Fleiri fréttir

Fíkniefnamál upplýst á Ísafirði

Lögreglan á Vestfjörðum lagði hald á tæplega 250 grömm af hassi, 44 e-töflur og tæpt gramm af amfetamíni í fyrrinótt. Tveir undir menn voru í haldi lögreglunnar á meðan rannsókn málsins stóð yfir.

Leiðin út úr kreppunni er alþjóðleg samvinna

Alþjóðleg samvinna og aðild að henni mun gera Íslendingum kleift að forðast þær langvinnu þrengingar sem urðu á hlutskipti landsmanna á liðinni öld, að mati Jónsar H. Haralz fyrrverandi bankastjóra og efnahagsráðgjafi.

Bílvelta á Öxnadalsheiði

Ungt par slapp lítið meitt þegar bíll þess rann á hálku og valt nokkrar veltur út af þjóðveginum á Öxnadalsheiði í gærkvöldi og gjöreyðilagðist.

Eldur í gámi Sorpu í Mosfellsbæ

Mikill eldur logaði upp úr opnum gámi, fullum af notuðum hjólbörðum, þegar slökkviliðið kom á vettvang á athafnasvæði Sorpu í Mosfellsbæ í gærkvöldi.

Brotist inn í pylsuvagn

Brotist var inn í pylsuvagninn við sundlaugarnar í Laugardal í nótt og þar leitað að verðmætum, en ekki kveikt undir pottunum.

Vilja auknar veiðar úr norsk-íslenska stofninum

Alþjóðahafrannsóknaráðið leggur til að veiðar úr norsk-íslenska síldarstofninum verði auknar um átta prósent frá síðasta ári í ljósi þess að stofninn hefur ekki verið stærri síðan fyrir hrun hans á sjöunda áratug síðustu aldar.

BHM fagnar vaxtalækkun

Miðstjórn Bandalags háskólamanna fagnar ákvörðun Seðlabanka Íslands að lækka stýrivexti sem fyrsta skrefi í aðgerðum til að bæta hag almennings í landinu.

Vilja yfirtaka rekstur Landsvirkjunar

Fjárfestingarsjóðurinn Riverstone Holdings vill yfirtaka rekstur Landsvirkjunar næstu ár og greiða áætlaðan hagnað fyrirfram. Fulltrúar frá fjárfestingarsjóðnum kynntu Landsvirkjun hugmyndina á fundi í síðustu viku.

Erlendum gestum fjölgar verulega

Erlendum gestum á Íslandi fjölgaði um 7300 eða 14,5% á tímabilinu 1. september til 13. október 2008. Alls fóru tæplega 58 þúsund erlendir gestir frá landinu um Leifsstöð á tímabilinu 1. september til 13. október 2008. Á sama tímabili í fyrra voru þeir um 50 þúsund.

Fundu 40 kannabisplöntur við húsleit

Lögreglan á höfuðborgarsvæðinu stöðvaði kannabisræktun í húsi í Breiðholti í gærkvöld. Við húsleit á áðurnefndum stað fundust 40 kannabisplöntur á ýmsum stigum ræktunar.

Eldur í strætisvagni á Seltjarnarnesi

Slökkviliðið var kallað að Vesturströnd á Seltjarnarnesi fyrir fáeinum mínútum þar sem kviknaði í strætisvagni. Tveir farþegar voru í vagninum, auk bílstjóra, þegar eldurinn kom upp en allir komust út án hjálpar.

Í farbann vegna fíkniefnamáls

Þýskur karlmaður á þrítugsaldri hefur verið úrskurðaður í farbann til 26. nóvember að kröfu lögreglunnar á höfuðborgarsvæðinu. Maðurinn er búsettur hér á landi, og sat um tíma í gæsluvarðhaldi grunaður um aðild að fíkniefnamáli sem kom upp á Seyðisfirði í byrjun síðasta mánaðar.

Moskvufundir hafa gengið vel - Viðræðum verður haldið áfram

Sendinefndin frá Seðlabanka Íslands og fjármálaráðuneytinu sem heimsótti Moskvu til að hefja viðræður við fulltrúa fjármálaráðuneytis Rússlands um mögulega lánveitingu til Íslands segir að fyrstu fundir hafi gengið vel. Fundum verður haldið áfram. Láninu er ætlað að bæta erlenda lausafjárstöðu Íslands.

Ákjósanlegt að einn banki verði ekki í ríkiseigu

Það er ákjósanlegast að einn af þremur stóru bönkunum verði á hendi annarra en ríkisins, sagði Björgvin G. Sigurðsson viðskiptaráðherra á blaðamannafundi sem hann og Geir H. Haarde forsætisráðherra héldu á nú klukkan fimm.

Fundað um stöðu Íslands í tengslum við Norðurlandaráðsþing

Forsætisráðherrar norrænu ríkjanna hyggjast hittast á fundi í tengslum við þing Norðurlandaráðs í Finnlandi í lok mánaðarins til þess að ræða fjármálakreppuna og sérstaklega stöðu Íslands um þessar mundir. Þetta kom fram í máli Geirs. H. Haarde forsætisráðherra á blaðamannafundi í Iðnó fyrir stundu.

Getur vel verið að mistök hafi verið gerð

Geir H. Haarde forsætisráðherra segir að vel geti verið að gerð hafi verið mistök á síðustu misserum en hann telji að íslensku bankarnari hefðu átt möguleika á að komast í gegnum erfiðleikana ef lausafjárkreppan hefði ekki skollið á af jafnmiklum þunga hér á landi og raun bar vitni. Hann sagði enn fremur að framferði Breta hefði verið tekið upp á vettvangi NATO af hálfu Íslendinga.

Framsýn stéttarfélag: Auðmenn axli ábyrgð

Framsýn-stéttarfélag á Húsavík hvetur til samstöðu meðal þjóðarinnar um að takast á við þann mikla efnahagsvanda sem blasir við almenningi á Íslandi. Hrun efnahagslífsins mun koma illa við marga, ekki síst verkafólk, ellilífeyrisþega og öryrkja. Framsýn hefur sérstakar áhyggjur af stöðu þessa fólks á þessum miklu óvissutímum.

Ríkissaksóknari rannsakar starfsemi bankanna

Björn Bjarnason dómsmálaráðherra hefur falið ríkissaksóknara að hafa forystu um að gera skýrslu um stöðu og starfsemi íslenskra peninga- og fjármálastofnana. Þetta kom fram í ræðu ráðherra á Alþingi í dag.

Jóhanna: Endurskoða stjórnarsáttmála með tilliti til ESB

,,Við verðum öll að skoða aðild að Evrópusambandinu með opnum hug," sagði Jóhanna Sigurðardóttir félagsmálaráðherra í umræðum á Alþingi fyrir stundu. Reyna verði á aðildarviðræður þar sem þjóðin hefur úrslitavald um inngöngu.

Hverjir stungu umdeildri skýrslu ofan í skúffu?

Katrín Jakobsdóttir varaformaður Vinstri grænna spurði margra spurninga í snarpri ræðu sinni á Alþingi fyrir stundu. Katrín talaði meðal annars um skýrslu tveggja breskra hagfræðinga sem unnin var fyrir Landsbankann en var stungið ofan í skúffu þar sem hún þótti of viðkvæm.

Þorgerður vill læra af reynslu Finna

Þorgerður Katrín Gunnarsdóttir, varaformaður Sjálfstæðisflokksins og menntamálaráðherra, vill að Íslendingar læri af reynslu Finna og fjárfesti í menntun til framtíðar. Þetta sagði hún við umræður um stöðu bankakerfisins á Alþingi í dag. Þorgerður benti á að Finnar hefðu líkt og Íslendingar lent í bankakreppu undir lok síðustu aldar og þá veðjað á menntunþ. Það hefðii borgað sig því vöxtur finnska hagkerfisins hefði verið mikill á síðustu árum þar sem hátækni hefði skipað æ meiri sess.

Spyr hvort von sé á meiru og þá hvaðan

Guðjón Arnar Kristjánsson, formaður Frjálslynda flokksins, sagði í umræðum um skýrslu forsætisráðherra um stöðu bankakerfisins að fjölmörgum spurningum væri enn ósvarað.

Svarfdælar fresta áformum um að breyta sparisjóðnum í hlutafélag

Stjórn Sparisjóðs Svarfdæla hefur ákveðið að fresta öllum áformum um hlutafélagsvæðinu sjóðsins um óákveðinn tíma. Þetta er tilkynnt í bréfi til stofnfjáreigenda sjóðsins. Jafnframt er í bréfinu undirstrikað að áframhaldandi rekstur Sparisjóðs Svarfdæla í óbreyttri mynd er ekki í hættu, þrátt fyrir áföll að undanförnu í fjármálalífi landsins, að .því er fram kemur í tilkynningu frá sjóðnum.

Mjólkin hækkar um tíu prósent

Mjólk og mjólkurafurðir hækka um rúm tíu prósent fyrsta nóvember næstkomandi, eða sem samsvarar um tíu krónum á mjólkurlítra. Í tilkynningu frá verðlagsnefnd búvara kemur fram að ástæður hækkunarinnar séu hækkanir á aðföngum í mjólkuriðnaði og búvöruframleiðslu.

Lífeyrissjóðirnir bíða svars frá stjórnvöldum

„Síðast þegar ég vissi var svarið ekki komið, en það hlýtur að fara að koma,“ segir Árni Guðmundsson framkvæmdarstjóri Gildi lífeyrissjóðs en fimm stærstu lífeyrissjóðir landsins hafa sent yfirvöldum erindi um hugsanlega yfirtöku á innlendri starfsemi Kaupþings.

Björgvin boðar hispurslaust uppgjör

Björgvin G. Sigurðsson þakkaði landsmönnum fyrir vel unnið verk á síðustu dögum í ræðu sinni á Alþingi í dag. Hann sagði afrek hafa verið unnin þegar tókst að halda bankakerfinu gangandi þrátt fyrir efnahagshrunið. Á sama tíma hefðu landsmenn allir haldið stillingu sinni og sýnt æðruleysi frammi fyrir vandanum sem við er að etja. Hann segir mikilvægt að hispurslaust uppgjör fari fram.

Blaðamannafundur í beinni

Forsætisráðuneytið hefur boðað til blaðamannafundar í Iðnó kl. 17.00 í dag. Fundurinn er í þetta skiptið einungis ætlaður innlendum blaðamönnum. Næsta víst að umræðuefni fundarins verði, líkt og á fjölda blaðamannafunda í síðustu viku, um stöðu efnahagsmála.

Aðgerðir Breta mannréttindabrot af verstu sort

Guðni Ágústsson, formaður Framsóknarflokksins, segir aðgerðir breskra stjórnvalda gegn íslenskum fyrirtækjum mannréttindabrot af verstu sótt og vill að breska ríkisstjórnin verði kærð hið fyrsta.

Efnahagráðgjafi ríkisstjórnarinnar hættur

Tryggvi Þór Herbertsson sem verið hefur efnahagsráðgjafi ríkisstjórnarinnar undanfarið hefur látið af störfum. Tryggvi var ráðinn til sex mánaða en starfaði einungis í tvo og hálfan mánuð. Hann segir að um sé að ræða samkomulag tveggja manna sem gert hafi verið í miklu bróðerni.

Ríkisstjórnin kannar grundvöll málshöfðunar á hendur Bretum

Ríkisstjórnin hefur falið breskri lögmannssstofu að kanna grundvöll málshöfðunar á hendur breskum stjórnvöldum vegna þeirra aðgerða sem þau gripu til í síðustu viku gegn íslenskum fyrirtækjum. Þetta kom fram í máli Geirs H. Haarde forsætisráðherra sem flutti munnlega skýrslu um stöðu bankakerfisins.

Segir fjárlagafrumvarpið ekki ónýtt plagg

Forsætisráðherra segir fjárlagafrumvarpið ekki ónýtt plagg eftir atburði síðustu daga. En að það eigi eftir að taka breytingum í meðförum þingsins.

,,Af hverju segir Ingibjörg ekki bara niður með Ísland?"

Það er einföldun að draga þá ályktun að Íslendingar eigi sér enga aðra leið en að leita til Alþjóðagjaldeyrissjóðsins eftir efnahagsaðstoð, að mati Bjarna Harðarsonar þingsmanns Framsóknarflokksins. Honum hugnast ekki yfirlýsingar forystumanna Samfylkingarinnar og framamanna í þjóðfélaginu.

Uppsagnir í takti við það sem búist var við

„Þetta er auðvitað áfall, en í ljósi aðstæðna kannski sú tala sem við bjuggumst við,“ segir Anna Karen Hauksdóttir, formaður starfsmannafélags Glitnis. 97 starfsmenn gamla Glitnis misstu vinnuna í kjölfar þess að Nýi Glitnir tók til starfa í dag.

Enginn lyfjaskortur í landinu

Ekki er hætta á því að nauðsynleg lyf verði uppurin. Lyfjabirgðir Landspítalans eru í eðlilegu horfi og forsvarsmenn lyfjafyrirtækja bera sig nokkuð vel.

Sjá næstu 50 fréttir

Mest lesið