Fleiri fréttir

Eignarhald banka ógn við samkeppni

Bitur reynsla sýnir að bankar taka eingöngu ákvarðanir sem stuðla að hámarkshagnaði hverju sinni, án tillits til afleiðinga. Bönkunum er því ekki treystandi til að gæta að samkeppnismarkmiðum.

Pálmi Haralds: Milljarðurinn var „fjárfestingarsamningur“

Pálmi Haraldsson, kenndur við Fons, hefur sent frá sér tilkynningu vegna frétta þess efnis að skiptastjóri þrotabús Fons vilji láta rifta alls ellefu samningum upp á samtals níu milljarða króna. Á meðal samninga sem skiptastjórinn vill rifta eru greiðslur upp á samtals einn milljarð króna sem lagður var inn á persónulegan reikning Jóns Ásgeirs Jóhannessonar.

Milljarður frá Fons til Jóns Ásgeirs

Á meðal þeirra samninga sem skiptastjóri í þrotabúi Fons, eignarhaldsfélags Pálma Haraldssonar, vill rifta er greiðsla upp á einn milljarð króna sem greiddur var inn á reikning Jóns Ásgeirs Jóhannessonar sem gjöf eða lán. Þetta kom fram í kvöldfréttum Ríkisútvarpsins.

Skiptastjóri Fons vill rifta ellefu samningum

Óskar Sigurðsson, skiptastjóri þrotabús Fons, eignarhaldsfélags Pálma Haraldssonar, vill rifta allls 11 samningum um lán og arðgreiðslur út úr félaginu síðustu tvö árin fyrir bankahrun. Um er að ræða samninga og greiðslur upp á samtals níu milljarða króna. Þetta kom fram á fundi með kröfuhöfum Fons í dag.

Óvíst um farbann yfir Lýði og Ágústi

Sérstökum saksóknara hefur orðið ágengt í rannsókn sinni á málefnum Existu í dag, en yfirheyrslur standa enn yfir. Ólafur Þór Hauksson, sérstakur saksóknari, vill ekki tjá sig um hvort að bræðurnir Lýður og Ágúst, sem eiga heimili í Bretlandi, hafi verið úrskurðaðir í farbann, en þeir eru báðir búsettir í Bretlandi og eiga þar lögheimili.

FME kemur á framfæri upplýsingum um Sjóvá

Fjárfestingar Sjóvár Almennra trygginga hf. og lánveitingar hafa verið til ítarlegrar umfjöllunar í fjölmiðlum að undanförnu. Vegna rannsóknarhagsmuna og þagnarskyldu getur Fjármálaeftirlitið (FME) ekki tekið afstöðu til hennar en vill þó koma eftirfarandi upplýsingum á framfæri.

Fræ ársins veitt í fyrsta sinn

Hugmyndir Ingólfs Harðarsonar, flugvirkja og rafeindavirkja, og Jóhannesar Loftssonar, efnaverkfræðings og byggingaverkfræðings, eru Fræ ársins 2010. Ari Kristinn Jónsson, rektor Háskólans í Reykjavík og formaður dómnefndar, tilkynnti um verðlaunin við hátíðlega athöfn í HR í dag og Þóranna Jónsdóttir, framkvæmdastjóri hjá Auði Capital, afhenti verðlaunin.

Fjárlagahallinn hærri en Icesave

Fjárlagahalli ríkissjóðs árin 2009-2012 er áætlaður 350 milljarðar króna, sem er 50 milljörðum króna hærra en áætlað er að íslenska ríkið þurfi að taka á sig vegna Icesave. Opinber útgjöld á Íslandi eru nú þau hæstu meðal OECD-ríkja.

Segir höfnun Icesave draga úr líkum á greiðslufalli

Greinandi hjá fjármálaþjónustunni Gerson Lehrman Group segir að fari svo að Icesave frumvarpinu verði hafnað í komandi þjóðaratkvæðagreiðslu muni það draga úr líkum á greiðslufalli hjá ríkissjóði.

Már: Ákvörðun forsetans dró úr vaxtalækkun

Már Guðmundsson seðlabankanstjóri segir að ákvörðun forseta Íslands um að vísa Icesavemálinu til þjóðaratkvæðagreiðslu hafi dregið úr umfangi vaxtalækkunarinnar núna. „Þetta er augljóst," segir seðlabankastjóri.

Efnahagsbata á Íslandi seinkar um einn ársfjórðung

Efnahagsbatanum seinkar um einn ársfjórðung frá síðustu spá Seðlabankans. Árstíðarleiðréttur ársfjórðungslegur hagvöxtur verður jákvæður á öðrum fjórðungi þessa árs. Gert er ráð fyrir meiri samdrætti landsframleiðslu í ár en í síðustu Peningamálum, eða 3,4% í stað 2,4%.

Stöðugt gengi og minni verðbólga á bak við vaxtalækkun

Stöðugt gengi og minnkandi verðbólga er ástæðan fyrir stýrivaxtalækkun peningastefnunefndar Seðlabankans. Þetta kemur fram í yfirlýsingu nefndarinnar sem Már Guðmundsson seðlabankastjóri las upp á blaðamannafundi í Seðlabankanum sem nú stendur yfir.

IMC á Íslandi semur við Huawei um farsímakerfi

IMC Ísland ehf hefur undirritað samning við Huawei einn af leiðandi framleiðendum í heiminum á fjarskiptabúnaði, um kaup á annarar kynslóðar GPRS/EDGE farsímakerfi. Um er að ræða afar fullkominn og afkastamikinn búnað sem hægt er að uppfæra þannig að hann getur þjónustað alla íslenska farsímanotendur og gott betur.

Skuldabréf Landabankans halda áfram að hækka

Skuldabréf Landsbankans halda áfram að hækka og eru í dag skráð á 7% af nafnverði á viðskiptavefnum Keldan.is. Í gærdag var gengi þeirra hinsvegar skráð á 6,5% af nafnverði.

Bloomberg: Vaxtalækkun Seðlabankans kom á óvart

Erlendir fjölmiðlar voru snöggir að taka við sér og birta ákvörðun peningastefnunefndar Seðlabankans um lækkun stýrivaxta upp á 0,5 prósentustig. Börsen vitnar í Bloomberg þar sem segir að þessi lækkun hafi komið á óvart.

Sáu bankann sem sparibauk

„Þetta var mokstur úr bankanum og sukk,“ segir Vilhjálmur Bjarnason, lektor við hagfræðideild Háskóla Íslands og fyrrverandi hluthafi í Glitni. Hann fékk á mánudag afhent gögn frá skilanefnd bankans um lánveitingar til eignarhaldsfélagsins Fons samkvæmt úrskurði Hæstaréttar.

Las ekki samninga en gaf út bók um stjórnun Sjóvár

Þór Sigfússon, fyrrverandi forstjóri Sjóvár, sem hefur nú stöðu sakbornings í rannsókn embættis sérstaks saksóknara á málefnum tryggingafélagsins, gaf út bókina „Betrun – Hvernig bæta má stjórnun með því að læra af mistökum,“ haustið 2008.

Bankinn afskrifar rúman milljarð

Landsbankinn afskrifar rúman milljarð króna þegar Grund kaupir af bankanum 78 þjónustuíbúðir fyrir aldraða á svæðinu austan við Skeifuna síðar í vikunni. Eftir því sem næst verður komist hafa þessar íbúðir - sem metnar voru á tæpa þrjá milljarða fyrir rösku ári - aldrei verið auglýstar opinberlega.

Segir verðbólgulækkun því miður vera gálgafrest

Áhugaverðasta spurningin nú er sú hvort verðbólgan hafi misst móðinn eða hvort henni hafi bara seinkað aðeins. Því miður eru vísbendingar um að hin lága verðbólga í janúar sé að einhverju leyti gálgafrestur.

Greining Arion banka spáir 75-100 punkta vaxtalækkun

Greining Arion banka spáir nokkuð myndarlegri stýrivaxtalækkun hjá peningastefnunefnd Seðlabankans á morgun eða 75 til 100 punktum. Færu vextirnir því niður í 9% til 9,25% samkvæmt spánni.

Fons fékk 7,2 milljarða rétt fyrir hrun

Glitnir gerði lánasamninga við Fons upp á samtals 7,2 milljarða króna rétt fyrir hrun bankans. Þetta kemur fram í gögnum sem skilanefnd Glitnis hefur afhent Vilhjálmi Bjarnasyni. Vilhjálmur segir þetta sýna að stjórnendur bankans hafi verið að ausa peningum út í tóma vitleysu á sama tíma og þeir þóttust vera að reyna að bjarga honum.

Japanskur banki vill upplýsingar um afdrif 50 milljón dollara láns

Héraðsdómur Reykjavíkur úrskurðaði að japanski bankinn, The Bank of Tokyo-Mitsubishi, fengi aðgang að sjö gögnum hjá gamla Kaupþingi og Arion Banka til þess að kanna hver urðu afdrif 50 milljón dollara gjaldmiðlaláns sem bankinn lánaði Kaupþingi 39 mínútum áður en skilanefnd tók bankann yfir haustið 2008.

Verðbólgumæling hleypir fjöri í skuldabréfamarkað

Mikið fjör hefur verið á skuldabréfamarkaði það sem af er degi í kjölfar birtingar á vísitölu neysluverðs fyrir janúar. Hefur velta verið með mesta móti, en hún nemur 5,3 milljörðum kr. í ríkisbréfum og 5,5 milljörðum kr. í íbúðabréfum þegar þetta er ritað (kl. 11:00).

Greining reiknar með stýrivaxtalækkun

Lækkun vísitölu neysluverðs nú eykur líkur á því að stýrivextir Seðlabankans verði lækkaðir á morgun. Peningastefnunefnd bankans fundar nú í dag og mun tilkynna á morgun um ákvörðun sína.

Aðeins dregur úr svartsýni neytenda

Svartsýni íslenskra neytenda minnkaði lítillega á milli desember í fyrra og janúar í ár. Væntingavísitala Gallup sem birt var í morgun hækkaði um 3,1 stig á milli þessara tveggja mánaða og stendur nú í 37,1 stigum en fleiri svarendur eru neikvæðir en jákvæðir á stöðu og horfur í efnahagslífinu þegar vísitalan mælist undir 100 stigum.

Gjaldeyrishöftin losna jafnvel ekki fyrr en krónan hverfur

„Þarf því að horfast í augu við þann möguleika að krónan losni ekki úr viðjum haftanna í fyrirsjáanlegri framtíð og jafnvel að þau heyri ekki sögunni til fyrr en krónan hefur verið gefin upp á bátinn sem gjaldmiðill Íslendinga."

SA tekur undir með Samkeppniseftirlitinu

Samtök atvinnulífsins (SA) taka undir þá skoðun Samkeppniseftirlitsins að einungis eigi að koma til aðstoðar fyrirtækjum sem eigi sér eðlilegar rekstrarlegar forsendur og forðast beri að endurreisa eða halda gangandi óhagkvæmum fyrirtækjum.

Lækkun verðbólgu langt umfram spár

Lækkun ársverðbólgunnar niður í 6,6% eru ánægjuleg tíðindi en þessi lækkun var langt umfram spár sérfræðinga og greiningardeilda. Þeir höfðu raunar reiknað með því að verðbólgan myndi hækka úr 7,5% í síðasta mánuði og upp í um 8% núna.

Ársverðbólgan lækkar niður í 6,6%

Síðastliðna tólf mánuði hefur vísitala neysluverðs, það er ársverðbólgan, hækkað um 6,6% en vísitala neysluverðs án húsnæðis um 10,9%. Í desember mældist ársverðbólgan 7,5%. Undanfarna þrjá mánuði hefur vísitala neysluverðs hækkað um 0,9% sem jafngildir 3,7% verðbólgu á ári (6,7% fyrir vísitöluna án húsnæðis).

Milljarðalán til tónlistarhúss afskrifuð

Austurhöfn-TR, sem er í um helmingseigu ríkis og Reykjavíkurborgar, keypti átta milljarða króna kröfu gamla Landsbankans á Portus vegna tónlistar- og ráðstefnuhússins Hörpu í Reykjavík í fyrra með nýjum lánum og veði í þremur byggingareitum á sömu lóð og tónlistarhúsið stendur. Ekkert hefur verið gefið upp um kaupverð og er hún sveipuð bankaleynd, að sögn Stefáns Hermannssonar, framkvæmdastjóra Austurhafnar.

Vill skilyrði um arðsemi og gegnsæi

Niðurstaða áfrýjunarnefndar um samkeppnismál vegna samruna Teymis og Vestia setur skýr fordæmi um hvernig samkeppnisyfirvöld eiga að taka á eignarhaldi bankanna á fyrirtækjum á samkeppnismarkaði, segir Sævar Freyr Þráinsson, forstjóri Símans.

Varnarmálastofnun stefnir á að skila afgangi

Varnarmálastofnun áætlar að skila um 120 milljón krónum í rekstrarafgang af fjárheimildum ársins 2009, en sú niðurstaða hefur fengist með verulegu aðhaldi í rekstri stofnunarinnar, að því er segir í tilkynningu frá stofnuninni.

Laun fyrir stjórnarsetu dragast frá skilanefndarlaunum

Launin sem Árni Tómasson, formaður skilanefndar Glitnis, og nú stjórnarmaður Íslandsbanka, þiggur fyrir stjórnarsetu bankans, munu dragast frá launum hans hjá skilanefndinni. Þetta staðfesti hann í samtali við fréttastofu í dag.

Sjá næstu 50 fréttir

Mest lesið