Gefur borginni sextán styttur

Embætti skipulagsfulltrúa segir ekkert mæla gegn því að Reykjavíkurborg þiggi að gjöf sextán höggmyndir Hallsteins Sigurðssonar í Grafarvogi.

Höggmyndirnar eru úr áli og á 23 þúsund fermetra svæði sem Hallsteinn hefur haft á leigu frá árinu 1998. Listsafn Reykjavíkur hefur sagt verkin njóta sín þar sem þau eru og mælir með því að borgin þiggi gjöfina. Borgin mun tileinka svæðið nafni Hallsteins og merkja verkin en jafnframt áskilja sér rétt til að flytja þau annað ef þörf krefur.