Fleiri fréttir

Fyrsta kossinum sjónvarpað um allan heim

Bandaríski raunveruleikaþátturinn The Virgin Diaries var frumsýndur í gær. Þátturinn er afar umdeildur enda er viðfangsefni hans tilhugalíf óspjallaðra einstaklinga.

Stóriðjuframkvæmdir að hefjast á Suðurnesjum

Smíði átján milljarða króna kísilverksmiðju í Helguvík verður boðin út í þessari viku. Um 150 manns fá vinnu við framkvæmdirnar, sem áætlað er að hefjist innan þriggja mánaða.

Grunaður um kynferðisbrot gegn 11 ára dóttur

Hæstiréttur staðfesti í dag gæsluvarðhaldsúrskurð Héraðsdóms Vesturlands yfir manni sem grunaður er um að hafa beitt ellefu ára gamla dóttur sína kynferðisofbeldi. Stúlkan mun hafa sagt vinum sínum frá ofbeldinu.

Segir Rauðu Khmerana hafa verið góða gæja

Nuon Chea, sem var næstráðandi hjá Rauðu Khmerunum, sagði í dag að hann og aðrir liðsmenn í Rauðu Khmernunum væru ekki slæmir menn. Hann neitaði því að Rauðu Khmerarnir bæru ábyrgð á láti 1,7 milljón manna á áttunda áratug síðustu aldar. Þetta kom fram í réttarhöldum yfir Chea í dag.

Ríkislögreglustjóri svarar ríkisendurskoðun

Ríkislögreglustjóri hefur svarað fyrirspurn Ríkisendurskoðanda vegna viðskipta embættisins við Radíóraf. Ríkislögreglustjóri krafðist þess að Ríkisendurskoðandi viki sæti við afgreiðslu málsins þar sem hann taldi ríkisendurskoðanda vanhæfan til þess að fara með málið, þar sem hann fullyrti í fjölmiðlum að embætti ríkislögreglustjóra hefði brotið lög.

Yfirvegaður og neitaði sök

Laurent Gbagbo, fyrrum forseti Fílabeinsstrandarinnar, mætti í dag fyrir Alþjóðaglæpadómstólinn í Haag en hann er ákærður fyrir glæpi gegn mannkyninu, meðal annars morð og nauðgun. Samkvæmt ákærunni á hann að hafa framið voðaverkin á síðasta ári eftir að hann neitaði að viðurkenna ósigur í forsetakosningum. Um þrjú þúsund manns létust í átökum sem brutust út eftir kosningarnar. Gbagbo neitar sök, en hann var yfirvegaður þegar hann mætti fyrir dómara, þar sem hann tjáði honum að hann þyrfti ekki að lesa yfir ákærurnar.

Margir eiga um sárt að binda á jólunum

Þórhallur Heimisson, sóknarprestur við Hafnarfjarðarkirkju, segir að margir eigi um sárt að binda nú þegar jólin nálgast. Þó að jólin eigi að vera skemmtileg og hátíð ljóss og friðar sé staðreyndin sú að margir hafa miklar áhyggjur á þessum tíma ársins.

Dagbókarbrot Páls Óskars: Von og vonleysi

Dagbókarbrot frá Páli Óskari Hjálmtýssyni í Síerra Leóne munu birtast næstu daga á Vísi, eitt á dag, fram að söfnunar- og skemmtiþætti UNICEF, Barnahjálp Sameinuðu þjóðanna, sem sýndur verður á föstudag, á degi rauða nefsins. Dagur rauða nefsins verður í opinni útsendingu á Stöð 2 og hér á Vísi.

Tveir ölvaðir af 860 ökumönnum

Átta hundruð og sextíu ökumenn voru stöðvaðir víðsvegar á höfuðborgarsvæðinu um helgina í sérstöku umferðareftirliti sem lögreglan heldur nú úti í umdæminu.

Rafmagnslaust í Kópavogi

Rafmagn fór af í Kópavogi fyrir stundu. Ekki er ljóst hvort það sé rafmagnslaust á fleiri stöðum. Samkvæmt bilanasíma orkuveitunnar hefur orðið bilun í dreifikerfi Orkuveitunnar og unnið er að lagfæringum. Líklega mun sú viðgerð taka um klukkustund.

Tobba hótar að stefna forlagi vegna Flick My Life-bókar

"Málið er að það gengur ekki upp að sumir þurfi að fara eftir reglum og aðrir ekki,“ segir Tobba Marinósdóttir fjölmiðlakona, en hún hefur látið lögfræðing senda útgáfunni Ókeibæ-kur viðvörun út af nýútkominni Flick My Life bók. Í bókinni, sem er unninn upp úr samnefndri heimasíðu, má finna tvær myndir af Tobbu sem eru teknar af Facebook-síðu hennar.

Má áfrýja til Hæstaréttar

Julian Assange, stofnandi uppljóstrunarvefsins WikiLeaks, er heimilt að áfrýja til Hæstaréttar Bretlands þeirri ákvörðun breskra dómstóla að hann verði framseldur til Svíþjóðar. Yfirréttur í London komst að þessari niðurstöðu í dag. Assange hefur hingað til haldið sig í Bretlandi og varist framsalsbeiðninni fyrir breskum dómstólum. Assange var kærður fyrir að hafa nauðgað tveimur stúlkum í Svíþjóð í fyrra og vilja sænsk yfirvöld yfirheyra hann vegna kærunnar.

Þorvarður hugsanlega ákærður fyrir að hafa orðið föður sínum að bana

Ríkissaksóknari skoðar nú hvort það eigi að ákæra Þorvarð Davíð Ólafsson fyrir að hafa orðið föður sínum, Ólafi Þórðarsyni, að bana, en hann lést um helgina vegna áverka sem sonur hans veitti honum í hrottalegri árás á síðasta ári. Ólafur, sem hlaut mikla áverka, komst aldrei til meðvitundar eftir árásina.

Vont veður og líkamsárásir á Suðurlandi

Maður var sleginn í höfuðið með glasi utan við skemmtistaðinn Hvíta húsið á Selfossi aðfaranótt sunnudags samkvæmt upplýsingum frá lögreglunni á Selfossi. Maðurinn var fluttur á heilsugæslustöðina á Selfossi þar sem gert var að sárum hans.

Mikið frost næstu daga

„Það vantar eina góða lægð úr suðri og þá ætti að hlýna,“ segir Helga Ívarsdóttir, veðurfræðingur á Veðurstofu Íslands. Mikið frost er víða um land og mældist hitastigið í Reykjavík -9 gráður klukkan níu í morgun og á Þingvöllum mældist -21 stigs frost í nótt.

Ari Edwald: Gillz fer ekki í loftið á meðan málið er í athugun

"Hann fer ekki í loftið á meðan málið er í athugun,“ svarar Ari Edwald, forstjóri 365 miðla, spurður hvort Egill Gillzenegger Einarsson, muni skemmta landanum á vegum 365 miðla eftir að hann og unnusta hans voru kærð fyrir nauðgun í síðustu viku.

Studdi ekki framlag til að halda áfram saksókn gegn Geir

Atli Gíslason alþingismaður studdi ekki 12 miljóna króna framlag til sérstaks saksóknara Alþingis svo hann gæti haldið áfram saksókninni gegn Geir H. Haarde fyrir Landsdómi. Í atkvæðagreiðslu um þennan lið eftir 2. umræðu um fjárlagafrumvarpið var Atli í hópi tólf þingmanna sem sátu hjá en hann var sem kunnugt er formaður þingmannanefndarinnar sem lagði til að Geir yrði ákærður.

23 morð á síðustu 13 árum

Lagt var hald á um 27 kíló af marijúana á síðasta ári, 11 kíló af amfetamíni og yfir 15 þúsund e-töflur. Þá var einnig lagt hald á rúmlega 9 þúsund stykki af hassplöntum. Þetta er á meðal þess sem kemur fram í afbrotatölfræði ríkislögreglustjóra. Á síðasta ári voru tilkynnt rúmlega 73.500 brot til lögreglu og heildarfjöldi brota voru færri en árin 2009 og 2008.

Tveir teknir með mikið magn af steratöflum á Snæfellsnesi

Síðustu tvær helgar hafa lögreglumenn á Snæfellsnesi fylgst sérstaklega með ástandi ökumanna. Leiddi þetta aukna eftirlit til þess að fjórir ökumenn voru handteknir grunaðir um akstur undir áhrifum ávana- og fíkniefna.

Dópaður og réttindalaus ökumaður á 147 km hraða

Lögreglan á höfuðborgarsvæðinu handtók ökumann eftir að hafa mælt bíl hans á 147 kílómetra hraða á Reykjanesbraut á móts við Arnarnesbrúnna um klukkan hálf tvö í nótt. Ökumaðurinn, sem er um tvítugt, reyndist auk þess réttindalaus og undir áhrifum fíkniefna.

Kerti menga meira en fjölmennar umferðaræðar

Bruni frá einu stöku kerti veldur margfalt meiri mengun innanhús en er til staðar á fjölförnum umferðaræðum. Í frétt um málið í Politiken segir að samkvæmt mælingum gefur brennandi kerti frá sér nær áttfalt meira af hárfínum sótögnum en umferðin á H.C. Andersen breiðgötunni í Kaupmannahöfn.

Björgunarsveit aðstoðaði ökumann á Kleifaheiði

Björgunarsveitarmenn voru kallaðir út til að aðstoða ökumann, sem hafði misst bíl sinn út af veginum á Kleifaheiði á Vestfjörðum í gærkvöldi. Ökuaðurinn slapp ómeiddur og gekk leiðangurinn vel.

Neyðarástand í Perú vegna gullnámu

Ollanta Humala forseti Perú hefur lýst yfir neyðarástandi í norðurhluta landsins þar sem bitur mótmæli hafa staðið yfir gegn nýrri gullnámu í héraðinu Cajamarca.

Þættir brutu blað í fjölmiðlun

Öryrkjabandalag Íslands veitti Hvatningarverðlaun sín um helgina, á Alþjóðadegi fatlaðra, í fimmta sinn. Í flokki einstaklinga fékk Bergþór Grétar Böðvarsson viðurkenningu fyrir að stuðla að jákvæðri og uppbyggilegri umræðu um geðsjúkdóma á Íslandi og Hestamannafélagið Hörður fékk verðlaun í flokki fyrirtækja og stofnana fyrir frumkvöðlastarf í hestaíþróttum fatlaðra barna og unglinga. Loks hlaut sjónvarpsþátturinn Með okkar augum viðurkenningu fyrir frumkvöðlastarf í dagskrárgerð.

Þorskur og ýsa nú MSC-vottuð

Útflutningsráð norskra sjávarafurða (NSEC) hefur fengið MSC-vottun um sjálfbærar veiðar á allar þorsk- og ýsuveiðar við Noreg. Þetta þýðir að mögulegt er að selja afurðir af veiðum á 340 þúsund tonnum af þorski og 153 þúsund tonnum af ýsu undir merki MSC. Nær þetta til veiða í troll, línu, handfæri og net. Norðmenn selja saltfisk og fleiri afurðir í suðlægum löndum Evrópu og Suður-Ameríku. Frosnar afurðir og ferskar afurðir eru seldar í norðlægari Evrópulöndum. - shá

Mannvirkjagerð er enn áberandi

Vinnumálastofnun bárust tvær tilkynningar um hópuppsagnir í nóvember 2011. Um er að ræða tilkynningu um uppsagnir í fjármálastarfsemi og iðnaði. Heildarfjöldi þeirra sem sagt er upp er 72 starfsmenn.

Flokkur Putin hélt meirihluta sínum í Dúmunni

Úrslit þingkosninganna í Rússlandi eru áfall fyrir Valdimir Putin forsætisráðherra Rússlands og flokk hans Sameinað Rússland. Þegar búið er að telja yfir 90% atkvæða er samt ljóst að flokkurinn heldur meirihluta sínum í Dúmunni, neðri deild þingsins.

Hugmyndir um makríl fráleitar

„Hugmyndir um fjögurra prósenta hlut Íslands í makrílveiðum eru fráleitar og ekki í neinu samræmi við kröfur okkar um réttmæta hlutdeild úr makrílstofninum,“ segir Friðrik J. Arngrímsson, framkvæmdastjóri LÍÚ, á heimasíðu sambandsins.

Vill rannsókn á Sýrlandsstjórn

Navi Pillay, mannréttindafulltrúi Sameinuðu þjóðanna, vill að Alþjóðlegi sakadómstóllinn taki mannréttindabrot sýrlenskra stjórnvalda til rannsóknar. Pillay kynnti á fundi mannréttindaráðs SÞ á föstudag nýjar upplýsingar um framferði sýrlenskra stjórnvalda gagnvart mótmælendum, þar sem meðal annars kemur fram að meira en fjögur þúsund manns hafi verið drepnir undanfarna mánuði, þar af að minnsta kosti 307 á barnsaldri.- gb

Bókaskattur þvingar SI í mál gegn ríkinu

Bækur og tímarit prentuð á Íslandi bera mun hærri virðisaukaskatt en erlent prentverk. Samtök iðnaðarins (SI) hlutast til um að reka prófmál gegn ríkinu fyrir héraðsdómi þar sem þess verður krafist að innlendir framleiðendur sitji við sama borð og þeir sem flytja inn bækur og tímarit prentuð erlendis. Bókaútgefendur, ólíkt prenturum, virðast hins vegar ekki hafa þekkt til þessa mikla munar á skattinum og hann skýrir ekki hvar þeir láta prenta bækur sínar.

Aldrei mælst eiturefni í fóðri frá Líflandi

Matvælastofnun (MAST) segir að „seint verði unnt að segja“ það æskilegt að fóðurframleiðsla sé innan þynningarsvæðis mengandi starfsemi, í skriflegu svari við fyrirspurn Fréttablaðsins um starfsemi Líflands á iðnaðarsvæðinu á Grundartanga.

Aðferð Norðmanna yki fé um milljarða

Íslendingar standa Norðmönnum langt að baki þegar kemur að fjármögnun rannsókna- og þróunarverkefna í sjávarútvegi. Væri aðferðafræði Norðmanna fylgt væri fé til rannsókna og þróunar um tveimur milljörðum krónum meira á ári.

Með eigið lík í eftirdragi

Rithöfundurinn Steinar Bragi hefur ekki sérstakan áhuga á að skrifa hrollvekjandi skáldskap en ýtir ekki frá sér heillandi hugmyndum sem sækja á hann, í fegurð sinni eða viðbjóði. Hann lýsir fyrir Hólmfríði Helgu Sigurðardóttur baráttunni við krabbamein, stöðugri dauðahræðslu og hugmyndinni að baki nýju skáldsögunni Hálendinu, sem hefur hlotið mikið lof gagnrýnenda.

Jonah Mowry þakkar fyrir sig

Jonah Mowry, unglingurinn sem fangaði hjörtu netnotenda um allan heim eftir að myndband sem hann setti á netið í ágúst fór á ótrúlegt flug, hefur nú birt nýtt myndskeið á YouTube. Þar þakkar hann bloggaranum Perez Hilton sýndan stuðning en hann hefur strítt við einelti í langan tíma. Bloggarinn Perez Hilton, sem nýtur gríðarlegra vinsælda og hefur lengi talað gegn einelti, benti á myndband Jonah og eftir það fór boltinn að rúlla.

Strokufangi í djúpum skít

Þegar lögreglan í Chicago náði loksins í skottið á strokufanga sem hafði verið á flótta eftir að hafa brotist út úr fangaflutningabíl þurfti ekki að segja honum að hann væri í djúpum skít. Hann var það nefnilega. Dagblaðið Herald-News greinir frá því að hinum 37 ára gamla Cesar Sanhcez hafi tekist að fara huldu höfði í nokkra klukkutíma. Leitarhundar voru kallaðir út og eftir nokkra leit runnu þeir á lyktina.

Átakanlegt myndband um einelti vekur gríðarlega athygli

Unglingur að nafni Jonah Mowry birti í ágúst síðastliðnum myndband á YouTube þar sem hann lýsir einelti sem hann hefur mátt þola í langan tíma. Myndbandið hefur vakið gríðarlega athygli enda hjartanístandi á að horfa.

Ólafur Þórðarson látinn

Ólafur Þórðarson tónlistarmaður lést á Grensásdeild í morgun. Hann komst aldrei til meðvitundar eftir að ráðist var á hann fyrir rúmu ári. Ólafur var fæddur árið 1949 í Glerárþorpi á Akureyri. Hann var menntaður tónlistarkennari og átti að baki glæstan feril með fjölmörgum hljómsveitum. Þar ber hæst Ríó Tríó, en einnig spilaði hann með hljómsveitunum Kuran Swing og South River Band, svo einhverjar séu nefndar. Hann rak einnig í mörg ár umboðsskrifstofu fyrir listamenn.

Jónas Ingimundarson heiðurslistamaður Kópavogs

Móttaka til heiðurs Jónasi Ingimundarsyni píanóleikara var haldin í Salnum síðdegis í dag í tilefni þess að hann hefur verið kosinn heiðursborgari Kópavogsbæjar. Hann er fjórði heiðursborgari bæjarins.

Útgönguspá: Flokkur Pútíns tapar fylgi en fær þó tæp 50 prósent

Kosningar hófust í Rússlandi í dag en kosið er til neðri-deildar þingsins. Útgönguspár gera ráð fyrir því að Sameinað Rússland, flokkur Vladimir Pútín, hafi tapað miklu fylgi. Sölvi Tryggvason sinnir eftirliti með kosningunum og segir þær hafa farið vel fram.

Risapöndur flytja til Skotlands

Risapöndurnar Tian Tian og Yang Guang hafa flust búferlum og munu eyða næstu tíu árum í það minnsta í dýragarðinum í Edinborg í Skotlandi. Þær eru fyrstu pöndurnar í breskum dýragarði í sautján ár og hefur koma þeirra vakið mikla athygli í nýja heimalandinu. Þær voru fluttar í dag með flugvél frá Kína og tók flugferðin níu tíma. Á leiðinni gæddu þær sér á bambus, eplum, og gulrótum en með í för voru dýralæknir og tveir starfsmenn dýragarðsins. Varaforsætisráðherra Bretlands, Nick Clegg, segir að koma dýranna sé vitnisburður um gott samband Breta og Kínverja.

Sjá næstu 50 fréttir

Mest lesið