Aðkeyrsla að bænum vöktuð

Aldís Hafsteinsdóttir, bæjarstjóri í Hveragerði, vill auka öryggiseftirlit í bænum með því að „kannaðir verði möguleikar á rafrænni vöktun á innkeyrslum Hveragerðisbæjar með það fyrir augum að auka öryggiskennd bæjarbúa og fækka afbrotum í Hveragerði og enn fremur að markaður verði farvegur fyrir öfluga nágrannagæslu í bæjarfélaginu“.

Bæjarráð fól Aldísi að leita tilboða í eftirlitsmyndavélakerfi við innkeyrslur bæjarins og ræða við tryggingafélag bæjarins, Securitas og Öryggismiðstöðina varðandi aðkomu að nágrannagæslu í bænum.- gar