Fangar látnir lausir

Bandaríkjaher lét í gær lausa um 80 fanga sem haldið hafði verið í Afganistan. Lausn fanganna er talin geta liðkað til í samskiptum við Talíbana í landinu, en bæði Hamid Karzai, forseta landsins, og Bandaríkjaher er mikið í mun að draga úr óeirðum í landinu.

10 ár fyrir pyntingar

Herdómstóll í Texas í Bandaríkjunum dæmdi um helgina Charles Graner, liðþjálfa í Bandaríkjaher, í 10 ára fangelsi fyrir að hafa staðið fyrir pyntingum fanga í Abu Ghraib-fangelsinu í Írak.

Elsta konan sem eignast hefur barn

Adriana Iliescu, 66 ára gömul rúmensk kona, eignaðist í gær stúlkubarn og er þar með elsta konan til að ganga með og eignast lifandi barn. Tvíburasystir stúlkunnar var andvana fædd, að sögn lækna á Giulesti-fæðingarsjúkrahúsinu í Búkarest.

Óperuhús vígt í Kaupmannahöfn

Óperuhúsið í Kaupmannahöfn var opnað við hátíðlega athöfn í gærkvöld að viðstöddum fjórtán hundruð gestum. Bygging hússins tók þrjú ár og kostaði sem nemur þrjátíu milljörðum íslenskra króna.

Þrautaganga Abbas hafin

Sex ísraelskir verkamenn og þrír palestínskir vígamenn féllu í árás þeirra síðarnefndu í fyrrinótt. Árásin var gerð fáeinum klukkustundum eftir að Mahmoud Abbas sagðist ætla að uppfylla öryggisskuldbindingar vegvísisins til friðar. </font /></b />

Lenti á stærsta tungli Satúrnusar

Evrópskum geimvísindamönnum tókst í gær að lenda geimfari á yfirborði Títans, stærsta tunglsins sem gengur á sporbraut um Satúrnus og þykir það mikið verkfræðilegt afrek. Vonir eru bundnar við að geimfarið sendi frá sér upplýsingar um efni og andrúmsloft tunglsins sem geti varpað ljósi á uppruna lífs á jörðu.

Brýnt að takast á við sálræna áfallið

"Við stöndum frammi fyrir stöðu sem gerir mjög miklar kröfur til okkar og ég er ekki viss um að við ráðum við þær að svo stöddu. En við gerum okkar besta," sagði Marc Danzon, svæðisstjóri Alþjóða heilbrigðisstofnunarinnar í Evrópu, um þau sálrænu áföll sem fólk í ríkjunum þar sem flóðbylgjan gekk yfir varð fyrir.

Svíunum fækkar um helming

Nú hefur sænska lögreglan fækkað um helming því fólki sem er á lista yfir þá sem saknað er eftir hamfarirnar í Asíu. Nú eru 893 á listanum en voru áður rúmlega 1700. Með rannsókn og fyrirspurnum tókst að hafa uppi á fólkinu en allar líkur eru á að þeir sem eftir eru á listanum séu látnir.

Sakfelldur fyrir pyntingar í Írak

Herlögreglumaðurinn Charles Graner var sakfelldur við herdómstól í Texas í gær um að hafa misþyrmt föngum í Abu Ghraib fangelsinu í Írak. Hann er fyrsti bandaríski hermaðurinn sem fundinn er sekur um að hafa misþyrmt föngum í Írak en hann mun hafa barið þá og neytt þá til að leggjast nakta ofan á hvern annan.

Abbas kallar eftir vopnahléi

Mahmoud Abbas, nýkjörinn forseti Palestínumanna, kallaði eftir vopnahléi þegar hann var settur inn í forsetaembættið í morgun. Hann fordæmdi drápin og ofbeldið sem viðgengist hefur í deilu Ísralesmanna og Palestínumanna undanfarin ár og sagði að því yrði að linna ef nokkur möguleiki ætti að vera á friðarviðræðum. 

Leyfa sportveiðar á ísbjörnum

Grænlenska landstjórnin vill leyfa sportveiðar á ísbjörnum til að skapa atvinnu fyrir Grænlendinga í norðvesturhluta landsins. Þetta myndi þýða að ferðamenn með fulla vasa af peningum fengju leyfi til að fella ísbirni og taka húð dýrsins með sér heim en gjaldið fyrir þetta myndi hlaupa á milljónum íslenskra króna.

Hitler vildi ræna páfanum

Adolf Hitler skipaði einum herforingja sinna að ræna þáverandi páfa, Píusi sjöunda, á tímum Síðari heimsstyrjaldarinnar. Herforinginn hlýddi hins vegar ekki skipuninni heldur fór þess í stað á fund páfa, klæddur borgaralegum klæðnaði, og varaði hann við ætlun einræðisherrans. Stærsta kaþólska dagblað Ítalíu greinir frá þessu í heilsíðufrétt í dag.

Dani í haldi Ísraelsmanna

Danskur maður af palestínskum uppruna hefur verið handtekinn í Ísrael grunaður um tengsl við Hizbollah-skæruliðasamtökin að því er danskir fjölmiðlar greina frá í dag. Utanríkisráðuneytið í Danmörku hefur staðfest þetta og segir manninn hafa verið handtekinn þann 6. janúar síðastliðinn.

Fyrsti dagur Abbas blóðugur

Fyrsti dagur nýkjörins forseta Palestínu, Mahmoud Abbas í embætti hófst með drápum og átökum á Gaza-svæðinu. Við embættistökuna kallaði Abbas eftir vopnahléi og friðarviðræðum fyrir alvöru.

Ferðamenn aftur til Taílands

Ferðamenn eru farnir að tínast aftur til Taílands. Sumir þeirra voru hikandi en þeir hafa verið boðnir hjartanlega velkomnir.

Íslensk kennslanefnd til Taílands

Tveir íslenskir tannlæknar og rannsóknarlögreglumaður halda til Phuket-eyju snemma í fyrramálið í því skyni að bera kennsl á lík vestrænna fórnarlamba flóðbylgnanna. Þeir fara á vegum íslenskra stjórnvalda eftir hjálparbeiðni frá Noregi.

Sharon skar á tengsl við Abbas

Mahmoud Abbas tók við embætti forseta palestínsku heimastjórnarinnar í skugga ofbeldisverka Ísraela og Palestínumanna. Ísraelar klipptu á tengsl við stjórn hans og sjö Palestínumenn féllu fyrir hendi ísraelskra hermanna. Þá varð hann fyrir áfalli þegar tugir kjörstjórnarmanna sögðu af sér.</font /></b />

Vilja rannsaka blóðbaðið

Rúmum fimmtán árum eftir að meira en þúsund manns létust í uppreisn gegn kommúnistastjórn Nicolae Ceasescu árið 1989 hafa alltof fáir verið dregnir til ábyrgðar segja forystumenn samtaka þeirra sem fylktu sér út á götur rúmenskra borga til að losna undan alræði kommúnista.

Flogið beint eftir 55 ára bann

Eftir meira en hálfrar aldar bann við beinu flugi milli Kína og Taívan geta ferðalangar loks flogið beint milli landanna í stað þess að þurfa að fljúga í gegnum þriðja land.

Vísindamenn í skýjunum

Yfirborð Títans, tungls Satúrnusar, er ljósappelsínugult og þakið þunnu lagi metans. Þetta blasti við vísindamönnum Evrópsku geimvísindastofnunarinnar þegar þeir sökktu sér niður í myndir og önnur gögn sem geimfarið Huygens sendi frá Títan, gögn sem það safnaði þegar það sveif til jarðar og eins þegar það var lent á tunglinu.

Fá að skrá sig á kjördag

Kjósendur í tveimur órólegustu héruðum Íraks fá að skrá sig á kjörskrá á kjördag, 30. janúar. Þessi ákvörðun kjörstjórnarinnar á að gefa kjósendum í Anbar og Ninevah aukin tækifæri á að taka þátt þrátt fyrir ótta um árásir á kjörstaði og gegn undirbúningi kosninganna.

Þúsundir flýðu heimili sín

Þúsundir íbúa í Anderson í Indiana þurftu að flýja heimili sín þegar eiturefni losnuðu út í andrúmsloftið í eldsvoða sem braust út í endurvinnsluverksmiðju.

9 létust á Gasa í nótt

Að minnsta kosti níu létu lífið þegar palestínskir uppreisnarmenn réðust að herstöð Ísraelsmanna við landamæri Gaza í gærkvöldi. Uppreisnarmennirnir réðust inn í herstöðina rétt fyrir lokun hennar á bíl hlöðnum sprengiefni og skutu á allt sem fyrir varð. Sex hinna látnu eru ísraelskir hermenn, en einnig létu þrír uppreisnarmannanna lífið.

Hermönnum fjölgað í Aceh-héraði

Hernaðaryfirvöld í Indónesíu ætla að fjölga hermönnum í hjálparstarfsemi í Aceh-héraði um mörg þúsund. Eftir fjölgunina verða meira en 50 þúsund hermenn frá Indónesíu við störf á Aceh. Hermennirnir munu eingöngu vinna að hjálparstarfi og yfirvöld þvertaka fyrir það að hermönnunum sé ætlað að berja niður andstöðu uppreisnarmanna.

Veðurofsi í Bandaríkjunum

Um gervöll Bandaríkin setur mikill veðurhamur nú mark sitt á líf fólks. Áin Santa Clara í Utah óx í gær gríðarlega vegna mikilla rigninga og snjóbráðnunar og þreif hún með sér að minnsta kosti tuttugu hús sem liggja meðfram bökkum hennar.

Tala látinna komin yfir 160 þúsund

Fjögur þúsund lík til viðbótar hafa fundist í Indónesíu og eru þá látnir komnir yfir 160 þúsund. Læknar segja að börn séu farin að deyja úr lungnabólgu.

12% íbúa fyrir dómstóla

Búist er við að rúmlega tólf prósent íbúa Rúanda verði leidd fyrir héraðsdómstóla í landinu vegna þátttöku í þjóðarmorðinu árið 1994. Þetta er um ein milljón manna.

Borgarstjórinn í Prag í dulargervi

Borgarstjórinn í Prag klæddist dulargervi á dögunum til þess að minnka útgjöld íslenskra ferðamanna sem heimsækja höfuðborg Tékklands í sumar. 

Sér um samræmingu hjálparstarfsins

Sameinuðu þjóðirnar ætla að skipa sérstakan sendifulltrúa til þess að samræma hjálparstarfið í Asíu eftir flóðbylgjuna miklu. Þjóðir sem taka þátt í hjálparstarfinu fóru fram á að þetta yrði gert á fundi í Djakarta í síðustu viku.

Þreyttir jafnhættulegir og ölvaðir

Læknar sem eru útkeyrðir af vinnuálagi eru jafnhættulegir í umferðinni og þeir sem keyra undir áhrifum áfengis. Þetta kemur fram í niðurstöðum nýrrar rannsóknar sem náði til 2800 lækna í Bandaríkjunum. Þeir vinna iðulega meira en tuttugu klukkutíma án hvíldar sem gerir þá jafnhættulega og ölvaða ökumenn þegar heim er ekið.

Reyna að græða á hamförunum

Dollaramerki glampa nú í augum gráðugra hóteleigenda á kínversku eyjunni Hainan undan ströndum Víetnams og skammt austan við hamfarasvæðin við Indlandshaf. Þar er loftslag og aðstæður mjög áþekk og á ferðamannaströndunum sem nú eru í rúst og reyna hóteleigendur á Hainan nú að laða til sín ferðamenn sem ella hefðu farið til Taílands eða Indónesíu.

Kanadískur ráðherra segir af sér

Ráðherra yfir málefnum útlendinga í Kanada hefur sagt af sér í kjölfar þess að upp komst um tvö atvik þar sem hann þykir hafa misnotað vald sitt. Í fyrra skiptið var um að ræða rúmenska nektardansmær sem ráðherrann veitti atvinnuleyfi eftir að stúlkan hafði starfað að kosningabaráttu ráðherrans.

Ræktarland í mikilli hættu

Fyrir utan manntjónið og eyðileggingu á mannvirkjum sem flóðin í Suðaustur-Asíu hafa valdið þá er gríðarlegt flæmi ræktarlands á hamfarasvæðunum nú í mikilli hættu á að eyðileggjast. Vatnselgurinn hefur nú þegar eitrað uppsprettur og áveitukerfi víða í löndunum sem urðu fyrir flóðbylgjunni á annan í jólum.

Tugþúsundir barna í reiðileysi

Hjálparstofnanir og yfirvöld í viðkomandi löndum hafa miklar áhyggjur af tugþúsundum barna sem misstu foreldra sína í flóðbylgjunni í Asíu.

Sjö ára ferðalag að skila árangri

Evrópskt geimfar flaug í dag inn í lofthjúp Títans, sem er fylgitungl Satúrnusar, eftir sjö ára ferðalag frá jörðu. Títan er eitt af dularfyllstu himintunglum sólkerfisins.

Tengsl slitin við stjórn Palestínu

Ariel Sharon, forsætisráðherra Ísraels, fyrirskipaði í dag embættismönnum sínum að slíta öll tengsl við nýja ríkisstjórn Palestínumanna þar til hún hefði bundið enda á hryðjuverkaárásir. Sex Ísraelar voru drepnir á landamærunum að Gasa í dag.

Stýrir endurreisn þorps á Indlandi

Íslenskur maður, Vilhjálmur Jónsson, stýrir nú hjálparstarfi og uppbyggingu í þorpinu Thazhankuda á austurströnd Indlands. Hann segir eyðilegginguna í þorpinu algjöra og íbúana í losti mörgum dögum eftir að hamfarirnar á annan dag jóla dundu yfir.

Íbúarnir sátu og störðu út í tómið

Vilhjálmur Jónsson frá Akureyri hefur ásamt félögum sínum tekið að sér uppbyggingarstarf í litlu þorpi á austurströnd Indlands. Mikið verk er framundan enda er eyðileggingin þar algjör. </font /></b />

Skuldir hamfaraþjóða frystar

Parísarhópurinn svonefndi, sem nítján ríkustu þjóðir heims eiga aðild að, ákvað í gærkvöldi að skuldir þjóða sem urðu illa úti í hamförunum í Asíu yrðu frystar ef óskað verður eftir því. Alls hefðu þjóðirnar sem urðu fyrir barðinu á hamförunum þurft að greiða þjóðunum nítján um 300 milljarða króna í vexti og afborganir í ár.

Þriggja enn saknað í Kaliforníu

Þriggja er enn saknað í Kaliforníu eftir að gríðarlegar aurskriður féllu þar með þeim afleiðingum að tíu manns fórust og fimmtán hús eyðilöggðust. Björgunarsveitarmenn hafa fjarlægt fleiri tonn af leðju og braki eftir aurskriðurnar, sem féllu eftir fimm daga stanslausa úrhellisrigningu í fylkinu.

Víða rafmagnslaust í Malasíu

Rafmagnsleysi lamar nú atvinnulíf víða í Malasíu og í borginni Kúala Lúmpúr hafa verksmiðjur stöðvast, samgöngur truflast og sömuleiðis viðskiptalífið. Talið er að þetta megi rekja til þess að raflínur hafi laskast í hamförunum á annan í jólum og séu nú að gefa sig.

Sjö létust í sprengingu á Spáni

Sjö manns fórust í sprengingu í stórri vörugeymslu í spænsku borginni Burgos í norðurhluta Spánar í morgun. Í húsinu voru meðal annars geymdar vinnuvélar og eldsneyti, samkvæmt upplýsingum borgarstjórans í Burgos. Ekkert er enn vitað um orsakir sprengingarinnar.

Tíu látnir í bruna í Íran

Að minnsta kosti tíu börn og kennarar eru látin í barnaskóla í Íran sem enn stendur í björtu báli. Óttast er að mun fleiri muni farast þar. Slökkviliðsmenn berjast nú við eldinn og björgunarmenn koma börnum og kennurum til hjálpar. Ekki er greint frá að sprenging hafi orðið áður en eldurinn braust út.

Svikulir teppahreinsarar í Osló

Eldri borgarar í Osló hafa verið varaðir við tveim svindlurum sem hafa haft stórfé af gömlu fólki fyrir teppahreinsanir. Þeir rukkuðu m.a. gamla konu um sem nemur 212 þúsund íslenskum krónum fyrir teppahreinsun í íbúð hennar.

Styðja þann sem Pútín velur

Stærsti stjórnmálaflokkur Rússlands, Sameinað Rússland, ætlar að styðja hvern þann frambjóðanda sem Vladímír Pútín velur til þess að taka við af sér í forsetakosningunum árið 2008.