Tefla bleikum fílum gegn kynferðisbrotum

Forvarnarhópur ÍBV mun beita sér af krafti á Þjóðhátíð í Vestmannaeyjum næstu helgi. Með bleika fíla í broddi fylkingar sendir hópurinn þau skilaboð að nauðganir og kynferðisbrot verði ekki liðin á næstu Þjóðhátíð.

Nauðsynlegt fyrir Íslendinga að líta á björtu hliðarnar

Breskur rithöfundur segir það nauðsynlegt að Íslendingar horfi á björtu hliðarnar í heiminum þrátt fyrir efnahagskreppuna. Þjóðin standi betur að vígi en margar evrópuþjóðir.

Stefnan að reisa hundrað herbergja hótel

Unnið er að því að leggja einn stærsta golfvöll landsins í Grímsnes- og Grafningshreppi. Þá er stefnt að því að reisa hundrað herbergja hótel við völlinn. Oddviti sveitarstjórnarinnar segir þetta gríðarlega þýðingarmikið fyrir lítið samfélag.

Mun íhuga formannsframboð með opnum huga

Sigríður Ingibjörg Ingadóttir, þingmaður, útilokar ekki framboð til formanns Samfylkingarinnar á landsfundi flokksins í byrjun næsta árs ef svo fer að Jóhanna Sigurðardóttir ákveður að hætta.

Bardagar geisa í sex hverfum Aleppo

Sprengikúlum hefur rignt yfir sýrlensku borgina Aleppo í dag. Annan daginn í röð reyna stjórnarhermenn nú að hrekja uppreisnarmenn á brott úr borginni. Sýrlenski herinn hefur tvíeflst í árásum sínum á meðan matarskortur gerir vart við sig í stórborginni.

Merki bárust úr neyðarsendi

Landhelgisgæslan fékk tilkynningu frá neyðarlínu Bandaríkjanna um að boð hefðu borist frá persónu neyðarsendi.

Hyundai innkallar yfir 200 þúsund bíla

Hyundai mun innkalla yfir 220.000 Santa Fe SUV bifreiðar og Sonata sedan bifreiðar. Ástæðan eru möguleg vandræði með loftpúða.

Lögregla lætur vel af hátíðinni Á góðri stund

Lögreglan á Snæfellsnesi segir hátíðina Á góðri stund í Grundarfirði hafa farið vel fram að mestu. Mjög mikil ölvun var á svæðinu þar sem yfir 4000 manns komu saman, hlustuðu á tónlist og dönsuðu.

Upplifir ástandið sem alþjóðlegt stríð gegn Sýrlandi

Háttsettur embættistmaður í stjórn Sýrlands fullyrti í dag að uppreisnarmönnum í landinu myndi mistakast að ná yfirráðum í borginni Aleppo. Frá þessu er greint á vef CNN.

Ólympíufarar taka samskiptamiðla í þjónustu sína

Ólympíuleikarnir í London í ár eru í raun fyrstu Ólympíuleikarnir eftir að notkun á samskiptamiðlum eins og Facebook og Twitter varð almenn. Ólympíufarar hinna ýmsu landa hafa tekið miðlana í þjónustu sína og skemmt aðdáendum sínum á margvíslegan hátt, leyft þeim að líta við í búningsherbergjunum og fylgjast með stemningunni í herbúðum liðanna.

Börnum finnst of auðvelt að nálgast klám

Grunnskólabörnum finnst of auðvelt að nálgast klám á internetinu og of erfitt að forðast það. Þetta eru niðurstöður lokaverkefnis sem Björg Magnúsdóttir gerði í hagnýtri menningarmiðlun við Háskóla Íslands.

Bræðslunni lauk án meiriháttar áfalla

Síðasta kvöld útihátíðarinnar Bræðslunnar í Borgarfirði eystri fór fram í gær. Hátíðin gekk öll fyrir sig án meiriháttar áfalla að sögn lögreglu.

Óánægja með auð sæti á Ólympíuleikunum

Auð sæti á Ólympíuleikunum síðustu tvo daga hafa vakið reiði almennings. Stjórnarformaður leikanna í ár segir ólíklegt að það verði viðvarandi vandamál alla leikana.

Undarlegt að Sæferðir séu eina fyrirtækið sem er kært

Pétur Ágústsson, framkvæmdastjóri Sæferða, segir að það sé ekkert leyndarmál að fyrirtækið hafi farið með ferðamenn upp að arnarhreiðrum til að fylgjast með fuglunum. Hann hafnar því hins vegar algerlega að þeir beri sérstaka ábyrgð á því að arnarvarp hafi misfarist í Breiðafirði og Vestfjörðum. Honum finnst einnig undarlegt að Sæferðir séu eina fyrirtækið sem er kært fyrir skoðunarferðir á svæðinu.

Íslendingar óvenju hjátrúarfullir miðað við menntaðar þjóðir

Íslendingar eru ákaflega hjátrúafullir í samanburði við önnur menntuð þjóðfélög. Þá hafa Íslendingar orðið enn hjátrúafyllri eftir hrun. Þetta kemur fram í rannsókn doktors í sálfræði við Oxford háskóla.

Ólíklegt að flóðbylgja hafi myndast í snörpum skjálfta

Ekki er talið líklegt að flóðbylgjur hafi myndast þegar snarpur jarðskáfti reið yfir Papúa Nýju-Gíneu fyrr í dag. Alþjóðlegar vísindastofnanir fylgjast grannt með þróun mála. Ekki hafa borist fregnir af mannfalli eða tjóni.

Vill að fundargerðir ríkisstjórnar um félag Nubos verði opinberaðar

Lilja Mósesdóttir, alþingismaður, óskar eftir því að fundargerðir ríkisstjórnarinnar frá fundi þar sem fjallað var um stofnun íslensks félags í eigu Huang Nubo verði gerðar opinberar. Ívilnanasamningur var kynntur ríkisstjórninni í vor en engin ákvörðun var tekin. Aðkoma ríkisstjórnarinnar að málinu hefur í raun verið mjög lítil.

Náttúrufræðistofnun kærir Sæferðir vegna bágborins arnarvarps

Náttúrufræðistofnun Íslands hefur kært ferðaþjónustufyrirtækið Sæferðir fyrir að sigla með ferðamenn upp að arnarhreiðrum á viðkvæmum tíma. Málið er nú til rannsóknar hjá lögreglu.

Fjórir létust af einni eldingu

Fjórir fjallgöngumenn í Póllandi létust þegar eldingu sló niður í gönguhópinn. Miðaldra hjón voru á ferð ásamt dóttur sinni og tengdasyni þegar stormur gekk yfir fjallsvæðið. Að sögn björgunarsveita hafi gönguhópurinn þá ákveðið að fara út af merktri göngleið í leit að skjóli þegar eldingu ljósti niður í gönguhópinn. Að sögn pólsku lögreglunnar er það afar fáheyrt að ein elding dragi fjóra til dauða í einu.

Romney myndi styðja hervald gegn Íran

Mitt Romney myndi styðja aðgerðir Ísraela ef þeir þyrftu að beita vopnavaldi til að koma í veg fyrir að Íranir þróuðu kjarnorkuvopn, að því er fram kemur á Reuters fréttaveitunni. Þetta er haft eftir Dan Senor, öryggisráðgjafa frambjóðandans, en hann segir að Romney myndi virða ákvörðun Ísraels ef þeir þyrftu að beita hervaldi gegn Íran í þessum tilgangi. Þessi stefna Romney er sögð á skjön við stefnu Barack Obama Bandaríkjaforseta sem hefur ítrekað reynt að fá Ísraela til að falla frá því að taka til skoðunar fyrirbyggjandi hernaðarðgerðum gegn Íran.

Hvers vegna villast grindhvalir upp að landi?

Það er sjaldgæft að grindhvalavaða villist upp að ströndum lands, líkt og gerðist undan ströndum Njarðvíkur í gær. Það hefur gerst um það bil á tíu ára fresti hér við land að sögn Gísla Víkingssonar, hvalasérfræðings hjá Hafrannsóknarstofnun. Þá eiga dýrin það til að synda upp í fjöru og festast. Ekki er vitað hvað veldur þessari hegðun en ýmsar kenningar hafa verið settar fram.

Ebóluveiran lætur kræla á sér í Úganda

Að minnsta kosti 13 eru látnir í Úganda eftir að hafa smitast af ebóluveirunni. Heilbrigðisyfirvöld í landinu staðfestu þetta í dag. Smitin er öll tengd sömu fjölskyldunni en talið er að þau hafi veikst í jarðarför.

Lögreglan hafði afskipti af skemmdarvörgum, röftum og þjófum

Nóttin var erilsöm hjá lögreglunni á höfuðborgarsvæðinu og mikið um ölvun í miðborginni.

Romney heimsótti Ísrael

Forsetaframbjóðandi Repúblikana, Mitt Romney, heimsótti Ísrael í gær. Romney hefur verið á faraldsfæti síðustu daga en hann var viðstaddur setningarathöfn Ólympíuleikanna á föstudag. Þá mun hann einnig ferðast til Póllands seinna í vikunni.

Slökkviliðið kallað að Hrafnistu

Slökkviliðið á höfuðborgarsvæðinu var þrisvar sinnum kallað út í nótt. Rétt fyrir sex í morgun barst tilkynning um reyk og reykjarlykt frá Hrafnistu. Einn dælubíll var sendur á svæðið. Engin hætta reyndist á ferðum en skýringin fannst aldrei. Í gærkvöldi var tilkynnt um svartareyk upp af þakinu á Lágafellsskóla í Mosfellsbæ. Öflugt lið af þremur stöðvum var sent á staðinn en þegar fyrsti bíll mætti á svæðið kom á daginn að um brennandi ruslahrúgu aftan við húsið var að ræða. Einnig var tilkynnt um brennandi rusl í hrauninu við Kaplakrika.

Lík fjallgöngumanna fundin

Lík tveggja bandarískra fjallgöngumanna fundust í gær á Mount Palcaraju í Andesfjöllum í Perú, en mennirnir létust eftir fall á göngunni. Leit hafði staðið yfir að mönnunum frá því þeir týndust og létu ekki vita af sér eftir að þeir hófu göngu hinn 11. júlí síðastliðinn.

Arnarvarp með slakasta móti

Arnarvarpið var með slakasta móti í ár. Varp misfórst hjá meirihluta þeirra 45 para sem urpu í vor. Helsta ástæðan er að líkindum kuldakastið í maí og truflun af mannavöldum, segir á vef Náttúrufræðistofnunar Íslands.

Uppreisnarmenn biðja um aðstoð

Stórsókn stjórnarhermanna gegn uppreisnarmönnum í borginni Aleppo í Sýrlandi stendur enn yfir. Þungavopnum og orrustuþyrlum hefur verið beitt af hálfu sýrlenska hersins en nú hafa borist fregnir af því að vopnabirgðir uppreisnarmanna séu af skornum skammti.

Maður stunginn við Borgartún

Ungur maður var stunginn við Borgartún fyrr í kvöld. Fjölmennt lið lögreglu var samstundis sent á vettvang.

Sýknaður af ákæru fyrir að segja brandara á Twitter

Hæstiréttur í Bretlandi sýknaði í gær mann fyrir að segja brandara á Twitter. Málið hefur vakið mikla athygli og verið eitt umdeildasta mál dómsmál síðari ára í landinu.

Júlíus Vífill er hræddur um verslunina á Laugarveginum

Borgarfulltrúi sjálfstæðismanna óttast að hækkun bílastæðagjalds í Reykjavík muni hafa neikvæð áhrif á þróun verslunar í miðborginni. Hann gagnrýnir meirihlutann fyrir samráðsleysi.

Kviknaði í bíl á þjóðveginum

Eldur kom upp í jepplingi á veginum til móts við bæinn Neðri-Ás III rétt við Hofsós í kvöld. Frá þessu er greint á vef mbl.is en þar segir að bíllinn sé gerónýtur. Slökkvilið er komið á staðinn.

Fyrsti vinningur kom á miða úr Hyrnunni

Lottóspilari sem keypti miða í Hyrnunni í Borgarnesi vann fyrsta vinning í Lottó í kvöld. Hann var með fimm tölur af fimm réttar og hlýtur rúma 16 og hálfa milljón króna.

Olíuóöld en ekki arabískt vor

Sýrland er nú í brennidepli vegna uppreisnarástands sem þar ríkir og hefur kostað rúmlega tuttugu þúsund manns lífið. Sýrlendingurinn Bashar Mustafa sagði Jóni Sigurði Eyjólfssyni blaðamanni, þegar þeir hittust á Spáni fyrir skömmu, að átökin hefðu ekkert með arabíska vorið að gera heldur sé þetta eitt olíustríðið enn. Hann segir lausnina ekki felast í því að koma forsetanum frá heldur að fá Bandaríkjamenn og aðrar þjóðir til að hætta að styrkja hryðjuverkamenn sem herja á Sýrlendinga.

Gat keypt hálfan dal án leyfis en hefði þurft undanþágu í Danmörku

Sænskur kaupsýslumaður gat keypt þrjár og hálfa jörð í Langadal við Ísafjarðardjúp án sérstaks leyfis, ólíkt Kínverjanum Huang Nubo. Hefðu svipaðar lagareglur gilt hér og í Danmörku um búsetu hefði Svíinn þurft undanþágu stjórnvalda.

Ferðamennirnir borða líka sveppi

Framleiðsla Flúðasveppa er jöfn allt árið um kring, en á sumrin anna þeir ekki eftirspurn. Skýringin er einföld, segir framkvæmdastjóri fyrirtækisins, erlendir ferðmenn borða líka sveppi og markaðurinn stækkar.

Jóhannes segir mikilvægt að gefa

Löng röð myndaðist fyrir utan matvöruverslunina Iceland í Kópavogi í dag. Kaupmaðurinn sjálfur, Jóhannes Jónsson, opnaði dyr verslunarinnar í fyrsta sinn og fékk að launum heillaóskir og blómagjafir.

Hörð átök í Aleppo í dag

Hörð átök brutust út í borginni Aleppo í Sýrlandi í dag. Stjórnarhermenn og uppreisnarmenn berjast um yfirráð í borginni en andspyrnumenn hafa hertekið stór svæði hennar. Sameinuðu Þjóðirnar og helstu þjóðarleiðtogar óttast mikið mannfall.

Sundkona fetar í fótspor Grettis sterka

Sundkonan Birna Hrönn Sigurjónsdóttir ákvað að synda Drangeyjarsundið í dag og á um 700 metra eftir þegar þetta er skrifað. Veðrið er ekki sem hagstæðast, eða um 8 m/s suðvestan átt. Sjórinn er nokkuð úfinn en Birna er vön sundkona og hefur bát til fylgdar.

Bræðslan hefur gengið vonum framar

Útihátíðin Bræðslan stendur nú yfir í Borgarfirði Eystri. Hún hefur farið friðsamlega fram og allt gengur vonum framar að sögn lögreglunnar á Egilsstöðum.

Stutt í kosningar í Heimdalli

Nú styttist í kosningar til stjórnar Heimdallar, félags ungra sjálfstæðismanna í Reykjavík. Kosningarnar fara fram næsta miðvikudag, þann 1. ágúst.

Sumarhátíð gothara í Hollandi

Gestur á hátíðinni Sumarmyrkur í Utrecht í Hollandi stillti sér upp fyrir myndatöku í dag. Hátíðin er stærsta gothara hátíð landsins.

Biður hakkara um aðstoð

Yfirmaður Öryggisstofnunar Bandaríkjanna (NSA) fékk þá nýstárlegum hugmynd að biðja hakkara að hjálpa sér að tryggja öryggi á internetinu. Hann var boðinn á ráðstefnu hakkara þar sem hann hélt ræðu.

Laumufarþeginn kominn til Bandaríkjanna

Hælisleitandinn sem fannst um borð í bandaríska rannsóknarskipinu Knorr í síðustu viku er kominn á land í Bandaríkjunum. Mál hans eru nú í höndum bandarískra stjórnvalda. Frá þessu var greint á vef Ríkisútvarpsins.

Alcatraz sundgarparnir óttast ekki hákarla

Íslensku þrímenningarnir sem ætla að synda yfir San Francisco-flóa voru rétt í þessu að stíga um borð í skipið og leggja af stað. Þeir eru í fjölmennum hóp sundkappa en segjast vera þeir einu sem stefni á að synda á adamsklæðunum einum saman, aðrir ætli að synda í blautbúning.