Cleveland og Phoenix komin með forystu

Tveimur leikjum er þegar lokið í úrslitakeppni NBA-deildarinnar í kvöld. Cleveland lagði Washington auðveldlega á heimavelli, 97-82, en Phoenix þurfti að hafa mikið fyrir 95-87 sigri á LA Lakers, þar sem gestirnir höfðu forystu allt fram í fjórða og síðasta leikhluta. Cleveland og Phoenix hafa því náð 1-0 forystu í einvígunum.

Barcelona tapar og spennan eykst á Spáni

Spennan eykst með hverjum leik í spænsku úrvalsdeildinni og harnaði toppbaráttan enn frekar í kvöld þegar Barcelona tapaði fyrir Villeral, 2-0. Á sama tíma vann Sevilla öruggan sigur á Atletico Bilbao, 4-1, og munar nú aðeins einu stigi á liðunum. Eiður Smári Guðjohnsen lék síðustu 15 mínúturnar fyrir Barcelona.

Ronaldo vann tvöfalt

Cristiano Ronaldo, leikmaður Manchester United, var valinn besti leikmaður ensku úrvalsdeildarinnar af samtökum leikmanna deildarinnar en úrslitin voru gerð opinber í kvöld. Ronaldo var einnig valinn besti ungi leikmaður deildarinnar en þetta er aðeins í annað skiptið í sögunni sem sami leikmaðurinn hlýtur bæði verðlaunin.

Strachan í sannkallaðri sigurvímu

Celtic gulltrygði meistaratitilinn í skosku úrvalsdeildinni í knattspyrnu í dag með því að sigra Kilmarnock á útivelli, 2-1. Það var Japaninn Shunsuke Nakamura sem skoraði sigurmark Celtic beint úr aukaspyrnu þegar komið var fram yfir venjulegan leiktíma. Þjálfarinn Gordon Strachan lýsti sigurtilfinningunni eftir leikinn við vímu.

Phoenix og LA Lakers í beinni á Sýn Extra

Sjónvarpsstöðin Sýn mun sýna mikið frá úrslitakeppni NBA-deildarinnar næstu vikur og má segja að fjörið hefjist formlega í kvöld þegar Phoenix og LA Lakers eigast við í sínum fyrsta leik. Leikurinn hefst kl. 19 og verður verður sýndur í beinni útsendingu á Sýn Extra, en auk þess verður útsending frá leiknum sýnd á Sýn strax að loknum leik Barcelona og Villareal í spænsku úrvalsdeildinni.

Valsmenn eru Íslandsmeistarar

Valur er Íslandsmeistari karla í handbolta árið 2007. Liðið tryggði sér sigur í DHL-deildinni með því að leggja Hauka af velli á Ásvöllum, 33-31, en á sama tíma gerði HK 27-27 jafntefli við Akureyri fyrir norðan. Valsmenn hluti 33 stig í deildinni í vetur en HK varð í öðru sæti með 32 stig.

Valur í lykilstöðu þegar 10 mínútur eru eftir

Íslandsmeistaratitilinn blasir við Valsmönnum þegar 10 mínútur eru eftir af síðustu umferð DHL-deildar karla í handbolta. Þeir hafa þriggja marka forystu á Hauka, 28-26, og þurfa því að klúðra miklu á lokamínútunum til að missa af Íslandsmeistaratitlinum. HK er einu marki yfir gegn Akureyri fyrir norðan, 21-20.

Jafnt hjá Kiel og Flensburg í Meistaradeildinni

Flensburg og Kiel skildu jöfn, 28-28, í fyrri viðureign liðanna í úrslitum Meistaradeildarinnar í handbolta. Leikurinn fór fram á heimavelli Flensburg svo að lið Kiel, sem saknar margra lykilmanna vegna meiðsla, verður að teljast vera í góðri stöðu fyrir síðari leikinn á sínum heimavelli sem fram fer um næstu helgi.

Valsmenn í góðri stöðu

Valsmenn eru komnir með aðra höndina á Íslandsmeistaratitilinn í handbolta en liðið hefur þriggja marka forystu, 16-13, þegar flautað hefur verið til hálfleiks í viðureign liðsins gegn Haukum á Ásvöllum í DHL-deildinni. HK hefur sömuleiðis yfir gegn Akureyri fyrir norðan, 14-13. Ef Valur sigrar á Ásvöllum í dag er liðið orðið Íslandsmeistari.

Mourinho: Áttum ekki skilið að vinna

Jose Mourinho, knattspyrnustjóri Chelsea, viðurkenndi eftir markalausa jafnteflið gegn Newcastle í dag að sínir menn hefðu ekki átt skilið að fara frá St. James´Park með þrjú stig í farteskinu. Mourinho var hins vegar mjög óánægður með dómara leiksins og sagði augljósri vítaspyrnu hafa verið sleppt.

Joey Barton gagnrýnir forráðamenn Man. City

Joey Barton, leikmaður Manchester City á Englandi, hefur gagnrýnt stjórnarmenn félagsins harðlega fyrir að hafa ekki hugmynd um hvert þeir vilja stefna með félagið. Barton telur að tímabilið í ár hafi verið algjörlega misheppnað og að stuðningsmenn liðsins eigi betri árangur skilinn. Hann náist hins vegar ekki án þess að betri leikmenn komi til liðsins.

Inter tryggði sér ítalska meistaratitilinn

Inter tryggði sér í dag ítalska meistaratitilinn í knattspyrnu með því að leggja Siena af velli í dag. Á sama tíma tapaði Roma fyrir Atalanta sem þýðir að liðið á ekki lengur tölfræðilega möguleika á að ná Inter að stigum. AC Milan steig stórt skref í átt að sæti í forkeppni Meistaradeildarinnar með sínum fjórða sigurleik í röð.

Grétar og félagar komnir á toppinn í Hollandi

Grétar Rafn Steinsson og félagar hans í AZ Alkmaar standa með pálmann í höndunum þegar aðeins ein umferð er enn óleikin í hollensku úrvalsdeildinni í fótbolta. AZ vann auðveldan 3-1 sigur á Heerenveen í dag á sama tíma og helstu keppinautarnir í PSV náðu aðeins jafntefli gegn Utrecht. AZ, PSV og Ajax eru öll með 72 stig en AZ er með langbestu markatöluna.

Chelsea náði aðeins jafntefli gegn Newcastle

Leik Newcastle og Chelsea í ensku úrvalsdeildinni er lokið og svo fór að liðin gerðu markalaust jafntefli. Chelsea missti þar með af gullnu tækifæri til að minnka forskot Man. Utd. á toppi deildarinnar niður í eitt stig og munar því ennþá þremur stigum á liðunum þegar hvort lið á fjóra leiki eftir. Þýski miðjumaðurinn Michael Ballack meiddist í leiknum.

Lemgo lagði Gummersbach á útivelli

Lemgo vann mjög góðan sigur á Íslendingaliðinu Gummerbach í þýsku úrvalsdeildinni í handbolta í dag, 32-29. Áhorfendur Sýnar fengu að sjá mjög góðan handboltaleik sem fór fram í hinni stórglæsilegu Köln-Arena fyrir framan tæplega 20 þúsund manns. Íslendingarnir í liðunum létu mismikið að sér kveða í dag.

Maradona farinn í meðferð

Argentínska goðsögnin Diego Maradona hefur verið útskrifaður af sjúkrahúsi í Buenos Aires í heimalandi sínu og hefur þess í stað verið lagður inn á meðferðarstofnun ekki langt frá borginni. Þar mun hinn 46 ára gamli Maradona reyna að vinna bug á áfengisfíkn sinni.

Lemgo sjö mörkum yfir í hálfleik

Lemgo er að spila stórvel og hefur 17-11 forystu í hálfleik í leik Gummersbach og Lemgo í þýsku úrvalsdeildinni í handbolta sem nú er í gangi og er í beinni útsendingu á Sýn. Guðjón Valur Sigurðsson hefur skorað 4 mörk fyrir Gummersbach og Logi Geirsson 1 mark fyrir Lemgo, en athygli vekur að Róbert Gunnarsson hefur ekki komist á blað.

Hitzfeld skammar leikmenn sína

Ottmar Hitzfeld og Oliver Kahn, þjálfari og fyrirliði Bayern Munchen, eru allt annað en sáttir með frammistöðu leikmanna liðsins í leiknum gegn Stuttgart í gær. Leikurinn tapaðist 2-0 og eru möguleikar Bayern á titlinum orðnir stjarnfræðilegir. Þá er alls ekki víst að Bayern nái að tryggja sér sæti í Meistaradeildinni á næstu leiktíð.

Keisarinn hvetur Klinsmann til að taka við Chelsea

Franz Beckenbauer, fyrrum fyrirliði og þjálfari þýska landsliðsins í fótbolta, telur að Jurgen Klinsmann eigi að taka við starfi Jose Mourinho hjá Chelsea, fari svo að honum verði boðin þjálfarastaðan á Stamford Bridge í nánustu framtíð. Klinsmann hefur verið sterklega orðaður sem eftirmaður Mourinho hjá Chelsea, hvenær svo sem portúgalski stjórinn hverfur á braut.

Veigar Páll: Þetta var dásamlegt

Veigar Páll Gunnarsson er í skýjunum með að hafa náð að opna markareikning sinn í norsku úrvalsdeildinni í knattspyrnu, en hann skoraði bæði mörk Stabæk í fræknum sigri liðsins á Rosenborg í gærkvöldi. “Tilfinningin er dásamleg,” sagði Veigar við norska fjölmiðla þegar hann var spurður að því hvernig það hefði verið að tryggja liði sínu sigur á norska stórveldinu.

Titilvörn Miami hófst með tapi

New Jersey vann góðan útisigur á Toronto og meistarar Miami hófu titilvörn sína á að tapa fyrir Chicago þegar úrslitakeppni NBA-deildarinnar hófst í nótt. Tveir aðrir leikir voru á dagskrá úrslitakeppninnar í nótt.

Viðar Ingólfsson er Meistarinn

Viðar Ingólfsson sigraði Meistaradeild VÍS í gærkveldi með 50 stig í heildina. Í öðru sæti hafnaði Sigurður Sigurðarson með 48 stig og í því þriðja varð Sigurbjörn Bárðarson með 44 stig. Viðar hlaut farandbikar gefinn af Landsambandi Hestafélaga ásamt Hrímni hnakk gefnum af Icesaddles auk þess sem hann fékk 600 þúsund krónur í verðlaunafé frá VÍS.

Allt að gerast á króknum

VS eða Vélhjólaklúbbur skagafjarðar hefur undanfarna mánuði verið að byggja upp eina glæsilegustu krossbraut á landinu ef má marka heimamenn sem hjóla í brautinni reglulega.

Beckham lagði upp sigurmarkið fyrir Ramos

Real Madrid vann góðan sigur á Valencia á heimavelli sínum í spænsku úrvalsdeildinni í fótbolta í kvöld. Úrslitin urðu 2-1, Real í vil, en það var varnarmaðurinn Sergio Ramos sem skoraði sigurmarkið á 73. mínútu eftir frábæra sendingu David Beckham úr aukaspyrnu. Með sigrinum kemst Real upp í 2. sæti deildarinnar.

10 mestu klúður knattspyrnusögunnar (Myndband)

Ónefnd bresk sjónvarpsstöð hefur valið 10 mestu klúður knattspyrnusögunnar og sett þau saman í fjögurra mínútna langt myndband sem hægt er að nálgast með því að smella á hlekk sem fylgir fréttinni. Í öllum tilvikum er um að ræða ótrúleg dauðafæri sem hefði verið mun erfiðara að brenna af.

Ferguson: Dyrnar eru opnar fyrir Chelsea

Sir Alex Ferguson, stjóri Man. Utd. viðurkennir að kapphlaupið um meistaratitilinn í ensku úrvalsdeildinni sé fjarri því að vera á enda eftir jafntefli liðsins gegn Middlesbrough í kvöld. Manchester United varð fyrir áfalli þegar Rio Ferdinand fór meiddur af velli og verður hann frá í tvær vikur hið minnsta.

Veigar var hetja Stabæk gegn Rosenborg

Landsliðsmaðurinn Veigar Páll Gunnarsson skoraði bæði mörk Stabæk þegar liðið bar sigurorð af Rosenborg í norsku úrvalsdeildinni í knattspyrnu nú í kvöld. Mörkin skoraði Veigar á 59. og 83. mínútu en Rosenborg hafði komist yfir í fyrri hálfleik. Þá unnu lærisveinar Sigurðar Jónssonar í Djurgarden góðan sigur á Helsingborg í sænsku úrvalsdeildinni.

21,8 milljónir manns sáu leikina

Nýtt aðsóknarmet var sett í NBA-deildinni á nýafstöðnu keppnistímabili í NBA-deildinni en alls komu 21,8 milljónir manna á leiki vetrarins, eða 17,757 manns að meðaltali. Þetta er þriðja árið í röð sem nýtt aðsóknarmet er sett í deildinni, en í fyrra mættu 17,558 manns að meðaltali á hvern leik í deildinni.

Lampard: Drogba er sá besti

Miðjumaðurinn Frank Lampard telur að félagi sinn Didier Drogba eigi skilið að vera valinn leikmaður ársins af samtökum leikmanna ensku úrvalsdeildarinnar, fremur heldur en Cristiano Ronaldo hjá Man. Utd. Ástæðan sé einföld; Drogba hafi verið besti framherjinn í heiminum á þessu tímabili. Úrslitin í kjörinu verða tilkynnt annað kvöld.

Man. Utd. tapaði stigum gegn Middlesbrough

Manchester United náði aðeins jafntefli gegn Middlesbrough í liðanna í ensku úrvalsdeildinni sem fram fór á Old Trafford nú undir kvöld. Man. Utd. komst yfir strax á þriðju mínútu með marki Kieran Richardsson en Mark Viduka jafnaði metin á 46. mínútu og þar við sat. Chelsea á einn leik til góða og með sigri mun liðið verða aðeins einu stigi á eftir Man. Utd.

Bayern Munchen að missa af lestinni

Schalke endurheimti toppsætið í þýsku úrvalsdeildinni í dag með því að leggja Energie Cottbus af velli í dag, 2-0 en Werder Bremen hafði komist á toppinn í gærkvöldi með 3-1 sigri á Alemannia Aachen. Þá má segja að titilvonir Bayern séu að engu orðnar eftir 2-0 tap gegn Stuttgart í dag.

Riley verður áfram hjá Miami

Pat Riley, þjálfari Miami Heat í NBA-deildinni, segir allar líkur á því að hann stjórni Miami-liðinu allt þar til samningur hans við félagið rennur út árið 2010. Riley hefur átt við heilsuvandamál að stríða síðustu misseri og vildu margir meina að núverandi tímabil kynni að vera hans síðasta með Miami. Riley segist hins vegar vera í fullu fjöri.

Curbishley: Leikurinn gegn Wigan ræður úrslitum

Alan Curbishley, knattspyrnustjóri West Ham, var að vonum ánægður með lærisveina sína verðskuldaðan sigur þeirra á Everton í dag. Þetta var fjórði sigur West Ham í síðustu sex leikjum, og allir hafa þeir komið gegn liðum í efri hluta deildarinnar. Næsti leikur liðsins er gegn Wigan og segir Curbishley að sá leikur muni líklega ráða úrslitum um framhaldið.

Wenger: Okkur líður eins og eftir tapleik

Arsene Wenger, knattspyrnustjóri Arsenal, var gríðarlega vonsvikinn með að hafa misst unnin leik niður í jafntefli í viðureigninni gegn Tottenham í dag, en hrósaði leikmönnum sínum þó fyrir að sýna mikinn karakter. Wenger sagði við fréttamenn eftir leikinn að stemningin í búningsklefanum eftir leik hafi verið eins og eftir tapleik.

Celtic á eftir Eiði Smára?

El Mundo Deportivo, útbreiddasta blað Katalóníu-héraðs á Spáni, segir að skoska stórveldið Celtic sé á höttunum á eftir Eiði Smára Guðjohnsen, fyrirliða íslenska landsliðsins og leikmanni Barcelona. Fréttin virðist þó eingöngu byggð á getgátum blaðamanns því ekkert er haft eftir forráðamönnum Celtic. Enn fremur segir að Man. Utd hafi enn áhuga á Eiði Smára.

Ferguson hrósar ótrúlegri endurkomu Alan Smith

Sir Alex Ferguson, stjóri Manchester United, segir að endurkoma Alan Smith í lið sitt hafi verið lyginni líkust og geti gert gæfumuninn í baráttu liðsins um sigur í ensku deildinni, ensku bikarkeppninni og Meistaradeildinni. Eftir að hafa verið frá í nánast 14 mánuði samfleytt hefur Smith spilað frábærlega á síðustu vikum.

Ekki öll nótt úti enn fyrir West Ham

Eggert Magnússon og félagar í West Ham unnu gríðarlega mikilvægan sigur á Everton í ensku úrvalsdeildinni í dag og er nú þremur stigum frá því að komast upp úr fallsæti deildarinnar. Á sama tíma gerðu helstu keppinautarnir, Charlton og Sheffield Utd., gerðu 1-1 jafntefli. Fjölmargir leikir fóru fram í Englandi í dag og er Watford fallið í 1. deild.

West Ham yfir í hálfleik

Íslendingaliðið West Ham er með 1-0 forystu gegn Everton þegar flautað hefur verið til hálfleiks í viðureign liðanna í ensku úrvalsdeildinni í dag. Á sama tíma eru Charlton og Sheffield Utd. að gera markalaust jafntefli og ef úrslitin yrðu á þennn veg væri West Ham aðeins tveimur stigum frá því að komast úr fallsæti eftir leiki dagsins.

Mourinho ánægður með Carvalho

Varnarmaðurinn Ricardo Carvalho er vanmetnasti leikmaður Chelsea, að mati Jose Mourinho. Portúgalski knattspyrnustjórinn segir að landi sinn hafi staðið sig frábærlega í vetur, sérstaklega í ljósi meiðsla lykilmanna í öftustu línu liðsins.

Lykilmenn Grindavíkur framlengja samninga

Nafnarnir Páll Axel Vilbergsson og Páll Kristinsson, landsliðsmenn í körfubolta, hafa skrifað undir nýja samninga við lið Grindavíkur í Iceland Express-deild karla í körfubolta. Páll Axel samdi til þriggja ára en Páll Kristinsson skrifaði undir tveggja ára samning. Þá er ljóst að Friðrik Ragnarsson verður áfram þjálfari liðsins á næstu leiktíð.

Ívar og Brynjar byrja - Hermann og Heiðar á bekknum

Ívar Ingimarsson og Brynjar Björn Gunnarsson eru báðir í byrjunarliði Reading sem sækir Bolton heim í ensku úrvalsdeildinni í dag. Heiðar Helguson er á meðal varamanna Fulham sem fær Blackburn í heimsókn og það er Hermann Hreiðarsson sömuleiðis hjá Charlton, en liðið mætir Sheffield United í dag.

Jenas jafnaði á síðustu sekúndu

Jermaine Jenas jafnaði metin fyrir Tottenham á 95. mínútu í viðureign liðsins gegn erkifjendunum í Arsenal í ensku úrvalsdeildinni í dag. Lokatölur urðu 2-2 eftir mjög sveiflukenndan leik, þar sem Tottenham komst yfir í fyrri hálfleik áður en Arsenal svaraði með tveimur mörkum í þeim síðari.

Carragher þolir ekki að spila á móti Heskey

Jamie Carragher, varnarmaður Liverpool, hlakkar ekki til að mæta Emile Heskey í leiknum gegn Wigan í ensku úrvalsdeildinni í dag, enda sá hann ein helsta martröð varnarmanna deildarinnar. Carragher lék lengi með Heskey hjá Liverpool og telur hann vera frábæran leikmann.

Curbishley vill ekki að leikmenn fagni

Alan Curbishley, knattspyrnustjóri West Ham, hefur skipað leikmönnum sínum að fagna ekki mörkum fyrr en að liðið hafi bjargað sér frá falli. Curbishley var ekki ánægður með gríðarleg fagnaðarlæti leikmanna liðsins þegar það jafnaði í leiknum gegn Chelsea um síðustu helgi, en Chelsea skoraði aftur á meðan leikmennirnir voru nánast enn að fagna.

Gilberto vill fá Dein aftur til Arsenal

Gilberto Silva, hinn brasilíski miðjumaður Arsenal, segir að leikmenn liðsins hafi fengið vægt sjokk þegar þeir heyrðu af brotthvarfi stjórnarmannsins David Dein frá félaginu í vikunni. Gilberto vill jafnframt að Arsenal geri allt til að fá Dein aftur til félagsins, svo stóran þátt hafi hann átt í velgengni liðsins síðustu ár.