Borgarleikhúsið frumsýnir Enron í september

Borgarleikhúsið ætlar að frumsýna Enron leikritið í september á næsta ári. Magnús Geir Þórðarson leikhússtjóri segir að leikhúsið hafi tryggt sér sýningarrétt um leið og verkið hafi verið sýnt erlendis.

„Það fer á fjalirnar í byrjun september á næsta ári og fer í æfingu í vor," segir Magnús Geir. Hann segir að Eiríkur Örn Norðdahl þýði verkið en ekki hafi verið samið við neina leikara.

Eins og fram kom á Vísi fyrr í dag hefur Enron verið sýnt í leikhúsi í Bretlandi um skeið en það verður frumsýnt á Broadway næsta vor.