Umhverfisráðherra Danmerkur er föst fyrir

Connie Hedegaard umhverfisráðherra Danmerkur sagði í dag að jafnvel efasemdarmenn yrðu að viðurkenna að ef jörðin eigi að hýsa níu milljarða manna um miðja þessa öld, verði mannkynið að finna skynsamlegri leiðir til þess að takast á við fjölgun sína.

Borgarleikhúsið frumsýnir Enron í september

Borgarleikhúsið ætlar að frumsýna Enron leikritið í september á næsta ári. Magnús Geir Þórðarson leikhússtjóir segir að leikhúsið hafi tryggt sér sýningarrétt um leið og verkið hafi verið sýnt erlendis.

Heimsins stærsta jólatré

Mexíkóborg státar af hæsta jólatré í heimi. Það er hvorki meira né minna en 367 feta hátt. Vart þarf að taka það fram að þetta er gervijólatré.

Varamaður tekur sæti Atla Gíslasonar á þingi

Atli Gíslason, þingmaður Vinstri hreyfingarinnar græns framboðs, hefur tekið sér leyfi frá þingstörfum um stundarsakir. Varamaður hans, Arndís Sigurðardóttir, tók sæti á Alþingi í dag.

Mannskætt ferjuslys

Að minnsta kosti 45 manns fórust þegar drekkhlaðin fólksferja lenti í árekstri við lítið flutningaskip við strendur Bangladesh um helgina.

Hagaskóli: Kennsla með eðilegum hætti á morgun

Kennsla mun fara fram með eðlilegum hætti í Hagaskóla á morgun en rýma þurfti skólann og aflýsa skólahaldi rétt fyrir klukkan tvö í dag þegar kveikt var í heimatilbúinni reykbombu á salerni drengja í skólanum. Sesselja Ingibjörg Jósefsdóttir skólastjóri segir að allar áætlanir hafi virkað sem skyldi og að rýming skólans hafi gengið vel. Slökkvilið og lögregla komu á vettvang og er nú verið að vinna úr þeim vísbendingum sem fyrir liggja í málinu. Engar skemmdir urðu þegar eldurinn kom upp en aðallega var um reyk að ræða.

Egyptar banna huliðsklæðnað kvenna

Miklar deilur hafa risið í Egyptalandi eftir að stjórnvöld þar hafa með fulltingi áhrifamikils kennimanns ákveðið að banna flíkina niqab í skólum og í nokkrum starfsgreinum.

Lögreglan hvetur fólk til að passa upp á bifreiðar sínar

Brotist var inn í tvær bifreiðar á höfuðborgarsvæðinu í morgun. Annars vegar var brotist inn í bíl við Egilshöll og þaðan stolið staðsetningartæki. Þá var brotist inn í bifreið við Víkurhvarf í Kópavogi og þaðan stolið bílahljómflutningstækjum. Lögreglan á höfuðborgarsvæðinu varar eigendur og umráðamenn ökutækja við því að skilja verðmæti eftir í bílum.

Minnast árásarinnar á Perluhöfn

Bandaríkjamenn minnast þess að þennan dag árið 1941 gerðu japanar árás á flotastöðina í Pearl Harbour á Hawaii eyjum. Með því hófst þáttaka Bandaríkjanna í síðari heimssturjöldinni.

Steinunn Valdís hlaut heilahristing þegar hún rann á svelli

Steinunn Valdís Óskarsdóttir hlaut heilahristing þegar að hún datt á hálkubletti í nágrenni við heimili sitt í gær. „Ég var bara úti að ganga með hundinn í gær. Það er svona þegar hitinn er við frostmark og það koma svona svellbunkar. Ég var að fara yfir brekkulækinn þar sem ég bý og lenti þá á einhverjum svona svellbunka og flaug á hausinn,“ segir Steinunn Valdís.

Hagaskóli rýmdur vegna reyksprengju

Rýma þurfti Hagaskóla eftir hádegi í dag þegar að reyksprengju var kastað inn á salerni í skólanum. Að sögn slökkviliðsmanna kom smá eldur upp vegna reyksprengjunnar en greiðlega gekk að slökkva hann. Skólar á höfuðborgarsvæðinu hafa að undanförnu verið að æfa rýmingaráætlanir við eldsvoða og var slíkri áætlun fylgt eftir í þessu tilfelli.

Aldraðir sjálfstæðismenn harma niðurskurð velferðarkerfisins

Halldór Blöndal, fyrrverandi forseti Alþingis og ráðherra, var á dögunum kjörinn formaður Samtaka eldri sjálfstæðismanna. Hann tekur við embættinu af Salóme Þorkelsdóttur sem víkur úr stjórn. Með Halldóri í stjórn eru nú þau Styrmir Gunnarsson varaformaður, Lilja Hallgrímsdóttir, Sigríður Sveinsdóttir , Guðmundur Hallvarðsson, Einar Þorbjörnsson, Margrét S. Einarsdóttir, Guðrún V. Haraldsdóttir og Sveinn Scheving.

Útsýni framtíðarinnar?

Það má deila um hvort loftslag á jörðinni sé að breytast af mannavöldum. Og það er svosem verið að deila um það í Kaupmannahöfn þessa dagana.

Fréttabann á mótmæli í Teheran

Stjórnvöld í Íran hafa rofið farsímasamband við miðborg Teherans þar sem lögreglan tekst á við stúdenta á sérstökum degi þeirra.

Jólin nálgast í Prag

Aðventan er nú haldin hátíðleg um allan hinn kristna heim. Og það er víðar en á Íslandi sem hún tengist jólaversluninni.

Fjölskylduhjálpin úthlutar allt að 1200 fjölskyldum jólaaðstoð

Jólaúthlutun Fjölskylduhjálpar Íslands fer fram dagana 9., 16. og 21.desember frá klukkan þrjú til sex að Eskihlíð 2 - 4 í Reykjavík.

Afgreiðsla Icesave málsins í uppnámi

Ásta Ragnheiður Jóhannesdóttir, forseti Alþingis, frestaði þingfundi nú rétt eftir klukkan hálfteitt vegna ágreinings um túlkun á samkomulagi meirihluta og minnihluta um lausn á Icesave deilunni á Alþingi. Var fundi frestað um fimm mínútur eftir að Höskuldur Þórhallsson sté í pontu og lýsti yfir megnri óánægju með framgang málsins.

Safna liði gegn vágesti í Kaupmannahöfn

Lars Lökke Rasmussen forsætisráðherra Danmerkur sagði við setningu Loftslagsráðstefnu Sameinuðu þjóðanna að ekki færri en 110 þjóðarleiðtogar komi til ráðstefnunnar sem stendur í hálfan mánuð.

Yfir 350 ræður haldnar í Icesave

Lokaspretturinn í annarri umræðu um Icesavefrumvarp ríkisstjórnarinnar hefst í hádeginu á Alþingi. Atkvæði verða greidd um frumvarpið á morgun. Haldnar hafa verið yfir 350 ræður og gerða meira en 2.000 athugasemdir í málinu.

Safna fyrir mæðrastyrksnefnd

Sjálfstæðiskonur um land allt hafa tekið höndum saman og efna til söfnunar fyrir Mæðrastyrksnefndir. Söfnunin, Tökum höndum saman - styðjum barnafjölskyldur í vanda, hefst í dag til 20. desember 2009.

Tölvupóstsamskipti Indriða við AGS á lista yfir trúnaðargögn

Tölvupóstsamskipti Indriða H. Þorlákssonar við Mark Flanagan og Franek Rowzadowski, sem fara með mál Íslands hjá Alþjóðagjaldeyrissjóðnum, er á lista sem birtur var yfir trúnaðargögn vegna Icesave frumvarpsins um það leyti sem málið var lagt fyrir þingið.

HIV sýkti konuna með saumnál

Maður á Nýja Sjálandi hefur viðurkennt að hafa sýkt eiginkonu sína af HIV með því að nota saumnál til þess að blanda eigin blóði við hennar. Hann stakk hana með blóðugri nálinni meðan hún svaf.

Hafa áhyggjur af atgervisflótta flugumferðastjóra

Félag íslenskra flugumferðarstjóra lýsir áhyggjum af afleiðingum atgervisflótta sem sé brostinn á í atvinnugreininni.

Bretar reiðast á 8:22

Bretar eru að meðaltali átta mínútur og 22 sekúndur að missa stjórn á skapi sínu.

Játar að ekkert sé vitað um bin Laden

Varnarmálaráðherra Bandaríkjanna viðurkenndi í viðtali við ABC-sjónvarpsstöðina að engar upplýsingar um felustað Osama bin Laden hafi legið fyrir svo árum skiptir.

Semja um auknar flugsamgöngur við Japan

Bandaríkjamenn og Japanar leggja nú lokahönd á samning um aukna samvinnu í flugsamgöngum sem einkum beinast að því að létta hömlum og takmörkunum af umferð bandarískra flugfélaga um japanska flugvelli, einkum Narita-flugvöllinn í Tókýó en lendingar- og flugtaksleyfi á honum eru ákveðin af japönskum stjórnvöldum.

Umfangsmikil leit að hjólastólamanninum

Bandaríski fanginn Arcade Comeaux, sem var bundinn við hjólastól en flúði á harðahlaupum úr fangaflutningabíl í Texas fyrir helgina og fréttastofan greindi frá, er kominn á lista bandarískra löggæsluyfirvalda yfir fimmtán skæðustu strokufanga landsins sem laganna armur vill helst ná til.

Myrti unnustuna og fór á krá

Kráargestur á fimmtugsaldri, sem sat að drykkju á krá í Óðinsvéum í Danmörku í gær, kom að máli við barþjón á staðnum og bað hann að kalla til lögreglu þar sem gesturinn hefði orðið unnustu sinni að bana um helgina með ítrekuðum höggum og spörkum.

Morales áfram forseti Bólivíu

Sitjandi forseti Bólivíu, Evo Morales, náði endurkjöri í forsetakosningunum sem haldnar voru í landinu í gær. Hlaut Morales 60 prósent atkvæða og gjörsigraði andstæðing sinn, Manfred Reyes Villa.

Loftslagsráðstefna SÞ hefst í dag

Loftslagsráðstefna Sameinuðu þjóðanna hefst í Kaupmannahöfn í dag en hana sækja um það bil 15.000 fulltrúar 192 þjóðríkja og nálægt eitt hundrað þjóðarleiðtogar.

Brown sker niður um 12 milljarða punda

Breski forsætisráðherrann Gordon Brown hyggst skera útgjöld hins opinbera niður um 12 milljarða punda, jafnvirði um 2.400 milljarða króna, á fjögurra ára tímabili, en fjárlög ársins 2010 verða rædd á breska þinginu á miðvikudaginn.

Fjórði meirihlutinn fæddur í Grindavík

Nýr meirihluti Sjálfstæðisflokks, Samfylkingar og Vinstri grænna var myndaður í bæjarstjórn Grindavíkur í gærkvöldi. Ólafur Örn Ólafsson verður bæjarstjóri á ný, en hann lét af því starfi í fyrrasumar þegar meirihlutasamstarf Sjálfstæðisflokks og Samfylkingar rofnaði.

Hagsmunasamtökin undrast dóm

Hagsmunasmtök heimilanna undrast mjög þann dóm Héraðsdóms Reykjavíkur nýverið, að fjármögnunarfyrirtæki hafi verið heimilt að gefa út skuldabréf, tilgreint í íslenskum krónum, með gengistryggingu við erlenda gjaldmiðla.

Mikið tjón í bruna í Waldorfskóla

Miklar skemmdir urðu á þremur skólastofum við Waldorfskólann að Hraunbergi þegar þrír fimmtán ára piltar kveiktu þar í laust fyrir miðnætti. Þrátt fyrir að slökkvistarf gengi vel er tjónið mikið.

Þrjár kærur vegna Suðvesturlínu

Þrjár kærur hafa borist Umhverfisráðuneytinu vegna ákvörðunar Skipulagsstofnunar að ekki skuli fara fram sameiginlegt mat á umhverfisáhrifum Suðvestur­línu og tengdra framkvæmda.

Þurfa 1.875 upprunavottorð

Norskir útflytjendur standa nú frammi fyrir því að útflutningur á óverulegu magni af fiski getur kallað á gríðarlegt flóð vottorða vegna hertra reglna Evrópusambandsins. Þetta kemur til vegna tilrauna til þess að stemma stigu við ólöglegum fiskveiðum.

Dómi amfetamínstúlku áfrýjað

Ákæruvaldið hefur áfrýjað til Hæstaréttar sýknudómi yfir stúlku sem var ákærð fyrir að hafa með framburði fyrir lögreglu og fyrir dómi leitast við að koma því til leiðar að fjórir menn yrðu sakaðir um kynferðisbrot gegn henni. Stúlkan var sýknuð af ákæru þessa efnis í Héraðsdómi Reykjavíkur í haust.

Skilaboð til Kaupmannahafnar

Umhverfis- og mannréttindasamtök víða um heim standa fyrir viðburði laugardaginn 12. desember til að undirstrika mikilvægi Kaupmannahafnarfundarins, ráðstefnu Sameinuðu þjóðanna um loftslagsmál, sem hefst í dag og stendur til 18. desember. Vonir standa til að viðburðurinn verði sá stærsti í tengslum við þetta málefni frá upphafi. Þúsund samkomur í níutíu löndum hafa þegar verið skipulagðar, þar af tvær á Íslandi.

Fjörutíu milljónir í samgöngumiðstöð

Opinbera hlutafélagið Flugstoðir hefur eytt 38 milljónum króna í undirbúning samgöngumiðstöðvar við Reykjavíkurflugvöll síðan 2007.

Þriðja hver sería reyndist hættuleg

Þriðja hver jólasería er hættuleg, samkvæmt nýrri könnun Evrópusambandsins. Kannaðar voru nær 200 seríur í öllum verðflokkum í fimm löndum, Hollandi, Þýskalandi, Ungverjalandi, Slóveníu og Slóvakíu. Seríurnar féllu margar á ýmiss konar öryggisprófunum sem gerðar voru, algengasti gallinn voru lélegar leiðslur í snúrunum og hætta á ofhitnun af ýmsum ástæðum.

Stuðningur til framtíðar

Velunnarar kvenna­deildar Landspítala Háskólasjúkrahúss hafa ákveðið að stofna styrktar­­félag sem ætlað er að styrkja alla þætti kvennadeildarinnar.

Fækkun þyrla afleitur kostur

„Mér finnst þetta afleitur kostur. Ef af verður er þetta það alvarlegt mál að ég mun kynna það ríkisstjórn. Ég vil skoða alla aðra möguleika áður en gripið verður til þessa ráðs og hef þegar óskað eftir minnisblaði frá Landhelgisgæslunni um þetta,“ segir Ragna Árnadóttir dómsmálaráðherra um þá hugmynd að fækka þyrlum Landhelgisgæslunnar úr þremur í tvær.

Þjónusta við langveik börn aukin

Stuðnings- og nærþjónusta við langveik börn og börn sem greind hafa verið með ofvirkni og athyglisbrest (ADHD) verður aukin með nýjum samstarfssamningi ráðuneyta og sveitarfélaga um tilrauna­verkefni í þessu skyni til þriggja ára. Samningur­inn var undiritaður í síðustu viku. Áttatíu milljónir króna renna til verkefnisins árið 2009. Fjárhæðinni er skipt milli félags- og tryggingamálaráðuneytis, mennta- og menningarmálaráðuneytis og heilbrigðisráðuneytis en samstarfssamningurinn er milli þessara ráðuneyta og Sambands íslenskra sveitarfélaga fyrir hönd sveitar­félaga í landinu.

Íslensk hross send til Mexíkó í fyrsta sinn

Sjö folöld eru nú á leiðinni frá Íslandi til Mexíkó. Þetta ungviði er fyrstu íslensku hrossin sem flutt eru héðan þangað til lands. Þau eru í löngu og ströngu ferðalagi, því það tekur að minnsta kosti tíu daga með hvíldar­stoppum.

Óeirðir í Grikklandi til minningar um látinn pilt

Óeirðir hafa brotist út milli lögreglu og mótmælenda í Grikklandi þar sem fólk minnist þess að ár er liðið frá því að lögregla skaut fimmtán ára pilt til bana í einhverjum mestu óeirðum sem hafa orðið í Grikklandi í áratugi.