Lokahóf Kauphallar Íslands árið 2007

Vísir hefur tekið saman lista yfir þau fyrirtæki sem hækkuðu og lækkuðu mest á árinu. Fyrirtækið Flaga lækkaði mest en Atlantic Petroleum hækkaði mest árið 2007.

Eimskip selur 49% hlutafjár í Northern Lights Leasing

Eimskip hefur samið um 49% hlut í Northern Lights Leasing sem á flugflota Air Atlanta. Kaupandi er félagið AAI Holding ehf. sem er í eigu Hannesar Hilmarsson, forstjóra Air Atlanta og Geirs Vals Ágústssonar, fjármálastjóra Air Atlanta.

Finnur hættir hjá Icebank

Samkomulag hefur orðið um að Finnur Sveinbjörnsson, bankastjóri Icebank, láti af störfum hjá bankanum. Stjórn Icebank hefur ráðið Agnar Hansson sem nýjan bankastjóra.

Byr býður fólki að kanna fjárhagslega heilsu

Sparisjóðurinn Byr breytist í „fjárhagslega heilsuræktarstöð" á nýársnótt og setur um leið í loftið rafrænt heilsustöðupróf í fjármálum á heimasíðu sinni og býður þannig öllum landsmönnum aðstoð við að finna út sína fjárhagslega heilsu og þol.

Innhverjaviðskipti hjá FL Group

Ný kaupréttaráætlun var samþykkt í gær hjá FL Group. Tekur áætlunin til allt að 361 milljón hluta að nafnverði. Á sama tíma eru felldir niður áður útgefnir kaupréttir að 136 milljón hlutum.

Eik banki hækkaði mest í dag

Færeyski bankinn Eik hækkaði mest allra félaga í Kauphöllinni í dag í kjölfar fregna að það hefði keypt alla bankastarfsemi Kaupþings í Færeyjum. Eik hækkaði um 3.59% en flest félög hækkuðu.

Jón Sigurðsson formaður stjórnar Fjármálaeftirlitsins

Viðskiptaráðherra hefur skipað Jón Sigurðsson fyrrverandi seðlabankastjóra og fyrrverandi viðskiptaráðherra, formann stjórnar Fjármálaeftirlitsins frá 1. janúar næstkomandi. Þá lætur Lárus Finnbogason endurskoðandi af því starfi, en hann hefur gegnt því frá 1. janúar 2007. Lárus hefur verið í aðalstjórn Fjármálaeftirlitsins frá því stofnunin tók til starfa á árinu 1999.

Róbert Wessman stór hluthafi í Glitni

Salt Investments, félag í eigu Róberts Wessman, forstjóra Actavis, hefur keypt tveggja prósenta hlut í Glitni fyrir 7,5 milljarða króna. Með viðskiptunum er félagið orðið 9. stærsti hluthafi bankans. Wessmann segist hafa áhuga á stjórnarsetu í bankanum.

Rólegt í Kauphöllinni

Úrvalsvísitalan stóð því sem næst í stað í Kauphöllinni í morgun en lækkun hennar nam 0,01 prósenti. Þrettán félög hafa hækkað, Eik Banki mest allra, um 2,45 prósent og 365 hf um 2,44 prósent.

Kaupþing selur starfsemi í Færeyjum

Kaupþing hefur selt starfsemi sína í Færeyjum til Eik Banki og mun færeyski bankinn taka yfir starfsemi Kaupþings í Færeyjum þann 31. desember 2007.

Björgólfur Thor varð fyrir valinu

Viðskiptaverðlaun Viðskiptablaðsins (VB) hlýtur að þessu sinni Björgólfur Thor Björgólfsson, fjárfestir og stjórnarformaður Novators.

Tekur hálft ár fyrir kreppuna að jafna sig

„Ég held að ástandið á alþjóðamörkuðum muni ráða því hvernig þetta fer hér á Íslandi,“ sagði Björgólfur Thor Björgólfsson í Kastljósi Sjónvarpsins nú fyrir stundu.

Viðskiptaannáll ársins 2007

Árið 2007 var fjörugt í viðskiptalífinu. Blaðamenn Markaðarins fóru yfir árið og fundu það markverðasta sem gerðist í heimi viðskiptanna.

Björgólfur viðskiptamaður ársins og Margrét Pála frumkvöðull

Viðskiptablaðið hefur veitt Viðskiptaverðlaun Viðskiptablaðsins fyrir árið 2007 auk þess sem frumkvöðull ársins að mati blaðsins hefur verið valinn. Björgólfur Thor Björgólfsson, stjórnarformaður Novators, hlýtur Viðskiptaverðlaun og Margrét Pála Ólafsdóttir, stofnandi Hjallastefnunnar, er heiðruð sem frumkvöðull ársins. Nú stendur yfir athöfn á Grillinu á Hótel Sögu þar sem Björgvin G. Sigurðsson viðskiptaráðherra afhendir verðlaunin.

Leitar jafnvægis milli vinnu og fjölskyldu

Jón Ásgeir Jóhannesson, stjórnarformaður Baugs, er viðskiptamaður ársins 2007 að mati tuttugu manna dómnefndar sem Markaðurinn leitaði til. Miklar sveiflur á alþjóðamörkuðum hafa einkennt árið sem er að líða. Þá skiptir máli hverjir hafi aflið og framsýnina til að taka af skarið og stýra fyrirtækjum í gegnum öldurótið og á lygnari sjó. Jón Ásgeir segir ágætt jafnvægi hafa verið í rekstri Baugs á árinu.

Þrenn viðskipti talin þau bestu á árinu 2007

Álitsgjafar Markaðarins töldu að Sala Novators á búlgarska símanum, Icesave reikningur Landsbankans og hlutafjáraukning Baugs í FL Group væru bestu viðskipti ársins.

Ljúka senn við áreiðanleikamat á áhugaverðu fasteignafélagi

Það skýrist snemma á næsta ári hvort Salt Investments, sem er í eigu Róberts Wessman, takist að landa kaupum á hlut í stóru fasteignafélagi í Suður -Evrópu. „Það er verið að klára áreiðanleikamat og það ætti að skýrast fljótlega hvort það verður af kaupunum," segir Róbert í samtali við Vísi. Hann hefur hingað til ekki viljað gefað upp hvaða félag þetta er.

Atlantic Petroleum hækkaði um 10,15%

Íslenska úrvalsvísitalan hækkaði um 1,22% við opnun markaða í morgun. Atlantic Petroleum hækkaði um 10,15%. Exista um 4,71% og SPRON um 4,34. Mest lækkuðu bréf í Eimskipafélagi Íslands um 0,99% og Teymi hf lækkaði um 0,68%.

Bjarni kaupir í Glitnir Property Holding

Bjarni Ármannsson, fyrrverandi forstjóri Glitnis, hefur fest kaup á 12% hlut í dótturfélagi Glitnis, Glitnir Property Holding (GPH), að verðmæti 970 milljónir. Glitnir mun áfram eiga 48,8% í GPH eftir viðskiptin. Samningurinn er gerður með fyrirvara um samþykki stjórnar GPH og annarra eigenda, en þeir eru alls 21 talsins og eiga hlut á móti Glitni í GPH.

Útsölur hafnar í Bandaríkjunum

Smásöluverslanir í Bandaríkjunum lækkuðu verð á vörum sínum í gær í von um að útsölurnar geti bjargað þeim eftir arfaslaka sölu í desember. Janúarútsölur hafa gengið vel undanfarin ár og vonast kaupmenn til þess að engin undantekning verði á nú.

Margir nefndir þótt einn sé útvalinn

Alls voru 23 einstaklingar nefndir til sögu í vali á viðskiptamanni ársins. Sá sem settur var í efsta sæti fékk þrjú stig, sá næsti tvö og sá í þriðja sætinu eitt. Ekki munaði miklu í stigum á þeim sem röðuðust í annað til fjórða sæti í valinu um viðskiptamann ársins. Þar röðuðu sér í eftirfarandi röð, umbreytingafjárfestirinn Björgólfur Thor Björgólfsson, Róbert Wessman, forstjóri Actavis, og Sigurjón Þ. Árnason, bankastjóri Landsbankans.

Jón Ásgeir viðskiptamaður ársins

Jón Ásgeir Jóhannesson, stjórnarformaður Baugs Group, er maður ársins 2007 í íslensku viðskiptalífi að mati tuttugu manna dómnefndar Markaðarins.

Dræm jólasala í Bandaríkjunum

Jólasalan var dræm í Bandaríkjunum þetta árið. Talsmenn Target Corporation, sem er annað stærsta félagið í Bandaríkjunum á sviði smásölu, segja líklegt að salan hjá þeim hafi dregist saman í desember. Tölur frá Mastercard benda til þess að 2,4% aukning hafi verið í jólaverslun ef frádregin er sala á bensíni og bifreiðum.

Fjárfestir fyrir 16 milljarða í Lundúnum

Vneshtorgbankinn, sem er annar stærsti banki Rússlands, hyggst fjárfesta fyrir 16 milljarða íslenskra króna í fasteignaverkefni í Lundúnum.

Formaður fasteignasala ósammála spá um verðlækkun á markaðinum

Ingibjörg Þórðardóttir formaður Félags fasteignasala segir að hún sé ósammála spá greiningar Landsbankans um að fasteignaverð lækki um 9% á næsta ári. Hún telur að markaðurinn verði í jafnvægi á næsta ári og að verðið muni hækka um allt að 5% yfir árið.

Bill Gates fjárfestir í mexíkanskri ölgerð

Bill Gates stjórnarformaður Microsoft hefur keypt 3% hlut í mexíkönsku ölgerðinni Femsa sem þekktust er fyrir að brugga Sol bjórinn.

Lúxussnekkja Saddam Hussein er til sölu

Fyrir um tvo milljarða króna er nú hægt að festa kaup á lúxussnekkju Saddam Hussein fyrrum einræðisherra Íraks. Snekkjan sem ber nafnið Ocean Breeze er til sölu hjá snekkjufélaginu Burgess í London.

Putin orðaður við forstjórastólinn í Gazprom

Valdimir Putin forseti Rússlands er nú orðaður við forstjórastólinn hjá olíurisanum Gazprom. Sagt er að hann muni taka við stöðunni í mars er kjörtímabili hans lýkur.

Betri ávöxtun í eðalvínum en gulli og hlutabréfum

Eðalvín hafa reynst mun betri fjárfesting í ár en bæði gull og hlutabréf. Í grein um málið í breska blaðinu The Independent segir að ávöxtunin á eðalvínum frá Bordeaux hafi numið 39% en til samanburðar hækkaði úrvalsvístalan í kauphöllinni í London (FTSE) aðeins um 3,4% og gull hækkaði í verði um 23% á árinu.

Toyota framleiðir bíla í Rússlandi

Toyota bílaframleiðandinn hefur opnað bílaverksmiðju í Rússlandi sem ætlunin er að framleiði allt upp í tvö hundruð þúsund bíla á ári. Opnun verksmiðjunnar rétt fyrir utan Sankti Pétursborg þykir vera til marks um þá miklu efnahagslegu velgengni sem einkennir Rússland og trú alþjóðafyrirtækja á að uppgangurinn haldi bara áfram.

Ákvörðun Seðlabankans lækkar markaðsvexti

Frá því að Seðlabankinn tilkynnti um óbreytta stýrivexti á fimmtudag hefur ávöxtunarkrafa á markaði lækkað töluvert. Ávöxtunarkrafa allra markflokka skuldabréfa hækkaði hinsvegar verulega eftir hækkun stýrivaxta í byrjun nóvember.

SAS dæmt fyrir iðnaðarnjósnir í Noregi

SAS flugfélagið á ekki góðar stundir þessa dagana. SAS varð fyrir enn einu áfallinu fyrir helgina þegar dómur gekk gegn því fyrir hæstarétti Noregs. Þar var SAS sakfellt fyrir iðnaðarnjósnir í Noregi.

Jákvætt fyrir reksturinn ef tengdamóðir forstjórans deyr

Dönsk rannsókn sýnir fram á að fráfall náins fjölskyldumeðlims forstjóra í fyrirtæki hefur skaðleg áhrif á framleiðni í fyrirtækinu. Hins vegar hefur það jákvæð áhrif á reksturinn ef tengdamóðir forstjórans deyr.

Langþráð hækkun í Kauphöllinni

Gengi hlutabréfa í færeyska olíuleitarfélaginu Atlantic Petroleum hækkaði um 7,64 prósent skömmu fyrir lokun viðskiptadagsins og skákaði þar með nokkuð vænni og langþráðri hækkun hjá Existu og SPRON. Bæði síðasttöldu félögin hafa horft upp á mikla lækkun í vikunni.

Græn jól í Bandaríkjunum

Gengi hlutabréfa hefur almennt hækkað í bandarískum kauphöllum í dag eftir að bandaríski fjárfestingabankinn Merrill Lynch sagði útlit fyrir að hann myndi fá allt að fimm milljarða innspýtingu frá asíska fjárfestingasjóðinum Temasek í Síngapúr.

Dótturfélag Jarðborana semur um djúpborun í Þýskalandi

Hekla Energy, nýstofnað dótturfélag Jarðborana í Þýskalandi, og þýska félagið Exorka hafa samið um samstarf um borframkvæmdir þar í landi þar sem leitað verður jarðhita.

Fitch staðfestir lánshæfi Straums-Burðaráss

Fitch Ratings staðfesti í dag lánshæfiseinkun Straums-Burðaráss fjárfestingabanka hf. Langtímaeinkunn bankans er BBB- og eru langtímahorfur stöðugar.

Exista og SPRON á uppleið fyrir jólin

Exista og SPRON eru á mikilli uppleið í Kauphöllinni þennan síðasta viðskiptadag fyrir jól og þá er úrvalsvísitalan einnig á uppleið.

Markaðir í Evrópu taka kipp

Hlutabréfamarkaðir í Evrópu tóku kipp í morgun við opnun markaða og hækkuðu um tæpt prósent. Í dag er síðasti viðskiptadagur fyrir jólafrí víðast hvar og virðast fjárfestar í jólaskapi.

Stýrivaxtaákvörðun hefur jákvæð áhrif á hlutabréfamarkað

Ákvörðun Seðlabankans um að halda stýrivöxtum óbreyttum hefur jákvæð áhrif á hlutabréfamarkaðinn en komandi kjarasamningar gætu sett strik í reikninginn.

Frjáls verslun velur Andra Má mann ársins í íslensku viðskiptalífi

Tímaritið frjáls verslun hefur valið Andra Má Ingólfsson, forstjóra og eigandi Primera Travel Group, mann ársins í íslensku atvinnulífi árið 2007.

Magnús Þorsteinsson úr stjórn Eimskips

Magnús Þorsteinsson stjórnarformaður Eimskipafélags Íslands sagði sig í dag úr stjórn félagsins á stjórnarfundi og lætur þegar af stjórnarsetu að eigin ósk. Magnús er annar af tveimur kjölfestufjárfestum félagsins.

Netfyrirtæki sektuð fyrir að auglýsa netpóker

Hugbúnaðarfyrirtækin Google, Yahoo og Microsoft hafa verið sektuð um 31,5 milljónir dollara, jafnvirði um tveggja milljarða króna, fyrir að hafa auglýst netpókerspil.

Glitnir telur að stýrivextir hafi náð hámarki

Greiningadeild Glitnis segir að sú ákvörðun Seðlabankans að hækka ekki stýrivexti í dag renni stoðum undir þá spá sína að bankinn muni ekki hækka vexti sína frekar.

Úrvalsvísitalan undir 6.200 stigum

Úrvalsvísitalan hefur lækkað viðstöðulaust í heila viku og fór undir 6.200 stigin fyrir nokkrum mínútum. Hún hefur ekki verið lægri síðan í enda nóvember á síðasta ári. Miðað við þróunina stefnir í rauð jól í Kauphöllinni.