Boða til mótmælafundar vegna brottvísun flóttamanna

Hópur sem kallar sig Flóttamannahjálpin boðar til mótmælafundar á Lækjartorgi í hádeginu á morgun undir yfirskriftinni: „Niður með rasisma, niður með Útlendingastofnun!“

Stal fötum og snyrtivörum vopnuð vírklippum

Kona á þrítugsaldri var handtekin í Smáralind um miðjan dag í gær en þar hafði hún stolið bæði fatnaði og snyrtivörum. Hún fjarlægði þjófavörn af fatnaðinum og notaði til þess litlar vírklippur sem hún var með í fórum sínum.

Siðareglur samþykktar í borgarráði

Borgarráð samþykkti á fundi sínum í dag einróma siðareglur fyrir kjörna fulltrúa hjá Reykjavíkurborg og að þær verði lagðar fyrir borgarstjórn til staðfestingar síðar í mánuðinum. „Loksins, loksins,“ segir Dagur B. Eggertsson, borgarfulltrúi Samfylkingarinnar.

Búið að slökkva eldinn á N1

Eldur kom upp í afgreiðslu bensínstöðvar N1 við Ártúnsholt í Reykjavík fyrir stundu. Allt tiltækt slökkvilið var kallað á staðinn en búið er að slökkva eldinn, sem var minniháttar. Eldurinn kom upp inn á salerni bensínstöðvarinnar eftir því sem Vísir kemst næst.

Tæplega 7.000 manns eru fluttir af landi brott

Fyrstu 9 mánuði ársins hafa 6.762 einstaklingar flutt af landi brott. Þar af eru ríflega helmingur með íslenskt ríkisfang eða 3.475 einstaklingar. Ef þróun fram að áramótum verður með sambærilegum hætti mun þetta þýða að samtals fjöldi einstaklinga sem flyst frá Íslandi árið 2009 er mjög svipaður og árið 2008.

Konan sem trylltist horfin - lýst eftir henni og einum Litháanna

Lögreglan á Suðurnesjum lýsir eftir litháískri konu sem grunur leikur á að sé fórnarlamb mansals. Konan ferðaðist hingað til lands undir nafninu Ieva Grisiúte en talið er að ferðaskilríkin sem hún framvísaði séu stolin.

Trylltist í flugvél - átti að verða vændiskona á Íslandi

Þrír karlmenn voru í gær úrskurðaðir í gæsluvarðhald í Héraðsdómi Reykjaness í tengslum við meint mansalsmál. Upphaf þess má rekja til komu ungrar litháeskrar konu til landsins um síðustu helgi, en hana þurfti að binda niður í sæti flugvélar Iceland Express eftir að hún hafði veist að öðrum farþegum í vélinni.

Fullyrðingar framsóknarmanna ekki á rökum reistar

Fullyrðingar framsóknarmanna um að Íslendingum standi til boða lán frá Noregi framhjá Alþjóðagjaldeyrissjóðnum eru ekki á rökum reistar. Þetta kom fram í máli forsætisráðherra á Alþingi í morgun. Ráðherra sakaði framsóknarmenn um sérkennilegan málatilbúnað.

Bólusetning hefst líklega í dag

Fyrstu skammtarnir af bóluefni gegn svonefndri svínaflensu komu til landsins í morgun og hefst bólusetning heilbrigðisstarfsmanna að öllum líkindum síðdegis.

Sturla um Egil: „Skeytir hvorki um skömm né heiður“

Sturla Böðvarsson fyrrverandi ráðherra og forseti Alþingis segir Egil Helgason fjölmiðlamann halda úti ritsóðasíðu og hann skrif hans einkennist af ómálefnanlegum umsögnum um nafngreinda aðila. Sturla furðar sig á því að heimasíða Ríkisútvarpsins skuli auglýsa bloggsíðu Egils. Þetta kemur fram í pistli sem Sturla skrifar á Pressuna í dag.

Mótmælti kosningu framsóknarmanns í bankaráð

Þór Saari, þingmaður Hreyfingarinnar, mótmælti kosningu nýs fulltrúa Framsóknarflokksins í bankaráð Seðlabanka Íslands á Alþingi í dag.

Brottvísun flóttamanna ekki geðþóttaákvörðun ráðherra

Ragna Árnadóttir, dómsmála- og mannréttindaráðherra, segir að ákvörðun um brottvísun hælisleitenda væri byggð á lögum og almennum mælikvörðum. Ekki væri um að ræða geðþóttaákvörðun ráðherra.

Ekki almenn andstaða innan AGS

Jóhanna Sigurðardóttir, forsætisráðherra, segist ekki hafa upplifað almenna andstöðu meðal annarra þjóða en Hollendinga og Breta við að endurskoðun á efnahagsáætlun Íslands hjá Alþjóðagjaldeyrissjóðnum verði tekin fyrir í stjórn sjóðsins.

Svavar ekki lengur í Icesave viðræðunum

Svavar Gestsson, sendiherra og fyrrverandi ráðherra, tekur ekki þátt í viðræðunum sem standa yfir við hollensk og bresk stjórnvöld varðandi Icesave. Viðræðurnar eru á lokastigi en verið er að ganga frá tæknilegum smáatriðum.

Búið að slökkva eldinn - húsið er ónýtt

Slökkviliðið í Vestmannaeyjum er búið að slökkva eldinn í Lifrasamlaginu en húsið er gjörónýtt. „Það er bara hrunið,“ sagði lögreglumaður í Vestmannaeyjum sem Vísir ræddi við en eldsvoðinn er sá mesti síðan Ísfélagið brann fyrir um tíu árum síðan.

Ættleiðingum fjölgaði töluvert milli ára

Samkvæmt bráðabirgðatölum Hagstofu Íslands voru 69 einstaklingar ættleiddir á Íslandi árið 2008. Þetta er talsvert hærri tala en árið á undan, en þá voru ættleiðingar 51, en það ár áttu sér stað mun færri ættleiðingar en árin á undan. Árið 2008 voru stjúpættleiðingar 46 en frumættleiðingar 23.

Nágranni í hættu: Hélt að reykurinn væri lykt af brunnu poppi

„Ég var nýbúinn að poppa og hélt fyrst að þetta væri bara popplykt," segir Alma Eðvaldsdóttir en hún býr við hliðina á Lifrasamlaginu sem brann til kaldra kola í nótt.

Björgunarsveitin aðstoðaði ökumann í nótt

Björgunarsveitir á Dalvík og Tindur Ólafsfirði voru kallaðar út um klukkan hálf átta í morgun þegar tilkynning barst um bíl utan vegar við Ytri-Vík milli Ólafsfjarðar og Dalvíkur.

Milljónafjárdráttur af söfnunarreikningi

Guðmundur Jónsson, fyrrverandi forstöðumaður Byrgisins, hefur verið ákærður fyrir milljónafjárdrátt, þar á meðal af tveimur söfnunarreikningum til styrktar Byrginu. Þá hefur Guðmundur, ásamt Jóni Arnari Einarssyni, fyrrverandi stjórnarmanni í Byrginu, verið ákærður fyrir meiri háttar brot gegn skattalögum og lögum um bókhald.

Mikilvægt að horfa yfir flokkslínur

Illugi Gunnarsson, formaður þingflokks Sjálfstæðisflokksins, kveðst bjartsýnn á að tillögur flokksins nái eyrum stjórnarliða á þingi. „Þetta er þannig verkefni að stjórnmálamenn verða að horfa yfir flokkslínur.“

Með íslenskan banka í sigtinu

Rannsóknarteymi bresku efnahagsbrotaskrifstofunnar (Serious Fraud Office, SFO) er með íslenskan banka til skoðunar, og bráðlega verður ljóst hvort formleg rannsókn á mögulegum lögbrotum verður hafin.

Stórbruni í Vestmannaeyjum

Lifrarsamlagið í Vestmannaeyjum er alelda og berst allt tiltækt slökkvilið í eyjunum við brunann. Eldurinn kom upp um klukkan fjögur í nótt og er þakið af elsta húsinu hrunið og eldur er í öðrum húsum fyrirtækisins að sögn lögreglu. Um margar viðbyggingar er að ræða sem gerir slökkvistarf nokkuð erfitt að sögn lögreglu en veðuraðstæður eru sæmilegar.

Lamprecht vill eiga allan Geithellnadal

Félagið Heiðarlax hyggur á fiskirækt í Geithellnadal í Álftafirði og hefur í því skyni fest kaup á öllum jörðum sem falar hafa reynst í dalnum.

OR og lífeyrissjóðir ræða um Hellisheiði

Stjórnendur Orkuveitu Reykjavíkur og forsvarsmenn stórra lífeyrissjóða hafa rætt aðkomu sjóðanna að fjármögnun við stækkun Hellisheiðarvirkjunar. Orkuveitan þarf að fjármagna fimm milljarða veituframkvæmdir á Vesturlandi. Hjörleifur Kvaran, forstjóri Orkuveitunnar, segir að fyrirtækið sé með skuldabréfaútboð í gangi á innlendum markaði sem meðal annarra sé v

Stjórnlagaþingið verði 2011

Til álita kemur að fresta fyrirhuguðu stjórnlagaþingi til ársins 2011. Fram til þessa hefur ríkisstjórnin stefnt að því að halda slíkt þing á næsta ári.

Fékk silfurverðlaun fyrir gifstappa

Hugvitskonan Guðrún Guðrúnardóttir hlaut á dögunum viðurkenningu fyrir gifstappa sína frá Samtökum evrópskra hugvitskvenna, (European women inventors and innovators network, EUWIIN). Auk Guðrúnar voru sex aðrar íslenskar konur verðlaunaðar fyrir nýsköpun sína við hátíðlega athöfn í Helsinki.

Mótmæla hernaðarumsvifum

Samtök hernaðarandstæðinga mótmæla fyrirhuguðum hugmyndum um hergagnageymslu og æfingasvæði fyrir Nató-heri á Keflavíkurflugvelli. Í ályktun samtakanna segir að enginn munur sé á því að þjónusta herþotur og þjálfa herflugmenn eða varpa sprengjum í fjarlægum löndum með sömu vélum.

Átján á spítala vegna svínaflensu

Átján einstaklingar lágu á Landspítala síðdegis í gær af völdum svínaflensunnar. Þrír voru á gjörgæslu, hinir sömu og legið hafa þar undanfarna daga. Guðrún Sigmundsdóttir, yfirlæknir á sóttvarnasviði landlæknisembættisins, sagði að einn sjúklingur hefði verið útskrifaður og sex nýir bæst við.

Ríkið eða kröfuhafar munu ákveða afskriftir starfsfólks

Nýir eigendur Íslandsbanka taka ákvörðun um hugsanlega afskrift lána sem Glitnir veitti starfsmönnum til hlutabréfakaupa í bankanum á sínum tíma. Stjórn Íslandsbanka hefur fram til þessa látið málið vera og beðið eigendaskipta, samkvæmt heimildum Fréttablaðsins.

Aðkeyrsla að bænum vöktuð

Aldís Hafsteinsdóttir, bæjarstjóri í Hveragerði, vill auka öryggiseftirlit í bænum með því að „kannaðir verði möguleikar á rafrænni vöktun á innkeyrslum Hveragerðisbæjar með það fyrir augum að auka öryggiskennd bæjarbúa og fækka afbrotum í Hveragerði og enn fremur að markaður verði farvegur fyrir öfluga nágrannagæslu í bæjarfélaginu“.

23 þúsund geti krafist þjóðaratkvæðagreiðslu

Frumvarp fimm þingmanna um þjóðaratkvæðagreiðslur gerir ráð fyrir að tíu prósent kosningabærra manna geti krafist þjóðaratkvæðagreiðslu um tiltekið mál. Við þingkosningarnar í apríl höfðu rúmlega 227 þúsund atkvæðisrétt. Flutningsmenn eru þingmenn Hreyfingarinnar, Þráinn Bertelsson og Sigmundur Ernir Rúnarsson Samfylkingunni.

Rær hundrað kílómetra til að safna fyrir röntgentæki

Íþróttafræðinemi hyggst róa hundrað kílómetra til að safna fyrir röntgentæki handa konum sem fara í fleygskurðsaðgerðir vegna brjóstakrabbameins á Landspítalanum. Konum í slíkum aðgerðum er haldið sofandi rúmlega hálftíma lengur en þörf krefur á meðan krabbameinssýnið er sent með leigubíl til greiningar í krabbameinsfélaginu.

Sendiráðsþjófurinn þjáist af alvarlegri spilafíkn

Forgangsröðum og skortur á mannafla kom í veg fyrir að Ríkisendurskoðun færi yfir bókhald sendiráðanna í fyrra. Konan sem gegndi starfi bókara í sendiráðinu í Vín og grunuð er um að hafa dregið sér rúmlega fimmtíu milljónir króna er talin þjást af alvarlegri spilafíkn sem hafi farið úr böndunum.

Rússar vilja ekki lána Íslendingum

Rússland hefur synjað Íslendingum um lán en til stóð að þeir myndu lána Íslandi allt að 500 milljón dollara lán samkvæmt Reuters.

Ríkið þarf að greiða Kaupþingi tæpar 6 milljónir

Íslenska ríkið var í Héraðsdómi Reykjavíkur í dag dæmt til þess að endurgreiða Kaupþingi banka hf. tæpar 6 milljónir króna vegna oftekinna stimpilgjalda sem hefur verið innheimt ólöglega síðustu þrjátíu ár. Bankinn stefndi ríkinu vegna málsins en ríkið þarf einnig að greiða bankanum 1.700.000 krónur í málskostnað.

Partípinni fær skilorð og sekt

Veitingamaðurinn Andrés Pétur Rúnarsson var dæmdur í átta mánaða skilorðsbundið fangelsi í Héraðsdómi Reykjavíkur í dag fyrir skattsvik. Hann er ennfremur dæmdur til þess að greiða tæpar tíu milljónir í sekt til ríkissjóðs.

Sena og Hagar brotlegir: Þurfa að borga samanlagt 35 milljónir

Áfrýjunarnefnd samkeppnismála hefur staðfest að annars vegar Hagar og hins vegar Sena hafi brotið gegn banni samkeppnislaga við því að samruni komi til framkvæmda áður en Samkeppniseftirlitið hafi heimilað hann. Jafnframt er staðfest 20 milljón króna sekt á Haga og 15 milljón króna sekt á Senu vegna þessara brota. Þetta kemur fram á heimasíðu Samkeppniseftirlitsins.

Jóhanna í The Banker: Við ætlum aftur út á alþjóðamarkaðinn

Jóhanna Sigurðardóttir, forsætisráðherra Íslands, skrifar mikla grein í tímaritið The Banker þar sem hún rekur stöðu Íslands og efnahagshrunið.

Féll fram af svölum í annarlegu ástandi

Karl á fimmtugsaldri var fluttur á slysadeild eftir að hafa fallið 2-3 metra af svölum íbúðarhúss í Reykjavík í nótt.

Með amfetamín í leggöngum á Litla-Hrauni

Tuttugu og þriggja ára gömul stúlka var dæmd í eins mánaðar skilorðsbundið fangelsi í Héraðsdómi Suðurlands í morgun. Stúlkan reyndi að smygla amfetamíni og öðrum sjö óþekktum töflum inn á Litla-Hraun í mars á síðasta ári. Efnin hafði stúlkan falið í leggöngum sínum en það var árvökull fíkniefnahundur fangelsins sem „merkti" stúlkuna. Hún játaði verknaðinn fyrir dómi og varði sig sjálf.

Alvarlegt vinnuslys í Fjarðaráli

Vinnuslys varð á ellefta tímanum í morgun í álveri Fjarðaáls í Reyðarfirði, þegar maður klemmdist við vinnu sína við víravél í steypuskála álversins samkvæmt tilkynningu frá fyrirtækinu.

Vill ekki lofa gjaldfrjálsum máltíðum í grunnskólum

Birkir Jón Jónsson þingmaður Framsóknarflokksins spurði Katrínu Jakobsdóttur menntamálaráðherra hvort til stæði að bjóða upp á gjaldfrjálsar skólamáltíðir í grunnskólum landsins á Alþingi fyrir stundu. Hann sagðist telja mikilvægt að hlúa að þessum hópi nú þegar margar fjölskyldur standa illa fjárhagslega. Hann minnti Katrínu á að þetta hefði verið eitt af kosningaloforðum Vinstri grænna og spurði hvort til stæði að ríkið kæmi að þessu máli.

Kannabis í heimahúsi

Lögreglan á höfuðborgarsvæðinu fundu fíkniefni við húsleit í miðborginni í gærkvöld.

Síðasti söludagur bleiku slaufunnar á morgun

Nú eru síðustu forvöð að fjárfesta í bleiku slaufunni og styrkja þar með Krabbameinsfélag Íslands í baráttunni gegn brjóstakrabbameini eins og segir í tilkynningu frá Krabbameinsfélagi Íslands.

Koffínmiklir orkudrykkir ekki ætlaðir börnum

Nokkur umræða hefur orðið um svokallaða orkudrykki í ljósi þess að nýjar tegundir sem innihalda mikið koffín hafa nú numið land. Ástæðan fyrir þessu er breyting á reglum en nú eru ekki lengur nein takmörk á magni viðbætts koffíns í drykkjum eins og áður var.