Rafmagn komið á í Eyjum

Allt rafmagn fór af í Vestmannaeyjum um klukkan tuttugu mínútur yfir í níu í morgun og varði það í rúman klukkutíma. Að sögn lögreglunnar í bænum fengust þau svör hjá HS Veitum að um bilun uppi á fastalandinu hafi verið að ræða. Þegar til stóð að gangsetja vararafstöð í bænum bilaði hún og því fór sem fór. Klukkan tuttugu og fimm mínútur í ellefu kom rafmagnið aftur á í bænum.

Skammgóður vermir - kuldaboli kemur aftur

Frostlaust hefur verið víða á landinu í morgun en svo var einnig í flestum byggðum landsins í gær, í fyrsta sinn frá því kuldakastið hófst í lok nóvember. Hitinn hefur sumstaðar skriðið nokkrar gráður yfir núllið.

Ók fram á umferðarslys án þess að stansa

Ökumaður sem keyrði framhjá bíl sem hafði oltið í Borgarnesi á laugardaginn ákvað að keyra framhjá vettvangi án þess að stöðva bílinn og veita aðstoð. Maðurinn hringdi aftur á móti í Neyðarlínuna 112 og tilkynnti slysið.

Rafmagnslaust í Eyjum

Allt rafmagn fór af í Vestmannaeyjum um klukkan tuttugu mínútur yfir í níu í morgun. Að sögn lögreglunnar virðist vera sem öll eyjan sé rafmagnslaus og þar á bæ hafa menn engar upplýsingar um hvað veldur. Hjá HS Veitum fengust einnig þær upplýsingar að verið sé að vinna að viðgerð. Ekki sé hinsvegar ljóst af hverju bilunin stafar.

Ofurölvi ók á bíl á rauðu ljósi

Ofurölvi ökumaður ók aftan á kyrrstæðan bíl sem beið á rauðu ljósi á mótum Lönguhlíðar og Miklubrautar um klukkan níu í gærkvöldi, og skjögraði fótgangandi af vettvangi.

Útkall vegna vatnsleka í Hafnarfirði

Árvökull blaðburðarmaður , sem var að bera út í íbúðahverfi í Hafnarfirði um sex leitið í morgun, sá hvar heitt vatn seytlaði undan þröskuldi á útihurð á einu húsinu.

Ekkert amaði að mönnunum sem fundust í gærkvöldi

Ekkert amaði að mönnunum fjórum, sem björgunarsveitir á Austurlandi leituðu að á Fljótsdalsheiði í gær, þegar þyrla Landhelgisgæslunnar fann þá í skála við Kollumúlavatn um sjö leitið í gærkvköldi.

Um 65% vilja ljúka viðræðum við ESB

Tveir af hverjum þremur landsmönnum vilja ljúka aðildarviðræðum við Evrópusambandið og setja samning í þjóðaratkvæðagreiðslu samkvæmt niðurstöðum skoðanakönnunar Fréttablaðsins og Stöðvar 2. Þriðjungur vill draga aðildarumsóknina til baka.

Sprenging í sushi-áti meðal unga fólksins

Íslendingar borða fisk sem aðalrétt að meðaltali tvisvar sinnum í viku samkvæmt niðurstöðum rannsóknar Matís á neysluvenjum og viðhorfi fólks á aldrinum átján til áttatíu ára til sjávarfangs.

Opna fimm kafla og loka fjórum í dag

Fimm samningskaflar verða opnaðir á þriðju ríkjaráðstefnu í samningaviðræðum Íslands og ESB sem haldin er í Brussel í dag.

Öll ríki verði skuldbundin losunarkvóta

Samkvæmt samkomulagi sem gert var í fyrrinótt á loftslagsráðstefnu í Durban í Suður-Afríku taka þróuð ríki á sig lagalega bindandi skuldbindingar um minnkun losunar gróðurhúsalofttegunda á grundvelli Kýótó- bókunarinnar.

Fyrst í sínum flokki til að fá vottun

Fiskvinnslufyrirtækið Akraborg ehf. á Akranesi fékk á dögunum alþjóðlega gæðavottun frá International Food Standard (IFS).

Tvö þúsund manns í Bláfjöllum

„Það er frábært færi. Við getum ekki beðið um betri opnunardag,“ sagði Magnús Árnason, framkvæmdastjóri Skíðasvæða höfuðborgarsvæðisins en Bláfjöll opnuðu skíðasvæðið fyrir almenning í gær.

Klessti á bíl á rauðu ljósi og labbaði í burtu

Lögreglan á höfuðborgarsvæðinu leitar vitna að umferðaróhappi á gatnamótum Miklubrautar og Lönguhlíðar sem varð um klukkan 21 í kvöld. Ekið var á kyrrstæða smábifreið á rauðu ljósi en ökumaðurinn lagði fótgangandi á flótta. Þeir sem hafa upplýsingar um óhappið eru beðnir um að hafa samband við lögreglu í síma 444-1000 á skrifstofutíma eða senda tölvupóst á abending hjá lrh.is

Hvassaleitisskóli oftast hæstur

Skólar á Vestfjörðum stóðu sig hvað verst á samræmdum könnunarprófum í haust. Fellaskóli var með lægstu meðaltölin í flestum greinum en Hvassaleitisskóli er oftast hæstur.

Bensínhækkanir furðulegar

Verð á bensíni og díeslolíu mun hækka um þrjár og hálfa krónu um áramótin verði frumvarp sem felur í sér hækkanir á gjöldum og sköttum samþykkt. Framkvæmdarstjóri FÍB segir hækkanirnar furðulegar þegar akstur hefur dregist saman og heimsmarkaðsverð er í hæstu hæðum.

Færri börn koma í kirkjuna fyrir jólin en áður

Meirihluti þjóðarinnar eða rúm sextíu prósent eru á móti því að takmarka aðkomu Þjóðkirkjunnar að skólastarfi frá því sem verið hefur. Þetta sýnir ný skoðanakönnun Stöðvar 2 og Fréttablaðsins. Dómkirkjuprestur segir færri börn koma í skipulagðar ferðir í kirkjuna fyrir jólin en áður.

Bíllinn fundinn - en ekki tveir vélsleðar

Bíll mannanna fjögurra sem björgunarsveitir á Austurlandi leita nú að á Fljótsdalsheiði fannst rétt fyrir klukkan sjö í kvöld. Bíllinn fannst á vegi rétt ofan við Keldárstíflu en tveir vélsleðar sem mennirnir voru með á kerru voru ekki við bílinn.

Þyrlan komin á loft - 80 björgunarsveitarmenn leita

Björgunarsveitir á Austurlandi leita nú fjögurra manna sem hugðust sækja kindur á Fljótsdalsheiði og fóru akandi og með vélsleða til verksins. En ekkert hefur heyrst frá þeim síðan í gærmorgun.

Myndi Heiða fá öðruvísi viðbrögð ef hún héti Heiðar?

Jón Gnarr borgarstjóri veltir því fyrir sér á Facebooksíðu sinni í dag hvort að Heiða Kristín Helgadóttir, framkvæmdastjóri Besta flokksins, myndi fá öðruvísi viðtökur ef hún væri karlmaður. Hann segir hana oft fá skringileg viðbrögð í fjölmiðlum og umræðu.

Leita að fjórum mönnum sem hefur verið saknað síðan í gærmorgun

Björgunarsveitir á Austurlandi leita nú fjögurra manna sem saknað er á Fljótdalsheiði. Mennirnir hugðust sækja kindur á heiðina og fóru akandi og með vélsleða til verksins. Ekkert hefur heyrst frá þeim síðan í gærmorgun.

Engin gögn skemmdust hjá ríkisskattstjóra

„Það skemmdust engin gögn eða tæki en það má eiginlega að segja að gólfefnið sé ónýtt,“ segir Skúli Eggert Þórðarson, ríkisskattstjóri. Mikið tjón varð á húsnæði embættisins í nótt þegar að vatnslok á brunaslöngu gaf sig.

Mugison heldur fleiri fría tónleika

Tónlistarmaðurinn Mugison, sem ákvað nýlega að bjóða landsmönnum á tónleika í Hörpu fyrir jólin, ætlar að bæta við tónleikum í öllum landsfjórðungum. Það ætlar hann að gera vegna þess að viðtökurnar hafi farið framúr björtustu vonum og færri fengu miða en vildu. Tónleikarnir á landsbyggðinni verða einnig í boði tónlistarmannsins. En staðirnir sem um ræðir, auk Reykjavíkur, eru Akureyri, Bolungarvík, Seyðisfjörður og Vestmannaeyjar.

Forseti Hells Angels: Ummæli Ögmundar ólíðandi

Forseti Hells Angels á Íslandi segir það ólíðandi að ráðherra dómsmála leyfi sér að kalla samtökin opinberlega glæpasamtök. Hann segir lögreglu landsins mjög ótrúverðuga.

Kyoto-bókunin mun gilda áfram í fimm ár

Loftlagsráðstefnu Sameinuðu þjóðanna í Durban í Suður-Afríku lauk í nótt með gerð samkomulags sem vonast er til að muni skipta sköpum í baráttunni gegn loftlagsbreytingum.

Engin sækir um þegar stöður eru auglýstar

Á Vesturlandi vantar sjö heimilislækna en skortur er á læknum þar líkt og á heilsugæslum og víða um land. Stjórnarmaður í Félagi íslenskra heimilislækna segir enga sækja um þegar stöður eru auglýstar lausar.

Þess vegna heitir það Ísland

Það er nokkuð ljóst að nægur er snjórinn á Íslandi nú þegar að desember fer að verða hálfnaður. Af þessari mynd að dæma má sjá að landið er snævi þakið. Myndin var tekin í fyrradag um hádegi.

Leki hjá ríkisskattstjóra

Slökkiliðið var kallað út vegna þriggja leka á höfuðborgarsvæðinu í nótt. Að sögn slökkviliðsins var mikill leki í íþróttahúsinu í Dalsmára og í húsnæði embættis ríkisskattstjóra að Laugavegi 166. Töluverðar skemmdir urðu á þeim stöðum. Leki kom einnig upp á hjúkrunarheimilinu Eir, en hann var þó talsvert minni en á hinum stöðunum.

Tölvum stolið úr skóla í Kópavogi

Brotist var inn í skóla í Kópavoginum laust fyrir klukkan tvö í nótt og þaðan stolið tölvubúnaði. Þjófarnir komust undan en málið er í rannsókn hjá lögreglu.

Gistu í fangaklefa vegna leiðinda

Tveir gistu í fangaklefa á Akureyri í nótt en að sögn varðstjóra voru þeir handteknir vegna ölvunar og almennra leiðinda, eins og hann orðar það sjálfur. Einn var tekinn grunaður um akstur undir áhrifum fíkniefna fyrir norðan í nótt en nokkuð mikill erill var hjá lögreglunni. Þá var einn tekinn grunaður um ölvunarakstur nú rétt fyrir klukkan sex í umdæmi lögreglunnar á Selfossi.

Ölvaður klessti bílinn

Nokkur erill var hjá lögreglunni á höfuðborgarsvæðinu í nótt og segir varðstjóri að um 80 verkefni séu skráð niður frá miðnætti og til átta í morgun.

Óveður á Austfjörðum

Mikið óveður er á Austfjörðum og með norðurströnd landsins. Í aðvörun frá Vegagerðinni kemur fram að ófært er á Víkurskarði og á Hófaskarðsleið.

Opið í Bláfjöllum í dag

Skíðaunnendur á höfuðborgarsvæðinu geta glaðst því í opið er í Bláfjöllum í dag, í fyrsta sinn í vetur. Í tilkynningu frá staðarhöldurum segir að þar séu frábærar aðstæður í troðnum brautum og gott færi. Þá er einnig opið í Hlíðarfjalli á Akureyri.

Dreifikerfi Bylgjunnar bilað á landsbyggðinni

Dreifikerfi Bylgjunnar á landsbyggðinni er bilað og er unnið að viðgerð.

Eyjamaður fær 27 milljónir

Fyrsti vinningurinn í lottóinu í kvöld fór til Vestmannaeyja og til spilara með miða í áskrift. Og fær hvor spilari um 27 milljónir í sinn hlut. Þrír voru með 2. vinning og fá þeir rúmlega 200 þúsund krónur. Tölur kvöldsins: 2 - 17 - 18 - 20 - 24 Bónustala: 10 Jókertölur: 3 - 0 - 7 - 3 - 2

Vantar 22 heimilislækna í Reykjavík - 4 vikna bið eftir tíma

Tuttugu og tvo heimilislækna vantar á heilsugæslustöðvar í Reykjavík. Stjórnamaður í Félagi íslenskra heimilislækna segir stefna í óefni en í dag getur fólk þurft að bíða í allt að fjórar vikur eftir tíma hjá sínum heimilislækni.

85% landsmanna vilja flugvöllinn áfram í Vatnsmýrinni

Mikill meirihluti landsmanna eða um áttatíu og fimm prósent eru fylgjandi því að Reykjavíkurflugvöllur verði áfram í Vatnsmýrinni. Þetta sýnir ný skoðanakönnun Stöðvar 2 og Fréttablaðsins.

Ökumenn sitja fastir í bílum sínum í Vestmannaeyjum

Mikið óveður hefur verið í Vestmannaeyjum nú eftir hádegið og að sögn varðstjóra hjá lögreglunni er íbúum ráðlagt að vera ekki á ferli að ástæðulausu. Mikil snjókoma og skafrenningur er í bænum eru lögreglumenn og björgunarsveitamenn að aðstoða ökumenn sem sitja margir hverjir fastir í bílum sínum. Þá hafa björgunarsveitarmenn einnig aðstoðað fólk að komast til síns heima. Svo slæmt var veðrið um tíma eftir hádegi í dag að ekki sást á milli húsa og þurftu starfsmenn bæjarins að hætta að ryðja götur bæjarins vegna veðurs en að sögn varðstjóra sáu þeir varla einn meter fram fyrir sig.

Rúta út af veginum

Rúta sem gengur á milli Reykjavíkur og Akraness fór út af veginum við Blikdalsá í dag. Að sögn varðstjóra hjá lögreglunni á höfuðborgarsvæðinu voru um tíu farþegar í rútunni en þá sakaði ekki. Björgunarsveitarmenn eru á leið á staðinn til að sækja fólkið sem er um borð í rútunni. Mikið óveður er á svæðinu og færðin afar erfið.

Ölvaður ökumaður velti bíl á Grindavíkurvegi

Björgunarsveitarmenn hafa líka verið að störfum á Suðurnesjum í allan dag. Lögreglan segir að fjölmargir ökumenn hafi fest bíla sína í umdæminu. Tveir árekstrar urðu á Reykjanesbraut í morgun og þá valt bíll á Grindavíkurvegi nú eftir hádegi. Engin slys urðu á fólki, en sá sem velti bílnum nú eftir hádegið er grunaður um ölvun við akstur.

Ríkisstjórnin styður Stelpurnar okkar

Jóhanna Sigurðardóttir forsætisráðherra hefur sent kvennalandsliði Íslands í handbolta hamingju- og baráttukveðjur fyrir þann glæsilega árangur að hafa tryggt sér þáttöku í 16 liða úrslitum á sínu fyrsta heimsmeistaramóti, sem nú fer fram í Brasilíu. Jóhanna segir í kveðjunni að stelpurnar geti verið afar ánægðar með framgöngu sína á mótinu og sigrar liðsins fylli þá sem fylgjast með mótinu hér heima miklu stolti.

Tunglmyrkvinn sést vel norðanlands

Tunglmyrkvinn í dag ætti að geta sést á öllu norðanverðu landinu, allt frá norðanverðum Vestfjörðum til Austurlands, miðað við skýjahuluspá Veðurstofunnar. Spáð er að heiður himinn verði allt frá Ísafjarðardjúpi, um Norðurland og austur til Fljótsdalshéraðs, meðan tunglmyrkvinn stendur yfir.

Tækifæri fyrir ný framboð í þessu ástandi

Tækifæri fyrir nýja flokka og framboð liggja í því hversu fáir eru tilbúnir að styðja þá sem fyrir sitja á Alþingi samkvæmt nýrri könnun. Þetta segir stjórnmálafræðingur sem segir ástandið til marks um óvissu og óánægju með flokkana.

Lokað í Bláfjöllum

Lokað er í Bláfjöllum í dag vegna veðurs. Í morgun var vindurinn 25 metrar á sekúndu. Á vefsíðu Bláfjalla segir að farið sé að skafa vel að austan sem skilji eftir mikinn snjó í brekkum og girðingum. Ekki verður lögð göngubraut í dag.

Ógnuðu manni með leikfangabyssu

Tveir karlmenn eru nú í haldi lögreglu eftir líkamsárás í Vogahverfinu í Reykjvík á níunda tímanum í gærkvöldi.