Skilanefndin hótaði Bjarna Ármanns

Bjarni Ármannsson endurgreiddi rúmar sex hundruð milljónir til skilanefndar Glitnis eftir að nefndin hótaði að leita réttar síns gagnvart Bjarna fyrir dómi. Hæstaréttardómur í máli Vilhjálms Bjarnasonar gegn fyrrverandi stjórn Glitnis gaf skilanefndinni vopn sem hún notaði gegn Bjarna.

Kröfufundur á morgun

Hagsmunasamtök heimilanna og Nýtt Ísland boða til kröfufundar á morgun klukkan 15 á Austurvelli. Helstu kröfur fundarins eru leiðrétting höfuðstóls lána, afnám verðtryggingar, að veð takmarkist við veðandlag og að skuldir fyrnist á 5 árum.

Opið í Skaftafelli í fyrsta sinn að vetrarlagi

Upplýsingamiðstöðin í Skaftafelli er nú í fyrsta sinn opin yfir vetrarmánuði enda segir þjóðgarðsvörður íslenska náttúru einnig draga ferðamenn að um háveturinn. Heitt vatn, sem nýlega fannst á staðnum, býður upp á nýja möguleika.

Meira tjón en hlýst af Icesave

Ríkisendurskoðandi segir að meira tjón hljótist af tæknilegu gjaldþroti Seðlabankans en Icesave, verði heimtur Landsbankans eins og spáð er. Að minnsta kosti hundrað sjötíu og fimm milljarðar króna munu lenda á íslensku þjóðinni vegna ástarbréfa Seðlabankans.

Veikir ekki stjórnarsamstarfið

Fjármálaráðherra segir það ekki veikja stjórnarsamstarfið að tveir þingmenn Vinstri grænna greiddu atkvæði gegn Icesave frumvarpinu. Afstaða þeirra hafi þó valdið honum vonbrigðum. Hann reiknar með að málið muni að lokum njóta stuðnings meirihluta þingmanna.

Sendinefnd AGS kynnir árangur viðræðna

Sendinefnd Alþjóðagjaldeyrissjóðsins hefur dvalið hér á landi frá byrjun mánaðarins og beint athygli sinni að endurreisn fjármálakerfisins og rætt við ráðherra og fleiri um aðra endurskoðun efnahagsáætlunar stjórnvalda og sjóðsins. Á mánudaginn fer fram blaðamannafundur í Seðlabankanum þar sem Mark Flanagan, yfirmaður sendinefndarinnar, og Franek Rozwadowski, sendifulltrúi sjóðsins á Íslandi, kynna vinnu sendinefndarinnar og árangur viðræðna.

Catalina í vikulangt gæsluvarðhald

Miðbaugsmaddaman, Catalina Ncogo, hefur verið úrskurðuð í vikulangt gæsluvarðhald en hún hefur þegar sætt varðhaldi í tvær vikur. Kona sem var einnig handtekinn í tengslum við málið hefur verið sleppt.

Skotar unnu í samkeppni um Gömlu höfnina

Arkitektastofa í Edinborg í Skotlandi, Graeme Massie Architects, hlaut fyrstu verðlaun í A-hluta hugmyndasamkeppni sem Faxaflóahafnir sf. efndu til vegna skipulags Gömlu hafnarinnar og Örfiriseyjar í Reykjavík. Samstarfsaðili hennar á Íslandi er ráðgjafarfyrirtækið Alta ehf. Úrslitin voru tilkynnt við athöfn í Víkinni sjóminjasafni nú síðdegis um leið og sigurlaunin voru afhent, 7,5 milljónir króna. Allt í allt veittu Faxaflóahafnir 14 milljónir króna í verðlaun í samkeppninni.

Ók á brúarstólpa

Betur fór en á horfðist þegar fólksbíl var ekið á brúarstólpa á Reykjanesbraut á fjórða tímanum. Brúin sem ekið var á er á milli Breiðholts og Smiðjuhverfis í Kópavogi.

Tónlistarhúsið heitir Harpa

Tónlistar og ráðstefnuhúsið við höfnina hefur fengið nafnið Harpa. Þetta var tilkynnt við hátíðlega athöfn í dag. Efnt var til samkeppni um nafn á húsið í febrúar í fyrra og létu viðbrögð ekki á sér standa og bárust fjölmargar tillögur.

Vopnaþjófur dæmdur

Maður um tvítugt var dæmdur fyrir að stela tvívegis haglabyssum í Öxarfirði á síðasta ári og vopnalagabrot. Annarsvegar fór hann inn um ólæstar dyr íbúðarhússins að Katastöðum og tók þaðan úr geymslu í forstofuherbergi haglabyssu af gerðinni Stevens.

Dæmdur fyrir að ofsækja barnsmóður sína

Karlmaður var dæmdur í þriggja mánaða skilorðsbundið fangelsi til tveggja ára fyrir að ofsækja barnsmóður sína og mann sem var með henni. Meðal annars hellti hann gosi inn um glugga hjá henni, á tölvu sem eyðilagðist í kjölfarið.

Flugfreyjur samþykkja verkfallsheimild

Flugfreyjur í Flugfreyjufélagi Íslands samþykktu í atkvæðagreiðslu í gær að veita stjórn félagsins heimild til verkallsboðunar. Gert er fyrir að verkfallið geti hafist 2. janúar næstkomandi náist ekki samningar við Icelandair en að sögn Sigrúnar Jónsdóttur, formanns Flugfreyjufélagsins, snýst kjaradeila flugfreyja um forgangsréttarákvæði í leiguflugi erlendis og starfsaldursákvæði.

Ólína spyr um skuldameðferð sjávarútvegsfyrirtækja

Ólína Þorvarðardóttir, þingmaður Samfylkingarinnar hefur lagt fram skriflega fyrirspurn til efnahags- og viðskiptaráðherra um skuldameðferð sjávarútvegsfyrirtækja í bönkum.

Vilja lengra gæsluvarðhald yfir Catalinu - vitorðsmanni sleppt

Lögreglustjórinn á höfuðborgarsvæðinu mun fara fram á áframhaldandi gæsluvarðhald yfir Catalinu Ncogo, sem er grunuð um að hafa haft milligöngu um vændi og mansal. Kona sem var handtekin með henni, og er grunuð um sömu brot, hefur verið sleppt.

Í sjokki eftir brotsjó - myndir

„Við erum svona að jafna okkur. Þetta var auðvitað sjokk,“ segir Unnsteinn Líndal Jensson, skipstjóri línubátsins Sighvats GK 57, en brotsjór lenti á bátnum með þeim afleiðingum að sjór flæddi inn og tveir sjómenn slösuðust. Sauma þurfti sex spor í augabrún annars þeirra.

Kirkjuklukkum hringt 350 sinnum vegna umhverfisógnar

Í tilefni af loftslagsráðstefnu Sameinuðu þjóðanna sem nú stendur yfir í Kaupmannahöfn verður kirkjuklukkum um allan heim hringt 350 sinnum, sunnudaginn 13. desember klukkan þrjú, „til að minna á þá umhverfisvá sem steðjar að jarðarbúum vegna hlýnunar andrúmsloftsins," að því er fram kemur í tilkynningu frá Þjóðkirkjunni. Hér á landi verður kirkjuklukkum hringt víða um land.

Dómsmál: Bankastjóri kom í veg fyrir að fjármálastjóri tæki út arð

Fyrrum fjármálastjóri Kaupþings, Guðný Arna Sveinsdóttir, hefur höfðað einkamál á hendur nýja Kaupþingi/Arion banki, vegna 25 milljón króna sem hún segist eiga á reikningi í bankanum en fær ekki að taka út. Um er að ræða arð af hlutabréfum.

Meira bóluefni berst í næstu viku

Ný sending bóluefnis gegn inflúensunni A(H1N1) berst heilsugæslustöðvum um land allt í byrjun næstu viku og þá verður unnt að taka þráðinn upp að nýju við bólusetningar en efnið kláraðist á dögunum. Í tilkynningu frá Sóttvarnalækni og Almannavarnadeild Ríkislögreglustjóra segir að bólusetning hefjist á nýjan leik miðvikudaginn 16. desember og þá ganga þeir fyrir sem hafa skráð sig á biðlista. Þrír liggja nú á spítala vegna veikinnar og er einn þeirra á gjörgæslu.

Samstarfskonu Catalinu hugsanlega sleppt

Gæsluvarðhald rennur út í dag yfir Catalinu Ncogo og annarri konu sem eru grunaðar um mansal og að hafa haft milligöngu um vændi. Þær voru handteknar fyrir tveimur vikum síðan og voru strax úrskurðaðar í varðhald, aðeins tveimur dögum eftir að Catalina hafði verið dæmd í Héraðsdómi Reykjaness fyrir að hafa haft milligöngu um vændi og fíkniefnabrot.

Hús Steingríms Wernerssonar atað málningu

Rauðri málningu var skvett á hús Steingríms Wernerssonar í nótt og var meðfylgjandi mynd send fréttastofunni.

Sluppu ómeidd þegar eldur kviknaði

Kona og ungt barn hennar sluppu ómeidd þegar eldur kom upp í íbúð þeirra á fyrstu hæð í fjölbýlishúsi við Egilsgötu í Borgarnesi í gærkvöldi.

Brotist inn í tvo skóla

Brotist var inn í Háteigsskóla í Reykjavík um klukkan fimm í morgun, en lögreglumenn gómuðu þjófinn utandyra með tvo skjái, sem hann hafði stolið þar.

Óskar eftir fundi þingnefnda vegna Mjólku

Ólína Þorvarðardóttir, þingmaður Samfylkingarinnar, hefur óskað eftir sameiginlegum fundi viðskiptanefndar og sjávarútvegs- og landbúnaðarnefndar vegna fyrirhugaðs samruna Mjólku og mjólkurbús Kaupfélags Skagfirðinga.

Lögregla stöðvaði kannabisrækt

Lögreglan á höfuðborgarsvæðinu stöðvaði í fyrradag ræktun á 210 kannabisplöntum í iðnaðarhúsnæði í Hafnarfirði og lagði jafnframt hald á tæplega tvö og hálft kíló af marijúana.

Fyrrverandi hæstaréttardómarar veita ekki álit á Icesave og stjórnarskrá

Ekki kemur til þess að hæstaréttardómararnir fyrrverandi, Guðrún Erlendsdóttir og Pétur Kr. Hafstein, veiti Alþingi lögfræðiálit um hvort Icesave-frumvarpið standist ákvæði stjórnarskrár.

Þrjár stúlkur játuðu árás í Heiðmörk

Þrjár sautján ára stúlkur játuðu fyrir dómi í fyrradag að hafa ráðist á fjórðu stúlkuna í Heiðmörk í apríl á þessu ári. Vegna skýlausra játninga stúlknanna var málið í kjölfarið dómtekið og má búast við dómi á næstu vikum.

Pörunin stangast á við lög um þingsköp

Útpörun Sivjar Friðleifsdóttur Framsóknarflokki í atkvæðagreiðslunni um Icesave-málið á Alþingi á þriðjudag hefur vakið athygli. Var útpörunin viðhöfð þar sem Helgi Hjörvar Samfylkingunni, nýkjörinn forseti Norðurlandaráðs, var ytra í embættiserindum.

Adakris er orðinn stærsti verktaki Reykjavíkurborgar

Litháíska verktakafyrirtækið Adakris hefur fengið 385 milljónir greiddar frá Reykjavíkurborg á árinu, en Malbikunarstöðin Höfði, opinbert fyrirtæki, hefur fengið næst mest, 263 milljónir.

Segir sjóðinn vera arf frá gömlum tíma

„Ég sé engin sérstök rök fyrir því að halda þessum sjóði sérgreindum frá Atvinnuleysistryggingasjóði. Það er eðlilegt að við séum með eitt og sama kerfið fyrir alla landsmenn,“ segir Árni Páll Árnason félagsmálaráðherra, um Tryggingasjóð sjálfstætt starfandi einstaklinga.

Fiskvinnslur í hættu ef ákvörðun stendur

„Á þetta útspil ráðherrans lítum við innan samtakanna mjög alvarlegum augum. Það stefnir í að fjölmargir missi vinnuna vegna þess að svo til ekkert hráefni berst inn á fiskmarkaðina og leigumarkaðurinn er frosinn,“ segir Jón Steinn Elíasson, formaður Samtaka fiskframleiðenda og útflytjenda.

Leikskólastjórar múlbundnir af borginni

Leikskólakennurum í Reykjavík hefur verið meinað að áframsenda á stjórnir foreldrafélaga fundarboð frá hagsmunasamtökum foreldra leikskólabarna. Þeir mega heldur ekki hengja upp veggspjöld frá samtökunum þar sem slíkir fundir eru auglýstir, né tala á neikvæðum nótum um fyrirhugaðan niðurskurð hjá leikskólum borgarinnar.

Samfylkingin ein skilar á réttum tíma

Hátt í 180 tilkynningar frá frambjóðendum og flokkum höfðu borist Ríkisendurskoðun að loknum skrifstofutíma í gær, þegar frestur stjórnmálamanna og -flokka til að skila margvíslegum upplýsingum um fjármál sín síðustu árin rann út.

Nota Netið helst til leikja

Nær 80 prósent barna á aldrinum níu til sextán ára sögðust helst vera í leikjum þegar þau eru á Netinu að því er fram kemur í nýrri könnun. Samfélag, fjölskylda og tækni, vakningarátak um örugga netnotkun barna og unglinga (SAFT), stóð fyrir könnuninni sem gerð var síðastliðið vor. Sambærileg könnun var gerð fyrir þremur árum og sögðust þá ríflega 80 prósent barna helst vera í leikjum þegar þau væru á Netinu. Tæp 70 prósent þátttakenda í könnuninni sögðu foreldra sína þekkja mikið eða nokkuð mikið til þeirra leikja sem þau spila á Netinu.

Kennt á níu tungumálum

HB Grandi stendur þessa dagana fyrir námskeiðum fyrir starfsfólk sitt í fiskvinnsluverum fyrirtækisins í Reykjavík og á Akranesi. Á námskeiðunum er farið yfir meðhöndlun á hráefni, hreinlæti, umgengni og þrif og þess freistað að bæta gæði afurða og fyrirtækisbrag.

Nýr skóli vígður í Grindavík

Hópsskóli, nýr grunnskóli í Grindavík, var vígður í dag við hátíðlega athöfn. Um 200 manns mættu á vígsluna, þar á meðal nemendurnir sem hefja störf eftir áramót og foreldrar þeirra.

Ingvi Hrafn gerir tæplega 30 milljóna króna kröfu í Glitni

Fyrirtæki sjónvarpsstjórans Ingva Hrafns Jónssonar gerir 28,5 milljón króna kröfu í þrotabú Glitnis. Þetta kemur fram í kröfuhafalista sem fréttastofa hefur undir höndum. „Lögmaður Langárveiða taldi rétt að senda inn kröfuna. Ég reikna ekki með því að Langárveiðar flái feitan gölt af því," segir Ingvi Hrafn.

Brýnt að ræða öryggismál Reykjavíkurflugvallar

„Þeirri spurningu þarf að svara hvort þær breytingar sem fyrirhugaðar eru á starfsemi slökkviliðs á Reykjavíkurflugvelli ógni öryggi vallarins. Þar hefur verið sagt upp samningi við Slökkvilið höfuðborgarsvæðisins sem þýðir að óbreyttu uppsagnir 20 slökkviliðsmanna,“ segir í fyrirspurn borgarráðsfulltrúa Samfylkingar sem lögð var fram á fundi ráðsins í dag.

Dregur úr inflúensunni

Mikið hefur dregið úr inflúensunni. Í síðustu viku greindist samtals 101 einstaklingur með inflúensulík einkenni samkvæmt skráningu heilbrigðisþjónustunnar. Tilfellum fækkaði bæði á höfuðborgarsvæðinu og á landsbyggðinni. Frá 29. júní til 6. desember höfðu greinst 9733 einstaklingar með inflúensulík einkenni, þar af voru 4453 karlar og 5280 konur. Þetta kemur fram á vef landlæknisembættisins.

Framboð Sóleyjar ekki vantraustsyfirlýsing

Þorleifur Gunnlaugsson, oddviti VG í Reykjavík, segir að yfirlýsing Sóleyjar Tómsdóttur borgarfulltrúa þar sem hún gefur kost á sér í fyrsta sæti í forvali flokksins vegna komandi borgarstjórnarkosningum sé ekki vantraustsyfirlýsing. Hann hefur áhuga á því að starfa áfram í forystusveit VG.

Gylfi: Einokun á mjólkurmarkaði skelfileg

Viðskipta- og efnahagsráðherra segir skelfilegt að einokun ríki nú á mjólkurmarkaði. Búvörusamningur gengur framar samkeppnislögum og Samkeppniseftirlitið getur ekki komið í veg fyrir samruna Mjólku, sem hefur verið sjálfstæður framleiðandi, og Kaupfélags Skagfirðinga.

Aðstandendurnir ætla sjálfir að rannsaka dauðsfallið

Ríkissaksóknari hefur lokið athugun á erindi aðstandenda tveggja manna sem fundust látnir í Daníelsslipp við Mýrargötu í Reykjavík í mars árið 1985. Aðstandendurnir mannanna segja niðurstöðuna yfirklór og ætla að hefja sína eigin rannsókn.

Þingnefndir ræði samruna á mjólkurmarkaði

Eygló Harðardóttir, þingmaður Framsóknarflokksins, hefur óskað eftir sameiginlegum fundi viðskiptanefndar og sjávarútvegs- og landbúnaðarnefndar vegna samruna Mjólku og Kaupfélags Skagfirðinga og athugasemda Samkeppniseftirlitsins vegna samrunans. Þar segir að minni samkeppni þýði hærra verð fyrir neytendur og lægri greiðslur til bænda. Eygló segir brýnt að þingnefndirnar fari yfir málið.

Leikskólastjórum boðið í kokteil - aðrir fá ekki jólagjafir

Á meðan jólagjafir til starfsmanna leikskóla Reykjavíkurborgar eru lagðar niður og leikskólasvið þarf að skera niður um fjögur prósent, býður sviðið leikskólastjórum upp á léttvín og meðlæti á besta útsýnisstað.

Marijúana og kannabisplöntur fundust við húsleit

Lögreglan á höfuðborgarsvæðinu stöðvaði kannabisræktun í iðnaðarhúsnæði í Hafnarfirði í gær. Við húsleit á áðurnefndum stað var lagt hald á 2,4 kíló af marijúana og 210 kannabisplöntur. Um var að ræða svokallaða vatnsræktun en plönturnar voru flestar mjög stórar og í fullum blóma, að því er fram kemur í tilkynningu frá lögreglu.