Selfoss lánar Jón Daði Böðvarsson til AGF

Jón Daði Böðvarsson gekk í gær frá tveimur samningum. Hann endurnýjaði samning sinn við Selfoss til ársins 2014 og gekk svo frá lánsamningi við danska félagið AGF. Jón Daði mun spila með danska liðinu fram á vor. Þetta kom fram á á fréttavefnum Sunnlenska.is.

Hamar lét Andre Dabney fara í gær

Hamar hefur ákveðið að skipta um bandarískan leikmann en Andre Dabney var látinn fara frá liðinu í gær. Dabney skoraði tíu stig í tapi Hamars á móti Fjölni á föstudagskvöldið og klikkaði þá á 10 af 13 skotum sínum. Hamar er að leita að nýjum kana en næsti leikur liðsins er á móti Keflavík um næstu helgi.

NBA: New Orleans endaði átta leikja sigurgöngu San Antonio

New Orleans Hornets vann sinn áttunda leik í röð í NBA-deildinni í körfubolta í nótt og endaði um leið átta leikja sigurgöngu San Antonio Spurs, liðsins með besta árangurinn í deildinni. Kevin Durant tryggði Oklahoma City sigur á New York með flautukörfu, Washington vann Boston, Dirk Nowitzki tryggði Dallas sigur á New Jersey sex sekúndum fyrir leikslok og 38 stig frá LeBron James hjálpuðu Miami að enda fjögurra leikja taphrinu.

Samantekt úr HM þætti Þorsteins J eftir Þýskalandsleikinn

„Við skorum ekki í tíu mínútu í seinni hálfleik og það er of mikið gegn sterku liði Þjóðverja,“ sagði Logi Geirsson í HM þættinum Þorsteinn J & gestir á Stöð 2 sport í gær eftir 27-24 tap Íslands gegn Þýskalandi. Ísland er í þriðja sæti milliriðils 1 með 4 stig en Frakkar eru efstir með 5 og Spánverjar eru með 5 stig. Tvö efstu liðin komast í undanúrslit keppninnar.

Kewell tryggði Ástralíu sæti í undanúrslitum Asíubikarsins

Harry Kewell, fyrrum leikmaður Leeds og Liverpool, var hetja Ástrala í átta liða úrslitum Asíubikarsins í gær. Ástralía og Suður-Kórea þurftu bæði framlengingu til þess að slá úr nágrannana í Írak og Íran.

Sögulegt mark hjá Tryggva í 6-1 sigri á Armenum í Futsal

Íslenska Futsal-landsliðið vann 6-1 sigur á Armeníu í öðrum leik sínum í forkeppni Evrópumótsins í Futsal sem fer fram á Ásvöllum. Þetta er fyrsti sigur íslenska landsliðsins frá upphafi í Futsal en liðið tapað 4-5 í fyrsta leiknum á móti Lettum.

Sverre: „Fyrir mig persónulega var þetta sorglegt“

„Við ætluðum okkur eitthvað allt annað. Við komust aldrei inn í leikinn fyrr en í síðari hálfleik en þeir náðu alltaf tveggja til þriggja marka forskoti,“ sagði Sverre Jakobsson varnarsérfræðingur íslenska landsliðsins eftir 27-24 tap liðsins gegn Þjóðverjum á heimsmeistaramótinu í handbolta í gær. Hörður Magnússon íþróttafréttamaður á Stöð 2 sport ræddi við Sverre eftir leikinn.

Messi með mark og stoðsendingu í 14. deildarsigri Barcelona í röð

Barcelona vann fjórtánda deildarleikinn í röð í spænsku úrvalsdeildinni í fótbolta í gær þegar liðið vann 3-0 sigur á Racing Santander á Nou Camp. Barcelona náði þar með sjö stiga forskoti á Real Madrid sem mætir Mallorca í kvöld.

Heinevetter: „Þetta var sæt hefnd“

Silvio Heinevetter markvörður þýska landsliðsins í handbolta var ánægður með 27-24 sigur Þjóðverja gegn Íslendingum í gær. Hörður Magnússon íþróttafréttamaður á Stöð 2 sport ræddi við Heinevetter eftir leikinn og viðtalið má skoða í heild sinni með því að smella á hnappinn hér fyrir ofan.

Guðmundur afar ósáttur við dómgæsluna

Guðmundur Guðmundsson landsliðsþjálfari var gríðarlega svekktur eftir leikinn í kvöld og sagði meðal annars að dómgæslan hefði verið óskiljanleg.

Alexander: Erum ekki vélmenni

Það verður ekki sakast við Alexander Petersson vegna tapsins í kvöld en hann var einn fárra íslenskra leikmanna í kvöld sem átti virkilega góðan leik.

Það er enn rokk og ról í þessu

Íslendingar töpuðu sínum fyrsta leik í kvöld á HM í handbolta gegn Þjóðverjum í fyrsta leiknum í milliriðli 1 sem fram fer í Jönköping. Í HM þættinum Þorsteinn J & gestir á Stöð 2 sport var farið yfir gang mála í leiknum og í myndbandinu má sjá brot af því besta – skreytt með góðri tónlist. Það er enn rokk og ról í þessu þrátt fyrir smá mótvind. Næsti leikur og allt það – áfram Ísland.

Ólafur: Vorum ekki nógu góðir

Ólafur Stefánsson landsliðsfyrirliði sagði eftir leikinn í kvöld að íslenska landsliðið hefði einfaldlega ekki verið nógu gott að þessu sinni.

Guðjón: Vorum sjálfum okkur verstir

Guðjón Valur Sigurðsson var sár eftir tapið í kvöld enda veit hann sem er að íslenska liðið getur mikið betur en það sýndi í kvöld.

Sverre: Þetta er kjaftshögg

Varnartröllið Sverre Jakobsson var ekki sáttur við sjálfan sig né íslenska liðið gegn Þýskalandi í kvöld.

Frakkarnir fóru illa með Ungverja - burstuðu þá með þrettán mörkum

Frakkar sýndu styrk sinn í kvöld með því að vinna þrettán marka sigur á Ungverjum 37-24, í fyrsta leik sínum í milliriðli okkar Íslendinga. Íslenska landsliðið er þar með komið niður í 3. sæti í riðlinum eftir að hafa misst bæði Frakka og Spánverja upp fyrir sig í dag.

Snorri: Erfitt að kyngja þessu

Snorri Steinn Guðjónsson sagði að sóknarleikur íslenska liðsins hefði brugðist gegn Þýskalandi í kvöld.

Danir áfram með fullt hús á HM - unnu Pólverja 28-27

Danir halda áfram sigurgöngu sinni á HM í handbolta því þeir unnu 28-27 sigur á Pólverjum í fyrsta leik liðanna í milliriðli í kvöld. Danir eru nú eina liðið í keppninni sem hefur unnið alla sex leiki sína.

Sigurður: Þjóðverjarnir komu á óvart

„Þetta var alls ekki lélegur leikur hjá okkur. En það kom mér mikið á óvart hversu öflugan varnarleik Þjóðverjar voru að spila,“ sagði Sigurður Bjarnason, einn sérfræðinga Vísis um HM í handbolta.

Darren Bent: Við vörðumst vel eftir markið

Darren Bent fékk draumabyrjun í búningi Aston Villa því hann skoraði eina mark leiksins þegar Aston Villa vann 1-0 sigur á Manchester City í ensku úrvalsdeildinni í kvöld. Bent varð dýrasti leikmaður félagsins fyrir aðeins fjórum dögum.

Þórir: Þýðir ekki að leggja árar í bát

Hornamaðurinn Þórir Ólafsson var að vonum hundsvekktur eftir tapið slæma gegn Þýskalandi í kvöld.

Gerard Houllier: Við vorum að vinna frábært lið

Gerard Houllier, stjóri Aston Villa var að sjálfsögðu mjög ánægður með 1-0 sigur Aston Villa á Manchester City í ensku úrvalsdeildinni í kvöld. Þetta var aðeins fjórði deildarsigur liðsins síðan að hann tók við í september og liðinu lífsnauðsynlegur í fallbaráttunni.

Guðmundur: Dómararnir tóku af okkur sjö víti

Guðmundur Guðmundsson, landsliðsþjálfari var ekki sáttur með serbnesku dómarana eftir 24-27 tap á móti Þjóðverjum í fyrsta leik liðsins í milliriðli á HM í handbolta í kvöld. Guðmundur var í viðtali við Hörð Magnússon, íþróttafréttamann Stöðvar 2 Sport, eftir leikinn.

Róbert: Við gefumst ekki upp við þetta

Róbert Gunnarsson átti góðan leik og þá sérstaklega í fyrri hálfleik þegar Ísland tapaði 24-27 á móti Þjóðverjum í fyrsta leik sínum í milliriðli á HM í handbolta í kvöld. Róbert gat ekki falið svekkelsið í í viðtali við Hörð Magnússon, íþróttafréttamann Stöðvar 2 Sport, eftir leikinn.

Ólafur: Hlutirnir gengu ekki frá fyrstu mínútu

Ólafur Stefánsson, fyrirliði íslenska handboltalandsliðsins, var vonsvikinn í viðtalið við Hörð Magnússon, íþróttafréttamann Stöðvar 2 Sport eftir 24-27 tap á móti Þjóðverjum á HM í handbolta í kvöld.

Mimi Kraus: Við áttum skilið að vinna

Mimi Kraus, miðjumaður Þjóðverja, var að vonum afar sáttur við sigurinn góða á Íslendingum í kvöld.

Darren Bent tryggði Aston Villa sigur á Manchester City

Darren Bent byrjaði frábærlega með Aston Villa því hann tryggði liðinu 1-0 sigur á Manchester City í kvöld í sínum fyrsta leik með Villa síðan félagið keypti hann á 24 milljónir punda frá Sunderland.

Króatar fóru illa með Argentínumenn - Svíar unnu Serba

Króatía vann 18 marka sigur á Argentínumönnum, 36-18, í fyrsta leik liðanna í hinum milliriðlinum á HM í handbolta í dag. Svíar unnu 28-24 sigur á Serbum á sama tíma og eru því komnir með fjögur stig eins og Danir sem spila seinna í kvöld.

Ísland laut í lægra haldi fyrir sterkum Þjóðverjum

Strákarnir okkar töpuðu í dag sínum fyrsta leik á HM í Svíþjóð er liðið mætti sterku liði Þýskalands. Niðurstaðan var þriggja marka sigur þeirra þýsku, 27-24.

Hamarskonur fóru illa með Keflavík - fjórtán sigrar í röð

Hamar vann 32 stiga sigur á Keflavík, 95-63, í toppslag Iceland Express deildar kvenna í Hveragerði í dag. Hamarskonur hafa þar með unnuð alla fjórtán deildarleiki sína í vetur og eru með sex stiga forskot á Keflavíkurliðið þegar deildin skiptist upp. Snæfell vann tíu stiga sigur í Grindavík og var það þriðji sigur Snæfellskvenna í röð.

Dimitar Berbatov og Robin van Persie skoruðu báðir þrennu

Manchester United vann 5-0 sigur á Birmingham í ensku úrvalsdeildinni í dag og er með tveggja stiga forskot á toppnum á Arsenal sem komst upp fyrir Manchester City með 3-0 sigri á Wigan. City getur endurheimt annað sætið þegar liðið mætir Aston Villa á eftir. Aaron Lennon tryggði Tottenham 1-1 jafntefli á móti Newcastle í uppbótartíma.

Spánverjar léku sér að Norðmönnum - komnir í efsta sætið

Spánverjar unnu sannfærandi fimm marka sigur á Norðmönnum, 32-27, í frysta leiknum í milliriðli Íslands á HM í handbolta í Svíþjóð. Norðmenn áttu aldrei möguleika á móti geysisterku spænsku liði.

Í beinni: Ísland - Þýskaland

Boltavakt Vísis og Fréttablaðsins er með beina lýsingu frá leik Íslands og Þýskalands á HM í handbolta sem fer fram í Svíþjóð.

Guðmundur hefur verið með í öllum sigrum á þýskum liðum á stórmótum

Guðmundur Guðmundsson, landliðsþjálfari, hefur komið að öllum þremur sigrum íslenska handboltalandsliðsins á þýskum landsliðum á stórmótum í handbolta. Hér er verið að tala um leiki við Þýskaland, Austur-Þýskaland og Vestur-Þýskaland á Heimsmeistaramótum, Evrópumeistaramótum og Ólympíuleikum.

Hrafnhildur: Ef að Robbi er kominn í gírinn þá hef ég ekki áhyggjur

Hrafnhildur Skúladóttir er einn þriggja sérfræðinga Vísis um HM í handbolta en Ísland mætir Þýskalandi í dag. Hrafnhildur er bjartsýn fyrir leik dagsins sem hefst klukkan 17.30 og er í beinni á Stöð 2 Sport.

Valskonur með enn einn stórsigurinn - unnu Hauka 43-17

Íslandsmeistarar Vals eru á svaka siglingu í kvennahandboltanum og Valsstelpurnar unnu sinn sjöunda deildarsigur í röð í dag þegar þær skelltu Haukum með 26 marka mun, 43-17. Valsvörnin hefur ennfremur haldið mótherjum sínum undir 20 mörkum í síðustu sex leikjum.

Mikil stemning í Jönköping

Það er gríðarleg stemning hér í Kinnarps Arena í Jönköping en keppni í milliriðli Íslands er hafinn. Höllin er afar glæsileg og gríðarleg gryfja. Stúkan brött og nær hátt upp.

Tvisvar byrjað á móti Þjóðverjum í milliriðli og tapað báðum leikjum stórt

Íslenska landsliðið hefur keppni í milliriðli í dag þegar strákarnir okkar mæta Þjóðverjum. Þetta er í þriðja skiptið sem Ísland mætir Þjóðverjum í fyrsta leik í milliriðli í stórmóti og í bæði hin skiptin hafa Þjóðverjar komist í 6-0 og unnið stóra sigra. Þessari tölfræði þurfa strákarnir að breyta í dag.

Austurríki vann Túnis en Japan tapaði fyrir Egyptalandi

Tveimur leikjum er lokið í Forsetabikar heimsmeistarakeppninnar í handbolta en það er keppni þeirra liða sem komust ekki í milliriðlana. Austurríki vann 26-25 sigur á Túnis eftir frábæran endasprett en Japan tapaði mneð sex marka mun á móti Egyptum.

Stemningin að magnast í Jönköping - myndasyrpa

Áhorfendur eru farnir að streyma í keppnishöllina í Jönköping þar sem að keppni í milliriðli á HM í handbolta hefst í dag. Íslendingar leika gegn Þjóðverjum kl. 17.30 og Valgarður Gíslason ljósmyndari Fréttablaðsins og visir.is tók þessar myndir fyrir utan höllina í dag.

Eggert og félagar unnu Rangers - bara fjórum stigum frá toppnum

Eggert Gunnþór Jónsson lék allan leikinn með Hearts þegar liðið vann 1-0 sigur á Rangers í skosku úrvalsdeildinni í fótbolta í dag. Rangers-liðið hefði farið upp að hlið Celtic á toppnum með sigri.

Torres með tvö mörk í fyrsta sigri Liverpool undir stjórn Dalglish

Liverpool vann 3-0 útisigur á Wolves í hádegisleiknum í ensku úrvalsdeildinni og hoppaði með því upp í 10. sæti deildarinnar. Þetta var fyrsti sigur liðsins undir stjórn Kenny Dalglish og aðeins annar útisigur liðsins á tímabilinu.

Steinar Ege bætir norska landsleikjametið í dag

Norðmenn og Spánverjar spila fyrsta leikinn í íslenska milliriðlinum þegar liðin mætast klukkan 15.15 í dag. Steinar Ege, markvörður norska landsliðsins, mun leik sinn 255. landsleik í þessum leik og bæta met örvhentu skyttunnar Jan Thomas Lauritzen.

Bitter: Guðjón Valur er einn sá besti í heimi

„Við verðum að gera betur en í leikjunum á Íslandi á dögunum,“ segir Johannes Bitter markvörður Þjóðverja í viðtali við Hörð Magnússon á Stöð 2 sport. Bitter og félagar eru án stiga í milliriðlinu og leika gegn Íslendingum í dag kl. 17.30.

Bæjaryfirvöld í Jönköping eyddu milljónum í auglýsingar

Það er mun meiri stemning fyrir HM hér í Jönköping en var í Norrköping og Linköping. Hér er búið að leggja mikið í að skreyta bæinn og auglýsa viðburðinn almennilega.