Fleiri fréttir

Ekki vitað hvað orsakaði truflun í lokaaðflugi

Eitt af þremur vökvaaflskerfum flugvélar Icelandair bilaði þegar flugvélin hóf lækkun á flugi inn til Keflavíkurflugvallar í gærkvöldi. Unnið var eftir gátlista þegar þetta atvik kom upp.

Okawa elst í heimi - "Ég er rosalega ánægð"

Japanska konan Misao Okawa var í gær útnefnd elsta kona í heimi en hún er 114 ára gömul. Japanir eiga nú bæði elstu konu og elsta karl í heimi, samkvæmt heimsmetabók Guinness.

Russell Crowe ræddi Íslandsdvöl við Jay Leno

Íslandsvinurinn Russell Crowe varð upprifinn yfir fegurð Íslands þegar hann var hér við tökur á myndinni Noah í sumar. Hann segir þó að það hafi verið erfitt að búa hérna. Þetta sagði hann í samtali við spjallþáttastjórnandann Jay Leno þegar hann ræddi við hann í gærkvöld. "Ísland er erfiður staður að búa á. Þegar sumarið er gott, þýðir það að það hafa verið fleiri en 10 sólardagar. Og veðrið getur breyst í einni svipan,“ sagði Crowe.

Lést eftir hákarlaárás

47 ára karlmaður beið bana undan ströndum borgarinnar Auckland á Nýja Sjálandi eftir að hákarl réðist á hann.

Undrabarn varð yngsti stórmeistari heims

Kínverska skákundrið Wei Yi tryggði sér þriðja og síðasta áfanga að stórmeistaratitli eftir áttundu umferð N1 Reykjavíkurskákmótsins í Hörpu á mánudagskvöld. Wei Yi, sem er aðeins 13 ára gamall, er því yngsti stórmeistari heims í dag. Wei Yi varð jafnframt fjórði yngsti stórmeistari allra tíma, þegar næststigahæsti keppandi mótsins, stórmeistarinn Maxime Vachier-Lagrave frá Frakklandi, gaf skák sína eftir mikla baráttu við undrabarnið.

Tíu þúsund kindahræ látin rotna á fjöllum

Talið er að hátt í tíu þúsund fjár hafi drepist í óveðrinu á Norðausturlandi í september. Engar áætlanir eru um að farga hræjunum. Bagalegt fyrir ferðaþjónustuna, segir heilbrigðisfulltrúi. Lítil hætta á smitsjúkdómum, segir dýralæknir hjá MAST.

Ólafur Ragnar hitti Hollande

Ólafur Ragnar Grímsson, forseti Íslands, fundaði með Francois Hollande, forseta Frakklands í Elysée-höll í París í gær. Ræddu þeir meðal annars aukna samvinnu þjóða á norðurslóðum, nýtingu hreinnar orku, glímuna við fjármálakreppuna í Evrópu og reynslu Íslendinga á undanförnum árum.

Slæmar horfur í skíðabrekkum

Hlýindi og vatnsveður undanfarna daga hafa ekki farið vel með skíðafæri í nágrenni höfuðborgarinnar. Lokað hefur verið í brekkunum í Bláfjöllum og Skálafelli. Gríðarlegt magn af snjó er sagt horfið úr brekkunum og margar lyftur dottnar út.

Sér umferðarljós fyrir hjól

Reykjavíkurborg hefur sett upp sérstök umferðarljós fyrir hjólafólk á sex stöðum á nýrri hjólaleið frá Hlemmi að Elliðaám. Fyrstu ljósin verða gangsett í dag en þau eru yfir Sæbrautina við Súðavog og eru umferðarstýrð.

Mokveiði við Vestmannaeyjar

"Þetta er bara kapphlaup við tímann núna. Það skiptir bara máli að ná sem mestu,“ segir Jón Axelsson, skipstjóri á loðnuskipinu Álsey VE 2. Álsey var á leið til Þórshafnar í gærkvöld eftir góða veiði undanfarna daga við Vestmannaeyjar. Alls voru ellefu loðnuskip að veiðum á svæðinu í gærkvöld.

Landspítalinn kærður vegna samskipta

Fyrirtækið Logaland ehf. hefur kært innkaupadeild Landspítalans (LSH) til Samkeppniseftirlitsins vegna vinnubragða í innkaupum á heilbrigðisvörum. Ástæðan er tölvupóstssamskipti LSH við fyrirtækið Hátækni, þar sem verð samkeppnisaðilans er borið saman við verð Hátækni og eru forsvarsmenn Hátækni beðnir um lækka verðið til að LSH kaupi af þeim.

Vatn að sjatna í ám á Suður og Vesturlandi

Nú er vatni farið að sjatna í flestum ám á Suður og Vesturlandi. Til dæmis efst í Hvítá á Suðurlandi, en það er enn mjög mikið rennsli neðan til í henni eða þar sem hún skiptir um nafn og heitir Ölfusá.

Stórt draugaskip á reki um Norður Atlantshafið

Stórt mannlaust og vélarvana draugaskip rekur nú stjórnlaust um Norður Atlantshafið og getur skapað hættu fyrir skipaumferð. Hinsvegar vill enginn bera ábyrgð á þessu skipi.

Reyndi að ná hassolíu við lögreglustöðina á Selfossi

Ung kona, sem lögreglan á Selfossi stöðvaði fyrir of hraðan akstur í gærkvöldi, féllst á að lögregla leitaði að fíkniefnum í bíl hennar. En þegar komið var að lögreglustöðini tókst henni að kasta út skammti af hassolíu, án þess að lögregla tæki eftir.

Rannsókn hafin á biluninni í þotu Icelandair

Rannsóknanefnd flugslysa hefur þegar hafið rannsókn á því hvað olli bilun í vökvaknúnum stjórnbúnaði Icelandair þotu skömmu fyrir lendingu á Keflavíkurflugvelli í gærkvöldi, sem olli því að neyðarástandi var lýst yfir á vellinum, samkvæmt nýrri flugslysaáætlun.

Kemur verst niður á þeim efnaminnstu

Þingmaður segir gjöld og skatta á innfluttar vörur koma verst niður á þeim efnaminnstu, sem ekki hafi efni á að ferðast til útlanda og njóta þess tollfrelsis sem það felur í sér. Lægri gjöld og skattar muni efla verslun og atvinnulíf hér á landi.

Kvikasilfri sagt stríð á hendur

Fulltrúar 140 ríkja skrifuðu í janúar síðastliðnum undir alþjóðlegan samning um að draga úr notkun kvikasilfurs, og þá jafnframt losun þess út í umhverfið. Samningurinn heitir eftir japönsku borginni Minamata, þar sem þúsundir manna urðu fyrir alvarlegri eitrun vegna losunar kvikasilfurs með frárennsli frá efnaverksmiðju.

Hleranir styggja verjendur

Lögmenn grunaðra sakamanna óttast að trúnaðarsímtöl þeirra við skjólstæðinga kunni að vera hleruð. Ríkissaksóknari svaraði ekki fyrirspurn ráðherra um málið og stjórn Lögmannafélagsins hyggst taka það fyrir.

Gefur borginni sextán styttur

Embætti skipulagsfulltrúa segir ekkert mæla gegn því að Reykjavíkurborg þiggi að gjöf sextán höggmyndir Hallsteins Sigurðssonar í Grafarvogi.

Hagnaður hjá Íslandspósti

Íslandspóstur hagnaðist um tæpar 53 milljónir króna á síðasta ári. Til samanburðar tapaði félagið 144 milljónum árið 2011 en hagnaðist um 93 milljónir árið 2010.

Danir vilja færa Markarfljót

Fullreynt þykir að gera núverandi Vestmannaeyjaferju út frá Landeyjahöfn. Bjóða á út smíði nýrrar ferju á næstunni. Danska straumfræðistofnunin leggur til að ós Markarfljóts verði færður 2,5 kílómetra til austurs.

Arftakinn virðist vera fundinn

Um helgina var Miguel Diaz-Canel kosinn varaforseti Kúbu, en Raul Castro verður áfram forseti. Valið er í þessi embætti á þjóðþingi landsins, sem kemur saman tvisvar á ári og samþykkir lög oftast umræðulítið.

Pattstaða á nýja þinginu

Pattstaða er komin upp á ítalska þinginu eftir kosningarnar. Fimm stjörnu hreyfing grínistans Beppes Grillo virðist vart líkleg til að koma til bjargar.

Vélin lent heilu og höldnu

Boeing 757 farþegaþota á vegum Icelandair nauðlenti á Keflavíkurflugvelli á ellefta tímanum í kvöld. Lendingin heppnaðist vel en vandræðin má rekja til bilunar í stjórnbúnaði. Samkvæmt upplýsingum frá ISAVIA var neyðarástandi lýst yfir og var viðbúnaður mikill.

Klámhundur eða aulabárður?

Belgískur prófessor við háskóla í Hollandi var látinn taka pokann sinn á dögunum eftir að hann opnaði klámsíðu í miðri fjarkennslu. Maðurinn, sem er prófessor í efnafræði, sagði hollenskum fjölmiðlum í dag að hann hefði opnað síðuna fyrir mistök.

Tímabært að opna gjörgæslu á geðdeild Landspítalans

Það er löngu tímabært að opnuð verði gjörgæsla á geðdeild Landspítalans til að sporna gegn því að mjög veikir einstaklingar geti strokið. Þetta segir framkvæmdastjóri geðsviðs sem telur mögulegt að opna slíka gjörgæslu í haust með ódýrum hætti og til þess skortir fjármagn.

Vísindalegt bónorð vænlegt til vinnings

Bónorðin eru jafn fjölbreytt og þau eru mörg. Ástralskur eðlisfræðingur beitti vísindalegum aðferðum þegar hann bað um hönd kærustu sinnar á dögunum.

Auknar fjárveitingar til RÚV - "Skattheimta á að vera gegnsæ“

"Frumforsenda þessa frumvarps er sú að það gjald sem almenningur borgar í útvarpsgjald renni til RÚV," segir Katrín Jakobsdóttir, mennta- og menningarmálaráðherra. Önnur umræða um frumvarpið, sem ber yfirskriftina Ríkisútvarpið, fjölmiðill í almannaþágu, á Alþingi í dag. Hér er á ferðinni tilraun til skerpa á almannaþjónustuhlutverki RÚV sem og breytingar á fjármögnun þessa fyrirtækis.

Komast hvorki lönd né strönd

Tuttugu og tveir íbúar eru einangraðir í bæjunum í Auðsholtshverfinu í Hrunmannahreppi vegna flóðs í Hvítá. Þá hefur rennsli Ölfusár meira en fjórfaldast.

Stór hluti máltíða fer í ruslið

Fjörutíu prósent af sjúkrahúsmáltíðum á Landspítala enda í ruslinu. Huga þarf betur að næringu inniliggjandi sjúklinga. Vannæring lengi verið þekkt vandamál meðal skurðsjúklinga, bæði erlendis og hérlendis.

Svavar Halldórsson hættur á RÚV

Svavar Halldórsson, fréttamaður á RÚV, er hættur störfum. Starfsmönnum var tilkynnt þetta í tölvupósti í dag. Samkvæmt heimildum Vísis kemur fram í póstinum að Svavar hætti að eigin ósk. Svavar hefur vakið töluverða athygli fyrir fréttir sínar, sem að stórum hluta hafa fjallað um viðskipti og stjórnmál.

Hugsaði fyrst um fólkið og síðan fjölskylduna

"Ég hugsaði fyrst um fólkið og síðan fjölskylduna mína," segir leiðsögumaður sem sat fastur uppi á þaki jeppabifreiðar, ásamt fjórum ferðamönnum, í tvo klukkutíma í straumharðri á í Landmannalaugum í gærkvöldi. Litlu munaði að þyrla Landhelgisgæslunnar kæmist ekki að fólkinu vegna slæms skyggnis

Biðst afsökunar á „blackface“-gervi

Ríkisþingmaður New York-fylkis, Dov Hikind, hefur beðist afsökunar á ljósmynd sem sýnir hann í "blackface“-gervi. Fréttastofa CNN greinir frá.

Fimm bjargað úr sjálfheldu - lögreglan rannsakar málið

Lögreglan á Hvolsvelli rannsakar nú hvort eitthvað saknæmt hafi átt sér stað þegar íslenskt ferðafyrirtæki fór með fjóra ferðamenn upp að Landmannalaugum, þar sem bíll ferðafyrirtæksisins festist með þeim afleiðingum að fimm voru í sjálfheldu.

Vill tryggja áframhald á starfi fyrir fötluð ungmenni

Kjartan Magnússon, borgarfulltrúi og fulltrúi Sjálfstæðisflokksins í borgarstjórn, segir að fjárveitingar til að standa straum af kostnaði við rekstur frístundastarfs fyrir fötluð ungmenni í Hinu húsinu dugi einungis til 10. maí næstkomandi.

Sjá næstu 50 fréttir

Mest lesið