Björn Bergmann samdi á ný við Lilleström

Skagamaðurinn Björn Bergmann Sigurðarson hefur samið við norska liðið Lilleström til þriggja ára en hinn 19 ára gamli framherji var samningsbundinn Lilleström fram til lok þessa árs. Björn hefur reynt fyrir sér hjá nokkrum liðum í Evrópu á undanförnum vikum en hann ákvað að semja á ný við Lilleström.

„Ég er mjög ánægður með niðurstöðuna, mér líður vel á Åråsen og mér líkar vel við það starf sem unnið er hjá klúbbnnum. Lilleström er heimabærinn minn í Noregi," segir Björn í viðtali á heimasíðu félagsins. Björn skoraði fjögur mörk fyrir Lilleström á síðustu leiktíð en þjálfari liðsins er Henning Berg fyrrum leikmaður Manchester United og þaulreyndur norskur landsliðsmaður.