Mannabreytingar hjá skilanefnd Glitnis

Ágúst Hrafnkelsson hefur óskað eftir því við forstjóra Fjármálaeftirlitsins að vera leystur frá störfum í skilanefnd Glitnis banka hf.

Icelandair fækkar framkvæmdastjórum

Framkvæmdastjórum hjá Icelandair verður fækkað úr sex í þrjá, og hagræðingar gerðar á yfirstjórn.

Exista í mál við breska ríkið - Viðurkennir mistök í fjárfestingum

Exista ætlar í mál við breska ríkið vegna falls Kaupþings. Jafnframt mun Exista veita hluthöfum sínum lögfræðiaðstoð við slík málaferli. Þá viðurkennir stjórn Exista mistök á undanförnum árum í fjárfestingum sínum.

Fjárfestar vilja fá bónusana endurgreidda

Samtök breskra fjárfesta berjast nú fyrir því að settar verði klausur í samninga yfirstjórnenda sem gera þeim skylt að endurgreiða bónusa standi þeir sig ekki sem skyldi. Þetta segja samtökin gert til að hætta að verðlauna mistök.

Actavis stígur fyrstu skrefin inn á Kóreumarkað

Actavis skrifaði í vikunni undir samning við kóreska lyfjafyrirtækið J&M Pharma um dreifingu á lyfjum Actavis í Suður-Kóreu. Þetta eru fyrstu skref Actavis inn á þarlendan lyfjamarkað, en lyf Actavis eru þegar seld í mörgum löndum Asíu og Eyjaálfu, þar á meðal í Singapúr, Hong Kong, Kína, Ástralíu, Indónesíu, Taívan, Malasíu og Víetnam.

Exxon Mobile með mesta hagnað í sögunni

Bandaríski olíurisinn Exxon Mobile hagnaðist um tæplega 15 milljarða dollara eða um 1.700 milljarða kr. á þriðja ársfjórðungi ársins. Er þetta mesti hagnaður hjá skráðu félagi á einum ársfjórðungi í sögunni.

Atvinnuleysi minnkar í Þýskalandi og Danmörku

Þrátt fyrir lausafjárkreppuna minnkaði atvinnuleysi í Þýskalandi í október. Atvinnuleysi mælist nú 7.6% í Þýskalandi og fjöldi atvinnulausra er nú undir 3 milljónum í fyrsta skipti í 16 ár.

Candy-bræðurnir að tapa Lotus-verkinu í Beverly Hills

Candy-bræðurnir bresku og Richard Caring eru nú að tapa Lotus-verkefni sínu í Beverly Hills verkið samanstendur af 200 lúxusíbúðum auk verslana og veitingahúsa. Credit Suisse hefur gjaldfellt 350 milljón dollara lán til Lotus en Kaupþing átti að greiða 60% af láninu.

Samskip ekki á leið úr landi

Ekki er verið að flytja til neina starfsemi Samskipa á Íslandi og höfuðstöðvar Samskipa hf. eru og verða áfram hér á landi. Þetta kemur fram í tilkynningu frá félaginu í framhaldi af fréttum í morgun þar sem talað var um að Samskip hefðu flutt höfuðstöðvar sínar til Rotterdam í Hollandi. Félagið ákvað þó að fækka skipum hér á landi úr fjórum í þrjú og í kjölfarið fækkaði starfsfólki.

Bandaríkjamenn boða frekari stýrivaxtalækkun

Ben Bernanke, seðlabankastjóri Bandaríkjanna, er tilbúinn til að boða frekari lækkun stýrivaxta á næstunni dugi fyrri aðgerðir ekki til að snúa efnahagslífinu til betri vegar.

Segir fimbulvetur framundan í byggingariðnaðinum

Fjármálakreppan virðist ætla að leggjast sérstaklega þungt á byggingariðnaðinn. Fréttir af fjöldauppsögnum úr þeim geira hagkerfisins berast nú nánast daglega. Greining Glitnis fjallar um málið og segir fimbulvetur framundan í byggingariðnaðinum.

Rússar munu líklega hafna lánveitingu til Íslands

Rússar munu að öllum líkindum ekki veita Íslandi lán eins og rætt hefur verið um. Þetta kemur fram í blaðinu Rossiskaija Gazeta sem ræddi við Dimitri Pankin aðstoðarfjármálaráðherra Rússlands um málið.

House of Fraiser skilaði 14 milljarða kr, hagnaði í fyrra

House of Fraiser skilaði 14 milljarða kr. hagnaði á fyrsta heila árinu undir stjórn nýrra eigenda sinna, Highland Group Holdings. Því ári lauk í lok janúar í ár. Baugur er sem kunnugt er meðal eiganda Highland Group.

Icelandair svífur eitt í Kauphöllinni

Gengi hlutabréfa í Icelandair Group hækkaði um 0,37 prósent í Kauphöllinni í morgun. Fjögur viðskipti voru með hlutabréf fyrsta stundarfjórðunginn fyrir 328.527 krónur.

Skiptastjórar þrotabús Sterling reyna að leigja út 26 flugvélar

Skiptastjórar þrotabús Sterling reyna nú að leigja út 26 flugvélar félagsins til að bjarga því sem bjargað verður úr þrotabúinu. Sterling var með vélarnar á leigu frá 11 bandarískum, evrópskum og japönskum leigufélögum.

Bakkavör tapaði 3,8 milljörðum á síðasta fjórðungi

Bakkavör tapaði 19,5 milljónum punda, jafnvirði tæpra 3,8 milljarða króna, á þriðja ársfjórðungi, samanborið við 11,3 milljóna punda hagnað á sama tíma í fyrra. Þetta er 273 prósenta samdráttur á milli ára.

Jákvæð opnun á mörkuðum Evrópu í morgun

Markaðir í Evrópu opnuðu víðast hvar á jákvæðum nótum í morgun. Einn best varð opnunin í Kaupmannahöfn þar sem C20-vísitalan hækkaði um tæp 4% í fyrstu viðskiptum dagsins.

Skilanefnd Landsbankans lýsir eftir kröfuhöfum í þrotabúið

Skilanefnd Landsbankans hefur ákveðið að lýsa eftir erlendum kröfuhöfum í þrotabú gamla Landsbankans.

Veðja um það hver kaupi flugflota Sterling

Norræn veðbanki hefur tekið upp á því að bjóða upp á veðmál um það hver muni kaupa flugflota hins gjaldþrota Sterling-flugfélags, alls 26 vélar.

Shell skilar 1.300 milljarða kr. hagnaði á þriðja ársfjórðungi

Hollenska olíufélagið Shell skilaði 10,9 milljarða dollara hagnaði, eða um 1.300 milljörðum kr. á þriðja ársfjórðungi ársins. Stafar hagnaðurinn einkum af hinu háa heimsmarkaðsverði á olíu seinnipart sumars.

Sigurjón Sighvatsson rekur forstjóra Scanbox í Danmörku

Sigurjón Sighvatsson er búinn að reka forstjóra kvikmyndadreifingarfyrirtækisins Scanbox í Danmörku. Forstjórinn, hinn 54 ára gamli Karl Åge Jensen, hefur verið viðloðandi hjá Scanbox síðan að fyrirtækið var stofnað fyrir 29 árum síðan.

Metur FIH-bankann á 40 milljarða og tap SÍ er því 35 milljarðar kr.

JPMorgan metur verðmæti FIH-bankans á 2 milljarða danskra króna eða rúmlega 40 milljarða króna. Þetta kemur fram á börsen.dk í dag en JPMorgan hefur verið ráðgefandi við sölumeðferðina á FIH að undanförnu. Samkvæmt þessu mun Seðlabanki Íslands tapa 35 milljörðum króna á veði sínu í FIH.

Norskur fasteignamarkaður - einn íbúi í heilu hverfi

Fjórtán þúsund íbúir eru á söluskrá í Noregi án þess að laða að sér kaupendur. Stjórnandi hjá Nordea-bankanum segir að það komi sér ekki á óvart að fólk sé hrætt við að fjárfesta í fasteign, í því fjárhagslega umróti sem nú ríkir.

Miklar hækkanir í Asíu

Hlutabréf á Asíumörkuðum ruku upp í morgun og nam hækkun suðurkóresku KOSPI-vísitölunnar rúmlega 12 prósentustigum og í Hong Kong hækkuðu bréf um yfir 10 prósentustig.

Fá félög keypt og seld jafn oft og Sterling

Danska flugfélagið Sterling hefur skipt um eigendur fjórum sinnum á þremur árum. Pálmi Haraldsson hefur tvívegis átt það, FL Group einu sinni og Northern Travel Holding, eignarhaldsfélag í eigu Pálma og FL Group, einu sinni. Verðmæti félagsins jókst um sextán milljarða á 20 mánuðum.

Vísitölur hækka og lækka í BNA

Vísitölur ýmist hækkuðu eða lækkuðu í Bandaríkjunum í dag. Vísitölur Dow Jones og Standard & Pours lækkuðu á meðan að Nasdaq vísitalan hækkaði.

Eftirvinna endurskoðuð en ekki gripið til uppsagana í Húsasmiðjunni

Framvegis munu starfsmenn Húsasmiðjunnar ekki vinna lengur en átta tíma vinnudag á virkum dögum. Ekki verður gripið til uppsagna starfsfólks um mánaðamótin og opnunartími verslana verður að svo stöddu óbreyttur.

Stýrivextir lækkaðir í Bandaríkjunum

Seðlabanki Bandaríkjanna tilkynnti fyrir stundu um stýrivaxtalækkun. Lækkunin nemur hálfu prósentustig og eru stýrivextir í landinu nú eitt prósent. Vextirnir hafa ekki verið lægri síðan í júní 2004.

Gengi álfélagsins hækkaði mest í dag

Gengi hlutabréfa í Century Aluminum, móðurfélagi álversins á Grundartanga, hækkaði um 8,51 prósent í Kauphöllinni í dag. Á eftir fylgdi Össur, sem fór upp um 1,17 prósent og Marel, sem hækkaði um 0,14 prósent. Á sama tíma féll gengi bréfa í færeyska bankanum Eik banka um 30,76 prósent í einum viðskiptum upp á 900 danskar krónur.

Porsche setur vogunarsjóði á hausinn með VW fléttu sinni

Sportbílaframleiðandinn Porsche setti marga vogunarsjóði svo gott sem á hausinn með einni stærstu skortsölufléttu sögunnar. Til þessa notaði Porsche eignarhlut sinn í Volkswagen.

Sparisjóðabankinn fær frest í tvær vikur

Gengið hefur verið frá samkomulagi við Sparisjóðabankann vegna veðkrafna Seðlabankans upp á rúma 60 milljarða kr. Fær Sparisjóðabankinn tveggja vikna frest til að leysa málið.

Spáir gjaldþroti 25 flugfélaga fyrir áramót

Sænskur sérfræðingur í rekstri flugfélaga spáir því að 25 flugfélög verði orðin gjaldþrota fyrir áramót.

Norwegian yfirtekur hluta af þrotabúi Sterling

Norska lággjaldaflugfélagið Norwegian mun yfirtaka hluta af þrotabúi Sterlings. Þetta verður tilkynnt á blaðamannafundi á Kastrup nú síðdegis.

Norðmenn lækka stýrivexti í annað sinn í október

Norski seðlabankinn ákvað í dag að lækka stýrivexti sína og er þetta í annað sinn sem vextirnir eru lækkaðir í þessum mánuði. Lækkunin nú nemur hálfu prósentustigi og eru vextirnir því komnir niður í 4,75%.

Pálmi: Ólýsanlega sárt að sjá Sterling verða gjaldþrota

Pálmi Haraldsson, eigandi danska flugfélagsins Sterling, sem lýst var gjaldþrota í morgun, segir það ólýsanlega sárt að horfa á eftir félaginu í gjaldþrot. Hann segist hafa reynt að gera allt til að bjarga flugfélaginu en verið ofurliði borinn vegna orðspors Íslendinga erlendis.

Danskur auðmaður styður íslenska stúdenta í Árósum

Danskur auðmaður hefur ákveðið að styðja íslenska stúdenta við Íþróttaháskólann í Árósum með fjárframlögum. Hann gerir þetta til að koma í vega fyrir að þeir neyðist til að hverfa frá námi vegna fjárhagsörðugleika.

Hlutabréf í SAS hækka mikið eftir að Sterling fór í þrot

Hlutabréf í SAS flugfélaginu hafa hækkað mikið í morgun í kjölfar gjaldþrotsins hjá Sterling. Nam hækkunin á tímabili i morgun rúmlega 21% en Sterling var höfuðkeppinautur SAS í Danmörku.

Kínverjar lækka stýrivexti

Kínverski seðlabankinn lækkaði vexti um 27 punkta í dag til að takast á við þrengingar í efnahagslífinu. Þetta er þriðja vaxtalækkun bankans á einum og hálfum mánuði en vextirnir eru nú í 6,66 prósentum.

Flugvellir og ferðaskrifstofur tapa miklu á gjaldþroti Sterling

Bæði rekstarfélög flugvalla og ferðaskrifstofur munu tapa miklum fjárhæðum á gjaldþroti danska flugfélagsins Sterling. Eftir því sem segir á skandinavíska ferðafréttavefnum takeoff.dk mun Kastrup-flugvöllur missa tíunda hvern farþega sem fer um völlinn og í Billund er hlutfallið 20 prósent.

Sterling seldi flugmiða tæpum klukkutíma fyrir gjaldþrotið

Í ljós hefur komið að Sterling seldi flugmiða allt þar til aðeins klukkutíma áður en félagið tilkynnti um gjaldþrot sitt.

Segir að yfirlýsing um ESB aðild myndi gerbreyta efnahagsstöðunni

Greining Glitnis telur að bara yfirlýsingin ein um að Íslandi ætlaði að sækja um aðild að Evrópusambandinu myndi gerbreyta þeirri efnahagsstöðu sem landið er í nú.

700 Sterling strandaglópar á Gatwick

Um það bil 700 ferðalangar eru nú strandaglópar á Gatwick flugvelli á Englandi í kjölfar gjaldþrots Sterling Airlines. Þetta kemur fram á heimasíðu breska blaðsins Travel Weekly. Þar segir að þúsundir til viðbótar séu fastir víðsvegar um Evrópu en Sterling voru með 27 flugvélar í rekstri og um 40 áfangastaði.

Seðlabanki Sviss dælir peningum inn á markaðinn

Seðlabanki Sviss ákvað í dag að dæla peningum inn á fjármálamarkaði til að mæta mikilli eftirspurn eftir svissneskum frönkum næstu þrjá mánuði. Snarpur samdráttur í vaxtamunarviðskiptum hefur þrýst gengi frankans upp gagnvart evru.

Eksportfinans efast um að Glitnir ætli að endurborga lánin

Gisele Marchand forstjóri Eksportfinans efast um að Glitnir ætli að endurgreiða þeim þá tæpu 7 milljarða kr. í lánum sem bankinn hélt eftir vegna "kerfisvillu".

Bland í poka á mörkuðum Evrópu

Markaðir í Evrópu hafa tekið misvel við sér í morgun eftir mikla veislu á Wall Street í gær. Einna best hefur opnunin verið á Norðurlöndunum, til dæmis hefur úrvalsvísitalan í Ósló hækkað um 5%.