Jóhanna í The Banker: Við ætlum aftur út á alþjóðamarkaðinn

Jóhanna Sigurðardóttir, forsætisráðherra Íslands, skrifar mikla grein í tímaritið The Banker þar sem hún rekur stöðu Íslands í dag og efnahagshrunið.

Þar minnist hún sérstaklega á aðkomu Alþjóðagjaldeyrissjóðinn og nauðsyn þess að hann komi að enduruppbyggingu efnahags Íslands og trúverðugleika. Þá er einnig er minnst á lánin frá norðurlöndunum, Póllandi og Færeyjum.

Jóhanna áréttar í greininni, sem er á ensku, að öllum steinum verði velt í rannsókn á hruninu og þeir sem eru ábyrgir verði sóttir til saka. Í því samhengi minnist hún á rannsóknarnefnd Alþingis sem seinkaði útgáfu skýrslunnar um hrunið í dag.

Þá skrifar Jóhanna að fall Íslands sé lærdómur fyrir aðrar þjóðir og áminning um að endurskoða verði tryggingainnistæðukerfið sem varð til þess að ríkið þarf að standa straum af Icesave-reikningunum.

Í lokaorðum sínum segir Jóhanna að Ísland hyggist taka aftur þátt í alþjóðlegum mörkuðum. Það muni hinsvegar ekki gerast næstu tvö árin þar sem útlitið sé dökkt. Hún segir að þjóðin sé fámenn, ung og frumleg. Því verður það auðveldara fyrir þjóðina að vinna sig úr kreppunni.

„Við erum á réttri leið og langtímahorfunar eru bjartar,“ segir hún í greininni.

Fyrir áhugasama má lesa greinina í heild sinni hér.