Miliband kominn til landsins

David Miliband, fyrrverandi utanríkisráðherra Breta, er kominn til landsins. Hann ræddi við Jóhönnu Sigurðardóttur forsætisráðherra í forsætisráðuneytinu núna klukkan ellefu. Síðar í dag mun hann svo halda fyrirlestur á vegum Háskóla Íslands og Ólafs Ragnars Grímssonar forseta.

Bæjarstjóri Hveragerðisbæjar til Bosniu-Herzegovinu

Aldís Hafsteinsdóttir, bæjarstjóri Hveragerðisbæjar er á leiðinni til Sarajevo í Bosniu-Herzegovinu til að taka þar þátt í kosningaeftirliti á vegum Evrópuráðsins í Strassborg. "Ég fer ein héðan frá Íslandi og efast ég ekki um að þetta verði bæði lærdómsríkt og spennandi Mér stóð til boða að sækja um, gerði það og var valin til ferðarinnar ásamt 10 öðrum einstaklingum víðs vegar að úr Evrópu. Ég hef ferðast nokkuð um Balkanskagann og fannst spennandi að fá með þessum hætti að kynnast Bosniu Herzegovinu. Ferðin í heild tekur viku en kosningarnar fara fram 7. október. Við munum hafa aðsetur í Sarajevo en væntanlega fara eitthvað út á land í smærri hópum", sagði Aldís.

Brynjar stefnir á 3. sætið hjá sjálfstæðismönnum í borginni

Brynjar Níelsson hæstaréttarlögmaður hefur ákveðið að gefa kost á sér í prófkjöri Sjálfstæðisflokksins í Reykjavík. Brynjar stefnir á 3. sæti listans.

Yfir 80 sóttu um þrjár stöður skrifstofustjóra í ráðuneyti

Hvorki meira né minna en áttatíu og ein umsókn hefur borist atvinnuvega og nýsköpunarráðuneytinu um þrjár stöður skrifstofustjóra sem auglýstar hafa verið.

Yom Kippur hátíðin í dag einnig haldin á Íslandi

Yom Kippur helgasta hátíð gyðinga hófst í gærkvöldi. Hún er haldin hátíðleg víða um heim og þar á meðal á Íslandi.

Hættu á Facebook vegna skilaboða á veggjum

Miklar umræður spunnust á samfélagsmiðlinum Facebook í gær um að einkaskilaboð úr pósthólfum notenda væru að birtast á veggjum vina þeirra. Fjölmargir Íslendingar ákváðu í kjölfarið að loka reikningum sínum.

Einnig talinn hafa framleitt MDMA

Tæplega fimmtugur maður, sem var handtekinn fyrir tveimur vikum grunaður um fíkniefnaframleiðslu í bílskúrnum sínum, er nú laus úr gæsluvarðhaldi.

Mikil óánægja starfsfólks með tafir á skýrsluskilum

Mikillar óánægju hefur gætt innan Ríkisendurskoðunar með hversu lengi hefur tekið að vinna skýrslu um innleiðingu bókhaldskerfis ríkisins, samkvæmt heimildum Fréttablaðsins. Kastljós RÚV greindi frá innihaldi skýrslunnar á mánudag, en þar kemur fram að kostnaður við verkefnið hafi farið langt fram úr áætlun. Skýrslan var í fjögur ár í vinnslu undir verkstjórn Sigurður Þórðarson, fyrrverandi ríkisendurskoðanda, og önnur fjögur ár á borði Sveins Arasonar ríkisendurskoðanda.

Bestu kosningalög á Norðurlöndum

„Þetta eru bestu kosningalögin á Norðurlöndunum,“ segir Guðmundur Magnússon, formaður Öryrkjabandalags Íslands, um fyrirhugaða lagabreytingu á kosningalögum. Breytingin gerir fötluðum kleift að velja sér aðstoðarfólk við kosningar.

Brynjar dregur til baka umsókn um stöðu hæstaréttardómara

Innanríkisráðuneytið hefur kynnt niðurstöðu dómnefndar um umsækjendur um tvö embætti hæstaréttardómara sem auglýst voru 5. júlí síðastliðinn. Brynjar Níelsson, hæstaréttarlögmaður og einn umsækjenda um stöðuna, hefur dregið umsókn sína um embættið til baka.

Danir segjast vísa aðgerðum fyrir dóm

„Það markverðasta úr samþykkt ráðherraráðsins er sú staðreynd að fram kemur ágreiningur innan þess. Tvær þjóðir á meðal þeirra stærstu í sjávarútvegi, Danir og Þjóðverjar, treystu sér ekki til að styðja tillöguna og sátu hjá," segir Össur Skarphéðinsson utanríkisráðherra um staðfestingu ráðherraráðs ESB á refsireglum gegn ríkjum sem stunda veiðar úr stofnum sem ekki hefur verið samið um.

Börnin á Barðaströnd í kennslu frá Bíldudal

„Þetta hefur gengið ljómandi vel. Nemendurnir eru duglegir og sitja og læra og rétta upp bækurnar til kennarans,“ segir Nanna Sjöfn Pétursdóttir, skólastjóri Grunnskóla Vesturbyggðar. Brugðið hefur verið á það ráð að bjóða upp á fjarkennslu fyrir börn vegna fjarlægðar og fámennis. Fjarkennslan hófst nú í haust.

Nýjar hótelíbúðir í hundrað ára húsi

Húsi Félags bókagerðarmanna við Hverfisgötu 21 verður breytt í íbúðahótel af félaginu RR Hótel sem keypt hefur húsið. Félagið rekur íbúðahótel við Hverfisgötu 45 undir nafninu Reykjavík Residence Hótel.

Vilja píkusafn frekar en villidýrasafn

Íbúahreyfing Mosfellsbæjar hélt aðalfund sinn í kvöld en þar var samþykkt ályktun um að Íbúahreyfingin beiti sér fyrir opnun Píkusafns – Vulva Museum – í Mosfellsbæ.

Fjársvelt lögregla: "Þetta er ekki sniðugt“

"Við höfum áhyggjur af þessu ástandi, það mætti vera sýnilegri lögggæsla en ástandið hefur farið versnandi, sérstaklega síðustu ár,“ segir Jón G. Valgeirsson, sveitastjóri Hrunamannahrepps á Flúðum, en þar finna íbúar vel fyrir skorti á löggæslu á svæðinu eins og annarsstaðar í umdæmi lögreglunnar á Selfossi, en óhætt er að segja að embættið sé fjársvelt miðað við umfang og stærð umdæmisins. Reykjavík síðdegis ræddi við Jón fyrr í dag.

Engin einkaskilaboð birtust á Facebook

Óhætt er að segja að Facebook-samfélagið hafi nánast farið á hliðina í dag þegar fréttir bárust af því að gömul einkaskilaboð væru að birtast á veggjum notenda fyrir allra augum. Forsvarsmenn fyrirtækisins segja þetta fjarri sannleikanum.

Kerfisgalli varð til þess að ríkið tvígreiddi reikninga

Komið hefur fyrir að ríkið hefur tvígreitt reikninga í ríkiskerfinu Orra sem Kastljós hefur fjallað um. Í kvöld hélt Kastljós áfram umfjöllun sinni en þar kom fram að vegna galla í kerfinu hafi einkafyrirtæki fengið tvívegis greitt frá ríkinu fyrir vinnu sem unnið var fyrir hið opinbera. Ríkið krafðist ekki endurgreiðslu.

Sveinn Arason: "Það er við engan að sakast nema mig“

Ríkisendurskoðandi segist alfarið bera ábyrgðina á því að vinna við skýrslu um fjárhagskerfi ríkisins hafi dregist fram úr hófi. Hann segist ekki hafa íhugað afsögn vegna málsins.

Íslendingar í Danmörku flæktir í risavaxið fíkniefnamál

Mál Íslendinganna sem voru handteknir í Danmörku í síðustu viku er risavaxið. Tugir kílóa af amfetamíni voru haldlagðir en málið teygir anga sína víða um Evrópu.

Tilkynnt um eld í Sundhöll Reykjavíkur

Tilkynnt var um eld í Sundhöll Reykjavíkur klukkan fimm í dag og slökkvilið sent á staðinn ásamt lögreglu. Í ljós kom að þar voru iðnaðarmenn við háþrýstiþvott með tilheyrandi vatnsúða sem tilkynnanda sýndist vera reykur.

Íbúi á Suðurnesjum vann 60 milljónir - en veit það ekki enn

Rétt í þessu var dregið í Milljónaveltu Happdrættis Háskóla Íslands. Í tilkynningu frá Happdrætti Háskóla Íslands stóð veltupotturinn í 60 milljónum króna enda hafði hann ekki gengið út undanfarna fimm mánuði.

Féll niður fjóra metra úr fiskikari

Það óhapp varð í Grindavík á dögunum að maður féll úr fiskikari og tvíhandleggsbrotnaði.

Árni Páll vill leiða lista Samfylkingarinnar í Suðvesturkjördæmi

Árni Páll Árnason, þingmaður Samfylkingarinnar, ætlar að gefa aftur kost á sér til að leiða lista Samfylkingarinnar í Suðvesturkjördæmi. Þetta tilkynnti hann á Facebook-síðu sinni í dag. Á síðunni segir Árni Páll að Samfylkingin sé stærsti flokkur landsins og eigi að hafa sjálfstraust til að vera kjölfesta stjórnmálanna á óvissutímum og halda fram í senn félagslegu réttlæti og frjálslyndi. "Við unnum sigur í kjördæminu í síðustu kosningum undir þessum merkjum og ég hlakka til næstu kosninga, því ég er sannfærður um að þessi sjónarmið eigi enn mest fylgi meðal þjóðarinnar.“

QR kóði á skafmiðum

Nú geta þeir sem kaupa Happaþrennur skannað svokallaðan QR kóða og staðfest sjálfir hvort það sé vinningur á skafmiðanum. Ef kóðinn er skannaður með snjallsíma eða spjaldtölvu kemur upp gluggi sem segir til um hvort það er vinningur á skafmiðanum og þá hversu hár hann er.

Óeðlilegt að blanda saman makríldeilunni og aðildarviðræðunum

Árni Þór Sigurðsson, formaður utanríkismálanefndar Alþingis, segir takmörk fyrir þeim viðskiptaþvingunum sem ríki Evrópusambandsins geta beitt Íslendinga. EES samningurinn og aðild Íslands að Alþjóðaviðskiptastofnuninni tryggi það. Hann segir ákvörðun ráðherraráðs Evrópusambandsins í dag um að heimila viðskiptaþvinganir gegn Íslendingum ekki koma á óvart miðað við það sem á undan var gengið.

Munu mótmæla lögbanni - ekkert saknæmt í gangi hjá Kastljósi

"Við munum að sjálfsögðu mótmæla því harðlega ef að menn ætla að reyna að setja lögbann á það að fjölmiðlar geti rækt sína skyldu, að upplýsa almenning um eitthvað sem vel má færa rök fyrir því að sé alvarlegt klúður í stjórnsýslunni hérna," segir Sigmar Guðmundsson, ritstjóri Kastljóss.

Tvær milljónir ferðamanna fyrir lok áratugar

"Innan tíðar, á þessum áratug, má vænta þess að tvær milljónir ferðamanna sæki Ísland heim árlega. því þurfum við að sameinast um þjóðaráætlun til að taka á móti þessum gestum.“

Tilkynnir leka til lögreglu - íhugar lögbannskröfu á Kastljósið

Ríkisendurskoðun hefur tilkynnt lögreglu leka á skýrslu frá embættinu til Kastljóssins. Þetta kom fram á fundi fjárlaganefndar Alþingis með Sveini Arasyni ríkisendurskoðanda. Í Kastljósi í gær var fjallað um gríðarlegan umframkostnað við nýtt bókhaldskerfi. Sveinn sagðist jafnframt taka ábyrgð á því hversu lengi hefði dregist að skýrsla Ríkisendurskoðunar um málið hefði dregist. Hann sagðist ekki vita hvenær skýrslan yrði tilbúin.

Kveikt í saltpétri

Lögreglunni á Suðurnesjum barst nýverið tilkynning þess efnis að eitthvað undarlegt væri á seyði við inngang á húsi sem staðið hefur autt í Keflavík.

Fullur á dráttarvél með áfengisblöndu í flösku

Karlmaður á fimmtugsaldri, sem ók dráttarvél ölvaður og sviptur ökuréttindum, var stöðvaður á Garðvegi á Suðurnesjum í gærkvöld.

Vísaði sjálf á kannabis á heimili sínu

Kona á þrítugsaldri, sem hafði verið svipt ökuréttindum, var stöðvuð á Suðurnesjum í gær. Lögreglu grunaði að hún væri með fíkniefni í fórum sínum og var gerð húsleit á heimili hennar í kjölfarið. Þegar þangað var komið framvísaði hún kannabisefnum. Þá hafði lögreglan afskipti af ökumanni sem keyrði á 146 kílómetra hraða á Reykjanesbrautinni þar sem hámarkshraði er 90 kílómetrar á klukkustund.

Sagði íslensku krónurnar vera sænskar

Lögreglan í Lancaster á Bretlandi leitar nú karlmanns sem gerði tilraun til að skipta íslenskum krónum í bresk pund fyrir tíu dögum síðan.

Benedikt og Helgi metnir hæfastir í Hæstarétt

Benedikt Bogason og Helgi I Jónsson, sem báðir eru starfandi hæstaréttardómarar, eru metnir hæfastir til að gegna embætti hæstaréttardómara samkvæmt mati dómnefndar. Sjö sóttu um tvö embætti sem losna um mánaðamótin þegar Jón Steinar Gunnlaugsson og Garðar Gíslason láta af embætti.

Tengsl milli bólusetningar og drómasýki

Marktækt samband er á milli bólusetningar við svínainflúensu og drómasýki hjá einstaklingum yngri 20 ára í Finnlandi og Svíþjóð. Þetta kemur fram í rannsóknarniðurstöðum Evrópsku Sóttvarnastofnuninnar.

Djúpið framlag Íslands til Óskarsverðlaunanna

Djúpið mun keppa fyrir Íslands hönd um Óskarsverðlaunin fyrir bestu kvikmyndina á erlendu tungumáli á næsta ári, en val meðlimia Íslensku kvikmynda- og sjónvarpsakademíunnar hefur verið kunngjört.

Hótaði jafnaldra lífláti og hjó til hans með öxi

Karlmaður um tvítugt hefur verið ákærður fyrir hótanir og sérstaklega hættulega líkamsárás á Selfossi í febrúar í fyrra.

Stal beikoni og kardimommudropum

Liðlega þrítugur karlmaður var dæmdur í þrjátíu daga skilorðsbundið fangelsi í tvö ár í Héraðsdómi Norðurlande eystra á föstudag fyrir þjófnað. Maðurinn stal þremur beikon áleggsbréfum, átta vanilludropaglösum og 18 kardimommuglösum úr Samkaup/Strax á Akureyri í júlí síðastliðnum. Þýfið er samtals að verðmæti um 9.500 krónur.

Tveggja mánaða fangelsi fyrir að selja félaga sínum stolinn farsíma

Nítján ára karlmaður var dæmdur í tveggja mánaða skilorðsbundið fangelsi í Héraðsdómi Norðurlands eystra á föstudaginn fyrir að stela farsíma og selja félaga sínum.

Innflytjendur um 8% mannfjöldans - flestir frá Póllandi

Innflytjendur voru 8% mannfjöldans, eða rúmlega 25 þúsund talsins, þann 1. janúar síðastliðinn, samkvæmt tölum Hagstofunnar. Það er fækkun um 0,1% frá í fyrra þegar innflytjendur voru 8,1% landsmanna. Nokkuð fjölgaði í annarri kynslóð innflytjenda í fyrra eða úr 2.582 í 2.876. Samanlagt var fyrsta og önnur kynslóð innflytjenda 8,9% af mannfjöldanum 1. janúar síðastliðinn, sem er það sama og hún var 2011.

Grunuðum fíkniefnaframleiðanda sleppt

Karlmanni á fimmtugsaldri sem setið hefur í gæsluvarðhaldi vegna gruns um framleiðslu á fíkniefnum hefur verið sleppt. Maðurinn var handtekinn á heimili sínu í Efstasundi í síðustu viku. Yfirheyrslur yfir manninum hafa staðið yfir undanfarna daga. Rannsókn og aðgerðir lögreglu hafa verið umfangsmiklar og miðar þeim ágætlega.

Frosti gefur kost á sér fyrir Framsóknarflokkinn

Frosti Sigurjónsson rekstrarhagfræðingur hefur ákveðið að gefa kost á sér til að leiða lista Framsóknarflokksins í Reykjavík í komandi alþingiskosningum. Frosti er meðstofnandi og stjórnarformaður hjá hugbúnaðarfyrirtækjunum Dohop og DataMarket, og stjórnarmaður í Arctica Finance. Hann var í fimm ár forstjóri Nýherja og stjórnarformaður CCP, en þar áður fjármálastjóri hjá Marel. Frosti er stjórnarmaður í Heimssýn, samtaka gegn aðild að ESB, og einnig meðlimur í Advice hópnum sem kynnti mótrök gegn Icesave III. Hann er talsmaður átaksins Betra peningakerfi sem kynnir leiðir til úrbóta í peningamálum.

Rússar í hart vegna laxveiði í net

Ríkisstjóri Múrmansk-héraðs í Rússlandi hefur ákveðið að vísa ágreiningi um laxveiðar Norðmanna í net á hafsvæði undan ströndum Finnmerkur til öryggisráðs Rússlands. Samningaviðræður Norðmanna og Rússa síðastliðin tvö ár hafa engan árangur borið, og því er þessi leið nú valin.

Deila um hver vissi hvað um framboðið - fréttaskýring

Óhætt er að segja að tíðindi af framboðsmálum Framsóknarflokksins í Norðausturkjördæmi hafi komið á óvart. Varaformaðurinn, Birkir Jón Jónsson, tilkynnti fyrir helgi að hann hygðist ekki gefa kost á sér til setu á lista flokksins fyrir næstu kosningar. Flokkurinn á tvo þingmenn í kjördæminu, Birki og Höskuld Þórhallsson.

Ný tækni eykur áhuga veiðimanna

Tveir áhugamenn um bryggjuveiði hafa sent stjórn Faxaflóahafna tillögur um það hvernig bæta megi aðstöðu til slíkra veiða í gömlu höfninni í Reykjavík.

Þrír stærstu barnahóparnir í hruninu

Þrír af fimm fjölmennustu árgöngum Íslandssögunnar fæddust árin 2008, 2009 og 2010. Aðeins árið 2009 hafa fæðst fleiri en 5.000 börn á Íslandi, tæplega þúsund fleiri en árið 2001.