Yfir 40 Íslendingar eru 100 ára gamlir eða eldri

Um áramótin voru 42 Íslendingar á lífi sem hafa náð hundrað ára aldri, 36 konur og 6 karlar. Þetta er heldur lægri tala en fyrir ári. Hinsvegar eru nú mjög margir 99 ára, eða 27 alls og gætu þeir náð þessum áfanga á næsta ári. Í þeim hópi eru 7 karlar. Þetta kemur fram á facebooksíðunni langlífi.

Forstjóri LSH fagnar boðaðri landssöfnun

Beið þar til nýtt ár gekk í garð

„Við áttum von á því að hún kæmi yfir hátíðarnar, en þetta fór eins og við vonuðum og hún ákvað að bíða fram í janúar,“ segir Einar Viðar Viðarsson, nýbakaður og stoltur faðir fyrsta barns ársins 2013. „Það er að vissu leyti betra að fæðast snemma á árinu, upp á skóla og svona, en þetta er auðvitað alltaf dásamlegt, sama hvenær þau koma.“

Neil Armstrong sakaður um lygar

Þetta er lítið skref fyrir mann, en risaskref fyrir mannkynið, sagði Neil Armstrong sem var fyrsti maðurinn til að stíga niður fæti á tunglið. Það gerði hann þann 20. júlí 1969. Um er að ræða einhver fleygustu orð 20. aldarinnar. Í ævisögu sinni árið 2005 sagði Neil að honum hefði dottið þessi orð í hug rétt eftir að Appollo 11, flaugin sem flutti hann á tunglið, lenti þar. Nú er Neil Armstrong látinn, en í nýrri heimildarmynd sem BBC sýndi á sunnudag, þverneitar bróðir hans því að Neil hafi dottið þessi orð í hug eftir að hann var lentur á tunglinu. Dean, bróðir hans, segir að honum hafi dottið þessi orð í hug mörgum mánuðum áður en geimflaugin lenti.

Treysta ekki lögreglunni eftir hrottalega nauðgun

Hundruð kvenna í Delhi hafa síðastliðna daga sótt um byssuleyfi. Ástæðan er mikil umfjöllun um hrottalega nauðgun, þar sem sex karlmenn nauðguðu 23 ára gamalli konu og limlestu hana í síðasta mánuði. Breska blaðið Guardian segir að fréttirnar af þessum aukna byssuáhuga sýni hversu óöruggt fólk sé í þessari borg. Skortur á trausti gagnvart lögreglunni sé alger.

Flugeldasalan gekk vel í Reykjavík og á Akureyri

Björgunarsveitamenn telja að flugeldasala hafi gengið nokkuð vel nú fyrir áramótin. Í tilkynningu frá Slysavarnarfélaginu Landsbjörg segir að hjá flestum sveitum hafi salan verið á svipuðu róli og undanfarin ár, svo sem á höfuðborgarsvæðinu, Akureyri, Egilsstöðum og víðar.

Segir gagnrýni forsetans koma of seint

Gagnrýni forsetans á frumvarp um nýja stjórnarskrá kemur of seint fram að mati Þorvalds Gylfason sem sat í stjórnlagaráði. Hann segir rangt að nýja stjórnarskráin auki völd forsetans.

Kirkjan vill leiða söfnun fyrir Landspítalann

Kirkjan vill vera leiðandi í söfnun til tækjakaupa á Landspítalanum í samráði við stjórnendur spítalans, sagði Agnes M. Sigurðardóttir, biskup Íslands í nýárspredikun sinni í dag. Hún benti á að undanfarið hafi verið vegið að öryggi landsmanna í heilbrigðismálum, bæði hér í höfuðborginni og út um landið.

Steingrímur segir glundroðakenninguna ekki ganga upp

Steingrímur J. Sigfússon atvinnuvegaráðherra segir að ríkisstjórninni hafi tekist að lyfta Grettistaki á sviði ríkisfjármála. Tekist hafi að ljúka því verki í aðalatriðum þegar fjárlagafrumvarpið og tekjuöflunarfrumvarp ríkisstjórnarinnar var klárað fyrir jól.

Ljósadýrð á áramótum

Það var víða glatt á hjalla þegar nýja árið gekk í garð. Baldur Hrafnkell Jónsson, myndatökumaður á fréttastofu Stöðvar 2 og Vísis, var viðstaddur brennu og tók síðan upp myndir af ljósadýrðinni.

Tíu fengu fálkaorðuna

Tíu manns fengu afhenta fálkaorðuna í dag. Þar á meðal listamenn, íþróttaþjálfarar og vísindafólk. Forsetahjónin, þau Ólafur Ragnar Grímsson og Dorrit Mousieff, voru bæði viðstödd athöfnina á Bessastöðum þegar orðurnar voru veittar.

Edda Sif segir að Skaupið hefði mátt vera fyndnara

Edda Sif Pálsdóttir, íþróttafréttamaður á RÚV og einn aðalkarakteranna úr Áramótaskaupinu, segir að sér hafi komið það á óvart að hve miklu leyti Skaupið hefði snúist um sig. Í Skaupinu voru fjölmörg atriði þar sem gert var grín að feðginunum Páli Magnússyni og Eddu.

Forsetinn segir umræðu um nýja stjórnarskrá komna í öngstræti

Umræðan um nýja stjórnarskrá er komin í öngstræti, sagði Ólafur Ragnar Grímsson, forseti Íslands í nýársávarpi sínu, sem sjónvarpað var klukkan eitt í dag. Hann gerði loftslagsmál og stjórnskipunarmálið að aðalumræðuefni sínu. Oddvitar ríkisstjórnarinnar, þau Jóhanna Sigurðardóttir og Steingrímur J. Sigfússon hafa sagt að stjórnarskrármálið væri mikilvægasta málið á nýju ári.

Með augnáverka á spítala eftir flugeldaslys

Karlmaður á fimmtugsaldri sem sem var fluttur á slysadeild eftir að hafa fengið flugeld í andlitið í nótt hlaut áverka á augum og liggur nú á sjúkrahúsi. Hjalti Már Björnsson, bráðalæknir á Landspítalanum, segir flugeldaáverka ekki hafa verið áberandi í nótt og að forvarnir virðist eitthvað vera að skila sér. Nóttin hafi engu að síður verið mjög annasöm þar sem fjölmargir hafi leitað á slysadeildina meðal annars vegna slagsmála og ölvunar.

Enn snjóflóðahætta á Vestfjörðum

Snjóflóðahætta er enn á nokkrum stöðum á Vestfjörðum þó að veðrið sé að mikið gengið niður. Gríðarlegar skemmdir eru á rafmagnslínum og er unnið að viðgerðum í dag.

Um land allt

Kristján Már Unnarsson og Baldur Hrafnkell Jónsson kvikmyndatökumaður heimsóttu Norðurland, nánar tiltekið Skagafjörðinn.

Of Monsters and Men í Kryddsíld

Það er óhætt að segja að óskabarn íslensku þjóðarinnar hafi komið fram í þættinum Kryddsíld á Stöð 2 í gær, en hljómsveitin Of Monsters and Men flutti lagið Love Love Love.

Sérsveitin handtók haglabyssumann

Slagsmál brutust út í heimahúsi í Hafnarfirði á fimmta tímanum í nótt. Þegar lögreglumenn komu á vettvang kom í ljós að aðili í húsinu var vopnaður halgabyssu. Sérsveit ríkislögreglustjóra var kölluð á staðinn og handtók hún manninn og var hann vistaður í fangageymslu lögreglunnar að Hverfisgötu. Halgabyssan reyndist óhlaðin, en einnig fannst á vettvangi riffill. Lögreglan lagði hald á vopnin og eru þau nú í vörslu hennar.

Ættu að slökkva á netinu um helgar

Fréttamaðurinn Þorbjörn Þórðarson og ritstjórinn Björk Eiðsdóttir létu jafnréttisumræður koma sér á óvart og fylgdust misvel með Landsdómi og komum fræga fólksins til Íslands á árinu sem er að líða. Þau settust á rökstóla og ræddu árið sem senn er liðið.

Íþróttafréttamaðurinn Edda Sif bregst við Skaupinu

"Fór alveg fram hjá mér að ég hafi verið aðalnúmerið á árinu!,“ sagði íþróttafréttamaðurinn Edda Sif Pálsdóttir á Twittersíðu sinni eftir að Áramótaskaupið var sýnt í gærkvöldi. Það er óhætt að fullyrða að engum hafi brugðið fyrir oftar í Áramótaskaupinu að þessu sinni en Eddu Sif og föður hennar Páli Magnússyni útvarpsstjóra.

23 banaslys á nýliðnu ári

Á nýliðnu ári létust 23 eintaklingar af slysförum, eða þremur fleiri en árið á undan. Þetta kemur fram í tilkynningu frá Slysavarnarfélaginu Landsbjörg sem heldur utan um banaslysatölur á Íslandi. Flestir létust í umferðarslysum, eða 10 manns. Heima- og frítímaslysum fjölgar töluvert, eru nú sex talsins en voru tvö árið 2010.

Réðst á lögreglu og sjúkraflutningamenn

Karlmaður réðst á sjúkraflutningamenn og sló lögreglukonu í Árbæjarhverfi um eittleytið í nótt. Sjúkrabíllinn hafði verið sendur í Árbæjarhverfið þar sem talið var að maður væri veikur. Þegar lögregla og sjúkralið komu á staðinn lét maðurinn til skarar skríða. Hann var umsvifalaust handtekinn og vistaður í fangaklefa.

Á slysadeild eftir að hafa fengið flugeld í andlitið

Karlmaður á fimmtugsaldri fékk flugeld í andlitið á miðnætti í gær, þar sem hann var staddur í Garðabæ. Maðurinn var fluttur með sjúkrabifreið á slysadeild, en ekki er vitað hvort hann sé alvarlega slasaður.

Gleðilegt nýtt ár

Ritstjórn Vísis óskar lesendum gleðilegs nýs árs, með þakklæti fyrir samfylgdina á árinu sem er nýliðið. Það er von okkar að árið sem framundan er verði öllum til heilla.

Fjöldi fólks á brennu

Það var talsverður mannfjöldi saman kominn á Geirsnefi núna í kvöld þegar kveikt var upp í brennunni.

Tími mikilvægra ákvarðana á atvinnumarkaði

Jóhanna Sigurðardóttir forsætisráðherra segir að framundan sé tími mikilvægra ákvarðana á vinnumarkaði. Í áramótaávarpi sínu, sem sjónvarpað var nú í kvöld, vakti hún athygli á því að endurskoðunarákvæði kjarasamninga væru opin nú í janúar. Hún sagði að það skipti gríðarlega miklu máli að samningalotan sem framundan er verði nýtt til að tryggja áframhaldandi lífskjarasókn fyrir launafólk.

Myndir ársins 2012 - Stormasamt ár kveður

Úrval gæðamynda frá ljósmyndurum Fréttablaðsins og Vísis. Þetta var árið sem Ólafur Ragnar Grímsson var kosinn til setu á Bessastöðum sitt fimmta kjörtímabil sem forseti Íslands. Eins kom Landsdómur saman í fyrsta skipti í lýðveldissögunni, og var málið eitthvert það umdeildasta í samtímasögu Íslands. Stór hrunmál komu til kasta dómstóla. Þessum átökum lands og þjóðar má finna stað í myndum sem ljósmyndarar Fréttablaðsins og Vísis völdu sem lýsandi vitnisburð fyrir árið sem er að kveðja.

Brennur falla niður

Áramótabrenna í Mývatnssveit fellur niður vegna veðurs í kvöld og frestast fram á annað kvöld. Þá hefst hún klukkan 21:00 en þá fer einnig fram flugeldasýning björgunarsveitarinnar.

Of monsters and men og Agnes menn ársins

Agnes M. Sigurðardóttir, biskup Íslands, er annar maður ársins hjá Stöð 2. Hún er fyrsti kvenbiskupinn í þúsund ára sögu kirkjunnar hér á landi, en 110 karlmenn hafa farið með þetta embætti á undan henni.

Of Monsters and men líka menn ársins

Hljómsveitin Of Monsters and men er einnig menn ársins hjá Stöð 2. Það er óhætt að segja að hljómsveitin hafi farið sigurför um allan heim en afrek þeirra á alþjóðlegum tónlistarvettvangi hefur verið með ólíkindum. Þau segja sjálf að þau hafi ekkert breyst þrátt fyrir velgengni sína.

Agnes maður ársins

Agnes M. Sigurðardóttir, biskup Íslands, er annar maður ársins hjá Stöð 2. Hún er fyrsti kvenbiskupinn í þúsund ára sögu kirkjunnar hér á landi, en 110 karlmenn hafa farið með þetta embætti á undan henni.

Vegurinn til Flateyrar lokaður vegna snjóflóðahættu

Vegna snjóflóðahættu eru vegurinn til Flateyrar lokaður samkvæmt tilkynningu frá Almannavörnum. Einnig eru vegirnir á milli Ísafjarðar og Súðavíkur, úr Fljótum um Siglufjarðarveg til Siglufjarðar og frá Dalvík til Ólafsfjarðar lokaðar og verða það allavega til morguns.

Bjarni um skuldamál heimilanna: Vill ábyrg loforð

"Ég held að það skipti miklu máli að sýna ábyrgð í þessum málaflokki,“ sagði Bjarni Benediktsson, formaður Sjálfstæðisflokksins í Kryddsíldinni þegar hann var spurður hvað flokkur hans vildi gera í skuldamálum heimilanna.

Kryddsíldin: Sýndum styrk með því að samþykkja fjárlagafrumvarpið

"Ég er sáttur við árið 2012, og þrátt fyrir gasprið þá sýndi ríkisstjórnin styrk sinn með því að klára fjárlagafrumvarpið,“ sagði Steingrímur J. Sigfússon, atvinnuvega- og nýsköpunarráðherra, um árið sem er að líða í kryddsíldinni á Stöð 2, þegar hann var spurður um það hvernig hann liti á árið sem væri að líða.

Röð í ríkið - nær árlegur viðburður

Það er nær orðið árlegur viðburður að þyrstir standi í röð við ríkið þegar þeir reyna að nálgast áfengið fyrir áramótin.

Kryddsíldin 2012 á Vísi

Kryddsíldin hefst klukkan 14:00 á Stöð 2 í dag. Athygli er vakin að Kryddsíldin verður í ólæstri dagskrá eins og undanfarin ár. Þar munu leiðtogar þingflokkana fara yfir árið. Fréttamennirnir Lóa Pind Aldísardóttir, Edda Andrésdóttir og Kristján Már Unnarsson munu stjórna umræðunum.

Guðfríður Lilja segir af sér

Guðfríður Lilja Grétarsdóttir, þingmaður Vinstrihreyfingarinnar- græns framboðs, lætur af þingmennsku um áramótin.

Vuvuzela-lúðurinn veldur ónæði í Vestmannaeyjum

Það muna líklega flestir knattspyrnuaðdáendur eftir Vuvuzela-lúðrinum alræmda sem varð heimsfrægur á svipstundu á heimsmeistaramótinu í knattspyrnu sem var haldið í Suður-Afríku árið 2010. Alræmdur er líklega betra orð yfir það.

Rýmingu á Ísafjarðarflugvelli aflétt

Rýmingu á Ísafjarðarflugvelli var aflétt í morgun samkvæmt tilkynningu frá lögreglunni á Vestfjörðum. Veður mun eiga að ganga niður eftir hádegið og verður hægt batnandi fram á morgundag, skv. upplýsingum frá Veðurstofu Íslands.

Reyna að ná samkomulagi um aðgerðir í efnahagsmálum

Barack Obama, Bandaríkjaforseti, ætlar að freista þess í dag að ná samkomulagi við þingmenn repúblikana um aðgerðir í efnahagsmálum til að koma í veg fyrir víðtækar skattahækkanir og niðurskurð í ríkisútgjöldum.

Hættustigi aflétt að hluta til

Hættustigi hefur verið aflýst á Selfossi, Suðurnesjum, höfuðborgarsvæðinu og Akranesi samkvæmt upplýsingum Almannavarna. Enn er ófært á milli flestra þéttbýlisstaða á Vestfjörðum en verið er að moka veginn til Suðureyrar.

Clinton með blóðtappa

Utanríkisráðherra Bandaríkjanna, Hillary Clinton, greindist með blóðtappa í gær. Hún hefur því verið lögð á sjúkrahús en hún fékk aðsvif fyrr í mánuðinum og féll niður og fékk heilahristing við höggið samkvæmt frétt BBC.

Fjölmargir rafmagnsstaurar brotnir

Vinnuflokkur RARIK vann við viðgerð á rafmagnslínum við Neðri-Brekku í Saurbæ í Dalasýslu í nótt. Það var Steinþór Logi Arnarsson sem tók meðfylgjandi myndir af viðgerðunum en í ljós kom að það reyndust að minnsta kosti 9 staurar hafa brotnað í óveðrinu sem hefur geisað á svæðinu um helgina.

Festi sig á brú - Garðar kom til bjargar

Björgunarsveitin Garðar á Húsavík kom konu til bjargar sem hafði fest sig á fólksbíl á brúnni yfir Laxá.

Rifbeinsbrotnaði eftir bíóferð

Eitthvað var um hálkuslys í gærkvöldi og ástæða til þess að brýna fyrir fólki að fara varlega í færðinni. Þannig féll einstaklingur við á bifreiðastæði við Hyrjarhöfða í Reykjavík seint í gærkvöldi og er talið að hann hafi ökklabrotið sig.