VÍS brýtur ísinn í Kauphöll Íslands

Sigrún Ragna Ólafsdóttir, forstjóri VÍS, verður fyrsta konan eftir hrun til að stýra fyrirtæki sem skráð er í Kauphöll Íslands. Mikil umframeftirspurn var eftir bréfum VÍS í útboði sem lauk á þriðjudag. Bréf seldust á allt að 30% yfir verðmatsgengi.

Jörðin Teigarhorn nú friðlýst

Óðalsjörðin Teigarhorn í Djúpavogshreppi hefur verið friðlýst, en Svandís Svavarsdóttir, umhverfis- og auðlindaráðherra, undirritaði friðlýsingu jarðarinnar sem fólksvangs. Við sama tækifæri undirritaði ráðherra endurskoðaða friðlýsingu geislasteinsnáma á jörðinni sem náttúruvætti.

Leiga hækkaði um 0,7% í mars

Vísitala húsaleigu á höfuðborgarsvæðinu hækkaði um 0,7% frá febrúar til mars, að því er fram kemur í tölum Þjóðskrár Íslands.

Ný skonnorta til Húsavíkur

Hvalaskoðunarfyrirtækið Norðursigling á Húsavík hefur fjárfest í skonnortu sem hefur verið gefið nafnið Opal.

Eldhaf eftir sprengingu í Waco

Óttast að tugir manna hafi látist eftir að sprenging varð í áburðarverksmiðju norðan Waco í Texas.

Heilbrigðiskerfið í landinu hrundi víst

Starfsmenn LSH taka ekki undir orð oddvita Samfylkingarinnar um að velferðarkerfið hafi staðið af sér hrunið. Fréttablaðið heimsótti spítalann með frambjóðendum í gær og spjallaði við starfsmenn. Enginn vildi spyrja þingmenn spurninga.

"Ég er síðastur út"

Síðasti íbúinn í Vesturvör 27 flutti í gær úr vatns- og rafmagnslausu húsinu. Hann segir mannskapinn hafa fundið sér þak yfir höfuðið á ýmsum stöðum. Sjálfur flytji hann á gistiheimili en vonist til að geta eignast íbúð. Húsið er óíbúðarhæft.

Kvennametið slegið á borgarstjórnarfundi

Aldrei hafa jafn margar konur setið sem borgarfulltrúar og á fundi borgarstjórnar á þriðjudag, samkvæmt heimildum Fréttablaðsins. Af fimmtán fundarmönnum voru tíu konur.

Játaði að hafa reykt á klósettinu - samt sýknuð

Tuttugu og átta ára gömul kona hefur verið sýknuð af því að hafa reykt inni á klósetti, þar sem reykingar eru bannaðar, á flugvellinum í Glasgow í febrúar á síðasta ári. Það sem er svolítið sérstakt við málið er að hún játaði að hafa svalað níkótínþörfinni og fengið sér smók á klósettinu.

Hindra að þú sofir hjá nánum ættingja

Á mörgum erlendum fréttavefjum er í dag fjallað um app Íslendingabókarinnar undir þeim formerkjum að nýtt app sem varni því að fólk sofi hjá frændsystkinum sínum. Á vef Business Week segir til dæmis að það fylgi því vissar hættur að hitta einhvern á bar og fara með vikomandi heim. Búi maður á Íslandi sé ein hættan sú að viðkomandi geti verið náinn ættingi, þar sem á Íslandi búi einungis 320 þúsund íbúar og nánast allir eigi sama forföður. Það sé ekkert app sem komi í veg fyrir að menn hitti náinn frænda eða nána frænku á veitingastöðum um helgar.

Þessir kæmust á þing

Katrín Júlíusdóttir, varaformaður Samfylkingarinnar, kemst inn á þing samkvæmt nýjustu könnun Stöðvar 2 og Fréttablaðsins og Sjálfstæðismenn bæta við sig þremur þingmönnum miðað við síðustu kosningar en Samfylkingin missir ellefu þingmenn og Vinstri græn níu.

Fimm íslensk bikarmörk í Noregi

Fjölmargir leikir fóru fram í fyrstu umferð norsku bikarkeppninnar í fótbolta í dag. Fimm íslensk mörk litu dagsins ljós.

Þrjú fyrirtæki hlutu jafnlaunavottun VR

Þrjú íslensk fyrirtæki hlutu í gær, fyrst fyrirtækja, jafnlaunavottun VR, en hún er ætluð fyrirtækjum og stofnunum sem vilja sýna svart á hvítu að launastefna þeirra og mannauðsstjórnun mismuni ekki konum og körlum.

Enginn handtekinn - frétt CNN röng

Enginn hefur verið handtekinn í tengslum við sprengjuárásina í Boston á mánudag. Bandaríska fréttastofan CNN greindi frá því síðdegis að einn hefði verið handtekinn, og hafði það eftir heimildarmönnum. Nú hefur fréttastofan borið þessar fréttir til baka eftir að lögregluyfirvöld sögðu á blaðamannafundi nú fyrir stundu að fréttirnar væru rangar.

Sjálfstæðisflokkurinn bætir við sig - Framsókn dalar

Sjálfstæðisflokkurinn bætir við sig verulegu fylgi en Framsókn dalar samkvæmt nýrri könnun Stöðvar tvö og Fréttablaðsins. Prófessor í stjórnmálafræði segir að útspil Bjarna Benediktssonar, formanns Sjálfstæðisflokks, um síðustu helgi hafi heppnast fullkomlega.

Í haldi lögreglu vegna hryðjuverkana í Boston

Maður grunaður um aðild að sprengjutilræðinu í Boston í fyrradag þar sem þrír létust og fjölmargir slösuðust var handtekinn nú síðdegis.

Grunaður um fjárdrátt

Starfsmanni við bókhald í Verkmenntaskólanum á Akureyri hefur verið vikið frá störfum vegna gruns um fjárdrátt. Þetta kemur fram á vef Vikudags á Akureyri. Þar segir að við innra eftirlit hafi vaknað grunsemdir um að ekki væri allt með felldu við meðferð á fjármunum tengdum skólanum.

Kaffistofa Samhjálpar hlaut Samfélagsverðlaun Fréttablaðsins

Samfélagsverðlaun Fréttablaðsins voru afhent við hátíðlega athöfn síðdegis í dag. Þetta er í áttunda sinn sem Fréttablaðið veitir Samfélagsverðlaunin en þau eru veitt í fjórum flokkum auk heiðursverðlauna.

Stöð 2 sýnir heimildarmynd um Thatcher

Útför Margrétar Thatcher fór fram í Lundúnum í dag. Thatcher varð fyrst kvenna til þess að hljóta kjör í embætti forsætisráðherra Bretlands og enn sem komið er sú eina. Hún var forsætisráðherra á árunum 1979 - 1990 og enginn annar Breti hefur gegnt embættinu lengur. Thatcher stóð fyrir miklum breytingum á bresku samfélagi í stjórnartíð sinni og hafði mikil áhrif innan lands sem utan.

Eitrað bréf ætlað Obama

Sendibréf stílað á Bandaríkjaforseta talið innihalda rísín.

Réðst á bróður afa síns

"Ég hataði hann af öllu mínu hjarta"

Pakistanskir hermenn aðstoða á jarðskjálftasvæði

Vatn og rafmagn er komið á eftir öflugan jarðskjálfta sem varð í suðausturhluta Íran í gær. Minnst 35 fórust í skjálftanum.

"Menn mjög hræddir og fáir á ferli"

Melkorka Árný Kvaran, ein þeirra 35 íslendinga sem tóku þátt í Boston maraþoninu á mánudaginn er á leið heim í kvöld ásamt manni sínum.

Réttað yfir fimmmenningum vegna PIP-púða

Sögð ein af umfangsmestu réttarhöldum í sögu Frakklands. Þinghald sem stendur yfir í máli gegn lýtalækninum Jens Kjartanssyni er lokað.

Manna leitað vegna lögreglurannsóknar

Lögreglan á höfuðborgarsvæðinu óskar eftir liðsinni almennings vegna máls sem hún hefur til rannsóknar. Lögreglan vill vita hvort einhver þekki mennina á meðfylgjandi mynd en annar þeirra er talinn tengjast málinu. Í tengslum við sama mál er lýst eftir bifreið - rauðum VW Polo, tveggja dyra, árgerð 2001. Lögreglan biður þá sem geta gefið upplýsingar um manninn eru vinsamlegast beðnir um að hringja í lögregluna í síma 444-1000.

Ólafur Ragnar hitti leiðtoga demókrata

Ólafur Ragnar Grímsson, forseti Íslands, átti í gær fund í Washington með Harry Reid, leiðtoga demókrata í Öldungadeild Bandaríkjaþings, og Mitch McConnell, leiðtoga repúblikana í Öldungadeildinni.

Veikum manni á áttræðisaldri úthýst fyrir mistök

Sjúkling á áttræðisaldri sem þarfnaðist læknisaðstoðar var meinaður aðgangur að Heilbrigðisstofnun Suðurnesja laust fyrir klukkan sjö í morgun.

Mál leyfislausa Landspítalamannsins sagt grafalvarlegt

Starfsmaður vann í tvö ár á krabbameinsdeild án starfsleyfis og menntunar. Formaður Félags hjúkrunarfræðinga man ekki eftir sambærilegu máli hér á landi

Fox fjarlægir Family Guy þátt

Í þættinum sést aðalpersóna þáttanna, Peter Griffin, endurupplifa það þegar hann keyrir á hlaupara til að vinna keppnina.

Kaldavatnslaust á Álftanesi kl. 17-21 í dag

Í dag, miðvikudaginn 17. apríl, verður kaldavatnslaust á öllu Álftanesi frá kl. 17:00 til 21:00 vegna viðhalds á stofnlögn.

Samkynhneigðir fagna á Nýja-Sjálandi

Þing Nýja-Sjálands hefur lögleitt giftingar samkynneigðra, fyrsta landið á Kyrrahafssvæðinu sem svo gerir.

Fjölmenni við útför Thatchers

Big Ben er þögull vegna jarðarfarar Margrétar Thachers.

Sprengjurnar innihéldu nagla og kúlulegur

FBI hefur birt ljósmyndir af smáhlutum úr sprengjunum sem sprungu í Boston-maraþoninu á mánudag. Rannsókn málsins er á frumstigi.

Ólögleg gististarfsemi

Fullyrt er að margir reki gistiþjónustu án þess að tilskilin leyfi liggi fyrir.

LSD sjötugt

Eiturlyfið illræmda, LSD, var sjötugt í gær. Ekki er vitað til þess að haldið hafi verið uppá það sérstaklega.

Rugl í persónu Wilsons fyrir dómsstóla

Sérstætt mál hefur nú verið sett á dagskrá dómstóla en um er að ræða kæra á hendur Sony vegna myndarinnar "Midnight in Paris" þar sem misfarið er með tilvitnun í skáldsögu eftir William Faulkner.

Þjóðlagasöngkona þvær peninga

Þekkt spænsk þjóðlagasöngkona, Isabel Pantoja, hlaut í gær tveggja ára fangelsisdóm fyrir peningaþvætti.

Styggir þjófar

Brotist var inn í skóla í Vesturbænum í nótt.

Vafasamur ökumaður

Nánast allt var að sem hugsast getur hjá ökumanni sem lögreglan greip glóðvolgan í nótt.

Fá vinnu í þrjár vikur í sumar

Reykjavíkurborg hefur nú opnað fyrir skráningu grunnskólanemenda í Vinnuskóla borgarinnar. Allir nemendur sem sækja um fá vinnu í þrjár vikur í sumar, en vinnunni er skipt niður á tvö tímabil svo ekki vinna allir sömu þrjár vikurnar.

Metið hvort fársjúkur svikari þoli framsal til Ungverjalands

Ungverskur íbúi í Ólafsvík var árið 2010 dæmdur í fangelsi fyrir að svíkja ungverska ríkið í viðskiptum tengdum skólphreinsun. Þarlend yfirvöld vilja fá hann framseldan en talið er að ferðalagið gæti riðið honum að fullu.

Borgarbúar af 130 þjóðernum

Í höfuðborg Íslands búa nú þrettán þúsund innflytjendur af 130 þjóðernum. Hlutfallið hefur tvöfaldast á tíu árum. Borgarstjóri fagnar því sem áskorun fyrir Reykvíkinga. Hann vill þó að hlutfallið sé jafnara milli hverfa.

Ein heimsókn breytir ekki pólitískri afstöðu

Frambjóðendur Bjartrar framtíðar kynntu helstu stefnumál sín á Hjúkrunarheimilinu Eir í gær. Fréttablaðið slóst með í för og tók íbúa tali. Flestir voru á því að stutt heimsókn stjórnmálaflokka gerði ekki mikið til að breyta afstöðu þeirra.

Býflugur vekja ugg í sumarbústaðahverfi

Hjónum sem ræktað hafa býflugur í bæjarlandi í sumarhúsahverfinu Sléttuhlíð í Hafnarfirði hefur verið gert að færa ræktunina inn fyrir mörk eigin sumarhúsalóðar. Nágrannarnir segjast hræddir við flugurnar og óttast ofnæmisviðbrögð.

Grasflatir verði slegnar mun oftar

Grípa þarf til aðgerða til að draga úr magni frjókorna í andrúmslofti í þéttbýli, að mati höfunda skýrslu um loftgæði. Meðal þess sem ætti að gera er að slá grasflatir áður en blóm ná að þroskast. Reykjavíkurborg hefur dregið verulega úr slætti síðustu ár og eru grös, blóm og aðrar plöntur yfirleitt farnar að spretta verulega áður en kemur að slætti.