Loka í Kringlunni

Þetta tilkynna eigendur með færslu á Facebook-síðu verslunarinnar. Ekki stendur til að halda rýmingarsölu eða setja vörur á útsölu heldur verður hægt að fá vörurnar í verslun þeirra í Glæsibæ.

 Hins vegar vara þau við að næstu daga sé síðasta tækifæri til að nota gjafabréf í Kringluna í versluninni.

„Nexus þakkar kærlega fyrir viðskiptin í Kringlunni,“ segir í færslunni.

Nexus er sérvöruverslun með myndasögur, spil, leikföng, búninga og fleira. Hún hefur starfað í einni eða annarri mynd frá árinu 1992.