Hyundai innkallar yfir 200 þúsund bíla

Hyundai mun innkalla yfir 220.000 Santa Fe SUV bifreiðar og Sonata sedan bifreiðar. Ástæðan eru möguleg vandræði með loftpúða. Þetta kemur fram á vef CNN.

Til stendur að kalla inn um 200.000 SUV bíla að árgerð 2007-2009. Talin er hætta á að loftpúðinn farþegamegin virki ekki rétt.

Auk þess verða um 22.000 sedan bifreiðar að árgerðum 2012-2013 innkallaðar. Framleiðandinn óttast að loftpúðar í hliðargluggum bílsins virki ekki sem skildi.

Umboðsaðilar Hyundai munu að líkindum láta eigendur vita og gera við bílana endurgjaldslaust.