SAS býður ókeypis flug fyrir strandaglópa Sterling

SAS flugfélagið hefur ákveðið að aðstoða þá farþega sem eru strandaglópar víða um heim eftir gjaldþrot Sterling. Býður SAS þeim ókeypis flug til Kaupmannahafnar svo framarlega sem laus sæti eru til staðar í viðkomandi flugvélum.

Upp og niður í Asíu

Hlutabréf á Asíumörkuðum hækkuðu ýmist eða lækkuðu í morgun. Hækkun varð í Tókýó og Ástralíu en hlutabréf lækkuðu í Kóreu og Singapore.

Sterling verður lýst gjaldþrota í dag

Flugfélagið Sterling, sem er í eigu Íslendinganna Pálma Haraldssonar og Jóhannesar Kristinssonar, verður lýst gjaldþrota um leið og siglinga- og verslunarrétturinn í Kaupmannahöfn verður opnaður á eftir.

Stýrivextirnir í höndum Alþjóðagjaldeyrissjóðsins

Seðlabankinn hækkaði stýrivexti á grundvelli samkomulags ríkisstjórnarinnar við Alþjóðagjaldeyris­sjóðinn. Vextirnir hækka um sex prósent. Seðlabankinn lætur ekkert uppi um markmið í gengismálum.

Bankahólfið: Hann er sökudólgurinn!

Bandaríska vikuritið Newsweek fer ekki í grafgötur með það hverjum megi kenna um vandamálin í alþjóðlegu efnahagslífi. Blaðinu dettur heldur ekki í hug að bíða þar til öldurnar hefur lægt og byrja þá að leita sökudólgsins, líkt og íslenskir stjórnmálamenn hafa ítrekað hamrað á síðustu daga.

Sameiningin átti að afstýra algjöru hruni

Geir H. Haarde, forsætisráherra, var kynnt ítarleg áætlun að kvöldi 29. september, um hvernig afstýra mætti kerfisfalli íslenskra banka, með þátttöku ríkisins í sameiningu banka.

Stjórnvöld fá tillögur að gjöf

„Við ætlum að afhenda stjórnvöldum pakka af tillögum með slaufu,“ segir Björk Guðmundsdóttir söngkona. Henni er full alvara

Engar skattaívilnanir vegna hlutabréfakaupa

„Næstum því hver einasta fjölskylda í landinu hefur tapað fjármunum upp á síðkastið,“ segir Skúli Eggert Þórðarson ríkisskattstjóri. Þegar svo sé verði jafnt yfir alla að ganga. Því verði ekki veittar sérstakar ívilnanir vegna taps á hlutabréfakaupum og innlausn á kaupréttarsamningum í fyrirtækjum sem séu farin í þrot.

UT gefinn of lítill gaumur

„Upplýsingatækninni hefur verið gefinn allt of lítill gaumur síðan netbólan sprakk og menn einblínt á önnur tækifæri meðan fjármálageirinn óx,“ segir Halldór Jörgensson, framkvæmdastjóri Microsoft á Íslandi. Hann segir mikil útflutningstækifæri í upplýsingatækni.

Samskip dregur úr flutningum til Íslands

Samskip hefur ákveðið að draga úr flutningum og ferðum sínum til Íslands. Þjónustan mun dragast saman um allt að fjórðung.

Sterling selt á morgun eða hinn

Danska flugfélagið Sterling, sem er í eigu Fons, eignarhaldsfélags Pálma Haraldssonar og Jóhannesar Kristinsssonar, verður selt á næstu tveimur sólarhringum. Þetta segir Michael T. Hansen, markaðsstjóri félagsins, í samtali við samtali við danska vefinn takeoff.dk.

Sjaldséð hækkun á bandarískum hlutabréfamörkuðum

Gengi hlutabréfa rauk upp á bandarískum hlutabréfamarkaði í dag. Fjármálaskýrendur eru ekki á einu máli hvað skýri mikil hlutabréfakaup. Sumir segja fjárfesta vænta þess að bandaríski seðlabankinn lækki stýrivexti um allt að eitt prósentustig á morgun á meðan aðrir telji hlutabréfaverð einfaldlega mjög lágt um þessar mundir eftir snarpa lækkun upp á síðkastið.

Færeyingar ætla að lána okkur 6 milljarða kr.

Færeyingar ætla að veita Íslendingum gjaldeyrislán upp á 300 milljónir danskra króna eða ríflega 6 miljarða kr..

Fjárfestum ekki tilkynnt um breytingar á peningabréfasjóði

Fjárfestum í peningabréfasjóði Landsbankans var ekki tilkynnt um breytingar sem gerðar voru á fjárfestingarstefnu sjóðsins líkt og lög gera ráð fyrir. Breytingar voru gerðar á sjóðnum þann 17.apríl 2008 eftir tilmæli frá Fjármálaeftirlitinu sem varðaði heimild til að taka við innlánum. Fjármálaeftirlitið segir það ekki sitt hlutverk að fylgjast með því hvort sjóðsfélögum sé send tilkynning og bendir á forsvarsmenn sjóðsins.

Marel hækkaði mest í dag

Gengi hlutabréfa í Marel Food Systems hækkaði um 1,29 prósent í Kauphöllinni í dag. Á eftir fylgdi Century Aluminum, sem hækkaði um 1,22 prósent og Össur, sem hækkaði um 0,95 prósent.

Gengisfall sænsku krónunnar rýrir Nóbelsverðlaunin

Töluvert gengisfall sænsku krónunnar að undanförnu hefur það í för með sér að Nóbelsverðlaunin hafa rýrnað.

Ísland yfir Tyrkland í stýrivöxtum

Seðlabanki Íslands er nú með hæstu stýrivexti á lista fjármálasíðunnar fxstreet.com, sem heldur til haga stýrivöxtum í 23 stærri hagkerfum.

Fiskkaupmenn í Hull og Grimsby geta það sem SÍ getur ekki

Fiskkaupmenn i Hull og Grimsby geta það sem Seðlabanki Íslands getur ekki. Komið á gjaldeyrismiðlun milli Bretlands og Íslands.

Örtröð á lokaútsölum Merlin í Danmörku

Mikil örtröð og langar biðraðir mynduðust við verslanir Merlin i Danmörku í dag þegar hinn nýji eigandi Merlin hélt lokaútsölu í þeim. Enda hægt að gera góð kaup þar sem allt var selt með 25-50% afslætti.

Veisla á mörkuðum á Wall Street og í Evrópu

Sannkölluð veisla er í gangi í kauphöllum á Wall Street þessa stundina eftir miklar hækkanir á mörkuðum í Evrópu í dag.

Ný tækifæri með tilkomu tölvuskýja

Microsoft svipti í gær hulunni af Windows Azure, netstýrikerfi sem verður grunnurinn að aukinni áherslu fyrirtækisins á veflausnir. Slíkar lausnir byggja á því sem kallað er „cloud computing“, sem þýða má sem „tölvuský“.

Sparisjóðabankinn fær að öllum líkindum frest hjá Seðlabankanum

Sparisjóðabankinn, áður Icebank, fær að öllum líkindum frest frá Seðlabankanum til að setja fram rúmlega 60 milljarða kr. í auknum veðum til Seðlabankans. Lokadagur til að setja fram veðin er á morgun, miðvikudag.

Borgin átti rúma fjóra milljarða í peningamarkaðssjóðum

Reykjavíkurborg átti 4,1 milljarð í peningamarkaðssjóðum Landsbankans, en óskað var eftir að þeir fjármunir yrðu dregnir úr sjóðunum vikuna áður en þeir lokuðust og festir í ríkistengd bréf.

Norðurlöndin undirrita skattasamning við Jersey og Guernsey

Fjármálaráðherrar Norðurlandanna hafa undirritað samning við eyríkin Jersey og Guernsey um varnir gegn skattaflótta. Áður hafa ráðherrar landanna undirritað svipaðan samning við eyjuna Mön.

Nýir eigendur Sterling kynntir á fimmtudag

Sterling flugfélagið hefur nú fengið tvö bindandi kauptilboð og reiknað er með að nýir eigendur þess verði kynntir á fimmtudag. Hugsanlegt er að gengið verði frá kaupunum þegar síðdegis á morgun.

Landsbankinn greiðir út úr peningamarkaðssjóðum

Landsbankinn hefur ákveðið að slíta peningamarkaðssjóðum sínum og greiða inn á innlánsreikninga viðkomandi einstaklinga. Uppgreiðsluhlutfallið er mismunandi eftir mynt en flestir áttu Peningabréf í íslenskum krónum. Þeir fá 68,8 prósent af bréfum sínum greidd.

Telur ekki útilokað að stýrivextir hækki frekar á næstunni

Greining Glitnis telur ekki útilokað að stýrivextir Seðlabankans verði hækkaðir frekar á næstu vikum. Meginatriðið í því er hvernig muni ganga að fleyta krónunni.

850 bankastarfsmenn hafa misst vinnuna á árinu

Vísir sagði frá því á föstudaginn að um hundrað manns hefði verið sagt upp hjá Kaupþing. Sú tala hefur nú hækkað. Í heildina var 160 fastráðnum starfsmönnum Kaupþings sagt upp auk 35 starfsmanna sem starfa í söluveri á kvöldin og hafa verið á tímakaupi.

Væntingavísitala Gallup hefur aldrei verið lægri

Væntingavísitala Gallup í október var birt í morgun, og er vísitalan nú sú lægsta frá því farið var að mæla hana í mars 2001. Mælist vísitalan nú 58,9 stig, sem er 17 stiga lækkun frá síðasta mánuði.

Stýrivaxtahækkunin er dæmd til að mistakast í ljósi sögunnar

Stýrivaxtahækkun Seðlabanka Íslands er dæmd til að mistakast í ljósi sögunnar. Þetta ætti Alþjóðagjaldeyrissjóðnum (IMF) að vera vel kunnugt eftir að sjóðurinn reyndi sömu aðferð í Asíu árin 1997-98 með hörmulegri niðurstöðu.

Segir að stýrivaxtahækkunin hljóta að vera gerð að kröfu IMF

Carl Hammer gjaldmiðlasérfræðingur SEB bankans segir að hin óvænta stýrivaxtahækkun Seðlabankans hljóti að vera gerð að kröfu Alþjóðagjaldeyrissjóðsins (IMF).

Sjóðir IMF gætu tæmst

Eftir að hagkerfi um heim allan hafa seilst í djúpa vasa Alþjóðagjaldeyrissjóðsins gæti svo farið að þeir tæmdust, að mati viðmælanda Daily Telegraph.

Atorka hækkar mest í Kauphöllinni á rólegum degi

Gengi hlutabréfa í Atorku hækkaði um 4,55 prósent í Kauphöllinni á fyrsta stundarfjórðungi dagsins. Þá fór gengi bréfa í stoðtækjafyrirtækinu Össuri upp um 1,07 prósent og í Eimskipafélaginu um 0,76 prósent. Sex viðskipti hafa átt sér stað upp á rétt rúma 1,3 milljónir króna.

Nomura tapar 50 milljörðum kr. á íslenskum skuldabréfum

Stærsta verðbréfamiðlun Japans, Nomura Holdings, reiknar með að tapa allt að 425 milljónum dollara eða um 50 milljörðum kr. á skuldabréfum sem íslensku bankarnir hafa gefið út.

Hagnaður BP 1.100 milljarðar á þriðja ársfjórðungi

Hagnaður breska olíufélagsins BP nam rúmlega 1.100 milljörðum kr, á þriðja ársfjórðungi eða 10 milljörðum dollara. Þetta er 148% aukning frá sama tímabili í fyrra og skýrist af mjög háu olíuverði seinnipart sumars.

Japanir tapa á Samúræjabréfum Kaupþings

Japanska fjárfestingabankinn Nomura Holdings, tapaði 40 milljörðum jena, jafnvirði 52 milljarða króna, á svokölluðum samúræjabréfum á síðasta ársfjórðungi. Bréfin eru skuldabréf sem bankinn keypti af Kaupþingi á síðastliðnum tveimur árum.

Seðlabankinn virðist vera að tapa gríðarlega á FIH-bankanum

Seðlabanki Íslands virðist vera að tapa gríðarlegum fjárhæðum vegna veðs sem bankinn á í FIH-bankanum í Danmörku. FIH er til sölu og mun JPMorgan veita aðstoð í söluferlinu.

Engin loforð um bein lán en lánalínur auknar á Norðurlöndunum

Geir Haarde forsætisráðherra fékk engin loforð um bein lán eða fé frá hinum forsætisráðherrum Norðurlandanna á fundi þeirra í gærdag. Hinsvegar er ætlun hinna Norðurlandanna að auka við þær lánalínur sem Seðlabanki Íslands hefur þegar til seðlabanka Norðrulanda.

Össur skilar mjög góðu uppgjöri

Hagnaður stoðtækjaframleiðandans Össurar hf. nam tæpum fjórtán milljónum dollara, eða rúmlega 1,5 milljörðum kr. á þriðja ársfjórðungi, samanborðið við tvær milljónir á sama tímabili í fyrra.

Nikkei í sögulegt lágmark og upp aftur

Japanska hlutabréfavísitalan Nikkei fór í morgun niður fyrir sjö þúsund stig í fyrsta sinn í 26 ár en hækkaði aftur áður en viðskiptum lauk og endaði í 6,4 prósentustiga hækkun við lokun markaða.

Hlutabréf féllu í Bandaríkjunum

Gengi hlutabréfa féll á bandarískum hlutabréfmörkuðum rétt undir lok viðskiptadagsins á Wall Street í dag. Helsta skýringin á falli dagsins eru veðköll og nauðungarsala á hendur vogunarsjóða og annarra fjárfesta.

Bakkavör féll mest

Gengi bréfa í Bakkavör féll um rúm 29 prósent í Kauphöllinni í dag. Á eftir fylgdi Færeyjabanki, sem fór niður um 3,45 prósent, Össur lækkaði um 1,52 prósent, Marel um 1,27 prósent og Icelandair Group um 0,37 prósent.

Landsbankinn áfram til sem vörumerki

Vörumerkið „Landsbankinn“ verður áfram notað í óbreyttri mynd í allri markaðssetningu Landsbankans. Þetta kemur fram í tilkynningu frá Nýja Landsbanka

Skuldatryggingar íslensku bankanna settar á uppboð

Skuldatryggingar á lán og skuldir íslensku bankanna, Kaupþings, Glitnis og Landsbankans, verða settar á uppboð í næstu viku. Heildarupphæðin sem tryggingarnar ná yfir nemur 71 milljarði dollara eða tæplega 8.000 milljörðum kr.

Bakkavör féll um 29 prósent

Gengi hlutabréfa í Bakkavör féll um rúm 29 prósent í Kauphöllinni í dag. Bréf félagsins voru sett á athugunarlista í dag. Á sama tíma rauk gengi bréfa í Century Aluminum, móðurfélagi álversins á grundartanga um 8,37 prósent.