Þjóðarkosningu um Icesave hrint af stað

Vefmiðillinn Eyjan mun í dag hleypa af stokkunum rafrænni þjóðarkosningu á meðal almennings um hvort veita skuli ríkisábyrgð á Icesave-samkomulaginu.

Kvartaði undan umfjöllun við útgefanda DV

Bjarni Benediktsson, formaður Sjálfstæðisflokksins, óskaði eftir því við Hrein Loftsson útgefanda DV að blaðið hætti umfjöllun um hans mál. Ástæðan sé sú að fréttaflutningurinn hafi leitt til þess að anarkistar sætu um hús hans og vildu valda honum tjóni.

Stálu tölvu og flakkara af heimavist

Í nótt var farið inn í herbergi á heimavist Fjölbrautaskóla Suðurlands við Eyraveg og þaðan stolið Toshiba fartölvu og MSI flakkara í eigu nemenda skólans. Lögreglan segir að tjónið sé tilfinnanlegt fyrir nemandann þar sem í tölvunni var mikið efni tengt námi hans. Lögreglan biður alla þá sem veitt geta upplýsingar um málið að hafa samband í síma 480 1010.

Björgunarafrekið við Steinsholtsá - myndir

Björgunarsveitamenn á Suðurlandi unnu frækilegt afrek þegar þeir komu þremur mönnum til bjargar í Steinsholtsá í Þórsmörk í gærkvöldi. Svæðisstjóri björgunarsveita á Suðurlandi sem var á vettvangi segir að einn mannanna hafi hangið utan á bifreið mannanna sem sat föst úti í miðri á.

Um 40% fjölgun mála hjá Hæstarétti

Málum hjá Hæstarétti hefur fjölgað úr 500 á ári í 700, eða um 40%, á síðustu tveimur árum. Biðtími mála hefur á sama tíma lengst um 15%. Þetta kemur fram í fjárlagafrumvarpi sem dreift var á Alþingi í gær fyrir aðra umræðu. Horfur eru á að málum muni fjölga mun meira vegna bankahrunsins.

Fallið frá skerðingu barnabóta og vaxtabætur hækkaðar

Ríkisstjórnin hefur ákveðið að falla frá áformum um skerðingu á barnabótum sem lið í aðhaldsaðgerðgum. Því verður sama upphæð til ráðstöfunar og var árið 2009 til að greiða út bætur. Í fjárlagafrumvarpi ríkisstjórnarinnar, sem dreift var á Alþingi í gær fyrir aðra umræðu, er gert ráð fyrir að þessum útjöldum veðri mætt með tekjum af nýju auðlegðargjaldi.

Seldu sendiherrabústaðinn fyrir 550 milljónir króna

Utanríkisráðuneytið hefur selt sendiherrabústaðinn í New York fyrir 550 milljónir íslenskra króna.

Tveir ölvaðir ökumenn gistu fangageymslur á Selfossi

Tveir menn voru handteknir á Selfossi í nótt eftir að hafa ekið undir áhrifum áfengis. Báðir enduðu þeir ökuferðir sínar með því að aka á.

Þrjú innbrot í Reykjavík

Þrjú innbrot voru framin í umdæmi lögreglunnar á höfuðborgarsvæðinu í nótt. Brotist var inn í Apple umboðið á Laugavegi og þaðan var stolið þremur dýrum tölvum og ein tölva eyðilögð. Þá var brotist inn í íbúðarhúsnæði á tveimur stöðum.

Eldur við Fjarðarstræti á Ísafirði

Lögregla og slökkvilið fengu tilkynningu um eld við Fjarðarstræti 57 og 59 á Ísafirði laust eftir klukkan fimm í nótt.

Ómar: Finnar stálu jólasveininum

„Við létum Finna stela jólasveininum frá okkur,“ segir Ómar Ragnarsson sjónvarpsmaður með meiru.

Segir meiri læti í þinginu nú en í hruninu

Pétur Blöndal, þingmaður Sjálfstæðisflokksins, segir allt of mikið óðagot vera við afgreiðslu fjárlagafrumvarpsins fyrir næsta ár. Frumvarpinu var dreift á Alþingi í kvöld fyrir aðra umræðu.

Tveir skiptu 60 milljónum á milli sín

Tveir heppnir lottóspilarar skiptu með sér fyrsta vinningi í kvöld og fá þeir rúmar 30 milljónir hvor í sinn hlut. Fram kemur á vef Íslenskrar getspár að vinningshafarnir keyptu miðana sína í N1 við Ægissíðu í Reykjavík og Samkaupum Strax á Flúðum. Sex voru með 4 rétta og bónustölu og fengu rúmlega 160 þúsund hver.

Fimmtán þúsund ljósaperur prýða Las Vegas norðursins

Fimmtán þúsund ljósaperur prýða best skreytta hús Reykjanesbæjar, í hverfi sem oft er nefnt Las Vegas norðursins. Eigandinn pantar allar skreytingarnar frá Bandaríkjunum og tekur viku í að klæða húsið í jólabúninginn.

Festust á þaki bíls í Steinsholtsá

Lið frá björgunarsveitum Slysavarnafélagsins Landsbjargar á Suðurlandi var kallað út til aðstoðar mönnum sem festust í Steinsholtsá við Þórsmörk í kvöld. Þeir hugðust aka yfir ána en festust enda hefur mikið vatn verið í ánni í kvöld. Höfðust mennirnir við á toppi bílsins þangað til björgunarsveitamenn komu þeir til aðstoðar.

Minni slysahætta engin rök fyrir vegagerð

Rök eins og minni slysahætta og stytting ferðatíma hafa ekkert gildi þegar umhverfisáhrif vegagerðar eru metin, samkvæmt túlkun Skipulagsstofnunar á nýlegum dómi Hæstaréttar um Teigsskóg. Alþingismaður segir að ef þetta eigi að gilda sé búið að girða fyrir vegagerð víðsvegar um landið.

Segir skattahækkanir ríkisstjórnarinnar stórhættulegar

Skattahækkanir ríkisstjórnarinnar við þær aðstæður sem nú eru í íslensku efnahagslífi eru stórhættulegar og allar líkur eru á því að þær bæði dýpki og lengi þá kreppu sem nú stendur yfir, segir Illugi Gunnarsson, þingflokksformaður Sjálfstæðisflokksins. Hann segir að heimilin í landinu þoli ekki hærri skatta ofan á launalækkun, hærri afborganir á lánum og minni atvinnu.

Hannes: Auðvelt að vera vitur eftir á

„Athugasemd Ríkisendurskoðunar er eflaust rétt, enda auðvelt að vera vitur eftir á," segir Hannes Hólmsteinn Gissurarson, stjórnmálafræðiprófessor og fyrrverandi bankaráðsmaður í Seðlabanka Íslands.

Jólalestin fer af stað klukkan fjögur

Jólalögin munu óma víðsvegar um höfuðborgarsvæðið þegar jólalestin svokallaða heldur af stað frá Stuðlahálsi klukkan fjögur í dag.

Brjálað að gera hjá Happahúsinu

„Það er bara löng röð inn í Hagkaup. Það er brjálæði að gera,“ segir Magnús Kristinsson, starfsmaður hjá Happahúsinu í Kringlunni.

Hefur vonandi lært eitthvað af Christie

„Ég vona að ég hafi lært eitthvað af henni," segir Ragnar Jónasson rithöfundur í samtali við breska vefinn Crime Time. Ragnar, sem er 33 ára gamall, hefur þýtt Agöthu Christie bækur allt frá því að hann var í menntaskóla en fyrsta skáldsaga hans, Fölsk nóta, kom út fyrir þessi jól.

Steingrímur telur að Icesave frumvarpið nái í gegn

Fjármálaráðherra býst ekki við andstöðu fleiri þingmanna Vinstri grænna við Icesave frumvarpið og reiknar með að það hljóti stuðning meirihluta Alþingis við lokaafgreiðslu þess. Ef einn stjórnarliði til viðbótar leggst gegn frumvarpinu, þarf stjórnin á stuðningi Þráins Bertelssonar að halda til að frumvarpið verði að lögum.

Jólasveinninn lítur sennilegast við í Heiðmörk

Fyrsti jólasveinninn kom til byggða í nótt og því voru líklega ófá börn sem vöknuðu með eitthvað í skónum sínum í morgun. Það var stekkjastaur sem var þar á ferðinni.

Saka Sjálfstæðisflokkinn um blekkingar

Þingflokksformenn Samfylkingarinnar og VG segja að Sjálfstæðisflokkurinn beiti vafasamri framsetningu í umfjöllun sinni um breytingar á skattkerfinu.

Boða til nýs kröfufundar í dag

Hagsmunasamtök heimilanna og samtökin Nýtt Ísland boða til fundar á Austurvelli í dag klukkan þrjú. Fundurinn krefst leiðréttingar á höfuðstól lána, afnáms verðtryggingar.

Hátt í 600 íbúðir komnar í eigu lánastofnana

Bankarnir og Íbúðalánasjóður eiga 575 íbúðir og íbúðarhús í dag. Áætlað verðmæti þessara eigna er um 10 milljarðar króna. Þetta kemur fram í Morgunblaðinu í dag.

Níu gistu fangageymslur á höfuðborgarsvæðinu

Níu manns gistu fangageymslur á höfuðborgarsvæðinu í nótt vegna brota sem tengjast ölvun. Töluverður erill var hjá lögreglunni. Mikið var um útköll vegna hávaða og sex voru teknir vegna gruns um ölvunarakstur. Þá tók lögreglan á Suðurnesjum tvo menn vegna ölvunaraksturs.

Íbúum boðin gisting hjá Rauða krossinum

Töluverðar reykskemmdir urðu í íbúð í fjölbýlishúsi í Huldulandi í Reykjavík á tíunda tímanum í gærkvöld þegar eldur kviknaði út frá feiti í potti. Slökkviliðið reykræsti íbúð og stigagang í húsinu. Samkvæmt upplýsingum frá slökkviliði var íbúum boðin gistiaðstaða á vegum Rauða Krossins.

Meta rétt ríkisins til að sækja hrunsbætur

Hafin er vinna á vegum fjármálaráðuneytisins við að meta hvort unnt sé að hefja og reka skaðabótamál á hendur þeim sem sýna má fram á að hafi valdið ríkinu og almenningi fjárhagslegu tjóni með athöfnum sínum í aðdraganda bankahrunsins. Nær athugunin jafnt til lögaðila sem einstaklinga og er óháð rannsóknum sérstaks saksóknara á refsiverðri háttsemi í aðdraganda hrunsins.

Fallið frá frestun mánaðar af orlofi

Ákvæði um frestun eins mánaðar af fæðingarorlofi þar til eftir þrjú ár í frumvarpi félagsmálaráðherra um breytingar á lögum um fæðingarorlof verður breytt í félagsmálanefnd, að sögn Sigríðar Ingibjargar Ingadóttur, formanns félagsmálanefndar Alþingis.

Meintir kaupendur vændis yfirheyrðir

Lögreglan á höfuðborgarsvæðinu hefur að undanförnu yfirheyrt nokkra meinta kaupendur vændisþjónustu á vegum Catalinu Mikue Ncogo. Samkvæmt upplýsingum Fréttablaðsins mun vera um allnokkurn hóp að ræða. Kaupendur greiddu að lágmarki tuttugu þúsund fyrir þjónstuna í hvert skipti, samkvæmt upplýsingum Fréttablaðsins.

Bíða svara frá Alcan fyrir álverskosningu

Lúðvík Geirsson, bæjarstjóri í Hafnarfirði, segir að þrátt fyrir að nægum fjölda undirskrifta hafi verið safnað sé ekki hægt að efna til nýrrar íbúakosningar um stækkun álversins í Straumsvík vafningalaust.

Meirihluti barna gengur í skólann

Tæplega níutíu prósent grunnskólabarna í Grafarvogi og á Kjalarnesi fara fótgangandi í skóla. Þetta kemur fram í könnun um ferðavenjur Reykvíkinga, sem umhverfis- og samgöngusvið Reykjavíkurborgar lét Capacent Gallup gera fyrir sig í nóvember. Hlutfallið er rúmum tuttugu prósentum hærra þar en í öðrum hverfum borgarinnar, en hverfisráð Grafarvogs hefur tekið upp græna samgöngustefnu.

Fatlaðir nemar borgi í strætó

Reykjavíkurborg hefur ákveðið að fatlaðir nemendur fái ekki lengur frítt í strætó. Í greinargerð sem lögð var fyrir velferðarráð borgarinnar og síðar borgarráð segir að undanfarna tvo vetur hafi fötluðum framhalds- og háskólanemum staðið til boða að fá ókeypis í strætó eins og ófötluðum.

Kærði leigubílstjóra fyrir nauðgun

Tæplega þrítug kona hefur kært leigubílstjóra á höfuðborgarsvæðinu fyrir nauðgun. Samkvæmt upplýsingum Fréttablaðsins var konan stödd í gleðskap í Reykjavík aðfaranótt 23. nóvember. Þá tók hún leigubíl úr miðborginni og heim til sín á höfuðborgarsvæðinu. Ekki er ljóst með hverjum hætti atburðarás var eftir að hún tók bílinn, en svo virðist sem hún hafi vaknað við það á heimili sínu að bílstjórinn var að hafa við hana samfarir. Hún leitaði nokkru síðar á neyðarmóttöku þolenda nauðgunar á Landspítalanum í Fossvogi.

Nær 200 umsóknir um fjörutíu störf

Um 180 umsóknir bárust um fjörutíu stöður sem nýlega voru auglýstar lausar til umsóknar hjá lögreglunni á höfuðborgarsvæðinu. Á bak við þessar umsóknir eru 120 umsækjendur, því nokkrir sóttu um fleiri en eina stöðu.

Umboðsmenn fá um 50 ný mál á mánuði

Umboðsmenn viðskiptavina hjá viðskiptabönkunum þremur fá samtals um fimmtíu mál á mánuði að meðaltali til úrlausnar þar sem viðskiptavinur bankans gerir athugasemdir eða óskar eftir upplýsingum vegna afgreiðslu bankans á málum viðkomandi.

Icesave ætlaður alltof skammur tími

„Það kemur ekki á óvart að þau skuli ekki hafa fengist til verksins. Það mun enginn fást til að vinna svo mikilvægt og flókið lögfræðiálit á þeim stutta tíma sem meirihlutinn hefur ákveðið.“

Ekki einhugur um staðsetninguna

„Þetta málþing er hugsað fyrir alla sem hafa áhuga á að átta sig á málum sem tengjast væntanlegu háskólasjúkrahúsi, staðsetningu og byggingu,“ segir Gestur Ólafsson, einn aðstandenda málþingsins, Nýr Landspítali – hvar, hvernig og fyrir hverja.

Jólalest Coca-Cola fer af stað

Jólalest Coca-Cola mun keyra um höfuðborgarsvæðið í dag. Jólalestin samanstendur af fimm trukkum sem eru hlaðnir rúmlega tveggja kílómetra löngum ljósaseríum og hljóðkerfi.

Roman Abramóvitsj kemur að útgáfunni

Roman Abramóvitsj, eigandi fótboltaliðsins Chelsea og einn ríkasti maður Englands, kemur að útgáfu ljósmyndabókarinnar Africa, Future of Football eða Afríka, framtíð fótboltans eftir Pál Stefánsson ljósmyndara. Bókin kemur út í mars, örfáum mánuðum áður en heimsmeistarakeppnin í fótbolta hefst í Suður-Afríku.

Strætisvagn lenti utan vegar

Engan sakaði þegar strætisvagn lenti utan vegar í miklu hvassviðri á Kjalarnesi í gærmorgun. Vagninn var á leið frá Akranesi þegar atvikið varð.

Fréttablaðið stækkar enn

Fréttablaðið í dag er 160 blaðsíður, sextán síðum stærra en blaðið sem kom út um síðustu helgi og var þá stærsta blað sem komið hafði út í útgáfusögu blaðsins.

Rúmlega 33 þúsund skora á forsetann

Rúmlega 33 þúsund Íslendingar höfðu í gær skráð nöfn sín á áskorun til forseta Íslands um að synja Icesave-lögum staðfestingar á vef Indefence-hópsins.

Skotarnir unnu enn eina samkeppnina

Sundlaug verður í miðri innhöfninni, á Ægisgarði, ef ráðist verður í framkvæmdir eftir verðlaunatillögu um skipulag Gömlu hafnarinnar og Örfiriseyjar. Skosk arkitektastofa, Graeme Massie, bar sigur úr býtum í keppninni og fékk í sinn hlut 7,5 milljónir króna.