Brenndist illa þegar olíulampi sprakk

Kona sem brenndist illa eftir að olíulampi sprakk í höndunum á henni ítrekar fyrir fólki að varlega í kringum slíka lampa. Ingunn Hauksdóttir fékk olílampa í afmælisgjöf nú um jólin. Lampann ætlaði hún svo að nota um síðustu helgi en þá vildi ekki betur til en svo en að hann sprakk í höndunum á henni.

,,Rétt búin að tendra hann lyfta honum svona upp og færa og ætlaði að snúa mér við og labba með hann út þá bara sprakk hann í höndunum á mér innan fjögurra fimm sekúndna," segir Ingunn.

,,Maðurinn stóð við hliðina á mér og hann fékk bara hellur fyrir eyrun og tengdadótturinn aðeins fyrir aftan og hún sá bara eldhaf næstum upp í loft og þetta var bara hræðilegt sjokk."

Eldurinn festist meðal annars í hári Ingunnar og þá hlaut hún annars stigs brunasár á báðum höndum. ,,:aðurinn minn elti mig hérna um eldhúsið og burstaði af mér eldglæringarnar."

Ingunn notaði rauðspritt í lampann í stað olíu en ekki liggur þó fyrir hvað olli því lampinn sprakk. ,,Mér dettur bara í hug að það hafi farið eldglæring ofan í lampann en ég sé það ekki í hendi mér hvernig það hefur gerst."

Ingunn ítrekar fyrir fólki að fara varlega með olíulampa og helst ekki hreyfa þá eftir að búið er að tendra þá.