Miðstöð Boltavaktarinnar | N1-deildin

Íþróttavefur Vísis býður lesendum sínum upp á að fylgjast með öllum leikjum kvöldsins í N1-deild karla samtímis.

Umfjöllun og viðtöl: Ísland - Rúmenía 19-22 | Annað tap hjá stelpunum

Íslenska kvennalandsliðið tapaði með þremur mörkum á móti Rúmeníu, 19-22, í öðrum leik sínum á Evrópumótinu í handbolta í Serbíu. Íslenska liðið spilar lokaleik sinn í riðlinum á móti Rússlandi á föstudaginn en á enn möguleika á því að komast áfram með sigri í þeim leik.

Karen: Þurfum að mæta með íslenska hjartað á móti Rússum

"Það var eitthvað sem sagði mér að við ættum ekki að vinna þennan leik. Við gerðum allof mikið af aulamistökum en ef við lítum á það góða við þennan leik þá var þetta frábær framför á sólarhring," sagði Karen Knútsdóttir eftir tapið á móti Rúmeníu á EM kvenna í hansdolta í Serbíu í kvöld. Íslenska liðið tapaði leiknum 19-22 og þarf að vinna Rússa í lokaleiknum til þess að komast í milliriðilinn.

Ólafur með flottan leik fyrir Flensburg

Ólafur Gústafsson og félagar í Flensburg vippuðu sér í þriðja sætið í þýsku úrvalsdeildinni í handknattleik í kvöld er liðið vann öruggan sigur, 35-29, á Melsungen.

Berlin valtaði yfir Hamburg

Lærisveinar Dags Sigurðssonar hjá Füchse Berlin komust upp í þriðja sætið í þýsku úrvalsdeildinni í kvöld er þeir unnu öruggan heimasigur, 37-27, á Hamburg.

Svartfjallaland ekki í miklum vandræðum með Rússland

Svartfjallaland er með fullt hús á toppi okkar riðils eftir þriggja marka sigur á Rússlandi, 30-27, í fyrri leik dagsins í Vrsac á EM kvenna í handbolta í Serbíu. Svartfjallaland hefur þar með unnið tvo fyrstu leiki sína sannfærandi en liðið vann Ísland 26-16 í gær.

Stelpurnar mæta líka háværum rúmenskum stuðningsmönnum

Seinni leikur okkar riðils á EM í handbolta kvenna í Serbíu í gær var á milli Rússlands og Rúmeníu sem endaði með 21-21 jafntefli eftir frábæra endurkomu rússneska liðsins. Það var gríðarleg stemmning í höllinni enda fjölmenntu Rúmenar á leikinn.

Geta enn gert betur en karlalandsliðið

Íslenska kvennalandsliðið tapaði í gær fyrir Svartfjallalandi í fyrsta leik sínum á EM í Serbíu. Liðið tapaði einnig öllum þremur leikjum sínum á EM fyrir tveimur árum og á því enn eftir að vinna leik í úrslitakeppni Evrópumótsins.

Fjögur og hálft ár síðan stelpurnar mættu Rúmeníu

Íslenska kvennalandsliðið í handbolta mætir Rúmeníu í kvöld í öðrum leik sínum á Evrópumótinu í Serbíu en íslenska liðið tapaði illa fyrir sterku liði Svartfjallalands í gær.

Hrafnhildur: Það var virkilega erfitt að vera til í gærkvöldi

Hrafnhildur Ósk Skúladóttir, fyrirliði íslenska kvennalandsliðsins, átti eins og fleiri í liðinu erfitt með að sofna eftir skellinn á móti Svartfjallalandi í gær. Stelpurnar ætla að koma sterkar til baka á móti Rúmeníu í kvöld.

Ágúst: Anna er karakter og verður öflug á móti Rúmeníu

Ágúst Jóhannsson, þjálfari íslenska kvennalandsliðsins í handbolta, þurfti að horfa upp á marga leikmenn liðsins spila undir getu í tíu marka tapi fyrir Svartfjallalandi í fyrsta leik liðsins á EM í Serbíu.

Þær rúmensku eru þungar og líkamlega sterkar

Íslenska kvennalandsliðið í handbolta mætir Rúmeníu í kvöld í öðrum leik sínum á Evrópumótinu í Serbíu. Liðið tapaði með tíu mörkum á móti Svartfjallalandi í gær og þarf því nauðsynlega að fá eitthvað út úr leik kvöldsins.

Landsliðið fékk myndir frá Vísi og Fréttablaðinu

Íslenska kvennalandsliðið í handbolta þarf nú að beita öllum ráðum til þess að rífa sig upp eftir slæmt tap á móti Svartfjallalandi í fyrsta leik á Evrópumótinu í Serbíu. Stelpurnar mæta Rúmeníu í kvöld og ein leið þjálfaranna að endurkomunni er að setja saman stemmningsmyndband.

Allar komu við sögu nema Jóna og Dröfn - Jenný og Þórey spiluðu mest

Jóna Margrét Ragnarsdóttir og varamarkvörðurinn Dröfn Haraldsdóttir eru báðar að taka þátt í sínu fyrsta stórmóti en þær fengu ekki að fara inn á í tapinu á móti Svartfjallalandi í fyrsta leik íslenska liðsins á EM í Serbíu í gær.

Karen: Vorum eins og spagetti

Karen Knútsdóttir og félagar hennar í íslenska kvennalandsliðinu þurfa að sýna miklu betri leik á móti Rúmeníu í kvöld en þær gerðu á móti Svartfjallalandi í gærkvöldi. Íslenska liðið verður helst að fá eitthvað út úr leiknum í kvöld ætli liðið sér að komast áfram upp úr riðlinum.

Ágúst: Við erum ekkert hætt

Það fór ekki vel í íslensku stelpurnar að vera barðar eins og harðfiskur í leiknum á móti Svartfjallalandi í gær. Leikmenn Svartfjallalands voru í hefndarhug og létu heldur betur finna fyrir sér og það hjálpaði ekki íslenska liðinu að hvít-rússnesku dómararnir tóku ekki hart á framgöngu Svartfellinga.

Kúabjöllur Norðmanna bannvara á EM í Serbíu

Evrópumeistaralið Noregs, sem Þórir Hergeirsson þjálfar, hóf titilvörnina á Evrópumeistaramóti kvenna í handbolta í Serbíu í gær með 28-26 sigri gegn gestjöfunum frá Serbíu. Norðmenn voru með fimm marka forskot í hálfleik en heimaliðið náði að jafna metin þegar átta mínútur voru eftir af leiknum. Katrine Lunde Haraldsen markvörðu norska liðsins bjargaði málunum fyrir Noreg á lokamínútum leiksins.

HSÍ vill að Ísland eignist besta markvörð í heimi

Handknattleikssamband Íslands, HSÍ, hefur hafið átak er varðar markmannsþjálfun hérlendis. Gísli Rúnar Guðmundsson, Bergsveinn Bergsveinsson, Guðmundur Hrafnkelsson og Roland Eradze mynda fjögurra manna markmannsþjálfarateymi sem vinna munu með markvörðum yngri landsliða.

Rússar björguðu stigi gegn Rúmenum

Rússar og Rúmenar skildu jafnir í síðari leik D-riðils á Evrópumóti kvennalandsliða í handbolta. Liðin eru í riðli með Íslendingum og Svartfellingum.

Ágúst: Nú fer maður og talar við þær - Við getum betur en þetta

Ágúst Þór Jóhannsson, landsliðsþjálfari, var að sjálfsögðu ekki ánægður eftir tíu marka tap á móti Svartfjallalandi í kvöld, 16-26, í fyrsta leik Íslands á EM kvenna í handbolta í Serbíu.

Umfjöllun, viðtöl og myndir: Ísland - Svartfjallaland 16-26

Íslenska kvennalandsliðið í handbolta fékk skell í fyrsta leik sínum á Evrópumótinu í Serbíu þegar liðið tapaði með tíu marka mun fyrir sterku liði Svartfjallalands, 16-26, liðinu sem vann silfur á Ólympíuleikunum í London í ágúst og er til alls líklegt á EM.

Hrafnhildur alltaf atkvæðamikil á móti Svartfellingum

Hrafnhildur Ósk Skúladóttir, fyrirliði íslenska kvennalandsliðsins í handbolta, hefur átt flotta leiki á móti Svartfjallalandi undanfarin ár. Þjóðirnar hafa mæst þrisvar sinnum á síðustu tveimur árum og Hrafnhildur er búin að vera markahæst eða næstmarkahæst í þeim öllum.

Ágúst: Ég held að þessi riðill geti orðið mjög jafn

Ágúst Þór Jóhannsson, þjálfari íslenska kvennalandsliðsins í handbolta, segist vera búinn að undirbúa íslenska liðið vel fyrir EM í Serbíu sem hefst með leik á móti Svartfjallalandi í kvöld.

Rakel Dögg: Þurfum að vera með brjálaða vörn

Rakel Dögg Bragadóttir er komin aftur inn í íslenska kvennalandsliðið í handbolta eftir tæplega árs fjarveru vegna meiðsla. Hún segir íslenska liðið koma vel undirbúið til leiks á EM í Serbíu en fyrsti leikurinn er á móti Svartfjallalandi í kvöld.

Leikmaður Svartfjallalands: Bætum fyrir tapið í Brasilíu

Jovanka Radicevic, hægri hornamaður Svartfjallalands, var í viðtali á heimasíðu EM fyrir leikinn á móti Íslandi í kvöld. Hún býst við því að öll liðin í riðlinum óttist Svartfellinga.

Stella: Farnar að kannast aðeins við þær

Stella Sigurðardóttir, skytta íslenska kvennaliðsins í handbolta, er klár í fyrsta leikinn við Svartfjallaland í kvöld en íslenska liðið hefur þá leik í sínum riðli á EM í handbolta kvenna í Serbíu.

Þjálfari Svartfellinga: Ísland er lið á uppleið

Dragan Adzic, þjálfari Svartfjallalands, hrósaði íslenska landsliðinu á blaðamannafundi fyrir leik þjóðanna á EM kvenna í handbolta í Serbíu í kvöld. Íslenska liðið vann Svartfjallaland á HM í Brasilíu í fyrra en síðan þá hefur lið Svartfjallalands farið á Ólympíuleikana í London og unnið silfur.

Gústaf ætlar að labba upp á hótel tapist leikurinn í kvöld

Gústaf Adolf Björnsson, aðstoðarþjálfari íslenska kvennalandsliðsins í handbolta sagði í viðtali við heimasíðu EM í Serbíu að hann ætlaði að labba heim á hótel tapi íslenska liðið á móti Svarfjallalandi í kvöld.

Hrafnhildur: Búin að hlakka til rosalega lengi

Hrafnhildur Skúladóttir, fyrirliði íslenska kvennalandsliðsins, verður í stóru hlutverki í kvöld þegar stelpurnar mæta Svartfjallalandi í fyrsta leik sínum á EM í handbolta í Serbíu. Hún segir sig og stelpurnar vita miklu betur í dag hvað þær eru að fara út í en þegar þær stigu sín fyrstu spor fyrir tveimur árum.

Ahlm á förum frá Kiel

Einn besti línumaður heims undanfarin ár, Svíinn Marcus Ahlm, er á förum frá Evrópu- og Þýskalandsmeisturum Kiel næsta sumar. Félagið hefur tilkynnt þessa breytingu á liðinu.

Anna Úrsúla: Komin spenna í fingurgómana og í tærnar

Anna Úrsúla Guðmundsdóttir lætur ekki tannbrot og heilahristing stoppa sig því hún verður í miðju íslensku varnarinnar í kvöld þegar íslenska kvennalandsliðið í handbolta mætir Svartfjallalandi í fyrsta leik sínum á EM í Serbíu.

Jólagjöfin hennar Önnu Úrsúlu er fundin

Anna Úrsúla Guðmundsdóttir, lykilmaður í vörn íslenska kvennalandsliðsins í handbolta, fékk slæmt högg í æfingaleik á móti Tékkum á föstudaginn.

Bandbrjálaður rútubílstjóri keyrði íslensku stelpurnar | Skíthræddar alla leiðina

Íslenska kvennalandsliðið kom með látum inn á hótelið sitt í Vrsac í gær eða réttara sagt þá strandaði rútan fyrir framan innganginn. Stelpurnar tóku þessu létt og voru komnar með myndavélarnar fljótt á loft enda fáar rútuferðir sem fá slíkan endi.

Myndasyrpa frá æfingu íslenska landsliðsins í Serbíu

Íslenska kvennalandsliðið í Serbíu æfði í keppnishöllinni í Vrsac í Serbíu í dag. Létt var yfir stelpunum sem ætla sér stóra hluti gegn Svartfellingum á morgun.

Aðalmarkvörður Rúmena missir af leiknum gegn Íslandi

Paula Ungureanu, markvörður rúmenska kvennalandsliðsins í handknattleik, verður ekki með landsliði sínu í landsleiknum gegn Íslandi á miðvikudaginn. Þetta kemur fram á Eurohandball.com.

Grótta engin fyrirstaða fyrir Hauka | Selfoss skellti Val

Bikarmeistarar Hauka í handknattleik karla lögðu Gróttu að velli 26-18 í viðureign liðanna í 16-liða úrslitum Símabikarsins í kvöld. Fyrir austan fjall gerðu Selfyssingar sér lítið fyrir og lögðu Valsmenn í spennuþrungnum leik.

Seferovic leystur undan samningi hjá Val

Valsmenn hafa slitið samningi sínum við króatísku skyttuna Adam Seferovic. Ómar Ómarsson, formaður handknattleiksdeildar Vals, staðfesti þetta í samtali við Handbolti.org í dag.

Hefur ekki áhyggjur af feluleik Svartfellinga

Þjálfarateymi íslenska kvennalandsliðsins í handbolta er búið að skoða vel mótherja íslenska liðsins á Evrópumótinu í Serbíu og landsliðsþjálfarinn hefur ekki miklar áhyggjur af því að Svartfjallaland geti komið liðinu á óvart í fyrsta leik á morgun.

Allar með á æfingu í dag | Dagný er hörkutól

Stelpurnar í íslenska kvennalandsliðinu í handbolta ætla að hrista af sér meiðsli og veikindi og verða allar sextán með á æfingu í Vrsac seinna í dag. Íslenska liðið æfir þá í fyrsta sinn í Vrsac þar sem liðið mætir Svartfjallalandi á morgun í fyrsta leik sínum á EM í Serbíu.

Rúta stelpnanna strandaði fyrir framan hótelið | myndband

Það er óhætt að segja að stelpurnar okkar hafi mætt með látum á hótelið sitt í Vrsac í hádeginu. Þær voru reyndar stilltar og prúðar eins og venjulega en það gekk mikið á hjá rútubílsjóranum. Íslenska kvennalandsliðið í handbolta spilar sinn fyrsta leik á EM í Serbíu þegar liðið mætir Svartfjallalandi á morgun

Stjarnan, Þróttur og ÍR áfram

Stjarnan, Þróttur og ÍR eru komin í átta liða úrslit Símabikars karla í handbolta eftir leiki kvöldsins ásamt Akureyri og FH.

Vængbrotið lið Flensburg lagði Montpellier

Flensburg gerði sér lítið fyrir og lagði Montpellier í viðureign liðanna í riðlakeppni Meistaradeildar Evrópu í dag en leikið var í Frakklandi. Lokatölurnar urðu 27-25 gestunum frá Þýskalandi í vil.

Þórir hafði betur gegn Guðmundi Árna

Þórir Ólafsson og félagar hjá Kielce unnu góðan útisigur 34-25 á Bjerringbro-Silkeborg í C-riðli Meistaradeildar Evrópu í handbolta í dag.

Jicha skoraði 13 mörk í sigri Kiel á Atlético Madrid

Kiel vann góðan sigur á Alético Madrid á heimavelli sínum í Meistaradeild Evrópu í handknattleik í dag. Kiel vann fjögurra marka sigur 31-.27.

Umfjöllun, viðtöl og myndir: HK - FH 22-24 | Símabikarinn í handbolta

FH tryggði sér sæti í 8 liða úrslitum Símabikarsins með því að leggja HK að velli 24-22 í Digranesinu í kvöld. FH var alltaf skrefi á undan í leiknum og var yfir í hálfleik 12-9.