Vilja draga ESB-umsóknina til baka

Nokkrir þingmenn Sjálfstæðisflokksins auk þingflokksformanns Framsóknarflokksins og þingmanns VG kröfðust þess við upphaf þingfundar í dag dagskrá Alþingis yrði breytt og að þingsályktunartillögu þar sem lagt er til að umsókn Íslands um aðild að Evrópusambandinu verði dregin til baka yrði sett á dagskrá. Leiðtogaráð ESB ákveður á fundi sínum á morgun hvort hafnar verði aðildarviðræður við Ísland.

Sex doktorsvarnir við Háskóla Íslands á einni viku

Þessa viku verða einstök tímamót í sögu Háskóla Íslands, þegar samtals sex doktorsvarnir fara fram á sjö daga tímabili. Er það einsdæmi í starfsemi Háskólans en þess má geta að Háskóli Íslands er eini háskólinn hér á landi sem heimilt er að brautskrá doktora af öllum fræðasviðum sínum.

Eigandi Draumsins losnar úr haldi í dag

Eigandi söluturnsins Draumsins losnar að öllum líkindum úr gæsluvarðhaldi í dag. Geir Jón Þórisson yfirlögregluþjónn hjá lögreglunni á höfuðborgarsvæðinu á ekki von á því farið verði fram á lengra gæsluvarðhald.

Þjóðskrá Íslands tekur til starfa

Alþingi samþykkti í gær lög um sameiningu Þjóðskrár og Fasteignaskrár Íslands og taka þau gildi 1. júlí næstkomandi. Hin nýja stofnun ber heitið Þjóðskrá Íslands og tekur við verkefnum áðurnefndra stofnana.

Heiða Kristín ráðin aðstoðarmaður borgarstjóra

Heiða Kristín Helgadóttir hefur verið ráðin í stöðu aðstoðarmanns Jóns Gnarr borgarstjóra.

Ókeypis í Árbæjarsafnið 17. júní

Í Árbæjarsafni verða fallegir þjóðbúningar í aðalhlutverki á 17. júní venju samkvæmt og eru gestir hvattir til að mæta í eigin búningum. Ókeypis verður inn á safnið í tilefni dagsins.

Synir Breiðholtsins afhentu borgarfulltrúum skýrslu

Fimm menn sem ólust upp í Breiðholtinu afhentu borgarfulltrúum í gær skýrslu um stöðu hverfisins. Forsvarsmaður hópsins er Bjarni Fritzson, landsliðsmaður í handbolta. Í formála skýrslunnar segir hann að síðastliðin ár og áratugi hafi borgaryfirvöld litið framhjá hverfinu og einbeitt sér að öðrum verkefnum.

Leikskólinn Hörðuvellir 75 ára

Leikskólinn Hörðuvellir í Hafnarfirði heldur upp á 75 ára afmælið sitt í dag. Leikskólinn Hörðuvellir á sér langa sögu. Verkakvennafélagið Framtíðin hóf rekstur dagheimilis í nýbyggingu skólans árið 1935. Áður rak Framtíðin dagheimili sumarlangt árin 1933 og 1934 í gamla barnaskólanum við Suðurgötu, segir í tilkynningu.

Áhorfendur hafa valið bestu leiksýningar leikársins

Hin árlega uppskeruhátíð leiklistarinnar, Gríman, verður haldin hátíðleg í kvöld. Síðustu tvær vikur hefur staðið yfir netkosning um bestu leiksýningar leikársins að mati áhorfenda.

Sjálfstæðismenn og VG starfa áfram saman í Mosfellsbæ

Í nýafstöðnum sveitarstjórnarkosningum hlutu sjálfstæðismenn í Mosfellsbæ 49,8% atkvæða og fjóra fulltrúa af sjö í bæjarstjórn og bættu við sig manni frá síðustu kosningum. Vinstri græn hlutu 11,7% og einn fulltrúa líkt og fyrir fjórum árum. Flokkarnir störfuðu saman í meirihluta á síðasta kjörtímabili.

Guðrún fær lyklavöld í Kópavogi

Guðrún Pálsdóttir, nýr bæjarstjóri í Kópavogi, tekur við lyklavöldum á skrifstofu bæjarstjóra klukkan tíu í dag, af Gunnsteini Sigurðssyni sem verið hefur bæjarstjóri í tæplega ár. Þar áður var Gunnar I. Birgisson bæjarstjóri Kópavogs.

Myrtir fyrir að horfa á HM

Öfgasinnaðir múslimar í Afríkuríkinu Sómalíu hóta almennum borgurum í landinu ofbeldi og opinberri hýðingu horfi þeir á heimsmeistaramótið í fótbolta. Um helgina voru tveir menn myrtir fyrir að horfa á leik Argentínu og Nígeríu. Hinir herskáu múslimar vísa til laga sem gilda í hluta landsins en samkvæmt þeim er notkun tölvuleikja og áhorf á íþróttir í sjónvarpi á almannafæri stranglega bönnuð.

Harðir jarðskjálftar í Indónesíu

Að minnsta kosti tveir eru látnir eftir að þrír öflugir jarðskjálftar riðu yfir austurhluta Indónesíu á fjórða tímanum í nótt að íslenskum tíma. Stærsti jarðskjálftinn var 7,1 á Richter. Í kjölfarið var gefin var út flóðaviðvörun en henni hefur verið aflétt, samkvæmt frétt breska ríkisútvarpsins. Eftir fyrsta jarðskjálftann fylgdu tveir aðrir sem voru af stærðargráðunni 6,4 og 6,3 á Richter.

Þingfundur stóð til morguns

Þingfundur stóð til klukkan rúmlega sex í morgun þar sem fjallað var um aðgerðir vegna skuldavanda heimilanna. Þingfundur hefst aftur klukkan ellefu þar sem Jóhanna Sigurðardóttir, forsætisráðherra, mun mæla fyrir frumvarpi um um fækkun ráðuneyta. Þá mun Sigmundur Davíð Gunnlaugsson, formaður Framsóknarflokksins, mæla fyrir þingsályktunartillögu um samvinnuráð um þjóðarsátt.

Slökktu eld á frívakt

Mikil mildi þykir að ekki fór verr þegar eldur kviknaði í feitispotti á eldavél í heimahúsi á Selfossi í gærkvöldi. Heimafólk kallaði á slökkvilið, en slökkviliðsmaður og sjúkraflutningamaður, sem bjuggu í grennd við húsið, en voru báðir á frívakt, fengu skeyti um útkallið og þustu á staðinn með eigin slökkvitæki.

Hóta að beita hernum

Norður-Kóreumenn hóta að beita hervaldi ákveði Öryggisráð Sameinuðu þjóðanna að refsa þeim fyrir að sökkva herskipi sunnanmanna fyrr á þessu ári.

Ræningjarnir játa

Þrír menn hafa játað að hafa ráðist þungvopnaðir inn á hótel í Berlín í mars og rænt þaðan vinningsfé á pókermóti. Ránið vakti talsverða athygli þar sem það var framið um hábjartan dag og fjölmargir þátttakendur voru á mótinu. Á annan tug manna meiddust en flestir þeirra voru starfsmenn hótelsins.

Ráðherrar skrifast á um Icesave

Breski fjármálaráðherrann, George Osborne, hefur svarað bréfi Steingríms J. Sigfússonar fjármálaráðherra um viðræður vegna Icesave-deilunnar.

Grunur um herpessýkingar í hestum

„Það eru vísbendingar um að veirusýkingar valdi upphafi hrossapestarinnar og streptokokkasýking valdi erfiðari hluta hennar,“ segir Halldór Runólfsson yfirdýralæknir um gang rannsókna á hrossapestinni illræmdu. Halldór segir þessar vísbendingar hafa komið fram í rannsóknum á Keldum.

Kafli um fjármálakerfi bíður

Hægt verður að hefja aðildarviðræður Íslands við Evrópusambandið þrátt fyrir að ekki hafi náðst samkomulag við bresk og hollensk stjórnvöld um Icesave-málið.

Sífellt fleiri vilja leiðréttingu

Almenn niðurfelling skulda upp á 20 prósent kostar 114 milljarða, setur Íbúðalánasjóð á hausinn og eykur útgjöld hjá Lánasjóði íslenskra námsmanna og bönkunum. Þetta sagði Jóhanna Sigurðardóttir forsætisráðherra í ræðu á Alþingi í gær.

Drukknir á skytteríi í óleyfi

Tilkynnt var til lögreglunnar á Vestfjörðum um síðustu helgi að þrír menn væru að skjóta fugla í Æðey og væru drukknir í ofanálag. Ekki tókst betur til hjá veiðimönnunum en að gúmmítuðran sem þeir voru á varð vélarvana og þurftu þeir að leita aðstoðar hjá ábúandanum sem þeir höfðu verið að skjóta hjá í óleyfi.

Fer niður um ellefu krónur

N1 lækkaði listaverð á 95 oktana bensíni um ellefu krónur í gær. Algengasta hæsta verðið hjá olíuversluninni fór við það úr 201 krónu í fyrradag niður í 188,8 krónur. Hæsta verðið var hjá Skeljungi á höfuðborgarsvæðinu í gær, 192,5 krónur á lítrann.

Stóra kókaínmálið til ákæruvaldsins

Rannsókn lögreglu á umfangsmiklu kókaínsmygli hingað til lands í apríl er lokið.

Fréttaskýring: Leiðtogar samþykkja að hefja viðræður

Hvaða áhrif hefur Icesave-málið á fyrirhugaðar aðildarviðræður íslenskra stjórnvalda við Evrópusambandið?

Líst ekki illa á sameininguna

stjórnsýsla Ríkisendurskoðun gerir ekki athugasemd við undirbúning sameiningar skattumdæma landsins, samkvæmt skýrslu sem gefin var út í gær. Um síðustu áramót voru embætti ríkisskattstjóra og níu skattstjóra víðs vegar um landið sameinuð í eitt og landið gert að einu skattumdæmi.

Metfjöldi frjókorna í loftinu

Aldrei hafa fleiri frjókorn mælst í Reykjavík en í apríl og maí síðastliðnum. Þá mældust 2000 frjókorn á rúmmetra á sólarhring. Þetta kemur fram í frjómælingum Náttúrufræðistofnunar Íslands.

Rannsakaði ung fötluð börn

Freyja Haraldsdóttir hlaut í gær viðurkenningu úr minningarsjóði Ásgeirs S. Björnssonar fyrir lokaverkefni sitt í BA-námi í þroskaþjálfarafræði.

Metfjöldi umsókna á Hólum

Metfjöldi umsókna barst um skólavist í háskólanum á Hólum nú í vor. Fjölgunin er tæplega 46 prósent milli ára.

Gafst upp og sleppti gíslum

Maður vopnaður skotvopni, líklega skammbyssu, hélt viðskiptavinum og starfsmönnum H&M fataverslunar í Leipzig í Þýskalandi í gíslingu í nokkrar klukkustundir í gær.

Fólk innlyksa á landamærum

Að minnsta kosti nokkur hundruð manns hafa látið lífið í óeirðum í suðurhluta Kirgisistans síðustu daga, að mati Rauða krossins. Æ fleiri fréttir berast af því að ýtt hafi verið undir átökin beinlínis til þess að koma bráðabirgðastjórn landsins frá völdum.

Ætlaði að leita bin Laden uppi

Bandaríkjamaður, vopnaður skammbyssu og 102 sentimetra löngu sverði, fannst einn á ferð í skógi í norðvestanverðu Pakistan á sunnudag.

Báturinn fundinn - skipverjar sennilega kærðir fyrir lögbrot

Línu- og handfærabáturinn, Eyjólfur Ólafsson GK-38, sem leitað var að í kvöld, fannst kl. 21:45 um 40 sjómílur SV af Reykjanesi eða á svipuðum slóðum og þegar síðast heyrðist til hans um hádegið samkvæmt tilkynningu frá Landhelgisgæslunni.

Þyrla og varðskip leita að báti á Reykjanesinu

Þyrla Landhelgisgæslunnar auk varðskips leita að línu- og handfærabát, sem síðast heyrðist til um hádegi í dag. Var báturinn þá staddur á Boðagrunni eða 40 sjómílur SV af Reykjanesi.

Besti flokkurinn fær Orkuveituna

Stjórnarformaður Orkuveitunnar verður Haraldur Flosi Tryggvason lögfræðingur en hann var stuðningsmaður Besta flokksins. Haraldur var áður framkvæmdastjóri Viðskiptablaðsins áður en það fór í þrot árið 2008.

Írar reka ísraelska erindreka úr landi vegna Dubai-morðsins

Írsk yfirvöld hafa rekið ísraelska erindreka úr landinu vegna fölsunar á vegabréfum í nafni þjóðarinnar þegar ísraelska leyniþjónustan á að hafa tekið leiðtoga Hamas af lífi í Dubai í byrjun árs.

Dæmdur fyrir að sofa hjá konum vegna umferðarlagabrota

Breski lögreglumaðurinn Jamie Slater var í dag dæmdur í þriggja og hálfs árs fangelsi fyrir að misnota aðstöðu sína og sofa hjá og bjóða konum kynlíf sem hann stöðvaði vegna umferðalagabrota.

Námsbrautum í Háskólanum í Reykjavík fækkað um þrjár

Námsbrautum í Háskólanum í Reykjavík verður fækkað um þrjár og fjöldi starfsmanna missir vinnuna. Skólameistari segir aðgerðirnar mjög sársaukafullar en það eina skynsamlega í stöðunni.

Samið um þinglok - vatnalögin söltuð og fækkun ráðuneyta í nefnd

Flokkarnir á Alþingi hafa komist að samkomulagi um þinglok. Þá mun vatnafrumvarpið verða sett í salt þangað til í haust. Frumvarp sem snertir á greiðsluvanda heimilanna, eða svokallaður heimilispakki, verður afgreiddur fyrir þinglok. Varnamálalög munu verða samþykkt en með breytingum þó. Fækkun ráðuneyta verður afgreitt í nefnd.

Ný bæjarstjórn tekin við í Kópavogi

Ný bæjarstjórn Kópavogs tók við völdum í dag. Í upphafi fyrsta fundar nýrrar bæjarstjórnar var kynntur málefnasamningur um meirihlutasamstarf Lista Kópavogsbúa, Næst besta flokksins, Samfylkingar og Vinstri grænna. Þá var kosið í helstu embætti, nefndir og ráð og var Guðrún Pálsdóttir kjörin nýr bæjarstjóri Kópavogs. Hún tekur við af Gunnsteini Sigurðssyni sem verið hefur bæjarstjóri frá 1. júlí 2009. Honum voru, á fundinum, þökkuð störf í þágu sveitarfélagsins.

Stefán: Reyndi að keyra á vin minn og tvo hunda

„Maðurinn gerði þetta viljandi. Hann bakkaði bílnum áður en hann lagði til atlögu svo hann kæmist hraðar og reynir að keyra á vin minn og báða hundana," segir Stefán Már Guðfinnsson hundaeigandi í samtali við Vísir.is.

Gerir ekki athugasemd við sameiningu embætta

Um síðustu áramót voru embætti ríkisskattstjóra og níu skattstjóra víðs vegar um landið sameinuð í eitt. Þar með var landið gert að einu skattumdæmi.

Borgarstjóri: „Love is all you need“

Jón Gnarr var settur í embætti borgarstjóra á fundi borgarstjórnar í dag og að loknum fundi tók hann við lyklum að skrifstofu borgarstjóra úr höndum Hönnu Birnu Kristjánsdóttur fyrrverandi borgarstjóra.

Samkomulag um vinnustaðaskírteini undirritað

Fulltrúar Alþýðusambands Íslands (ASÍ) og aðildarsamtaka þess og Samtaka atvinnulífsins (SA) undirrituðu í dag samkomulag um vinnustaðaskírteini og framkvæmd eftirlits á vinnustöðum. Í tilkynningu segir að samkomulagið byggi á lögum nr. 42/2010 sem samþykkt voru á Alþingi 11. maí sl. um sama efni sem veita heildarsamtökum vinnumarkaðarins heimild til að semja um hvaða starfsgreinar falli undir gildissvið laganna hverju sinni.

Kynnti áætlun um aukið samstarf á milli háskóla

Katrín Jakobsdóttir, mennta- og menningarmálaráðherra, kynnti fyrir ríkisstjórn í morgun áætlun um aukið samstarf og verkaskiptingu opinberu háskólanna með hugsanlega sameiningu að markmiði.