesave málinu í þjóðaratkvæðagreiðslu.

Peningastefnunefnd: Minnkandi aðhald í ríkisfjármálum

„Einnig var lýst yfir áhyggjum af minna aðhaldi í ríkisfjármálum miðað við það sem áður var gert ráð fyrir og hugsanlegum áhrifum af sjálfbærni ríkisfjármála á gengi krónunnar og verðstöðugleika til lengri tíma litið."

Fólk í miklum vanskilum skemmir bílana

Vanskil einstaklinga og fyrirtækja með bíla í rekstrarleigu hafa aukist milli ára. Dæmi eru um að viðskiptavinir skemmi bíla og taki vélarhluta úr þeim áður en þeim er skilað.

Ræða seðlabankastjóra vekur athygli erlendis

"Regluverk Evrópusambandsins um starfsemi banka yfir landamæri var stórgallað þar sem það heimilaði frjálst flæði fjármagns og bankaþjónustu með innlend öryggisnet og áfallastjórnun." Vefritið CentralBanking.com tekur upp þessi orð Más Guðmundssonar seðlabankastjóra í frétt, en þau viðhafði hann í Bergen í Noregi í janúarbyrjun.

Arion ætlar að ganga að ábyrgðum 1998

Litlar sem engar eignir eru inni í þeim félögum sem ábyrgðust lán til 1998 ehf. fyrrverandi móðurfélags Haga. Arion banki ætlar að ganga að þessum ábyrgðum og keyra félögin í þrot, óvíst er samt hvenær það gerist.

Gengi Færeyjabanka hækkaði um 1,39 prósent

Gengi hlutabréfa Færeyjabanka hækkaði um 1,39 prósent í Kauphöllinni í dag. Á eftir fylgdi gengi bréfa Össurar, sem hækkaði um 0,92 prósent, og Marels, sem fór upp um 0,33 prósent.

Tveir greiddu atkvæði gegn vaxtalækkun

Tveir úr peningastefnunefnd Seðlabanka Íslands greiddu atkvæði gegn þeirri tillögu seðlabankastjóra að lækka stýrivexti um 0,5 prósentur. Þrír greiddu hins vegar atkvæði með tillögunni. Þetta kemur fram í fundargerð peningastefnunefndar sem birt var síðdegis.

GBI vísitalan hækkar áfram

Skuldabréfavísitalan GAMMA: GBI hækkaði um 0,3% í dag í 13,2 milljarða viðskiptum. Þar af námu viðskipti með íbúðabréf tæpum 8 milljörðum kr.

Nær helmingur telur skattabreytingar fækka starfsfólki

45% forsvarsmanna íslenskra fyrirtækja áætla að skattabreytingar stjórnvalda muni leiða til fækkunar starfsfólks í fyrirtækjum þeirra. Þá telja um 50% fyrirtækja í verslun að breytingarnar muni leiða til fækkunar starfsfólks og í iðnaði er talan um 47%.

Veisla hjá loðdýrabændum, seldu fyrir 150 milljónir

Íslenskir loðdýrabændur seldu minkaskinn fyrir um 150 milljónir kr. á uppboði hjá Kopenhagen Fur í vikunni. Verð á minkaskinnum á uppboðinu hækkaði um 13% frá uppboðinu í desember en þá hækkaði verðið um 36%.

Háskólanemar á Framadögum

Um 30 fyrirtæki taka þátt í Framadögum í Háskólabíói í dag, en markmiðið með deginum er að skapa vettvang fyrir fyrirtæki til þess að komast í persónuleg kynni við ungt og metnaðarfullt háskólafólk og tilvonandi starfskrafta sína. Fyrstu Framadagarnir voru haldnir árið 1995 og þetta er því í 16 sinn sem slík dagskrá er haldin.

Endurfjármögnun nýrrar jarðgerðarstöðvar lokið

Endurfjármögnun byggingar jarðgerðarstöðvar Moltu e.hf. í Eyjafirði er nú lokið með samstilltu átaki eigenda fyrirtækisins annars vegnar og Íslandsbanka og hins finnska seljanda vélbúnaðarins hins vegar.

Atvinnuleysið mældist 9% í janúar

Skráð atvinnuleysi í janúar 2010 var 9% eða að meðaltali 14.705 manns og eykst atvinnuleysi um 6,7% að meðaltali frá desember eða um 929 manns. Á sama tíma á árinu 2009 var atvinnuleysi 6,6%, eða 10.456 manns að jafnaði.

Vodafone semur um afnota af ljósleiðara NATO

Samningur um afnot Vodafone af ljósleiðarasþræði Varnarmálastofnunar, sem áður var rekinn af NATÓ og kom í hlut íslenska ríkisins við brottför Varnarliðsins frá Íslandi, hefur verið undirritaður.

Hrein eign lífeyrissjóðanna jókst um 31 milljarð í desember

Hrein eign lífeyrissjóðanna til greiðslu lífeyris var 1.794 milljarðar kr. í lok desember síðastliðins og jókst um 31 milljarð kr. í mánuðinum samkvæmt tölum sem Seðlabankinn birti í gær. Þar af jókst innlend verðbréfaeign um 24,2 milljarða kr. og erlend verðbréfaeign um 14,3 milljarða kr. Sjóðir og bankainnistæður lækkuðu hins vegar um 4,3 milljarða kr. í mánuðinum.

Rætt um að ríkissjóður standi undir bændalífeyri

Innan stjórnkerfisins eru nú hugmyndir um að ríkissjóður greiði beint mótframlag sitt til lífeyrisgreiðslna bænda í stað þess að framlagið sé ákveðið á fjárlögum hverju sinni. Málið var rætt á ríkisstjórnarfundi í síðustu viku en þar lagði fjármálaráðherra fram minnisblað um lífeyrissjóð bænda.

Sólon lánaði fyrir Landsbanka vegna þrýstings

Sólon Sigurðsson, fyrrverandi bankastjóri Búnaðarbankans, segist hafa veitt lán til kaupa á Landasbankanum undir miklum þrýstingi. Upphaflega hafi hann neitað að lána Björgólfsfeðgum fyrir kaupum í Landsbankanum þegar fyrst var eftir því leitað árið 2003.

Farþegum fjölgaði um 13%

Farþegum á vegum Icelandair fjölgaði um 13% í janúar síðastliðnum miðað við sama mánuði í fyrra. Þeir voru um 95 þúsund talsins nú í janúar en um 84 þúsund í janúar í fyrra. Þetta kemur fram í mánaðalegum flutningatölum sem Icelandair sendir Kauphöllinni.

Hörður Arnarson með 74 milljónir í laun hjá Marel

Hörður Arnarson, forstjóri Landsvirkjunar, var með 74 milljónir króna, eða 420 þúsund evru, í laun og hlunnindi hjá Marel á árinu 2009, samkvæmt ársreikningi fyrirtækisins sem var birtur í dag.

Smáragarður endurfjármagnaði tíu milljarða afborgun

Smáragarður, fasteignafélag Jóns Helga Guðmundssonar í Byko, stóð frammi fyrir því að þurfa að greiða tíu milljarða í afborganir af lánum á þessu ári. Félaginu hefur tekist að endurfjármagna þá afborgun með langtímalánum. Fyrirtækið á 138 þúsund fermetra af verslunarhúsnæði, en stór hluti þess er veðsettur Arion banka.

Sjá næstu 50 fréttir

Mest lesið