Damanaki boðar minni miðstýringu

Maria Damanaki, sjávarútvegsstjóri ESB, leggur mikla áherslu á að draga úr miðstýringu við endurskoðun sameiginlegrar sjávarútvegsstefnu sambandsins.

Alls eru 297 látnir í Taílandi

Tala látinna af völdum flóðanna í Taílandi hefur nú hækkað upp í 297 en miklir rigningar hafa verið í landinu síðustu tvo mánuði. Talið er að yfir 8,5 milljónir manna í 61 héraði hafi orðið fyrir barðinu á flóðunum. Búist var við meiri rigningu á sunnudag í fleiri héruðum sem og í höfuðborginni, Bangkok. Þar vinna hjálparstarfsmenn að því að breikka skurði og styrkja flóðvarnir í kringum borgina.

Mótmælendur handteknir í Bandaríkjunum

Lögreglan í New York handtók um það bil sjötíu manns í gærkvöld sem mótmæltu efnahagsástandinu í Bandaríkjunum við Times Square.

Hafa gefið út nöfnin á föngunum sem verður sleppt

Stjórnvöld í Ísrael hafa gefið út nöfn á þeim fjögur hundruð sjötíu og sjö föngum frá Palestínu sem sleppt verður í skiptum við Ísraelska hermanninn Gilad Shalit sem situr nú í fangelsi í Palestínu. Forseti Ísrael Simon Peres hefur hafið náðunarferli fangana.

Gucci tískuvörur sagðar framleiddar í þrælakistum

Starfsmenn í kínverskri verksmiðju, sem framleiðir Gucci tískuvörur, hafa sent yfirvöldum og fjölmiðlum opið bréf, þar sem þeir halda því fram að verksmiðjan sé í raun þrælakista.

Hafa áhyggjur af börnum með snjallsíma

Ef trylltir uppvakningar og þrýstnar stúlkur í leit að sætum strákum myndu rata í barnatímana yrði líklega eitthvað sagt. Þannig hafa bandarískir foreldrar verulegar áhyggjur af snjallsímum, sem fjölmörg börn hafa undir höndum, en þangað virðist "óviðeigandi“ efni eiga greiða leið í formi smáforrita (apps).

Pylsusali reyndist líka vera vopnasali

Karlmaður á sextugsaldri var handtekinn af lögreglunni í San Jose í Bandaríkjunum í september ásamt meintum vitorðsmanni sínum, sem er rúmlega tvítugur, fyrir að selja vopn úr pylsuvagni.

Minnsta kosti 20 slasaðir og fjölmargir handteknir í Róm

Minnsta kosti tuttugu hafa slasast og fjölmargir hafa verið handteknir í fjölmennum en ofbeldisfullum mótmælum í miðborg Rómar.

Mótmæli víða um heim - Assange mótmælti í London

Fjölmenn mótmæli fóru fram í miðborginni í dag sem og í fjölmörgum löndum. Hundruð manna voru samankomnir á Austurvelli þar sem Hörður Torfason hélt ræðu. Á sama tíma fóru fram önnur mótmæli á Lækjartorgi. Þau eru hluti af mótmælum á heimsvísu þar sem meðal annars Julian Assange mótmælti.

Ofbeldisfull mótmæli í Róm - mótmælt á Austurvelli klukkan þrjú

Mótmæli í Róm á Ítalíu hafa snúist upp í ofbeldisfull mótmæli samkvæmt fréttavef AP en um hundrað þúsund manns mótmæla í miðborg Rómar. Svartan reyk leggur nú frá miðborginni þar sem mótmælendur hafa meðal annars kveikt í bílum.

Kortleggja erfðamengi 115 ára konu

Erfðamengi 115 ára konu hefur nú verið kortlagt af vísindamönnum til að komast að galdrinum á bak við langlífið.

Íbúar í Bangkok búa sig undir mikil vatnsflóð

Ótti hefur gripið um sig í Bangkok, höfuðborg Taílands, um að flóðavatnið, sem kaffært hefur stóra hluta landsins, muni brátt flæða yfir borgina. Um níu milljónir manna búa í Bangkok þannig að mikil ringulreið myndi skapast ef fólkið þyrfti að forða sér í skyndi. Forsætisráðherra landsins fullyrðir þó að flóðavarnir borgarinnar muni halda. Rammgert kerfi af stíflum, skurðum og flóðvarnargörðum hafi verið styrkt undanfarna daga og vikur. „Ég stend harður á því að flóðin muni aðeins hafa áhrif á úthverfi Bangkok en verði ekki mikil í öðrum hverfum,“ sagði Yingluck Shinawatra forsætisráðherra í gær. Stjórnvöld hafa samt undanfarna daga haft uppi aðvörunarorð um að flóðin séu að ná hættumörkum. Þegar rigningarnar næstu daga bætast ofan á vatnsflóðið norðan úr fjöllunum verði vart hægt að koma í veg fyrir flóð í höfuðborginni, ekki síst þar sem háflæði er á sama tíma. Vatnsyfirborðið geti hækkað það hratt að stjórnvöld geti ekkert gert annað en horft á þegar vatnið flæðir yfir borgina. Nyrst í borginni fylgdist Somjai Tpientong áhyggjufull með vatnsyfirborðinu hækka jafnt og þétt. Hún sagðist ekki átta sig á því hvort sandpokavarnir muni duga til að verja borgirnar Bangkok og Rangsit. „Ef vatnið kemur þá verð ég að láta það gerast. Ég hef ekki nokkra möguleika til að stöðva það. Hvað mig varðar, þá mun ég flytja mig upp á efri hæð hússins,“ sagði hún. „Ég kenni í brjósti um það fólk sem býr á lægri slóðum.“ Ástandið er orðið mjög slæmt víða í Taílandi. Flóðin í ár, sem eru þau verstu sem Taílendingar hafa kynnst í hálfa öld, hafa nú þegar kostað nærri 300 manns lífið. Þau hafa raskað lífi hjá meira en átta milljón manna í 61 af 77 héruðum landsins. gudsteinn@frettabladid.is

Skýrslan ótrúlega þunnur þrettándi

"Mér þykir þessi skýrsla nú ótrúlega þunnur þrettándi þegar kemur að varnar- og öryggismálum,“ segir Össur Skarphéðinsson utanríkisráðherra um skýrslu rannsóknarstofnunar sænska hersins um ástand öryggismála á Íslandi, sem Fréttablaðið sagði frá í gær. "Hins vegar gefur hún góða félags- og sálfræðilega sýn á þjóð í vanda að lokinni kreppu.“

Töluvert stærri en talið var

Breskir og bandarískir vísindamenn hafa lokið nýjustu rannsóknum á Tyrannosaurus Rex, eða grameðlunni, sem leiða í ljós að hún var um 30 prósentum þyngri en áður var talið. Helsta viðfang rannsóknarinnar var eðlan Sue, fullorðin grameðla, sem nú er til sýnis í Chicago. Vísindamennirnir komust einnig að því að á unglingsárum sínum hafi eðlan stækkað tvisvar sinnum hraðar en fyrri rannsóknir bentu til. Á aldrinum 10 til 15 ára þyngdist Sue um fimm kíló á dag. - sv

Átök blossa upp að nýju í Trípólí

Átök blossuðu upp að nýju í Trípólí höfuðborg Líbíu í morgun á milli uppreisnarmanna sem nú hafa landið að mestu leyti á sínu valdi, og stuðningsmanna Múammars Gaddafí fyrrverandi einræðisherra.

King vinnur að framhaldi The Shining

Bandaríski rithöfundurinn Stephen King tilkynnti á fyrirlestri í George Mason Háskólanum að hann væri að vinna að framhaldi The Shining. Bókin er ein vinsælasta skáldsaga King. Leikstjórinn Stanley Kubrick framleiddi og leikstýrði kvikmynd byggða á bókinni.

Á von á heimsendi í næstu viku

Dómsdagsspámaðurinn Harold Camping telur að heimsendir muni eiga sér stað 21. október næstkomandi.

Liam Fox segir af sér

Liam Fox, varnarmálaráðherra Bretlands, hefur sagt af sér. Fox hefur verið undir mikilli pressu að undanförnu eftir að upp komst um óeðlileg samskipti hans við Adam Werritty.

Vísindamenn greina gelt píranafiska

Vísindamenn telja sig nú vita hvað gelt píranafiska þýða. Lengi hefur verið vitað að kjötætan ógnvænlega gefi frá sér hljóð en merking þeirra hefur verið á huldu.

Yfirvöld í Bangkok óttast flóð

Mikil flóð eru nú í Tælandi og hafa yfirvöld í Bangkok gefið út viðvörun til íbúa höfuðborgarinnar.

Obama boðar aðgerðir gegn Íran

Barack Obama, forseti Bandaríkjanna, sagði á blaðamannafundi í gær að nauðsynlegt sé að einangra Íran enn frekar vegna meints fyrirhugaðs morðtilræðis á sendirherra Sádí-Arabíu í Washington.

Dregið úr björgunaraðstoð eftir mannrán

Ákveðið hefur verið að draga úr björgunaraðstoð í flóttamannabúðum á landamærum Keníu og Sómalíu. Talsmaður Sameinuðu Þjóðanna sagði í viðtali á BBC að þetta hafi verið ákveðið eftir að tveim læknum var rænt við Dadaab flóttamannabúðirnar í Keníu í gær.

Ríkisstjórn Berlusconi heldur velli

Ljóst er að ríkisstjórn Silvio Berlusconi, forsætisráðherra Ítalíu, mun sitja áfram. Kosið var um vantrauststillögu sem lögð var fram gegn ríkisstjórninni í vikunni. Berlusconi sigraði kosningarnar með 316 atkvæðum gegn 301.

Vonast til að tæma skipið í dag

Björgunarteymi búa sig nú undir að dæla því sem eftir af olíunni úr flutningaskipinu sem strandaði við Nýja Sjáldand.

Harry Potter hrekkjusvín með bensínssprengju

Leikarinn Jamie Waylett hefur verið kærður fyrir að hafa bensínsprengju undir höndum í óeirðunum í London í ágúst á þessu ári. Hann er einnig sakaður um að hafa rænt kampavínsflösku úr verslun sem óeirðarseggir höfðu brotist inn í.

T-Rex stærri en áður var talið

Breskir og Bandarískir vísindamenn hafa lokið nýjustu rannsóknum á Tyrannosaurus Rex (T-Rex). Niðurstöðurnar koma mikið á óvart en vísindamennirnir telja að risaeðlan hafi verið mun þyngri en áður var talið. Einnig sýndu sneiðmyndir af beinum risaeðlunnar að unglingsár hennar hafi verið afar róstusöm.

Bloomberg neitar að hitta mótmælendur

Hundruð mótmælenda komu saman í gær fyrir fram lúxusveitingastaðinn Ciprani í New York. Mótmælendur vonuðust til að geta afhent Michael Bloomberg, borgarstjóra New York, undirskriftarlista þar sem krafist er þess að mótmælendur fái leyfi til að vera áfram í Zucotti Park en þar hafa meðlimir hreyfingarinnar Hernenum Wall Street komið sér fyrir.

Stærðfræðikennari kveikti í sér

Ekki er vitað hvað kennaranum í Béziers í Suður-Frakklandi gekk til þegar hún kveikti í sér í gær. Atvikið átti sér stað í frímínútum og segja vitni að stærðfræðikennarinn hafi hellt yfir sig bensíni áður en hún kveikti í sér.

Vantraust lagt fram gegn Berlusconi

Vantrauststillaga gegn Silvio Berlusconi forsætisráðherra Ítalíu verður lögð fram á ítalska þinginu í dag.

Slóvakía samþykkti stækkun stöðugleikasjóðsins

Þing Slóvakíu samþykkti í gærkvöldi stækkun á stöðugleikasjóði evru-landanna.

Verk eftir Freud selt á hátt í 600 milljónir

Eitt af meistaraverkum breska málarans Lucian Freud var selt á uppboði hjá Sotheby´s í gærkvöldi fyrir yfir 3 milljónir punda eða hátt í 600 milljónir króna.

Miklar truflanir á lestarsamgöngum í Danmörku

Miklar truflanir eru á lestarsamgöngum milli landshluta í Danmörku þessa stundina. Lestarferðir lágu niðri í tvo og hálfan tíma í morgun eftir að maður kastaði sér fyrir lest við Hedehusene milli Kaupmannahafnar og Hróarskeldu um klukkan hálf fimm að staðartíma.

Vísindamenn endurskapa bakteríuna Svarta dauða

Vísindamönnum hefur tekist í fyrsta sinn að endurskapa bakteríuna sem olli Svarta dauða á miðöldum en Svarti dauði er ein skæðasta farsótt sem herjað hefur á mannkynið.

Sænski herinn telur öryggi áfátt á Íslandi

Kreppurnar á Íslandi eru þrjár: efnahagskreppa, stjórnmálakreppa og varnarmálakreppa. Stjórnmálakreppan torveldar lausnir, bæði á efnahagskreppunni og varnarmálakreppunni.

Sprengja reyndist gjöf frá forseta

Stjórnarbyggingar í Stokkhólmi voru rýmdar um tíma í gærmorgun vegna sprengjuhættu. Tveir pakkar fundust sem talið var að gætu innihaldið sprengjur.

Bönkum meinað að greiða arð og bónus

Bankar eiga hvorki að greiða út arð né kaupauka fyrr en varasjóðir þeirra eru orðnir nógu digrir til að standast þær nýju kröfur sem Evrópusambandið hyggst gera til þeirra.

Flóð hrífa með sér börn í flóttamannabúðum

Tvö börn hafa látist og eitt er týnt eftir flóð í Sigale-flóttamannabúðunum í Mogadishu í gær. Fjölskyldur í búðunum flúðu í skjól þegar flóðin skullu á, þunguð kona varð undir í ringulreiðinni og lést.

Facebook og eBay í samstarf

Katie Mitic, einn af stjórnendum eBay, tilkynnti í dag að vefverslunin færi í samstarf með Facebook, samskiptasíðunni vinsælu.

Flugslys á Papúa Nýju-Gíneu

Flugvél hrapaði í Papúa Nýju-Gíneu fyrir stuttu, vélin var á leið til Madang á norðurströnd eyjunnar. 32 farþegar voru um borð.

Fallið frá ákærum á Strauss-Khan

Fallið hefur verið frá nauðgunarákæru á hendur Dominique Strauss-Khan, fyrrverandi framkvæmdarstjóra Alþjóðagjaldeyrissjóðsins.

Tölvuþrjótur handtekinn

Alríkislögreglan í Bandaríkjunum hefur handtekið mann sem sakaður er um að hafa brotist inn í tölvupóst Hollywood-leikara og stolið þaðan gögnum.

Gassprenging í Rio de Janeiro

Gassprenging átti sér stað á veitingastað í miðborg Rio de Janeiro í Brasílíu í dag. Þrír létust og þrettán manns særðust.

Spænskum læknum rænt í Kenía

Vígamenn rændu tveimur spænskum læknum í Dadaab flóttamannabúðunum í Kenía.

Konungur Bútan giftist

Mikill fögnuður er nú í Bútan eftir að konunglegt brúðkaup fór þar fram í gær. Jigme Khesar Namgyel Wangchuck, hinn 31 ára gamli konungur Bútan, gekk að eiga Jigme Khesar Namgyel Wangchuck wed Jetsun Pema í litlum dal í Himalaföllum.

Játaði bæði á sig nauðgun og morð eftir að hafa verið misþyrmt

Sautján ára dreng, sem grunaður er um að vera stuðningsmaður Gaddafís, var misþyrmt svo illa í Líbýsku fangelsi að hann játaði á sig bæði nauðgun og morð. Mannréttindasamtök leggja hart að bráðabirgðastjórn landsins að stöðva pyntingar í fangelsum.