Mættu með heimatilbúnar reyksprengjur á Hótel Borg

Mótmælendur mættu með heimatilbúnar reyksprengjur við Hótel Borg á gamlársdag þegar sem hin árlega Kryddsíld Stöðvar 2 stóð yfir, samkvæmt Herði Jóhannessyni aðstoðaryfirlögregluþjóni lögreglunnar á höfuðborgarsvæðinu.

Þrettándi mótmælafundurinn á Austurvelli

Raddir fólksins boða til mótmælafundar á Austurvelli á morgun laugardag klukkan 15. Sem fyrr er yfirskrift fundarins ,,Breiðfylking gegn ástandinu." Þetta er 13. laugardaginn í röð sem samtökin halda mótmælafund á Austurvelli.

Brenndist illa þegar olíulampi sprakk

Kona sem brenndist illa eftir að olíulampi sprakk í höndunum á henni ítrekar fyrir fólki að varlega í kringum slíka lampa. Ingunn Hauksdóttir fékk olílampa í afmælisgjöf nú um jólin. Lampann ætlaði hún svo að nota um síðustu helgi en þá vildi ekki betur til en svo en að hann sprakk í höndunum á henni.

Ekki hægt að brenna dýrahræ

Sérstakur gámur til að brenna dýrahræ er ekki til í landinu og þurfti að urða hræ hrossa sem drápust af skæðri salmonellusýkingu í síðustu viku. Kaup á brennslugámi hafa staðið til í langan tíma.

12 milljónir í neyðaraðstoð á Gaza

Ingibjörg Sólrún Gísladóttir utanríkisráðherra hefur ákveðið að veita rúmum tólf milljónum íslenskra króna til mannúðaraðstoðar „vegna hörmungarástandsins á Gaza," eins og segir í tilkynningu frá utanríkisráðuneytinu.

Framboðsfrestur hjá VR framlengdur

Kjörstjórn VR hefur ákveðið að framlengja framboðsfrest til formanns, stjórnar og trúnaðarráðs félagsins fram til mánudagins 12. janúar næstkomandi.

Vill funda um 40% hækkun á dreifingakostnaði raforku

Jón Bjarnason, þingmaður VG í norðvesturkjördæmi, hefur sent fjárlaganefnd bréf og farið fram á fund í nefndinni til að ræða allt að 40% hækkun á dreifingarkostnaði raforku til neytenda frá 1. janúar

VG enn stærsti flokkurinn - ríkisstjórnin sækir í sig veðrið

Samkvæmt þjóðarpúlsi Gallup er Vinstri hreyfingin - Grænt framboð enn stærsti stjórnmálaflokkur landsins en í könnuninni fær hann 29 prósent atkvæða. Samfylkingin fær 28 prósent og Sjálfstæðisflokkurinn mælist með 25 prósenta fylgi.

Mótmælandi óttast borgarastyrjöld

Þrisvar yfir hátíðarnar hefur verið ráðist að húsi við Vesturgötu þar sem Eva Hauksdóttir mótmælandi rekur Nornabúðina. Þetta kemur fram á fréttavefnum Smugunni. Þar er sagt frá því að flösku hafi verið kastað í rúðu í íbúð á sömu hæð og búðin er og hafi ytra gler í rúðunni brotnað.

Krafist gæsluvarðhalds yfir 10-11 árásarmanni

Krafist verður gæsluvarðhalds yfir karlmanni sem var handtekinn seinni partinn í gær, grunaður um að hafa stungið mann í verslun 10-11 í gærmorgun.

Myrká mest selda bók ársins

Það kemur væntanlega fáum á óvart en það var Arnaldur Indriðason sem átti mest seldu bók ársins samkvæmt sölulista Pennans/Eymundsson. Myrká trónir á toppnum en í öðru sæti er Þúsund bjartar sólir, eftir Khaleid Hosseini í kiljuformi.

Páll gæti orðið vanhæfur vegna starfa í rannsóknarnefndinni

Páll Hreinsson hæstaréttardómari gæti orðið vanhæfur í málum sem kunna að koma á borð Hæstaréttar vegna hruns bankanna, hafi málin verið til rannsóknar hjá nefnd sem rannsakar hrun bankanna. Þetta er mat Bjargar Thorarensen, forseta lagadeildar Háskóla Íslands.

Halldór Ásgrímsson enn í öndunarvél

Halldóri Ásgrímssyni, fyrrverandi forsætisráðherra, er enn haldið sofandi í öndunarvél á gjörgæsludeild Landspítalans í Fossvogi. Þar hefur hann legið í um tíu daga. Halldór veiktist af lungnabólgu í desember og að sögn vakthafandi læknis á gjörgæsludeildinni er ástand hans óbreytt.

Keflavíkurflugvöllur orðinn að opinberu hlutafélagi

Opinbera hlutafélagið Keflavíkurflugvöllur tók til starfa um áramót en í því er sameinuð starfsemi Flugmálastjórnar á Keflavíkurflugvelli og Flugstöðvar Leifs Eiríkssonar. Kristján L. Möller samgönguráðherra mun hleypa fyrirtækinu formlega af stokkunum í dag við athöfn með starfsmönnum og stjórn félagsins.

Einstakt að enginn farist í sjóslysi

Nýliðið ár var einstakt að því leyti að enginn maður lét lífið í sjóslysi á íslenskum skipum. Vegna náinna tengsla við hafið og mikilvægis sjósókna frá upphafi, er jafnvel hægt að leiða að því líkur að 2008 hafi verið fyrsta árið frá landnámi án banaslysa á sjó, segir í tilkynningu frá Siglingastofnun Íslands.

Bleikt Fréttablað í dag

Fréttablaðið er bleikt að lit í dag og mun verða svo nokkra næstu daga. Ástæðan er sú að verið er að nýta pappírsbirgðir sem ella hefðu farið til spillis.

Umferðarslys ekki færri síðan 1996

Samkvæmt upplýsingum frá Umferðarstofu urðu tólf banaslys í umferðinni á síðasta ári. Er þetta með minnsta móti.

Telja óþarft að kjósa um aðildarviðræður

Evrópumál Geir H. Haarde forsætisráðherra telur koma til greina að þjóðin fái ekki aðeins að kjósa um mögulega aðild að Evrópusambandinu, heldur einnig um það hvort gengið skuli til aðildarviðræðna. Formenn Evrópunefndar ríkisstjórnarinnar úr báðum stjórnarflokkum telja það ónauðsynlegt.

Fengu þrjá laxa á nýársdag

Tveir félagar hrósuðu happi í gær þegar þeir fengu þrjá laxa í Eystri-Rangá. „Ég er eiginlega viss um að það hafa ekki verið veiddir laxar fyrr á árinu," segir Kristján Þ. Davíðsson annar veiðimannanna og framkvæmdastjóri í gamla Glitni.

Þurfum ekki Nýja Ísland hf.

„Við þurfum samstöðu, þjóðarsátt um endurreisn. Ekki Nýja Ísland hf.!“ sagði biskup Íslands, séra Karl Sigurbjörnsson í nýárspredikun sinni í gær. Hann hvatti þjóðina til að koma auga á tækifæri nýrra tíma, þótt margir líti „rústir einar, vonleysi og sorta fram undan“.

Ísrael sér lengra en Ingibjörg

„Ingibjörg Sólrún segist ekki koma auga á rökin fyrir sambandsslitum við Ísraelsríki. Ég hef grun um að ísraelsk stjórnvöld kæmu auga á þessi rök," segir Ögmundur Jónasson, þingflokksformaður VG.

Nærri tífalt yfir heilsumörkum

Svifryksmengun í Reykjavík eftir miðnætti á gamlárskvöld mældist 425 míkrógrömm þar sem hún var mest, við Melatorg. Heilsuverndarmörk svifryks eru 50 míkrógrömm á rúmmetra.

Bætur hafa verið hækkaðar

Hækkun atvinnuleysisbóta, sem átti að koma til framkvæmda 1. mars, var flýtt til 1. janúar. Gert er ráð fyrir að bæturnar hækki um 13.500 krónur, til samræmis við lægstu laun á almennum vinnumarkaði.

Telur eðlilegt að allir lækki

Valgerður Sverrisdóttir, formaður Framsóknarflokksins, telur eðlilegt að allir taki á sig launalækkun og leggi þannig sitt af mörkum til að taka á stöðu efnahagsmála þjóðarinnar. Arnbjörg Sveinsdóttir, formaður þingflokks Sjálfstæðisflokks, telur það einnig eðlilegt.

Lambakjötsát helsta einkenni Íslendinga

Við Íslendingar vorum tæplega 320 þúsund talsins þann 1.desember síðastliðinn, samkvæmt tölum Hagstofu Íslands sem vakir yfir okkur og auðveldar naflaskoðun með útgáfu ritsins Ísland í tölum 2008-2009.

Kreppan kallar á nýja nálgun

Aðstandendur skógræktarverkefnisins Kolviður munu breyta markaðsherferð í ljósi breyttra aðstæðna að sögn Björgólfs Thorsteinssonar, stjórnarmanns í Kolviði og formanns Landverndar. Herferð verður ýtt úr vör í febrúar og mun beinast að miklu leyti að erlendum ferðamönnum en einnig verður leitast við að fá fyrirtæki til að kolefnisjafna bílaflota sinn.

Mann vantar í girðingarvinnu

„Svavar Gestsson sendiherra spyrst fyrir um mann til að taka að sér girðingarvinnu í Hólaseli með vorinu. Sjálfur mun hann leggja til allt girðingarefnið,“ segir á vefsetri Reykhólahrepps þar sem vísað er til smáauglýsingar sendiherrans á vefnum.

Hörður Torfason harmar atburðina á Hótel Borg

Ari Edwald, forstjóri 365-miðla, segist sleginn óhug eftir atburðinn á Hótel Borg í gær og segir að vopnaðir ótýndir glæpamenn séu komnir inn í hóp mótmælenda, sem lögregla verði að taka miklu harðar á. Hörður Torfason segist harma það sem gerðist.

Banaslys á Ólafsfjarðarvegi

Alvarlegt umferðarslys varð á Ólafsfjarðarvegi við bæinn Krossa laust fyrir klukkan 15 í dag með þeim afleiðingum að karlmaður á sjötugsaldri lést. Hálka var á veginum.

Spreyjað á hús Björgólfs Thors

Skemmdir voru nýverið unnar á húsnæði Björólfs Thors Björgólfssonar, ríkasta manns Íslands, og eiginkonu hans Kristínar Ólafsdóttur í Láglandi í Fossvogshverfi. Á húsið voru spreyjaðar myndir af Björgólfi og Geir H. Haarde, forsætisráðherra. Undir myndirnar er ritað fæðingarár þeirra og ártalið 2009.

Flugeldasala minni en í fyrra

Gleðskapur næturinnar fór fram með hefðbundnum hætti. Flugeldasala var þó töluvert minni fyrir þessi áramót en í fyrra og komu öllu fleiri verkefni inn á borð lögreglunnar en venja er.

Jákvæðni og þrautseigja

Þrautseigja, skýr markmiðssetning og mikil jákvæðni eru ráðin sem silfurdrengirnir frá Peking gefa þjóðinni til að vinna sig út úr kreppunni. Fréttastofa Stöðvar tvö valdi íslenska karlalandsliðið í handbolta Menn ársins 2008.

Fyrsta barn ársins fæddist í uppblásinni laug

Jochum Helgi Baldursson er fyrsta barn ársins 2009. Hann fæddist í heimahúsi rétt eftir miðnætti. Gamlárskvöld var með rólegasta móti framan af hjá fjölskyldunni. En litli drengurinn hafði látið bíða eftir sér því móðirin var sett á jóladag.

Afbrotum fækkaði um þriðjung í Reykjavík

Samkvæmt bráðabirgðatölum fækkaði sérrefsilagabrotum í umdæmi lögreglunnar á höfuðborgarsvæðinu um 30% á seinasta ári í samanburði við árið 2007. Á sama tímabili fækkaði umferðarlagabrotum um 15% en hegningarlagabrotum fjölgaði hinsvegar um 10%. Munar þar mestu um aukningu hnupl- og fjársvikamála. Þetta kemur fram í úttekt á afbrotum og verkefnum lögreglunnar á höfuðborgarsvæðinu fyrir árið 2008.

Ólafsfjarðarvegur lokaður vegna umferðarslyss

Umferðarslys varð á Ólafsfjarðarvegi skammt norðan við Árskógssand við bæinn Krossa laust fyrir klukkan þrjú í dag þegar tveir bílar lentu saman. Af þeim sökum er vegurinn lokaður. Ekki fengust nánari upplýsingar um slysið að svo stöddu.

Ellefu sæmdir fálkaorðunni

Ólafur Ragnar Grímsson, forseti Íslands, sæmdi ellefu Íslendinga heiðursmerki hinnar íslensku fálkaorðu við hátíðlega athöfn á Bessastöðum í dag.

Stunguárásin í 10-11: Fórnarlambið útskrifað

Samkvæmt upplýsingum frá slysadeild var stunguárásin í 10-11 nokkuð alvarleg. Maðurinn var með tvö stungusár annað í andliti og hitt á brjóstkassa. Hann hefur nú verið útskrifaður af slysadeild. Maður réðst að honum um hálf ellefu leytið í morgun og veitti honum áverka á herðablaði. Lögregla telur sig vita hver árásarmaðurinn sé.

Þjóðin þarf að láta til sín taka á alþjóðavettvangi

Hin svonefnda útrás var ekki aðeins verkefni fáeinna bankastjóra eða athafnamanna. Í henni tóku þátt með öflugum hætti þúsundir ungra Íslendinga, hámenntað fólk í ólíkum fræðum,

Segist bera ábyrgð á stjórn landsins

„Sá dagur líður ei hjá að ég spyrji mig ekki hvort stjórnvöld hefðu getað komið í veg fyrir þá atburði sem urðu hér á landi í haust," sagði Geir H. Haarde forsætisráðherra í áramótaávarpi sínu. Geir sagði að hann sem forsætisráðherra bæri ábyrgð á stjórn landsins og þá ábyrgð myndi hann axla, hvort sem siglt væri um lygnan sjó eða þungan.

Milljónatjón vegna mótmælanna í gær

Ari Edwald forstjóri 365 segist ekki vera með nákvæma tölu yfir það tjón sem fyrirtækið varð fyrir í gær vegna mótmælanna við Hótel Borg. Það sé þó ljóst að skemmdir á búnaði og röskun á tekjuöflun hlaupi á milljónum. Hann segir fyrirtækið ætla að skoða í hvaða stöðu það sé gagnvart skemmdarvörgunum. Hann spyr hversu lengi lögreglan geti tekið grímuklæddum ofbeldismönnum sem góðlátlegu gríni.

Stunginn í verslun 10-11 - árásarmanna leitað

Maður var stunginn í verslun 10-11 við Lágmúla í Reykjavík fyrir um klukkutíma síðan. Að sögn lögreglu er árásarmannanna sem voru tveir leitað.

Hent fram af svölum í Vogunum

Fimm líkamsárásir voru tilkynntar til lögreglunnar á suðurnesjum í nótt og var talsverður erill. Ein þeirra var í Vogunum þar sem menn gengu í skrokk á íbúa í blokk, sem endaði með því að manninum var hent fram af svölum. Maðurinn kenndi til í baki og fótum og var fluttur með sjúkrabifreið á Heilbrigðisstofnun Suðurnesja til skoðunar. Árásaraðilinn var handtekinn og gistir nú fangageymslur lögreglunnar.

Ekki þurfti að kalla út slökkvibíl á Akureyri

Ekki þurfti að kalla út slökkvibíla slökkviliðsins á Akureyri á nýársnótt sem telst mjög gott að sögn Þorbjörns Haraldssonar slökkviliðsstjóra á Akureyri. Áramótafögnuður Akureyringa og nærsveitunga fór því afar vel fram. Sjúkrabílar liðsins voru kallaðir 6 sinnum út í minni háttar óhöpp.

Lögreglumaðurinn kinnbeinsbrotinn

Lögreglumaðurinn sem fékk grjót í andlitið við mótmælin við Hótel Borg í gærkvöldi var fluttur á slysadeild þar sem kom í ljós að hann er kinnbeinsbrotinn. Þrír voru handteknir og yfirheyrðir vegna málsins.

Fyrsta barn ársins fæddist í heimahúsi

Fjórar mínútur yfir miðnætti í gærkvöldi fæddist drengur í heimahúsi í Skipholti í Reykjavík. Samkvæmt því sem Vísir kemst næst er þetta fyrsta barn ársins en drengurinn var 16 merkur og rúmlega fjögur kíló. Áslaug Hauksdóttir ljósmóðir sem tók á móti drengnum segir allt hafa gengið eins og í sögu.