Handtóku innbrotsþjóf í Neðra-Breiðholti

Lögreglan á höfuðborgarsvæðinu handtók í morgun karlmann sem braust inn í íbúð í Neðra-Breiðholti. Kona sem var í íbúðinni varð innbrotsþjófarins vör og gerði lögreglu viðvart um manninn.

Arnold Schwarzenegger styður ekki hugmyndir um olíuboranir

Arnold Schwarzenegger, fylkisstjóri í Kalíforníu, er hættur stuðningi við áform um frekari olíuboranir við strendur Kalíforníu. Hann segir að olíuslysið í Mexíkóflóa hafi breytt viðhorfi hans til olíuborana í Kyrrahafi.

Handtók mann vegna misheppnaðs sprengjutilræðis

Lögreglan í Bandaríkjunum hefur handtekið mann sem grunaður er um að hafa staðið að baki misheppnuðu sprengjutilræði í New York borg á laugardaginn. Maðurinn er af pakistanskum uppruna. Hann var handtekinn á Kennedy flugvelli í New York þegar að hann var á leið í flug til Dubai.

Alvarleg líkamsárás í Reykjanesbæ

Lögreglan á Suðurnesjum handtók í gærkvöld tvo karlmenn sem grunaðir eru um líkamsárás fyrir framan heimahús í Reykjanesbæ í um kvöldið. Mennirnir gistu fangageymslur og verða yfirheyrðir af rannsóknarlögreglumönnum þegar líður á daginn. Lögreglan verst annars allra frekari fregna af málinu að öðru leyti en því að hún lítur það mjög alvarlegum augum.

Sitja áfram þrátt fyrir ályktun um vantraust

Stjórnarmenn í Lífeyrissjóði verkfræðinga ætla ekki að verða við áskorun aðalfundar sjóðsins sem lýsti vantrausti á sex af sjö stjórnarmönnum og skoraði á þá að segja af sér.

Engar sannanir komið fram

Mahmoud Ahmadinejad Íransforseti segir Bandaríkin ekki hafa fært neinar sönnur á ásakanir um að Íranir hafi í hyggju að koma sér upp kjarnorku­vopnum.

Enginn samningur á árinu

Yvo de Boer, fráfarandi loftslagsstjóri Sameinuðu þjóðanna, segir enga von til þess að nýr alþjóðasamningur um loftslagsmál verði að veruleika á þessu ári.

Fjörutíu óvinir fréttafrelsis

Alþjóðlegu samtökin Fréttamenn án landamæra hafa sett Vladimír Pútín, forsætisráðherra Rússlands, og Hu Jintao Kínaforseta á lista sinn yfir helstu óvini fjölmiðlafrelsis.

Mun skoða handtökurnar í dómsal

Uppákoman í Héraðsdómi Reykjavíkur fyrir helgi, þar sem tveir voru handteknir í dómsal eftir að hafa neitað að yfirgefa hann að kröfu dómara, verður skoðuð í dómsmálaráðuneytinu. Þetta segir Ragna Árnadóttir, dómsmála- og mannréttindamálaráðherra.

BP greiðir kostnað við hreinsun

Tony Hayward, framkvæmdastjóri olíufélagsins BP, segir að fyrirtækið muni greiða kostnaðinn við að hreinsa upp olíu frá olíuborpallinum Deepwater Horizon, sem sökk í Mexíkóflóa.

Mávar átu skarfahræ ætluð örnum í Flóa

Eyþór Arnalds, bæjarfulltrúi Sjálfstæðisflokksins í Árborg, gagnýnir uppbyggingu í fuglafriðlandi við Ölfusá og að sett skuli hafa verið út hræ af skörfum til að fóðra erni.

Árásarmaður dæmdur sekur

Mohammed Ajmal Kasab, eini árásarmaðurinn af tíu sem lifði af, var í gær dæmdur sekur um aðild að hryðjuverkaárásum á Mumbaí á Indlandi árið 2008.

Yfirlýsingu talibana ekki trúað

Lögreglan í Bandaríkjunum leggur engan sérstakan trúnað á yfirlýsingu frá pakistanskri talibanahreyfingu, sem sagðist bera ábyrgð á sprengjuárás á Times-torgi í New York.

Jarðskjálftamælanet verið byggt upp á tuttugu árum

Samstarf við erlendar stofnanir tryggir að íslenskir vísindamenn hafa aðgang að öllum bestu gögnum til rannsókna vegna jarðhræringa eins og eldgosanna í Eyjafjallajökli og á Fimmvörðuhálsi.

Leggur til kosningar í haust

Abhisit Vejjajiva, forsætisráðherra Taílands, hefur komið með sáttatilboð til mótmælenda og leggur til að þingkosningar verði haldnar 14. nóvember fallist mótmælendur á tilboðið.

Atkvæðaveiðar í hámarki

Flokksleiðtogarnir David Cameron, Nick Clegg og Gordon Brown þeyttust um Bretland í gær til að afla flokkum sínum atkvæða. Þingkosningar verða á fimmtudag.

Eðlilegra væri að fá að kjósa um virkjun

Sveitarstjórn Flóahrepps hefur skuldbundið hreppinn til að greiða vel á þriðja hundrað milljóna króna fyrir vatnsveitu verði Urriðafossvirkjun ekki sett á aðalskipulag hreppsins.

Ný skýrsla: Auðvelt að vera móðir á Íslandi

Noregur er í fyrsta sæti á lista yfir þau lönd þar sem auðveldast er að vera móðir, samkvæmt skýrslu Barnaheilla - Save the Children „State of the World's Mothers Report" fyrir árið 2010. Ísland er í þriðja sæti á eftir Ástralíu, en Ísland færist upp um um eitt sæti frá fyrra ári. Afganistan er í neðsta sæti.

Jón Gnarr vill leysa erfið mál með gleði

Jón Gnarr segist taka málefni borgarinnar, á borð við skattamál og samgöngumál, alvarlega. Það sé vel hægt að leysa mál með gleði þó þau séu alvarleg.

Átökin í Gígjökli - myndir

Mikil átök hafa verið við Gígjökul síðastliðinn sólarhring, eins og fram kom í kvöldfréttum Stöðvar 2. Glóandi hrauneðjan er við það að steypast undir snarbrattan skriðjökul. Ís og eldur takast á með feiknarlegum fljóðbylgjum. Egill Aðalsteinsson, kvikmyndatökumaður á fréttastofu Stöðvar 2 og Vísis, kynnti sér aðstæður í dag og tók þær myndir sem fylgja þessari frétt.

Feiknarleg átök elds og íss í Gígjökli

Mikil átök hafa verið við Gígjökul síðastliðinn sólarhring þar sem glóandi hrauneðjan er við það að steypast undir snarbrattan skriðjökul. Þar takast á ís og eldur með feiknarlegum fljóðbylgjum og svo eitruðum gufum að nærri var liðið yfir vísindamann sem nálgaðist vatnsflauminn.

Um 40 fyrirtæki stofnuð í tengslum við Hugmyndahús

Hugmyndahús háskólanna fagnar eins árs afmæli sínu um þessar mundir og tók af því tilefni nýjan vef í notkun í dag við hátíðlega athöfn í Grandagarði 2 í Reykjavík. Á því eina ári sem Hugmyndahúsið hefur starfað hafa um 40 fyrirtæki verið stofnuð í tengslum við það og tugir starfa hafa orðið til.

Hyggjast skapa 100 ný störf í Grindavík

Grindavíkurbær og Carbon Recycling International skrifuðu í dag undir samstarfssamning um byggingu á sambyggðri jarðvarma- og eldsneytisverksmiðju að Eldvörpum við Grindavík.

Skrifað undir samning um byggingu nýs hjúkrunarheimilis

Árni Páll Árnason, félags- og tryggingamálaráðherra og Lúðvík Geirsson, bæjarstjóri Hafnarfjarðarbæjar, undirrituðu í dag samning um byggingu 60 rýma hjúkrunarheimilis á Völlunum í Hafnarfirði. Áætlað er að heimilið verði tilbúið til notkunar haustið 2012.

Fengu snert af gaseitrun úr Gígjökulslóni

Tveir starfsmenn Jarðvísindastofnunar Háskóla Íslands fóru að lóninu í Gígjökli í dag til þess að taka sýni þaðan. Fengu þau snert af gaseitrun þegar að þau voru að verki.

Haíti: Hjálparstarfið hefur safnað 21 milljón

12,3 milljónir króna hafa safnast í páskasöfnun Hjálparstarfs kirkjunnar fyrir Haíti en stofnunin hefur þá samanlagt safnað tæplega 21 milljón króna til uppbyggingar á Haítí en landið fór illa út úr jarðskjálftanum í lok janúar.

Lögreglan hvetur ökumenn til að taka nagladekkin undan

Lögreglan á höfuðborgarsvæðinu beinir þeim tilmælum til eigenda og umráðamanna ökutækja sem eru búin nagladekkjum að gera þar bragarbót á. Minnt er á að neglda hjólbarða má ekki nota á tímabilinu 15. apríl til 31. október nema þess sé þörf vegna akstursaðstæðna en ekkert slíkt á við á höfuðborgarsvæðinu.

Forsætisráðherra: Gengur ekki að hækka launin

Jóhanna Sigurðardóttir forsætisráðherra segir að hún hafi engin loforð eða fyrirheit gefið um væntanleg launakjör Seðlabankastjóra, enda slíkt ekki á færi forsætisráðherra.

Tillaga um launahækkun verði dregin til baka

Skúli Helgason, þingmaður Samfylkingarinnar og formaður iðnaðarnefndar, skorar á Láru V. Júlíusdóttur formann bankaráðs Seðlabankans að draga til baka tillögu þess efnis að launs seðlabankastjóra verði hækkuð um 400 þúsund krónur.

Amfetamín á Akranesi

Lögreglumenn á Akranesi sem áttu erindi við einn af „ góðkunningjunum" voru staddir í anddyri íbúðar sem hann býr í um liðna helgi er þeir veittu athygli tveimurlitlum pakkningum sem hann hafði kastað á gólfið. „Reyndist vera amfetamín í báðum og við húsleit sem framkvæmd var í framhaldi af þessu fannst þriðja pakkningin,“ segir í tilkynningu lögreglu. Maðurinn var færður til yfirheyrslu og viðurkenndi hann að eiga efnin og sagði þau hafa verið ætluð til eigin neyslu.

Ísraelar og Palestínumenn ræðast aftur við

Óbeinar viðræður milli Ísraela og Palestínumanna hefjast að líkindum í næstu viku.

Grunnskólanemendur í Hrísey vilja banna tóbakið

Fimm grunnskólakrakkar úr Hrísey hafa ritað alþingismönnum bréf þar sem þeir eru hvattir til þess að banna innflutning á tóbaki. Krakkarnir taka þátt í verkefni á vegum Lýðheilsustöðvar, Reyklaus bekkur, og þeim datt í hug að leggja þetta til. Þau vísa í bann við innflutningi á M&M sælgæti á níunda áratug síðustu aldar og spyrja hvers vegna ekki sé hægt að fara sömu leið með tóbakið.

Sjúklega hrædd við kanínur

Kennslukona í Þýskalandi hefur höfðað skaðabótamál gegn fjórtán ára gömlum nemanda sínum sem teiknaði kanínu á töflu í skólastofunni.

Geðraskanir helsta orsök örorku

Geðraskanir eru helsta orsök örorku hjá Íslendingum að því er fram kemur á vef Tryggingastofnunar sem greint helstu orsök örorku eftir sjúkdómaflokkum.

Mælt með sprautu fyrir ferðalög til Tajikistan

Sóttvarnalæknir hvetur þá sem eru á leiðinni til Tajikistan að bólusetja sig áður en haldið er af stað. Á þessu ári hafa 187 einstaklingar greinst með lömunarveiki í Tajikistan en lömunarveiki hefur ekki greinst þar síðan 2002. Á þessu ára hafa 12 látist í landinu vegna lömunarveiki, þar af 10 börn. Talið er að veiran hafi borist til Tajikistan frá Indlandi þar sem lömunarveiki er landlæg. Þetta kemur fram í tilkynningu á vef landlæknisembættisins.

Þrír óku undir áhrifum fíkniefna

Lögreglan á Selfossi handtók þrjá menn í síðustu viku sem grunaðir voru um að aka undir áhrifum fíkniefna. Smávegis af fíkniefnum fundust í fórum tveggja þeirra.

Hótaði fimm lögreglumönnum lífláti

Karlmaður sem hótaði fimm lögreglumönnum ítrekað lífláti í ágúst 2008 hlaut í dag eins mánaðar skilorðsbundið fangelsi. Maðurinn sem er 26 ára gamall hótaði lögreglumönnunum í lögreglubifreið á leið frá veitingastað við Tryggvagötu í Reykjavík að lögreglustöðinni við Hverfisgötu og í fangamóttöku lögreglustöðvarinnar. Maðurinn játaði brot sitt. Hann hefur ekki áður gerst brotlegur við lög.

Íslendingur barinn til bana í Danmörku

Rúmlega fimmtugur Íslendingur lést á sjúkrahúsi í Danmörku á föstudaginn en hann hafði orðið fyrir alvarlegri líkamsárás nokkrum dögum áður. Þetta kemur fram á fréttavef DV. Þar kemur fram að maðurinn hafi legið á gjörgæslu í nokkra daga eftir árásina en hann hafi látist af sárum sínum eftir hádegi á föstudaginn.

Deila um arf til Barnaspítalans

Barnaspítalasjóður Hringsins hefur stefnt Landspítalanum vegna ágreinings um arf. Upphaf málsins má rekja til þess að kona ánafnaði Barnaspítalanum eignir. Þegar skipta átti upp búinu samkvæmt erfðarskrá hennar kom hins vegar upp ágreiningur um hvort Barnaspítalasjóður Hringsins sem er í umsjá mannúðarfélags Hringsins ætti ráðstafa eigninni eða hvort því ætti að vera ráðstafað af Landspítalanum.

Eyjafjallajökull lagði sænskt flugfélag

Eyjafjallajökull hefur nú lagt fyrsta flugfélagið að velli. Það er lítið sænskt flugfélag Flyglinjen sem stofnað var í febrúar.

Starfsmaður Dominos dæmdur sekur

Fyrrverandi verslunarstjóri hjá Dominos Pizza í Reykjanesbæ var í dag fundinn sekur í Héraðsdómi Reykjaness fyrir að hafa stolið frá fyrirtækinu í apríl fyrir tveimur árum. Um er að ræða konu á þrítugsaldri sem sló eign sinni á söluhagnað upp á 161.709 krónur sem hún átti að fara með í banka.

Andrés aðstoðar Álfheiði

Andrés Ingi Jónsson hefur tekið við sem aðstoðarmaður Álfheiðar Ingadóttur heilbrigðisráðherra. Hann mun leysa Lísu Kristjánsdóttur af, sem fer í fæðingarorlof – en hún á von á sínu þriðja barni á næstu vikum.

Vill alþjóðadómstól fyrir sjóræningja

Öryggisráð Sameinuðu þjóðanna vill skerpa löggjöf gegn sjóránum og meðal annars skoða þann möguleika að leiða sjóræningja fyrir alþjóðadómstóll.

Bankaráð hætti við að hækka laun seðlabankastjóra

Pétur Blöndal, þingmaður Sjálfstæðisflokksins, vill að bankaráð Seðlabankans hætti við að hækka laun seðlabankastjóra um rúmar 400 þúsund krónur á mánuði. Hann telur eðlilegt að ráðið fresti þess í stað að hækka launin í 1-2 ár.

Nauðlenti eftir árás farþega

Flugstjóri farþegaþotu Estonian Air ákvað að nauðlenda á Arlanda flugvelli í Stokkhólmi í gær eftir að norskur farþegi réðist á áhöfnina.