Fjölmenn mótmæli í miðborginni

Fjölmenni eru samankomin á Austurvelli þar sem Hörður Torfason heldur byltingaræðu. Þar fara nú fram önnur mótmæli dagsins, en hin eru á Lækjartorgi, og eru hluti af heimsmótmælum.

Eldingu laust niður í flugvél Icelandair

Eldingu laust niður í flugvél Icelandair snemma í morgun. Vélin var að koma frá Boston þegar eldingu laust niður í vélina.

Ofbeldisfull mótmæli í Róm - mótmælt á Austurvelli klukkan þrjú

Mótmæli í Róm á Ítalíu hafa snúist upp í ofbeldisfull mótmæli samkvæmt fréttavef AP en um hundrað þúsund manns mótmæla í miðborg Rómar. Svartan reyk leggur nú frá miðborginni þar sem mótmælendur hafa meðal annars kveikt í bílum.

Skjálftarnir voru fjórir á richter

Báðir jarðskjálftarnir í morgun reyndust vera fjórir á richter samkvæmt upplýsingum jarðvísindamanna á Veðurstofu Íslands.

Orkumálastjóri: Skjálftarnir ekki endilega af mannavöldum

„Á þessu svæði, sem verið er að vinna á, þá hafa skjálftar verið í mesta lagi fimm til sex á ricther,“ segir Guðni Albert Jóhannesson, Orkumálastjóri, en Orkumálastofnun hefur að beiðni iðnaðarráðuneytisins fylgst með niðurdælingum Orkuveitu Reykjavíkur á svæðinu, sem hefur skapað fjölda smáskjálfta.

Geðhjúkrunarfræðingar: Aðstaðan á Kleppi betri en á Sogni

Fagdeild geðhjúkrunarfræðinga hefur lýst yfir stuðningi við að starfsemi réttargeðdeildarinnar á Sogni verði færð á Kleppspítala í Reykjavík.

Bæjarstjóri Hveragerðis: Ólíðandi að búa við manngerða skjálfta

Íbúar Hveragerðis hafa fengið sig fullsadda af manngerðum skjálftum Orkuveitu Reykjavíkur segir bæjarstjóri. Tveir snarpir jarðskjálftar urður við Hellisheiðarvirkjun í morgun og fundust þeir allvíða á suðvesturlandi.

Birta dóm í Guðmundar- og Geirfinnsmálinu á netinu

Embætti ríkissaksóknara hefur birt dóminn í Guðmundar- og Geirfinnsmálinu á vefsvæði sínu vegna mikillar, "og stundum villandi, umfjöllunar um svonefnt Guðmundar- og Geirfinnsmál undanfarið“ eins og segir í tilkynningu frá embættinu. Þar má lesa bæði dóm sakadóms Reykjavíkur og Hæstaréttar í sakamálinu á hendur Erlu Bolladóttur, Guðjóni Skarphéðinssyni, Kristjáni Viðari Viðarssyni, Sævari Marinó Ciesielski, Tryggva Rúnari Leifssyni og fleirum.

Ófært á Hrafnseyrarheiði vegna snjóflóða

Allar aðalleiðir eru auðar um sunnanvert landið og eins á Austurlandi samkvæmt upplýsingum frá Vegagerðinni. Á Vesturlandi er snjóþekja á Holtavörðuheiði, Bröttubrekku, Fróðárheiði og Svínadal.

Geðhjúkrunarfræðingar vilja réttargeðdeild á Klepp

Fagdeild geðhjúkrunarfræðinga lýsti yfir stuðningi við að starfsemi réttargeðdeildarinnar á Sogni verði færð á Klepp á fundi í gær.

Tvenn mótmæli í miðbænum í dag

Boðað hefur verið til tveggja mótmælafunda í miðbæ Reykjavíkur, en kveikjan að þeim báðum eru alþjóðleg mótmæli sem fram fara víða um heim í dag.

Réðust á lögregluna

Þrír menn réðust að nokkrum lögregluþjónum í Sandgerði um ellefuleytið í gærkvöldi. Lögregla var kölluð að heimahúsi í bænum og stöðvaði mennina þegar þeir voru á leið þar út.

Kortleggja erfðamengi 115 ára konu

Erfðamengi 115 ára konu hefur nú verið kortlagt af vísindamönnum til að komast að galdrinum á bak við langlífið.

Flugfreyjur á leið í verkfall

Flugfreyjufélag Ísland felldi í gær nýjan kjarasamning við Icelandair og er þetta í annað sinn sem flugfreyjur hjá fyrirtækinu hafna samningi sem samninganefnd þeirra hefur gert.

Tveir snarpir jarðskjálftar nærri Hveragerði

Jarðskjálfti upp á 3,8 á richter skók jörðu rétt eftir klukkan níu í morgun. Upptök skjálftans voru við Hellisheiðarvirkjun samkvæmt upplýsingum frá Veðurstofu Íslands.

Kona og barn flutt á spítala eftir umferðaróhapp

Kona misst stjórn á bifreið sinni á Suðurlandsveginum, skammt frá Litlu Kaffistofunni, snemma í morgun. Með konunni í bílnum var lítið barn.

Eldur í barnaherbergi

Eldur kviknaði í barnaherbergi í húsinu Birkifelli, sem er Við Laugar í Reykjadal, skammt frá Húsavík.

Ætlar sér að stefna Regnbogabörnum

Höfundur barnabókar um forvarnir gegn einelti ætlar sér að stefna samtökunum Regnbogabörnum fyrir að hafa ekki greitt sér fyrir bókina fyrir átta árum. Málið á rætur sínar að rekja til ársins 2003 þegar höfundurinn, Harpa Lúthersdóttir, gerði samkomulag við þáverandi framkvæmdastjóra samtakanna, Freyju Friðbjarnardóttur, um að gefa öllum börnum sem áttu að byrja í skóla haustið 2004 bókina að gjöf. Fjöldi barna það ár var 4.173 og lét Harpa því prenta 5.000 eintök. Framtakið var auglýst í bæklingi frá samtökunum árið 2003, en ekkert varð síðan af gjöfinni, því bókin var ekki talin nægilega góð til að gefa til grunnskólanna, að mati sérfræðinga. Harpa lagði út um tvær milljónir króna í útgáfu bókarinnar á sínum tíma. Hún hefur verið í reglulegum samskiptum við forsvarsmenn Regnbogabarna síðan bókin var gefin út, en upplagið hefur verið geymt í húsnæði samtakanna í fjölda ára. „Þetta er mjög sárt. Mér líður eins og ég hafi verið svikin,“ segir Harpa, sem var sjálf lögð í mikið einelti alla sína barnæsku og var það kveikjan að bókinni, sem ber heitið „Má ég vera memm?“. Samtökin hafa boðið Hörpu hálfa milljón króna og allar bækurnar til baka, en hún vill ekki taka því. „Ég viðurkenni að ég var svo vitlaus að trúa því að eineltissamtök stæðu við orð sín,“ segir Harpa. „En ég er með sannanir sem sýna fram á að samkomulagið var gert áður en ég lét prenta bækurnar.“ Stefán Karl Stefánsson, stofnandi Regnbogabarna, viðurkennir vissulega að mistök hafi verið gerð á sínum tíma. „Þetta voru mistök og bráðlæti í fólki í upphafi. Við tökum hluta af því á okkur,“ segir Stefán Karl. „Við buðum henni 500 þúsund og bækurnar til baka, en hún vildi ekki taka því. En við viljum leysa úr þessu máli í góðu, það er engin spurning.“ Stefán Karl segir samtökin hafa reynt allt sem í þeirra valdi stendur til þess að koma til móts við Hörpu, en allt komið fyrir ekki. Lögfræðingur Hörpu er nú að undirbúa stefnu á hendur Regnbogabörnum, og hefur fundað með forsvarsmönnum þeirra. sunna@frettabladid.is

Kólnandi veður á landinu næstu daga

Veður fer kólnandi á landinu á morgun með norðanátt á Vesturlandi og snjókomu. Úrkoman færir sig svo yfir Norður- og Austurlandið í næstu viku. Suðurland sleppur mestmegnis við snjó, en norðanáttin verður köld og nokkuð hvöss.

Vændi verði síður aðgengilegt

Fréttablaðið og Lögreglan á höfuðborgarsvæðinu hafa efnt til samstarfs um að koma í veg fyrir birtingar hugsanlegra dulinna vændisauglýsinga.

Íslendingar næsthamingjusamastir á eftir Dönum

Íslendingar eru næsthamingjusamasta þjóð veraldar á eftir Dönum. Þetta er niðurstaða Efnahags- og framfarastofnunar Evrópu (OECD) sem hefur gefið út skýrslu um vellíðan og hamingju í 40 löndum víða um heim.

Mesta virknin líklega að baki

Orkustofnun, með liðsinni Veðurstofu Íslands, ÍSOR og Orkuveitu Reykjavíkur, er að leggja lokahönd á minnisblað vegna smáskjálftavirkni á Hengilsvæðinu. Skjálftarnir tengjast niðurdælingu á jarðhitavökva frá Hellisheiðarvirkjun. Úttektin er gerð að frumkvæði iðnaðarráðuneytisins en skjálftavirknin hefur valdið íbúum nærliggjandi byggða nokkrum áhyggjum.

Hönnun bruna-reits verðlaunuð

Dómnefnd Phillipe Rotthier-stofnunarinnar hefur veitt arkitektastofunum ARGOS, Gullinsniði og Studio Granda sérstaka viðurkenningu fyrir hönnun endurbyggingar eftir miðbæjarbrunann.

Íbúar í Bangkok búa sig undir mikil vatnsflóð

Ótti hefur gripið um sig í Bangkok, höfuðborg Taílands, um að flóðavatnið, sem kaffært hefur stóra hluta landsins, muni brátt flæða yfir borgina. Um níu milljónir manna búa í Bangkok þannig að mikil ringulreið myndi skapast ef fólkið þyrfti að forða sér í skyndi. Forsætisráðherra landsins fullyrðir þó að flóðavarnir borgarinnar muni halda. Rammgert kerfi af stíflum, skurðum og flóðvarnargörðum hafi verið styrkt undanfarna daga og vikur. „Ég stend harður á því að flóðin muni aðeins hafa áhrif á úthverfi Bangkok en verði ekki mikil í öðrum hverfum,“ sagði Yingluck Shinawatra forsætisráðherra í gær. Stjórnvöld hafa samt undanfarna daga haft uppi aðvörunarorð um að flóðin séu að ná hættumörkum. Þegar rigningarnar næstu daga bætast ofan á vatnsflóðið norðan úr fjöllunum verði vart hægt að koma í veg fyrir flóð í höfuðborginni, ekki síst þar sem háflæði er á sama tíma. Vatnsyfirborðið geti hækkað það hratt að stjórnvöld geti ekkert gert annað en horft á þegar vatnið flæðir yfir borgina. Nyrst í borginni fylgdist Somjai Tpientong áhyggjufull með vatnsyfirborðinu hækka jafnt og þétt. Hún sagðist ekki átta sig á því hvort sandpokavarnir muni duga til að verja borgirnar Bangkok og Rangsit. „Ef vatnið kemur þá verð ég að láta það gerast. Ég hef ekki nokkra möguleika til að stöðva það. Hvað mig varðar, þá mun ég flytja mig upp á efri hæð hússins,“ sagði hún. „Ég kenni í brjósti um það fólk sem býr á lægri slóðum.“ Ástandið er orðið mjög slæmt víða í Taílandi. Flóðin í ár, sem eru þau verstu sem Taílendingar hafa kynnst í hálfa öld, hafa nú þegar kostað nærri 300 manns lífið. Þau hafa raskað lífi hjá meira en átta milljón manna í 61 af 77 héruðum landsins. gudsteinn@frettabladid.is

Stefna að því að gera veskið óþarft

Valitor mun bráðlega fara af stað með verkefni þar sem hópi viðskiptavina fyrirtækisins verður boðið að nota farsíma sinn sem kreditkort. Um er að ræða samstarfsverkefni Valitor, Visa í Evrópu og norska tækniöryggisfyrirtækisins Oberthur en Ísland verður tilraunamarkaður fyrir þessa nýju tækni.

Forseti í viðtal vegna Airwaves

Forseti Íslands, Ólafur Ragnar Grímsson, fór í gærkvöldi í viðtal við bandarísku útvarpsstöðina KEXP, sem sendir nú út beint frá Kex hostel í miðborg Reykjavíkur.

Bjarg á við rútubíl valt niður að byggð

„Þetta hefði farið í gegnum hvaða íbúðarhús sem er eins og ekkert væri,“ segir Þorleifur Ágústsson, sem horfði á gríðarstór björg hrynja úr Gleiðarhjalla ofan Ísafjarðarbæjar á fimmtudag og staðnæmast rétt ofan við íbúabyggð.

Reglurnar ekki í gildi þegar keypt var inn

„Ábending Ríkisendurskoðunar um meint lögbrot ríkislögreglustjóra við innkaup á búnaði var byggð á reglugerð sem var ekki í gildi þegar innkaupin áttu sér stað.“ Þetta segir Haraldur Johannessen ríkislögreglustjóri, spurður um innihald greinargerðar sem embætti ríkislögreglustjóra sendi innanríkisráðherra, Ögmundi Jónassyni, fyrr í mánuðinum í kjölfar ábendinga Ríkisendurskoðunar um innkaup löggæslustofnana á tímabilinu 2008 til 2011. Ríkisendurskoðandi taldi að ríkislögreglustjóri hefði átt að bjóða út kaup fyrir 12,6 milljónir króna og leita verðtilboða fyrir um sjö milljónir króna.

Félag gegn lokun athvarfs fyrir fólk með geðraskanir

Vin við Hverfisgötu, athvarf Rauða Krossins fyrir fólk með geðraskanir, mun loka dyrum sínum eftir tveggja áratuga starf, í lok mars á næsta ári að öllu óbreyttu. Meðlimir nýstofnaðs hollvinafélags athvarfsins, Vinafélagið, hyggjast standa vörð um starfsemina.

164 milljarða afskriftir

Fjármálafyrirtæki höfðu í lok ágúst afskrifað lán til einstaklinga um 163,6 milljarða króna. Niðurfærsla vegna hinnar svokölluðu 110 prósenta leiðar nemur um 27,2 milljörðum en enn eru fimm þúsund mál í vinnslu. Þá nemur niðurfærsla vegna sértækrar skuldaaðlögunar tæpum 5,6 milljörðum króna en 600 mál eru enn í vinnslu.

Nammidagar varhugaverðir

„Slíkt er ekki samkvæmt opinberum ráðleggingum,“ segir Elva Gísladóttir, verkefnisstjóri næringar hjá landslæknisembætti, sem mælir á móti vikulegum nammidögum.

Ísafold prentar fyrir útlendinga

Prentun fyrir erlenda viðskiptavini verður í framtíðinni verulegur hluti af veltu Ísafoldarprentsmiðju. Þetta segir prentsmiðjustjórinn Kjartan Kjartansson, sem nú er staddur á bókamessunni í Frankfurt.

Enn ósamið við flugfreyjurnar

Liðsmenn Flugfreyjufélags Íslands felldu nýjan kjarasamning við Icelandair. Er þetta öðru sinni í þessari lotu sem flugfreyjur hjá fyrirtækinu hafna samningi sem samninganefnd þeirra hefur gert.

Skýrslan ótrúlega þunnur þrettándi

"Mér þykir þessi skýrsla nú ótrúlega þunnur þrettándi þegar kemur að varnar- og öryggismálum,“ segir Össur Skarphéðinsson utanríkisráðherra um skýrslu rannsóknarstofnunar sænska hersins um ástand öryggismála á Íslandi, sem Fréttablaðið sagði frá í gær. "Hins vegar gefur hún góða félags- og sálfræðilega sýn á þjóð í vanda að lokinni kreppu.“

Ægir Geirdal stefnir ritstjóra

Ægir Geirdal listamaður hefur stefnt Steingrími Sævari Ólafssyni, ritstjóra vefmiðilsins Pressunnar, fyrir meiðyrði. Hann krefst ómerkingar á sex ummælum þar sem hann er sakaður um kynferðisbrot.

Töluvert stærri en talið var

Breskir og bandarískir vísindamenn hafa lokið nýjustu rannsóknum á Tyrannosaurus Rex, eða grameðlunni, sem leiða í ljós að hún var um 30 prósentum þyngri en áður var talið. Helsta viðfang rannsóknarinnar var eðlan Sue, fullorðin grameðla, sem nú er til sýnis í Chicago. Vísindamennirnir komust einnig að því að á unglingsárum sínum hafi eðlan stækkað tvisvar sinnum hraðar en fyrri rannsóknir bentu til. Á aldrinum 10 til 15 ára þyngdist Sue um fimm kíló á dag. - sv

Alheimsmótmæli teygja anga sína til Íslands

Boðað hefur verið til mótmælafundar á Lækjartorgi á morgun, þann 15. október, sem ber yfirskriftina „Tökum Torgin“. Þessi fundur mun hinsvegar ekki einungis vera bundinn við Lækjartorg, þar sem alls er áætlað að mótmælt verði í hátt í eitt þúsund borgum víðsvegar um heim.

Rekstur hitaveitunnar aftur kominn í jafnvægi

Rekstur hitaveitunnar á höfuðborgarsvæðinu er nú aftur kominn í jafnvægi eftir að víðtæk truflun í raforkukerfinu á Suður- og Vesturlandi sló út dælum. Þetta kemur fram í fréttatilkynningu sem send var frá Orkuveitu Reykjavíkur nú fyrir stuttu.

Obama sendir hermenn til Úganda

Barack Obama, forseti Bandaríkjanna, gerði í dag opinberar áætlanir sínar um að senda 100 bandaríska hermenn til afríkuríkisins Úganda. Hermennirnir munu síðan leggja heimamönnum lið í baráttu sinni við þarlendan uppreisnarher sem er sagður einn sá harðsvíraðasti í Afríku.

Eldingar valda truflunum hjá Orkuveitu Reykjavíkur

Heitavatnsdælum sló út á höfuðborgarsvæðinu um áttaleytið í kvöld vegna spennusveiflna í rafmagnskerfinu, en eldingum hefur slegið niður víða á Suður- og Vesturlandi í kvöld.

Rannsakar þolendur snjóflóðanna í Súðavík og á Flateyri

Margir þeirra sem lentu í snjóflóðunum í Súðavík og á Flateyri fyrir 16 árum og aðstandendur þeirra þjást enn af áfallastreituröskun og öðrum kvillum sem rekja má til hamfaranna. Þetta kemur fram í nýrri doktorsritgerð Eddu Bjarkar Þórðardóttur, doktorsnema í lýðheilsuvísindum og sálfræði við Háskóla Íslands.

Notkun sýklalyfja við unglingabólum áhyggjuefni

Hátt í þrjú hundruð börn á aldrinum 10 til 14 ára taka að jafnaði sýklalyf á hverjum degi vegna unglingabóla. Yfirlæknir á sýkladeild segir notkun sýklalyfja áhyggjuefni en fjölónæmum sýklum fer fjölgandi hér á landi.

Engin skýrsla af sjeiknum

Ekki hefur enn tekist fá skýrslu frá aðal vitninu í ein stærsta sakamáli efnahagshrunsins, sem er til rannsóknar hjá sérstökum saksóknara, kaup sjeiksins Al-Thani á hlutabréfum í Kaupþingi. Sjeikinn nýtur diplómatískrar friðhelgi og hefur ekki orðið við ósk um að bera vitni í málinu.

Eldingaveður á Suður- og Vesturlandi

Nokkuð mikið hefur verið um eldingar á landinu í kvöld og fregnir hafa borist af rafmagnsleysi á Suður- og Vesturlandi. Haraldur Eiríksson, veðurfræðingur á Veðurstofu Íslands segist ekki geta staðfest að tenging sé á milli rafmagnsleysisins og veðurfarsins, en eldingarnar kynnu að halda áfram frameftir kvöldi.

Tekur varnarmálakreppu Íslands ekki alvarlega

Fjármálaráðherra gefur minna en ekki neitt fyrir skýrslu rannsóknarstofnunar sænska hersins þar sem fram kemur að varnarmál á Íslandi séu í ólestri. Allir sofi rólegir á Íslandi.