Ríkissjóður hagnaðist verulega á sölu Baldurs

Fjármálaráðuneytið segir að það hafi ekki geta selt ferjuna Baldur, sem sigldi á Breiðafirði, til annarra en Sæferða ehf. fyrr en eftir 2010 vegna samnings um rekstur skipsins. Hefði ráðuneytið ekki selt skipið hefði verðmæti þess orðið lítið við lok þess tíma.

Gaukur mun líklega áfrýja

Sigurmar K Albertsson, lögmaður Gauks Úlfarssonar, segir að meiri líkur en minni séu á því að dómi yfir Gauki Úlfarssyni umbjóðanda sínum verði áfrýjað. Hann segist í samtali við Vísi hafa af því áhyggjur að dómurinn muni gefa fordæmi í málum sem þessum en Gauki var í héraðsdómi í dag gert að greiða Ómari R. Valdimarssyni 800 þúsund krónur í miskabætur og málskostnað vegna skrifa á vefsíðu sína.

Máli Smáís gegn Eico vísað frá dómi

Smáís, samtök myndréttarhafa á Íslandi, fyrir hönd 365 miðla stefndi fyrirtækinu Eico vegna sölu áskrifta að bresku sjónvarpsstöðinni SKY. Málinu var hinsvegar vísað frá dómi í dag.

Vilja heræfingar í umhverfismat

Sjö þingmenn Vinstri - grænna hafa lagt fram frumvarp á Alþingi þess efnis að heræfingar á íslenskri grundu og í íslenskri lögsögu verði háðar umhverfismati.

Iðnaðarráðherra leggur fram orkumálafrumvarp

Össur Skarphéðinsson iðnaðarráðherra lagði í dag fram frumvarp sitt um orkumál á Alþingi en nýlega tókst samkomulag á milli stjórnarflokkanna um efni þess.

Tuttugu milljarða króna fjárfesting Verne Holdings

Verne Holdings hyggur á 20 milljarða króna fjárfestingu hér á landi í tengslum við uppbyggingu alþjóðlegs gagnavers hér á næstu fimm árum og verða óbein efnahagsleg áhrif um 40 milljarðar króna.

Ný jafnréttislög samþykkt á þingi

Þingmenn samþykktu í dag ný lög um jafna stöðu og jafnan rétt karla og kvenna sem einnig ganga undir nafninu jafnréttislögin.

Ekki ástæða til þess að breyta úthlutun á byggðakvóta

Sjávarútvegsráðherra sér ekki ástæðu til þess að breyta úthlutun byggðakvóta eins og formaður Framsóknarflokksins lagði til á Alþingi í dag.

Hringvegurinn lokaður í Borgarnesi

Hringvegurinn verður lokaður næstu þrjá mánuðina þar sem hann liggur í gegnum Borgarnes. Verið er að gera endurbætur á veginum og í staðinn eiga ökumenn að aka um merktar hjáleiðir sem hafa verið opnaðar.

Bænastund vegna bílslyssins á Akranesi

Bænastund verður haldin í Akraneskirkju klukkan 18:00 í kvöld vegna piltanna tveggja sem lentu í alvarlegu bílslysi í bænum í síðustu viku.

Deilt um skattamál á þingi

Deilt var um það á Alþingi í dag hvort skattalækkanir til handa fyrirtækjum eða almenningi væri mikilvægari nú um stundir. Sjálfstæðismenn og framsóknarmenn gagnrýndu vinstri - græna um að vilja aldrei lækka skatta en formaður Vinstri - grænna sagði að svigrúm ætti að nýta til þess að draga úr skattbyrði lágtekjufólks.

Þvagleggskonan missti prófið

Dómur í svokölluðu Þvagleggsmáli féll í Héraðsdómi Suðurlands í morgun. María Bergsdóttir sem ákærð var fyrir ölvun við akstur var svipt ökuleyfi í eitt ár en auk þess fékk hún 30 daga skilorðsbundið fangelsi.

Hvað eru fimm ár á milli vina?

Ingibjörg Sólrún Gísladóttir, utanríkisráðherra mun í dag eiga fund með aðalframkvæmdastjóra Sameinuðu Þjóðanna, Ban Ki Moon í New York. Í tilkynningu frá utanríkisráðuneytinu kemur fram að réttur áratugur sé síðan utanríkisráðherra Íslands átti síðast fund með aðalframkvæmdastjóra SÞ. Þetta mun þó ekki vera alls kostar rétt.

Fangi sýknaður af fíkniefnabroti þar sem það var fyrnt

Héraðsdómur Suðurlands hefur sýknað fanga á Lilta-Hrauni af fíkniefnabroti vegna þess að mál hans er fyrnt.

Dæmdur fyrir að stela bíl og henda bíllyklunum í Ölfusá

Héraðsdómur Suðurlands hefur dæmt karlmann til 20 þúsund króna sektar fyrir eignaspjöll og nytjastuld á Selfossi.

Rannsókn á flótta Annþórs lokið

Lögreglan á höfuðborgarsvæðinu hefur lokið rannsókn sinni á því hvað fór úrskeiðis þegar Annþór Kristján Karlsson slapp úr fangageymslum lögreglunnar á Hverfisgötu. Stefán Eiríksson lögreglustjóri hefur sent Birni Bjarnasyni dómsmálaráðherra greinargerð um málið.

Tollar og gjöld hamla netverslun og samkeppni

Tollar og gjöld á hluti sem pantaðir eru á netinu hamla netverslun Íslendinga og um leið samkeppni við innlenda verslun, segir Jóhannes Gunnarsson, formaður Neytendasamtakanna. Hann segir það hagsmunamál fyrir neytendur að lækka gjöldin.

Á annað hundrað ný störf við netþjónabú

Samningar um uppbyggingu og rekstur alþjóðlegs gagnavers á gamla Varnarsvæðinu á Keflavíkurflugvelli verða undirritaðir í dag.

Utanríkisráðherra ræðir við Ban Ki-moon um jafnréttismál

Ingibjörg Sólrún Gísladóttir utanríkisráðherra fundar í dag með aðalframkvæmdastjóra Sameinuðu þjóðanna, Ban Ki-moon, í höfuðstöðvum samtakanna í New York.

Fjármálaráðherra þarf að útskýra sölu á Baldri til Sæferða

Fjármálaráðherra þarf að útskýra af hverju ferjan Baldur var seld til Sæferða á 38 milljónir og seld þaðan til útlanda á 100 milljónir tveimur vikum síðar. Kristinn H. Gunnarsson, þingmaður frjálslyndra, segir að salan sé óvenjuleg og skýra þurfi af hverju ráðuneytið auglýsti ekki söluna samkvæmt reglum árið 2006.

Loðnumælingar hafnar aftur eftir óveðursstopp

Áhöfnin á hafrannsóknaskipinu Árna Friðrikssyni gat hafið mælingar snemma í morgun og horfur eru góðar í dag, en hætta varð mælingum síðdegis í gær vegna óveðurs.

Þriggja mánaða fangelsi fyrir fíkniefnaakstur

Héraðsdómur Norðurlands eystra hefur dæmt karlmann í þriggja mánaða fangelsi fyrir ítrekaðan akstur undir áhrifum fíkniefna og fíkniefnabrot.

Peningum stolið úr ferðasjóði félagsheimilis í Eyjum

Lögreglan í Vestmannaeyjum rannsakar nú þjófnað á peningum úr ferðasjóði félagsheimilisins Rauðagerðis sem átti sér stað 18. febrúar.

Vilja reglur um hámarksmagn transfitusýra í mat

Þingmenn úr öllum flokkum á Alþingi hafa lagt fram þingsályktunartillögu um að sjávarútvegs- og landbúnaðarráðherra verið farli að undirbúa reglur um að hámarksmagn viðbættra transfitusýra í matvælum verði tvö grömm í hverjum hundrað grömmum af fitumagni vörunnar.

Veggjaldið í Hvalfjarðargöngum lækkar

Spölur, sem á og rekur Hvalfjarðargöngin hefur ákveðið að lækka veggjald fyrir staka ferð í Hvalfjarðargöngum núna um mánaðarmótin úr 900 krónum í 800 krónur.

Forsetahjónin heimsækja Hrafnagilsskóla

Ólafur Ragnar Grímsson, forseti Íslands, og Dorrit Moussaieff forsetafrú heimsækja Hrafnagilsskóla í Eyjafjarðarsveit á morgun, en skólinn hlaut Íslensku menntaverðlaunin árið 2007 fyrir að hafa sinnt vel nýsköpun og farsælu samhengi í fræðslustarfi.

Ekki fleiri skipt um trúfélag síðan 1996

Tæpt eitt prósent landsmanna skipti um trúfélag á síðasta ári samkvæmt tölum Hagstofunnar.

Verðbólga komin í 6,8 prósent

Vísitala neysluverðs miðuð við verðlag í miðjum febrúar 2008 hækkaði um 1,38 prósent frá fyrra mánuði samkvæmt mælingum Hagstofunnar. Það þýðir að verðbólga er nú 6,8 prósent.

Vonast til að skilyrði til loðnuleitar batni

Áhöfnin á hafrannsóknaskipinu Árna Friðrikssyni hefur ekkert getað mælt af loðnugöngunni síðan síðdegis í gær vegna óveðurs. Á sjöunda tímanum fór að lægja og er vonast til að skilyrði verði þokkaleg í dag.

Nemandi braust inn í tölvukerfi Hagaskóla

Fjórtán ára pilti í 9.bekk Hagaskóla tókst að brjótast inn í tölvukerfi skólans og eyða öllum skrám á upplýsingavef sem nemendur og kennarar nota. Tölvukerfið liggur enn niðri. Lögreglan rannsakar nú málið en skólastjóri Hagaskóla segist líta brotið alvarlegum augum.

Spurði hvort þingið hefði verið beitt blekkingum

Jón Bjarnason, þingmaður Vinstri - grænna, spurði á Alþingi í dag hvort fjármálaráðherra hefði beitt þingið blekkingum við gerð fjárlaga fyrir jól.

Safna fé til styrktar Færeyingum í nauð

Opnaður hefur verið söfnunarreikningur í Glitni til stuðning frændum vorum Færeyingum vegna tjóns sem þeir urðu fyrir þegar mikið óveður gekk yfir landið um síðustu mánaðarmót.

Stórhríð á Gemlufallsheiði og Steingrímsfjarðarheiði

Á Vestfjörðum er snjóþekja og stórhríð á Gemlufallsheiði og slæmt ferðaveður. Þæfingsfærð og stórhríð er á Steingrímsfjarðarheiði og ekkert ferðaveður.

Dæmdur fyrir vörslu barnakláms

Héraðsdómur Reykjaness dæmdi á föstudag ungan karlmann í þrettán mánaða fangelsi fyrir að hafa í sinni vörslu tæplega 15 þúsund ljósmyndir og 207 hreyfimyndir sem sýna börn á kynferðislegan og klámfenginn hátt.

Rafmagn komið á að nýju

Nú klukkan tíu mínútur yfir fimm komst rafmagn á alla staði þar sem rafmagnslaust varð í dag. Orkuveita Reykjavíkur tilkynnti um háspennubilun klukkan 13:25 í dag. Bilunin orsakaði það að Lögbergslína datt út sem þýddi það að rafmagnsleysi varð í Hveradölum og á Bláfjallasvæði.

Barroso: Evrópusambandið elskar Ísland

Jose Manuel Barroso, forseti framkvæmdastjórnar Evrópusambandsins, segir samstarf ESB og Íslands á innri markaði Evrópu vera afar náið og einstaklega gott.

Ekki leitað til EFTA-dómstólsins varðandi áfengislöggjöf

Hæstiréttur hefur hafnað því að EFTA-dómstólnum verði farið að veita ráðgefandi álit í máli manns sem ákærður er fyrir áfengislagabrot með því að birta áfengisauglýsingar í tímariti hér á landi.

Viðgerð á öðrum spenni Sultartangastöðvar lokið

Viðgerð á öðrum spenni Sultartangastöðvar er lokið eftir því sem fram kemur í tilkynningu Landsvirkjunar og verður viðgerð á hinum lokið í lok apríl.

Litháar áfram í gæsluvarðhaldi vegna gruns um nauðgun

Hæstiréttur hefur staðfest gæsluvarðhaldsúrskurð yfir tveimur Litháum sem bíða þess að Hæstiréttur fjalli um ákæru á hendur þeim vegna hrottafenginnar nauðgunar.

Óljóst hver skuld íslenska ríkisins er við Impregilo

Árni M. Mathiesen fjármálaráðherra segir ráðuneyti hans nú kanna hver skuld íslenska ríkisins sé við ítalska verktakafyrirtækið Impregilo í ljósi nýfallins dóms vegna málsins. Ráðherra segir einnig að kanna þurfi hverjir standi á bak við skattskuldina.

Fundu stolna riffla í húsi á Akranesi

Þrír rifflar voru meðal þess sem lögreglan á Akranesi fann við húsleit í íbúðarhúsnæði í bænum í liðinni viku.

Stýrimaður smyglskútunnar dæmdur fyrir fleiri brot

Guðbjarni Traustason sem dæmdur var nú nýverið í Pólstjörnumálinu svokallaða til sjö og hálfs árs fangelsisvistar, var í Héraðsdómi Reykjaness dæmdur fyrir brot á umferðarlögum, lögum um ávana- og fíkniefni og fyrir nytjastuld. Guðbjarna var hins vegar ekki gerð refsing í málinu þar sem um var að ræða hegningarauka við Pólstjörnudóminn.

Nefnd á vegum dómsmálaráðuneytis fer yfir reglur um pókerspil

Dómsmálaráðherra hefur falið nefnd á vegum dómsmálaráðuneytisins að fara nú yfir reglur sem gilda um pókerspil hér á landi. Þetta kom fram í máli hans í fyrirspurnartíma á Alþingi í dag.

Stofna hlutafélag um REYST orkuskóla

Rektorar Háskóla Íslands og Háskólans í Reykjavík skrifuðu í dag undir hluthafasamkomulag vegna REYST orkuskólans ásamt stjórnarformanni Orkuveitu Reykjavíkur.

Dóttirin þorir ekki lengur í sund

„Dóttir mín lenti í þessum manni í janúar og þá kærðum við. Sundlaugin hefur því vitað af honum í rúman mánuð,"segir móðir ellefu ára gamallar stúlku sem lenti í perranum í Sundmiðstöð Keflavíkur.