Norðmenn vilja halda HM árið 2015 - IHF tekur ákvörðun eftir viku

Norska handknattleikssambandið ætlar að sækja um að fá að vera gjestgjafar þegar heimsmeistaramótið í handbolta karla fer fram árið 2015. Næsta keppni fer fram á Spáni árið 2013 og Norðmenn munu keppa við Suður-Kóreu, Katar, Frakkland og Pólland sem vilja einnig fá lokakeppnina árið 2015.

Ekkert alvarlegt hjá Alexander - klár í slaginn í kvöld

Íslenska handboltalandsliðið fékk frábærar fréttir í morgun þegar í ljós kom að hnémeiðsli Alexanders Peterssonar eru ekki alvarleg og að hann geti spilað leikinn við Noðrmenn á HM í kvöld. Einar Þorvarðarson staðfesti þetta við Íþróttadeild.

Kári keypti 20 Big Mac-hamborgara

Eyjatröllið Kári Kristján Kristjánsson hefur fengið sig fullsaddann af laxinum á hóteli íslenska liðsins og fór því í góða ferð á McDonalds.

Fer Konchesky aftur til Fulham?

Paul Konchesky hefur ekki náð sér á strik með Liverpool í ensku úrvalsdeildinni en Roy Hodgson keypti hann frá Fulham s.l. sumar fyrir um 750 milljónir kr. eða 4 milljónir punda. Í enskum fjölmiðlum er sagt frá því að forráðamenn Fulham hafi áhuga á að fá vinstri bakvörðinn að láni frá Liverpool út leiktíðina.

Björn Bergmann samdi á ný við Lilleström

Skagamaðurinn Björn Bergmann Sigurðarson hefur samið við norska liðið Lilleström til þriggja ára en hinn 19 ára gamli framherji var samningsbundinn Lilleström fram til lok þessa árs. Björn hefur reynt fyrir sér hjá nokkrum liðum í Evrópu á undanförnum vikum en hann ákvað að semja á ný við Lilleström.

Lampard meiddist á æfingu hjá Chelsea

Frank Lampard leikmaður Chelsea meiddist á kálfa á æfingu liðsins í gær. Lampard, sem er 32 ára, hefur misst af fjórum mánuðum á þessu tímabili vegna meiðsla en ekki er vitað hvort meiðslin séu alvarleg að þessu sinni.

HM: Tólf leikir á dagskrá og Ísland - Noregur kl. 18.10

Lokaumferðin í riðlakeppni heimsmeistaramótsins í handbolta fer fram í dag og eru alls tólf leikir á dagskrá. Íslendingar mætar Norðmönnum í B-riðli og hefst leikurinn kl. 18.10 og er hann í beinni útsendingu á Stöð 2 sport. Einnig verður fylgst með gangi mála í textalýsingu á Boltavaktinni á visir.is.

Hvað gerist í A-riðli á HM í dag?

Lokaumferð riðlakeppninnar á HM í handbolta fer fram í dag. Vísir kíkir á möguleikana í A-riðli en Ísland mun mæta þremur efstu liðunum úr þeim riðli í milliriðlakeppninni.

Lakers tapaði gegn Dallas – Shaq aðalmaðurinn í sigri Boston

Meistaralið LA Lakers tapaði gegn Dallas útivelli í NBA deildinni í körfubolta í gær en 13 leikir voru á dagskrá. Dallas hafði tapað sex leikjum í röð fyrir leikinn en Jason Kidd sýndi gamla takta hjá Dallas og skoraði 21 stig og gaf 10 stoðsendingar. Lakers hefur tapað tveimur af síðustu þremur leikjum sínum og skoraði Spánverjinn Pau Gasol 23 stig fyrir Lakers. Kobe Bryant skoraði 20 stig og tók 10 fráköst.

Tíu lið örugg áfram í milliriðlakeppnina

Þó svo að riðlakeppninni ljúki ekki á HM í handbolta fyrr en í dag hafa tíu lið þegar tryggt sér sæti í milliriðlakeppninni.

Alexander: Ég reyni að gefa allt sem ég á

Íþróttamaður ársins, Alexander Petersson, hefur farið algjörlega á kostum með íslenska landsliðinu á HM. Skorað frábær mörk, tekið af skarið, staðið vaktina í vörninni með eindæmum vel og stolið fjölda bolta.

Guðmundur: Verðum að nýta okkur þeirra veikleika

Dagarnir eru langir hjá Guðmundi Guðmundssyni og þjálfarateyminu hans í Svíþjóð. Hann undirbjó lið sitt af kostgæfni í gær fyrir leikinn gegn Noreg í dag. Það var myndbandsfundur, æfing og svo annar fundur.

Þórir hefur slegið í gegn

Íslenska landsliðið hefur fengið 53 mörk frá hægri vængnum í fjórum fyrstu leikjunum á HM í Svíþjóð en 18 þeirra hafa komið úr óvæntri átt.

Ísland hefur aldrei unnið fyrstu fimm leikina á HM

Íslendingar geta náð einstökum árangri í sögu sinni á HM vinni þeir Norðmenn í kvöld. Það yrði þá í fyrsta sinn sem strákarnir okkar vinna fyrstu fimm leiki sína á heimsmeistaramóti.

Kristian Kjelling spilar líklega í dag

Norðmenn hafa verið án stórskyttunnar Kristians Kjelling í síðustu tveim leikjum og það hefur ekki leynt sér að þeir hafa saknað hans mikið. Hann hefur verið veikur en það mátti sjá í gær að hann er á batavegi og Norðmenn stefna á að tefla honum fram í leiknum.

Þorsteinn J & gestir: Þola Svíar ekki Guðmund þjálfara?

Það var nóg um að vera í HM handboltaþættinum Þorsteinn J & gestir á Stöð 2 sport í kvöld þrátt fyrir að Íslendingar ættu frídag. Handboltasérfræðingarnir Guðjón Guðmundsson og Geir Sveinsson fór yfir „sálfræðistríðið“ sem nú stendur yfir fyrir leikinn gegn Noregi á morgun.

Úrslit dagsins á HM

Sex leikir fóru fram á HM í handbolta í dag en leikið var í A-riðli og C-riðli. Vísir fylgdist vel með gangi mála.

Snorri Steinn: Höfum ekki gert eitt né neitt á þessu móti

Hörður Magnússon íþróttafréttamaður á Stöð 2 Sport ræddi við Snorra Stein Guðjónsson í dag og þar ræddu þeir um leikinn gegn Austurríki. Hörður spurði Snorra út í fyrri hálfleikinn gegn Austurríki þar sem fátt gekk upp hjá íslenska liðinu og hvort það væri áminning fyrir íslenska liðið. Snorri svaraði því fagmannlega.

Barcelona áfram í bikarnum þrátt fyrir tap

Barcelona tapaði í kvöld sínum fyrsta leik í langan tíma er liðið mátti þola tap gegn Real Betis á útivelli, 3-1, í spænska konungsbikarnum.

HK lagði Stjörnuna og komst í undanúrslit

HK gerði sér lítið fyrir og tryggði sér sæti í undanúrslitum Eimskipsbikarkeppni kvenna með sigri á Stjörnunni, 30-29. Fram er einnig komið í undanúrslitin.

Arsenal sló Leeds út úr bikarnum á Elland Road

Arsenal komst áfram í 4. umferð ensku bikarkeppninnar með 3-1 sigri á Leeds á Elland Road í kvöld. Þetta var endurtekinn leikur eftir að liðin gerðu 1-1 jafntefli á Emirates fyrir ellefu dögum. Arsenal mætir liði Huddersfield Town í næstu umferð.

Fjögur stig með sér í milliriðla - hvað þýðir það?

Í myndbrotinu hér fyrir ofan má sjá útskýringu á því af hverju leikurinn gegn Noregi á morgun skiptir svo miklu máli.

Danir einir með fullt hús í C-riðli eftir léttan sigur á Alsír

Danir halda áfram sigurgöngu sinni á HM í handbolta en þeir unnu auðveldan sjö marka sigur á Alsíringum, 26-19, í kvöld. Danir hafa unnið alla fjóra leiki sína og eru einir á toppi síns riðils þar sem að Króatar gerðu jafntefli við Serba fyrr í kvöld.

Logi og félagar unnu dramatískan útisigur

Logi Gunnarsson skoraði 19 stig þegar Solna Vikings vann 86-85 sigur á LF Basket í sænsku úrvalsdeildinni í körfubolta í kvöld. Solna tryggði sér sigurinn átta sekúndum fyrir leikslok.

Hnémeiðsli Alexanders: Niðurstöður úr myndatöku koma á morgun

Alexander Petersson fór í myndatöku á hné í dag en það kemur ekki í ljós fyrr en á morgun hversu alvarleg meiðsli hans eru. Alexander hefur verið stórkostlegur á HM í Svíþjóð en meiddist í sigrinum á Austurríki í gær.

Dramatískt jafntefli hjá Serbum og Króötum

Króatía tapaði sínu fyrsta stigi á HM í handbolta í kvöld er liðið gerði jafntefli við Serbíu, 24-24.

Messi: Myndi frekar hætta í fótbolta en að spila með Real

Lionel Messi, Argentínumaðurinn í liði Barcelona og besti knattspyrnumaður heims síðustu tvö ár, segir að hann muni aldrei spila með erkifjendunum í Real Madrid. Hann ætlar því ekki að fylgja í fótspor þeirra Michael Laudrup og Luis Figo sem léku með báðum liðum á sínum ferli.

Enn versnar staða Njarðvíkur - stigahæsti Íslendingurinn meiddur

Njarðvíkingar sitja í fallsæti í Iceland Express deild karla eftir tap á heimavelli á móti ÍR-ingum um síðustu helgi og nú er komið í ljós að þeir misstu ekki aðeins mikilvæg stig í þessum leik.

Auðvelt hjá Spáni gegn Egyptum

Spánn vann auðveldan sigur á Egyptalandi í A-riðli á HM í handbolta í kvöld og er því enn með fullt hús stiga eftir fjóra leiki.

Frakkar löbbuðu yfir Þjóðverja

Frakkar eru enn með fullt hús stiga í A-riðli etir auðveldan sigur á Þýskalandi í kvöld, 30-23.

Arnór: Við eigum meira inni

Arnór Atlason er afar ánægður með gengi Íslands á HM og segir liðið vera í góðu færi til þess að gera eitthvað gott úr mótinu.

Ragnar Jóhannsson spilar æfingaleiki með Gummersbach

Selfyssingurinn Ragnar Jóhannsson stóð sig vel á æfingum hjá þýska liðinu VfL Gummersbach og félagið vill nú fá að skoða hann betur. Ragnar mun því spila tvo æfingaleiki með liðinu í Frakklandi og í framhaldinu verður tekin ákvörðun um hvort að hann fái samning.

Sænska liðið tekið af lífi í fjölmiðlum

Óvæntustu úrslit HM til þessa komu í gær þegar Argentína gerði sér lítið fyrir og skellti Svíum með fimm marka mun.

Ingimundur sefur í skrítnum búningi

Ingimundur "Diddi" Ingimundarson var klárlega í flottasta klæðnaðinum þegar fjölmiðlamenn hittu landsliðsmennina í hádeginu í dag.

Denilson: Fabregas er enginn leiðtogi

Brasilíumaðurinn Denilson hjá Arsenal gefur ekki mikið fyrir leiðtogahæfileika Spánverjans Cesc Fabregas sem hefur verið fyrirliði liðsins undanfarin ár. Ummælum Denilson var slegið upp í The Sun í morgun.

Robert Hedin, þjálfari Norðmanna: Dómararnir hjálpuðu Íslandi

Robert Hedin, þjálfari norska landsliðsins, var meðal áhorfenda þegar Ísland vann 26-23 marka sigur á Austurríki í gær eftir að hafa verið fimm mörkum undir í hálfleik. Ísland og Noregur mætast á morgun og Hedin óttast ekki íslenska liðið.

Alexander meiddist á hné í gær

Óheppnin heldur áfram að elta örvhentu skytturnar í íslenska landsliðinu því nú er Alexander Petersson orðinn slæmur í hnénu.

Fjögur félög búin að borga 9,9 milljarða fyrir Bent

Darren Bent varð í gær dýrasti leikmaður Aston Villa í sögunni þegar félagið keypti hann á 24 milljónir punda frá Sunderland. Þetta er ekki í fyrsta sinn á ferlinum sem hinn 26 ára gamli Bent er keytpur fyrir stóra upphæð.

Cantona orðinn yfirmaður knattspyrnumála hjá New York Cosmos

Eric Cantona, goðsögnin á Old Trafford, er kominn aftur í boltann því hann hefur tekið við stöðu yfirmann knattspyrnumála hjá bandaríska félaginu New York Cosmos. Cantona lagði á skónna á hilluna árið 1997 þáverandi Englandsmeistari með Manchester United.

HM: Sex leikir í dag, tveir í beinni á Stöð 2 sport

Það fer að draga til tíðinda í riðlakeppninni á heimsmeistaramótinu í handbolta og í dag fer fram næst síðasta umferðin í A og C riðli keppninnar. Alls eru sex leikir á dagskrá í dag og verða tveir leikir í „dauðariðlinum“ eða A-riðli sýndir á Stöð 2 sport í dag.

Willum Þór telur að Futsal geti bætt tæknifærni fótboltamanna á Íslandi

Willum Þór Þórsson valdi í gær fimmtán leikmenn sem verða í fyrsta íslenska Futsal-landsliðinu sem tekur þátt í forkeppni EM. Mótherjar Íslands í riðlinum eru Grikkland, Lettland og Armenía og verður leikið á Ásvöllum 21. - 24. janúar. Hans Steinar Bjarnason íþróttafréttamaður Stöðvar 2 ræddi við Willum í gær.

Frábær seinni hálfleikur kom okkur inn í milliriðilinn - myndir

Strákarnir okkar sýndu úr hverju þeir eru gerðir í þriggja marka sigri á Austurríki á HM í handbolta í Svíþjóð í gærkvöldi. Eftir dapran fyrri hálfleik mættu strákarnir í ham inn í þann seinni, unnu sig í gegnum mikið mótlæti og hreinlega lokuðu öllum leiðum fyrir austurríska liðið.

Fyrirliðinn yfirgefur Val

Katrín Jónsdóttir fyrirliði íslands- og bikarmeistara Vals og íslenska landsliðsins hefur ákveðið að kveðja Val að sinni og ganga til liðs við sænska liðið Djurgården. Á vefsíðu Vals kemur fram að Katrín hyggi á framhaldsnám í læknisfræði í haust og þetta sé liður í þeim áformum.

Eyjólfur samdi við SönderjyskE

Eyjólfur Héðinsson samdi í gær við danska knattspyrnufélagið SönderjyskE til tveggja og hálfs árs, eða fram á sumarið 2013, að því er fram kemur í Morgunblaðinu í dag. Eyjólfur er 26 ára gamall og hefur spilað í stöðu miðjumanns með GAIS í sænsku úrvalsdeildinni undanfarin fjögur ár. Samningur hans þar var útrunninnn og Eyjólfur hafnaði því að leika áfram með félaginu. Hjá SönderjyskE eru þegar Ólafur Ingi Skúlason og Arnar Darri Pétursson, markvörður 21 árs landsliðsins.

Til tíðinda dregur í dauðariðlinum á HM

Ætli Þjóðverjar sér að gera alvöruatlögu að sæti í undanúrslitunum verða þeir að vinna ógnarsterkt lið Frakklands á HM í Svíþjóð í dag. Leikurinn hefur ekki síst mikla þýðingu fyrir íslenska liðið þar sem líklegt er að bæði lið munu mæta Íslandi í milliriðlakeppninni.