Fleiri fréttir

Landsframleiðslan á mann enn há á Íslandi

Greining Íslandsbanka fjallar í dag um breytingar á landsframleiðslunni á Íslandi í kreppunni. Þar segir að áhugavert er í því sambandi að skoða kaupmátt landsframleiðslunnar á mann en á þann mælikvarða stóð Ísland afar vel fyrir hrunið með eina hæstu landsframleiðslu á mann í heimi. Sú staða versnar ekki mjög mikið þrátt fyrir kreppuna.

Magma Energy stofnar íslenskt dótturfélag

Kanadíska jarðhitafyrirtækið Magma Energy Corporation, sem á 40,94% hlut í HS Orku í gegnum dótturfyrirtæki sitt Magma Energy Sweden AB, hefur sett á stofn dótturfyrirtæki hér á landi, Magma Energy Iceland ehf.

Krónan ætti að geta styrkst gagnvart evrunni

Líklegt er að evran haldi áfram að gefa eftir gagnvart helstu gjaldmiðlum. Krónan ætti einnig að geta styrkst gagnvart evrunni, samfara áframhaldandi myndarlegum afgangi af vöru- og þjónustuviðskiptum við útlönd.

Arion banki stefnir Björgólfi Thor

Arion banki hefur nú höfðað mál gegn Björgólfi Thor Björgólfssyni vegna persónulegra ábyrgða sem hann og faðir hans tókust á hendur þegar Samson fékk lán hjá Búnaðarbankanum vorið 2003 til að kaupa Landsbankann. Skuld feðganna stendur í tæpum sex milljörðum króna í dag.

Viðskiptaráð: 40% fyrirtækja í samkeppni við hið opinbera

40% forsvarsmanna fyrirtækja í íslensku atvinnulífi telja opinberar stofnanir eða fyrirtæki í opinberum rekstri vera í samkeppni við sitt fyrirtæki. Þá telja 51% fyrirtækja í þjónustu sig vera í samkeppni við hið opinbera, 49% fyrirtækja í verslun og 58% fyrirtækja í byggingar- eða verktakastarfsemi.

Gamma hækkaði um 0,1% í dag

Skuldabréfavísitalan GAMMA: GBI hækkaði um 0,1% í dag í 6,2 milljarða viðskiptum. GAMMAi: Verðtryggt hækkaði um 0,1% í 0,6 milljarða viðskiptum og GAMMAxi: Óverðtryggt hækkaði um 0,2% í 5,5 milljarða viðskiptum.

FME sektar Teymi um 7,5 milljónir

Fjármálaeftirlitið (FME) hefur sektað eignarhaldsfélagið Teymi um 7,5 milljónir króna fyrir að gera ekki opinberar verðmyndandi upplýsingar í apríl á síðasta ári, er vörðuðu niðurfærslu á verðmæti farsímakerfis í eigu félagsins.

Mikil eftirpurn eftir löngum bréfum jákvætt fyrir ríkissjóð

Mikil eftirspurn eftir löngum ríkisbréfum í útboði s.l. föstudag hlýtur að teljast afar jákvæð fyrir ríkissjóð m.v. þá áherslu að lengja í endurgreiðsluferli skulda hans. Jafnframt telur greining Íslandsbanka að niðurstaðan sé afar góð fyrir skuldabréfamarkaðinn.

Innleiðing INET tókst vel á öllum mörkuðum

NASDAQ OMX Group tilkynnir að innleiðing viðskiptakerfisins INET tókst vel í dag á öllum mörkuðum á Norðurlöndunum (Kaupmannahöfn, Helsinki, Íslandi og Stokkhólmi) og í Eystrasaltsríkjunum (Riga, Tallinn og Vilnius).

Actavis skapar yfir 50 ný störf í Hafnarfirði

Actavis hefur ákveðið að stækka lyfjaverksmiðju sína í Hafnarfirði. Í kjölfarið verða til meira en 50 ný störf hjá fyrirtækinu og framleiðslugetan á Íslandi eykst um 50%. Framkvæmdir hefjast fljótlega og er áætlað að framleiðsla í nýja hlutanum fari af stað um næstu áramót.

HS Orka hagnaðist um 6,8 milljarða í fyrra

Hagnaður HS Orku á síðasta ári nam 6,8 milljörðum kr. samanborið við tap að upphæð 11,7 milljörðum kr. á árinu 2008. Þegar tekið hefur verið tillit til tekna og gjalda færðra á eigið fé er afkoman í heild jákvæð um um 8,15 milljarða kr. samanborið við tap að upphæð 4,7 milljarða kr. árið áður.

Færeyjabanki eignast hluta af útibúaneti Sparbank

Færeyjabanki hefur eignast hluta af útibúaneti danska bankans Sparbank. Útibúin sem hér um ræðir eru staðsett á Jótlandi, Fjóni og Grænlandi. Alls er um 12 útibú að ræða með 30.000 viðskiptavinum. Innistæður nema 3,6 milljörðum danskra kr. og útistandandi lán 3,9 milljörðum kr.

Saxbygg gerði verðmat á eigin eignum

Fyrri eigendur Saxbygg seldu erlendar eignir félagsins fyrir brot af bókfærðu verðmæti þeirra til þriggja fyrirtækja í þeirra eigin eigu eftir að halla tók undan fæti í rekstri félagsins vorið 2008 og ljóst var að stefndi í milljarðatap. Í mars sama ár höfðu lánardrottnar barið á dyrnar og kallað eftir traustari veðum.

Stofnuðu félag til þess að fjárfesta í kvikmyndagerð

Framkvæmdarstjóri í Seðlabankanum stofnaði félag ásamt Steingrími Wernerssyni sem hefur það að markmiði að fjárfesta í kvikmyndagerð. Félagarnir hafa sett milljónir í framleiðslu á heimildamynd sem ber heitið, Feigðarflan.

Meðallaun starfsmanna Glitnis tæpar fimmtán milljónir

Meðallaunagreiðslur til hvers starfsmanns Glitnis eru um 14,6 milljónir samkvæmt uppgjöri bankans fyrstu ellefu mánuðina árið 2009 sem hefur verið birt kröfuhöfum. Þetta kemur fram á vef Viðskiptablaðsins.

Íslenskt hugvit í norskum rútum

Íslenska flotastýringakerfið SAGA-system hefur selt búnað sinn í tæplega eitt hundrað strætisvagna í Noregi sem eru í eigu rútufyrirtækisins Tide Buss.

Fagfjárfestar verða mótvægi

Svo kann að fara að fagfjárfestum, svo sem lífeyrissjóðum, verði boðið að kaupa stóran hlut Arion banka í Högum í lokuðu útboði fyrir skráningu félagsins á markað seinni hluta árs og þeir verði mótvægi við aðra hluthafa félagsins sem fá að kaupa í opnu útboði. Finnur Sveinbjörnsson, bankastjóri Arion banka, segir þetta á meðal þeirra hugmynda sem unnið sé með í samráði við erlendan ráðgjafa í útfærslu á útboðsferlinu.

Gengi bréfa Century Aluminum féll um 7,77 prósent

Gengi hlutabréfa í Century Aluminum, móðurfélagi Norðuráls, féll um 7,77 prósent í Kauphöllinni í dag. Gengi bréfa Marels féll um 3,79 prósent og Össurar um 3,05 prósent á sama tíma.

Segir umhverfisráðherra standa gegn endurreisninni

Viðskiptaráð Íslands gagnrýnir harðlega ákvörðun Svandísar Svavarsdóttur umhverfisráðherra varðandi Þjórsárvirkjanirþ Telur ráðið að umhverfisráðherra sé með þessu að standa með beinum hætti gegn endurreisn hagkerfisins.

Nordea ráðleggur fjárfestum að selja Össurhluti

Greining Nordea bankans hefur breytt meðmælum sínum um Össur hf. úr „halda" og yfir í „selja". Þetta kemur í kjölfar mikilla hækkana á hlutum í Össurri í kauphöllinni í Kaupmannahöfn. Þær hækkanir má svo aftur rekja til góðs uppgjörs félagsins fyrir síðasta ár.

Þrjá mánuði að skrá Haga í Kauphöll

Það tekur að lágmarki þrjá mánuði að skrá Haga í Kauphöllina eftir að slík beiðni er lögð þar inn, að sögn forstjóra Kauphallarinnar. Óvíst er hvað Arion banki þarf að afskrifa mikið vegna 1998 ehf., fyrrum eiganda Haga, en það gætu orðið fjörutíu milljarðar króna.

Raungengi krónunnar hækkaði

Raungengi íslensku krónunnar nú í janúar hækkaði þriðja mánuðinn í röð frá fyrri mánuði, og nam hækkunin um 0,7% á mælikvarða hlutfallslegs verðlags. Hækkunin skrifast einkum á styrkingu krónu milli mánaða enda lækkaði vísitala neysluverðs um 0,3% hér á landi í janúar.

Útflutningur á óunnum ísfiski hefur minnkað töluvert

Samkvæmt bráðabirgðatölum Fiskistofu hefur útflutningur á óunnum ísfiski bæði minnkað að magni til og einnig sem hlutfall af heildarafla. Samanburðurinn tekur til tímabilanna september 2009 til janúar 2010 og september 2008 til janúar 2009. Verulegur breytileiki er þó eftir tegundum.

Ingibjörg Sólrún Gísladóttir tapaði milljón á Spron

Ingibjörg Sólrún á stofnbréf að nafnvirði 255 þúsund krónur í Spron. Eftir því sem Vísir kemst næst var algengt að bréfin væru seld á genginu 4-7 í svokölluðum glugga þegar bréfin voru sett á markað árið 2007. Því má segja að Ingibjörg hafi tapað milljón á bréfunum.

Reikna með umtalsverðum afgangi á vöruskiptum í ár

Reikna má með því að afgangur verði umtalsverður af vöruskiptum við útlönd í ár. Innflutningur mun verða með minnsta móti fram eftir ári vegna áframhaldandi samdráttar í einkaneyslu og fjárfestingu, a.m.k. ef miðað er við síðasta ár.

Norðmenn skoða skipti á Icesave skuld fyrir norskt lán

Sigbjørn Johnsen fjármálaráðherra Noregs er ekki fráhverfur þeirri hugmynd að Norðmenn borgi út Icesave skuld Íslendinga og láni síðan upphæðina til Íslands á mun lægri vöxtum en í boði eru á Icesave skuldinni.

Bankarnir eignast rúmlega 95% í Atorku

Nýi Landsbankinn (NBI), Íslandsbanki, Arion Banki og Glitnir hafa eignast 95,5% í Atorku. Þetta er niðurstaðan eftir hluthafafund í félaginu í gærdag.

Býst við fleiri fyrirtækjum

„Það er fagnaðarefni að þessi ákvörðun hafi verið tekin. Þetta getur orðið mjög mikilvægt skref að endurvekja hlutabréfamarkað hér,“ segir Þórður Friðjónsson, forstjóri Kauphallarinnar um fyrirætlanir þess efnis að skrá Haga í Kauphöllina.

Marel tapaði 11,8 milljónum evra - skuldir lækkuðu

Tekjur af kjarnastarfsemi Marels árið 2009 námu 434,8 milljónum evra og jukust jafnt og þétt á árinu. Rekstrarhagnaður (EBIT) af kjarnastarfsemi var 24,8 milljónir evra, sem er 5,7% af veltu. Heildartekjur ársins 2009 námu 531,7 milljónum evra, samanborið við 540,1 milljón evra árið 2008. Tap eftir skatta var 11,8 milljónir evra samanborið við 8,4 milljóna evra árið áður. Skuldir hafa hinsvegar lækkað á sama tíma.

Sjá næstu 50 fréttir

Mest lesið