Hollendingar geta gengið að eignum ríkisins

Leysa skal úr úr hugsanlegum ágreiningi vegna Icesave samningsins fyrir breskum dómstólum. Þetta kom fram í kvöldfréttum RÚV en fréttastofa Ríkissjónvarpsins hefur undir höndum eintak af Icesave samkomulaginu milli Íslendinga og Hollendinga.

Þingmenn hafa ítrekað óskað eftir því að fá að sjá samninginn áður kosið verður um frumvarp honum tengt í þinginu. Það hafa þeir hinsvegar ekki fengið þar sem Bretar og Hollendingar hafa ekki aflétt leynd yfir samningnum.

Samningurinn sem RÚV hefur undir höndum er dagsettur þann 5 júní 2009 en þann dag voru samningarnir undirritaðir. Þar kemur fram að að enskir dómstólar skulu skera úr um allan ágreining, ef Hollendingar fara ekki fram á annað.

Í samningnum kemur einnig fram að Hollendingar geta gengið að eignum ríkisins ef ekki verður greitt af láninu. Ekki er útlistað nánar hvaða eignir þetta eru en óljóst er hvort slíkt sé heimilt samkvæmt lögum.