Auka viðbúnað á Hawaii vegna Norður-Kóreu

Bandaríkjaher hefur aukið viðbúnað sinn á Hawaii vegna hugsanlegrar eldflaugaárásar Norður-Kóreu en japanskt dagblað greindi frá því í gær að Norður-Kóreumenn hefðu í hyggju að skjóta langdrægustu eldflaug sinni í átt að Hawaii nálægt þjóðhátíðardegi Bandaríkjanna, 4. júlí.

Allen Stanford handtekinn fyrir fjársvik

Bandaríska alríkislögreglan FBI handtók í gær auðkýfinginn Allen Stanford fyrir fjársvik en honum er gefið að sök að hafa gefið út skuldabréf að andvirði átta milljarða dollara með vöxtum sem eru of háir til að geta staðist.

Bandaríski herinn á slóð N-kóreskra skipverja

Bandaríski herinn fylgist nú með norður kóreska skipinu Kang Nam, sem talið er flytja ólöglegan vopnabúnað eða tæki. Háttsettir yfirmenn í bandaríska hernum segjast ekki vita nákvæmlega hvað sé um borð, en skipið sé þekkt fyrir að flytja vafasaman varning.

Dýravinir óánægðir með flugufregnir af Obama

Dýraverndunarsamtökin PETA (People for the Ethical Treatment of Animals) lýstu í dag yfir óánægju sinni með Barack Obama, forseta Bandaríkjanna. Ástæðan er sú að Obama steindrap flugu sem var að flögra um hann í miðju viðtali við CNBC sjónvarpsstöðina.

Hrollvekjandi fjöldi nauðgara í S-Afríku

Einn af hverjum fjórum Suður Afrískum karlmönnum sögðust hafa nauðgað í könnun sem heilsurannsóknarstöð landsins gerði. Helmingur nauðgaranna viðurkenndi að hafa nauðgað fleiri en einu fórnarlambi.

Leitarhópur alltaf fundið svarta kassann

Paolo Carmassi, hátt settur yfirmaður í fyrirtækinu sem byggði svarta kassann í flugvél Air France sem hrapaði fyrr í mánuðinum, er ekki af baki dottinn við leitina að kassanum. Fyrirtæki hans, Honeywell Aerospace, hefur alltaf tekist að finna svarta kassann eftir flugslys hingað til.

Háskólanum í Teheran rústað - myndir á Facebook

Myndir voru birtar á samskiptasíðunni Facebook í dag sem sagðar eru sýna eyðileggingu í Háskólanum í Teheran. Varalið hliðhollt Íransforseta er sagt hafa ráðist þar með ofbeldi gegn stjórnarandstæðingum. Úrslitum forsetakosninganna í síðustu viku var áfram mótmælt í írönsku höfuðborginni í dag.

Stjórn ESB mótmælt í Brussel

Það voru óánægðir Evrópubúar sem streymdu út á götur Brussel í dag til að mótmæla ýmsu sem þeir telja aflaga hafa farið í stjórn Evrópusambandsins. Leiðtogar ESB ríkja funduðu í borginni í dag um framtíð Lissabonsáttmálans og hvernig megi fá Íra til að samþykkja hann.

Komu í veg fyrir hryðjuverkaárásir á kjördag

Írönsk yfirvöld segjast hafa komið í veg fyrir sprengjuárásir hryðjuverkamanna á kjördag í Íran fyrir tæpri viku. Samkvæmt upplýsingum frá ráðuneyti leyniþjónustumála tókst lögreglu og leyniþjónustustofnunum í Íran að koma í veg fyrir sprengjuárásir í moskum og á fjölförnum stöðum í höfuðborginni Teheran síðasta föstudag þegar forsetakosningar fóru fram í landinu.

Mótmælt sjötta daginn í röð

Búist er við fjölmennum mótmælum í Íran sjötta daginn í röð vegna úrslita forsetakosninga þar í landi fyrir tæpri viku. Byltingarráðið í Íran hefur kallað frambjóðendurna þrjá sem biðu ósigur til að bera vitni fyrir helgina vegna rannsóknar á ásökunum um kosningasvik.

Kynjaskiptir lestarvagnar gegn öfuguggum

Rekstraraðilar járnbrauta í Tókýó, höfuðborg Japans, íhuga nú að taka í notkun lestarvagna fyrir karla eingöngu til að fyrirbyggja kynferðislega áreitni en töluvert er um að fingralangir öfuguggar gerist fjölþreifnir í yfirfullum vögnum á háannatíma þegar farþegarnir eru sem sardínur í dós í vögnunum.

Tæpt tonn af kókaíni í frosnum hákörlum

Það var við höfnina í Progresso í Yucatan-fylkinu sem hermenn úr sjóher Mexíkó unnu við að gegnumlýsa frystigáma sem komið höfðu með flutningaskipinu Dover Strait frá Costa Rica á þriðjudaginn.

Bannar útgáfu Salinger-stælingar tímabundið

Bandarískur dómstóll hefur lagt tímabundið lögbann við útgáfu bókar sem ætlað er að vera framhald skáldsögunnar The Catcher in the Rye eftir J.D. Salinger.

Skaut af haglabyssu í íbúð sinni

Rúmlega þrítugur maður var handtekinn í bænum Stege á Sjálandi í gærkvöldi eftir að hafa skotið sjö skotum úr haglabyssu í íbúðinni.

Norður-Kóreumenn eiga mörg tonn af efnavopnum

Norður-Kóreumenn búa yfir nokkur þúsund tonnum af efnavopnum sem eldflaugar geta borið og nota mætti til dæmis til þess að gera skyndiárás á Suður-Kóreu. Þetta kemur fram í skýrslu rannsóknarstofnunarinnar International Crisis Group.

Hillary Clinton olnbogabrotnaði

Hillary Clinton, utanríkisráðherra Bandaríkjanna, datt og olnbogabrotnaði þegar hún var á leið til Hvíta hússins í gær.

Svínaflensuskip einangrað við Venesúela

Spænska skemmtiferðaskipið Ocean Dream hefur verið einangrað við Venesúela eftir að þrír farþegar þess greindust með svínaflensu.

Gervihnöttur til tunglsins í dag

Bandaríska geimferðastofnunin NASA mun í dag skjóta á loft gervihnetti sem fer á sporbaug um tunglið og verður þar í eitt ár í um 50 kílómetra hæð.

Fjórtán ára í haldi vegna hnífsstungu

Fjórtán ára drengur hefur verið handtekinn vegna hnífsstungu sem átti sér stað í Isleworth í vestur Lundúnum. Fórnarlambið, sem talið er vera fimmtán eða sextán ára, fannst við South Street í Isleworth og liggur nú þungt haldið á spítala.

Hollendingar geta gengið að eignum ríkisins

Leysa skal úr úr hugsanlegum ágreiningi vegna Icesave samningsins fyrir breskum dómstólum. Þetta kom fram í kvöldfréttum RÚV en fréttastofa Ríkissjónvarpsins hefur undir höndum eintak af Icesave samkomulaginu milli Íslendinga og Hollendinga.

Norður Kórea hótar miskunarlausum aðgerðum

Norður Kóreumenn hafa varað við því að þeir muni gera miskunarlausa árás verði þeim ögrað af Bandaríkjamönnum eða bandamönnum þeirra. Þessi yfirlýsing kemur einungis klukkustundum eftir að Bandaríkjaforsetinn Barack Obama lýsti yfir að kjarnorkuáætlun Norður Kóreumanna væri mikil ógn við heimsbyggðina.

Obama tekur ekki afstöðu í kosningadeilum í Íran

Barack Obama hefur forðast að taka afstöðu með andspyrnuhreyfingunni í Íran en skipulögð eru meiri mótmæli vegna umdeildrar niðurstöðu forsetakosninga í landinu.

Vill vinna gegn kjarnorkuáætlun N-Kóreu af krafti

Barack Obama, forseti Bandaríkjanna, segir kjarnorkuógnina sem stafi af Norður Kóreu grafalvarlega. Hann lýsti því yfir á blaðamannafundi ásamt forseta Suður Kóreu, Lee Myung-bak, að Bandaríkin myndu vinna af krafti til að binda enda á kjarnorkuáætlun Norður Kóreumanna.

Yfirvöld fá upplýsingar af Facebook og Twitter

Eftir að írönsk yfirvöld hófu að takmarka aðgang vestrænna fjölmiðla að mótmælunum í Íran hafa samskiptasíður á borð við Twitter og Facebook orðið ómetanlegar. Sérstaklega eru síðurnar mikilvægar fyrir Bandaríkjamenn sem eiga engin stjórnmálatengsl við Íran og eiga bágt með að fylgjast með ástandinu í landinu.

Carter fundaði með leiðtoga Hamas

Jimmy Carter, fyrrum Bandaríkjaforseti, gagnrýnir ráðamenn í Ísrael harðlega fyrir ómanneskjulega meðferð á Palestínumönnum á Gazasvæðinu. Hann segir að farið sé með Palestínumenn líkt og dýr. Forsetinn fyrrverandi, sem er 84 ára, er staddur á Gazasvæðinu til að skoða vegsummerki eftir sprengjuárásir Ísraela fyrr á árinu. Hann fundaði með Ismail Haniyeh, leiðtoga Hamassamtakanna á Gazasvæðinu.

Inflúensan greinist í Jórdaníu og Katar

Fyrstu tilfelli svínaflensunnar í Jórdaníu og Katar hafa nú greinst. Um er að ræða fjögur börn sem nýlega komu úr ferðalagi frá Bandaríkjunum og Austurríki.

Mestu mótmælaaðgerðir í Íran í 30 ár

Að minnsta kosti sjö hafa verið skotnir til bana á götum Teherans í Íran síðasta sólarhring, í stærstu mótmælaaðgerðum sem fram hafa farið í landinu í þrjátíu ár.

Barn fórnarlambs svínaflensu í Skotlandi látið

Ungabarn konunnar sem lést úr svínaflensu í Skotlandi á sunnudaginn er látið. Barnið sem var drengur, fæddist þremur mánuðum fyrir tímann en konan var sett af stað í þeim tilgangi að reyna að bjarga barninu. Að sögn talsmanns sjúkrahússins lést drengurinn ekki úr svínaflensu.

Atkvæði talin á ný í Íran

Klerkaráðið í Íran hefur kveðið upp þann úrskurð að telja skuli á ný atkvæði forsetakosninganna sem fram fóru þar í landi á föstudaginn.

Ökumenn í New York eru allra verstir

Ökumenn í New York hafa steypt ökumönnum í Miami úr toppsætinu yfir skapverstu ökumenn Bandaríkjanna.

Aukið atvinnuleysi innan ESB

Atvinnuleysi jókst umtalsvert innan Evrópusambandsins á fyrsta fjórðungi ársins, eða um 1,2 prósent miðað við fyrsta fjórðung ársins 2008.

Nýjar aftökuaðferðir í Kína

Kínverjar hyggjast taka upp þá aðferð að sprauta banvænu eitri í þá sakamenn, sem ætlunin er að taka af lífi, frekar en að skjóta þá.

Augnaráð hunda reyndist ímyndun

Nýleg rannsókn sem gerð var við Bernard-háskólann í New York hefur leitt í ljós að hið sakbitna augnaráð sem eigendur telja sig sjá hjá hundum sínum sé ímyndun ein.

Búist við átökum í Teheran í dag

Boðað hefur verið til tvennra mótmæla í Teheran, höfuðborg Írans í dag og óttast menn að uppúr kunni að sjóða. Annarsvegar er um að ræða stuðnings menn Mirhousseins Mousavis, sem tapaði í kosningum fyrir helgi gegn sitjandi forseta landsins Mahmoud Ahmadinejad og hins vegar ætla harðlínustuðningsmenn forsetans að hittast á sama stað og lýssa yfir stuðningi við sinn mann. Sjö létust í mótmælum í gær að því er íranskir miðlar greina frá en mikil óánægja hefur verið á meðal sumra í landinu yfir framkvæmd kosninganna sem forsetinn sigraði með óvæntum yfirburðum.

Sakbitnir hundar bregðast við skömmum

Nýleg rannsókn sem gerð var við Bernard-háskólann í New York hefur leitt í ljós að hið sakbitna augnaráð sem eigendur telja sig sjá hjá hundum sínum sé ímyndun ein. Þeir sem stóðu að rannsókninni töldu hundaeigendunum trú um að hundur þeirra hefði gert eitthvað af sér. Allir eigendurnir þóttust geta greint hið sakbitna augnaráð hjá hundinum, jafnvel þótt dýrið hefði ekkert af sér gert. Rannsóknin leiddi því í ljós að hundarnir voru ekki þjakaðir af samviskubiti heldur aðeins að bregðast við skömmum húsbónda sinna.

Fjármálageirinn hefur tapað ljómanum

Bankar og fjármálafyrirtæki hafa tapað ljómanum í augum nýútskrifaðra háskólanema í Bandaríkjunum. Eftir að efnahagskreppan skall á leita þeir í auknum mæli í störf hjá hinu opinbera.

Fyrsta svínaflensudauðsfallið utan Ameríku staðfest

Fyrsta dauðsfallið vegna Svínaflensunnar utan Ameríku hefur verið staðfest en Jacqueline Fleming, 38 ára gömul kona, lést vegna flensunnar í gær. Jacqueline hafði tveimur vikum áður fætt sitt þriðja barn og kom barnið í heiminn þremur mánuðum fyrir tímann.

Fyrirhuguðum mótmælum Íran aflýst

Fyrirhuguðum mótmælum í Teheran í Íran sem fram áttu að fara í dag hefur verið aflýst. Írönsk stjórnvöld lýstu því yfir að forsetaframbjóðandinn Mirhossein Mousavi yrði gerður ábyrgur fyrir mótmælunum.

Vítisenglar flytja í glæsiíbúðir á Jótlandi

Æðstu menn Hells Angels í Danmörku eru fluttir í glæsiíbúðir í Randers á Austur-Jótlandi.

Airbus-menn vara við getgátum um slysið

Talsmenn Airbus-flugvélaverksmiðjanna vara við getgátum um orsakir slyss Air France-þotunnar sem fórst í Atlantshafi um mánaðamótin og taka fram að Airbus A330-vélin sé ein af öruggustu flugvélum sem notaðar hafa verið til farþegaflugs.

Rottueyja rottulaus í fyrsta sinn í 229 ár

Rottur hafa verið ráðandi tegund á Rottueyju síðan árið 1780. Þá fórst japanskt skip í nágrenni eyjarinnar og allar rottur sem um borð voru syntu í land á Rottueyju, sem reyndar hét ekki Rottueyja þá heldur Aleutian-eyja.

Fyrsta Gay Pride Kínverja gekk eins og í sögu

Mörg hundruð manns tóku þátt í fyrstu Gay Pride-hátíð Kína á götum Shanghai á laugardaginn. Ekki var um skrúðgöngu að ræða eins og er tíðkað víðast hvar annars staðar þar sem stjórnvöld höfðu bannað það.

Lifnaði við í líkhúsinu

Starfsfólki í líkhúsi í pólska bænum Jablonowo brá í brún þegar líkpoki sem lá þar á borði tók að hreyfast. Þegar farið var að athuga málið reyndist pokinn innihalda 84 ára gamla konu sem verið hafði úrskurðuð látin nokkrum klukkustundum áður.

Norður-Kórea segir Bandaríkin auka líkur á kjarnorkustríði

Stjórn Norður-Kóreu ásakar Bandaríkjamenn um að setja kjarnorkuflaugar sínar í Suður-Kóreu í viðbragðsstöðu og auka með því líkurnar á kjarnorkustríði.

Fyrsta svínaflensudauðsfallið í Evrópu

Fyrsta dauðsfallið af völdum svínaflensu í Evrópu er komið fram og var þar um að ræða skoskan einstakling sem þó hafði verið heilsuveill áður en hann fékk svínaflensuna.