Afi í átján mánaða fangelsi

Hæstiréttur staðfesti átján mánaða fangelsisdóm yfir afa stúlku sem hann misnotaði og braut gróflega gegn trúnaðartrausti hennar. Stúlkan er fædd 1994. Afi stúlkunnar var sakfelldur fyrir að hafa í fjögur skipti þuklað innan- og utanklæða á brjóstum hennar, rassi og kynfærum. Þá strauk hann einnig rass hennar utanklæða.

Frjálslyndir íhuga að stefna Ólafi F. og borgarstjóra

„Frjálslyndir þurfa líklega að stefna borgastjóra og Ólafi,“ segir í tilkynningu á heimasíðu Frjálslynda flokksins sem þar birtist í dag. Framkvæmdarstjórn flokksins segist hafa fregnað að innri endurskoðun borgarinnar hafi komist að þeirri niðurstöðu að það leiki verulegur vafi á því hvert styrkir til stjórnmálaflokka skuli renna.

Drengurinn fer aftur til ömmu: „Þetta er bara ólýsanlegt“

„Við erum að fá hann hingað heim,“ segir Helga Elísdóttir, amma níu ára drengs sem hún hefur barist fyrir að fá aftur. Nú hefur Félags- og tryggingamálaráðuneytið úrskurðað að drengurinn skuli vera hjá ömmu sinni þar til dómur fellur í máli móður hans um það hvort hún fái að halda forræði yfir honum.

Lengra skilorð fyrir heimilisofbeldi

Hæstiréttur staðfesti dóm yfir karlmanni sem misþyrmdi fyrrverandi sambýliskonu sinni og börnum hennar. Maðurinn réðist meðal annars á konuna í apríl 2007 þegar hún hélt á ungum syni þeirra. Þá snéri hann upp á höndina hennar með þeim afleiðingum að hún fingurbrotnaði.

Stjórnarflokkarnir funda um skattahækkanir

Þingflokkar stjórnarflokkanna koma saman í kvöld til að ræða breytingar á skattkerfinu og fyrirhugaðar skattahækkanir en milljarða hækkanir á sköttum eru sagðar í pípunum. Meðal þess sem ríkisstjórnin hefur til skoðunar er mismunandi tekjuskattsþrep.

Grannt fylgst með rússnesku olíuskipi

Landhelgisgæslan fylgist grannt með olíuskipinu Urals Star sem er á siglingu 12 mílur suður af Dyrhólaey með 106 þúsund tonn af hráolíu innanborðs. Fylgst er með skipinu eftirlitsbúnaði stjórnstöðvar Landhelgisgæslunnar enda afar viðkvæmur farmur um borð sem myndi valda miklum skaða ef eitthvað færi úrskeiðis, að fram kemur í tilkynningu frá Landhelgisgæslunni.

Gjaldfrjáls bólusetning

Álfheiður Ingadóttir, heilbrigðisráðherra, hefur tilkynnt að bólusetning gegn svínaflensunni, eða H1N1 inflúensunni, verði öllum að kostnaðarlausu. Heilbrigðisráðherra hefur þegar tilkynnt viðkomandi stofnunum ákvörðun sína, en einstaklingar þurfa hvorki að greiða fyrir komu á heilsugæslu né fyrir sjálft bóluefnið. Allir landsmenn geta pantað tíma á heilsugæslustöðvum fyrir bólusetningu gegn svínaflensu frá og með næsta mánudegi.

Borgarfulltrúar borgi sjálfir fyrir laxveiði- og leikhúsferðir

Ólafur F. Magnússon, borgarfulltrúi, hyggst leggja til á næsta borgarstjórnarfundi að borgarfulltrúar greiði úr eigin vasa fyrir laxveiði- og leikhúsferðir sem þeim er boðið í sem kjörnum fulltrúum.

Fjórir á gjörgæslu vegna svínaflensu

28 sjúklingar eru inniliggjandi á Landspítala með svínaflensu eða H1N1 inflúensuna. Þar af eru fjórir sem haldið er á gjörgæslu. Síðasta sólarhringinn voru þrír sjúklingar útskrifaðir af spítalanum eftir að hafa verið inniliggjandi vegna svínaflensu. Þetta kemur fram í tilkynningu frá farsóttarnefnd spítalans.

Norðmenn óttast vanskapaða risaþorska

Norskir fiskimenn eru óttaslegnir vegna vanskapaðra risaþorska sem hafa verið að koma í net þeirra í Lyngenfirði undan Tromsö.

SUS: Sjálfstæðisflokkurinn biðjist afsökunar

Samband ungra sjálfstæðismanna telur að Sjálfstæðisflokkurinn verði að biðjast afsökunar á sínum þætti í því að hafa stóraukið ríkisútgjöld á síðustu árum. Stjórn SUS telur að vel sé hægt að spara í rekstri ríkisins þannig að hægt verði að ná fram raunhæfum fjárlögum án skattahækkana og án þess að það komi verulega niður á velferðar-, heilbrigðis- eða menntakerfinu. Þetta er meðal þess sem fram kemur í tilkynningu frá SUS.

Íslensk kona í framboði í Kaupmannahöfn

Það verður íslenskur bragur yfir borgarstjórnarkosningum í Kaupmannahöfn sem haldnar verða þann 17. nóvember næstkomandi en hin 26 ára Iðunn Haraldsdóttir er í framboði fyrir Enhedslistann í Kaupmannahöfn. Það er rauð-grænt framboð og í ætt við Vinstri græna hér á landi.

Jörðin ferst ekki 2012 -NASA

Geimferðastofnun Bandaríkjanna NASA hefur séð ástæðu til þess að fullvissa fólk um að endalok jarðarinnar verði ekki tuttugasta og fyrsta desember árið 2012.

Ragna vill auka framlög til dómstóla

Ragna Árnadóttir, dóms- og mannréttindaráðherra, hefur lagt til að fjárframlög til héraðsdómstóla verði aukinn og að héraðsdómurum verði fjölgað. Brýnt sé að bregaðast við vandann sem blasir við dómstólum. Þetta kom fram á þingfundi í dag.

Síðasti bæjarstjórnarfundur bæjarstjórans

Jóna Kristín Þorvaldsdóttir, bæjarstjóri í Grindavík, sat sinn síðasta bæjarstjórnarfund í gærkvöldi en hún tekur við sem sóknarprestur í Kolfreyjustaðarprestakalli um næstu mánaðarmót. Ekki hefur verið greint frá því hver verður eftirmaður Jónu Kristínar í embætti bæjarstjóra.

Sveitafélög á Suðurnesjum í samstarf með Umferðarstofu

Sveitarfélög á Suðurnesjum skrifuðu undur samstarfssamning við Umferðarstofu um gerð umferðaröryggisáætlunar sem miðar að auknu umferðaröryggi í bæjarfélögunum og virkjar sem flesta hagsmunaaðila til þátttöku.

Lækkunin setur fjármögnun framkvæmda í uppnám

Lækkun á lánshæfismati Orkuveitu Reykjavíkur niður í ruslflokk setur fjármögnun framtíðar framkvæmda í uppnám. Þetta segir forstjóri Orkuveitunnar. Þetta hefur þó ekki áhrif á lán Evrópska fjárfestingabankans til orkuveitunnar. Höskuldur Kári Schram

Gömul skinnhandrit ekki lengur í Þjóðmenningarhúsinu

Óvíst er hvenær gömul skinnhandrit sem hafa verið til sýnis í Þjóðmenningarhúsi, verða sýnd þar að nýju. Handritin voru tekin þaðan um miðjan október, vegna framkvæmda í Þjóðmenningarhúsinu.

Ólafur spyr um veiðiferðir borgarfulltrúa

Ólafur F. Magnússon óskar þess á fundi borgarráðs í dag, að fá svör við því hverjir borgarfulltrúa hefðu þegið boð um veiði í Elliðaánum á kjörtímabilinu. Þá spyr hann einnig um kostnað vegna laxveiðinnar, enn fremur um boðsferðir borgarfulltrúa í leikhús og fleira. Meðal þess sem Ólafur vill að komi fram í dagsljósið er hversu mikið borgarfulltrúarnir þyrftu annars að greiða úr eigin vasa fyrir þessi hlunnindi.

Mælti fyrir lögum um þjóðaratkvæðagreiðslur

Jóhanna Sigurðardóttir, forsætisráðherra, mælti á Alþingi í dag fyrir frumvarpi um þjóðaratkvæðagreiðslur. Frumvarpið var flutt á síðasta þingi en það var ekki afgreitt sem lög.

Á annað hundrað DVD myndum stolið

Brotist var inn í bíl í Árbæ í gær og úr honum stolið tveimur GPS-tækjum, DVD spilara og tösku sem í voru á annað hundrað DVD myndir.

Sakar bæjaryfirvöld um að reisa grjótgarð á einkalandi

Bóndinn og áhugaleikarinn Helgi Andersen á Þórkötlustöðum í Grindavík hefur sent formlegt erindi til bæjarstjórnar Grindavíkur vegna grjótgarðs sem yfirvöld reistu á landi hans.

Fullviss um að Bæjarins besta hafi verið mörgum til ánægju

Héraðsfréttablaðið Bæjarins besta á Ísafirði fagnar 25 ára afmæli sínu þessa dagana. „Þeir sem að Bæjarins besta standa eru þess fullvissir, að útgáfa blaðsins í aldarfjórðung hafi verið Vestfirðingum og mörgum öðrum til ánægju, gagnsemi og fróðleiks. Undirtektirnar hafa sýnt það. Fyrir þær skal þakkað sérstaklega á þessum tímamótum,“ segir í tilkynningu frá blaðinu.

Forbes: Obama valdamesti maður jarðar

Forbes tímaritið bandaríska hefur tekið saman lista yfir 67 valdamestu einstaklina jarðarkringlunnar. Á toppi listans trónir Barack Obama bandaríkjaforseti og í öðru sæti er kollegi hans í Kína, Hu Jintao. Þriðja sætið vermir síðan Vladimir Putin, forsætisráðherra Rússlands og fyrrverandi forseti og í því fjórða er Ben S. Bernanke, seðlabankastjóri Bandaríkjanna.

Draumur vinstrimanna að hækka loksins skatta

„Það getur vel verið að þetta sé hinn tæri draumur vinstrimanna að komast núna loksins í það að hækka almennilega skatta. Stóra einstaka málið er þó það sem ég bið stjórnarmenn að hugsa að hér um að ræða málfrelsi í þinginu,“ sagði Guðlaugur Þór Þórðarson, þingmaður Sjálfstæðisflokksins, í umræðum um störf Alþingis í dag.

Sjálfstæðismenn farnir að spyrja alvöru spurninga

Sigmundur Ernir Rúnarsson, þingmaður Samfylkingarinnar, sagði á Alþingi í dag ánægjulegt að sjálfstæðismenn væru farnir að spyrja alvöru spurninga varðandi ráðningar hjá hinu opinbera. Í umræðum um ráðningar í ráðuneytin án auglýsingar sagði Eygló Harðardóttir, þingmaður Framsóknarflokksins, flokk sinn og aðra flokka sem sátu í ríkisstjórn á árum áður ekki hafa verið til fyrirmyndar í þessum efnum.

Segir hugsanlegt fósturforeldri lofa hvolpi

„Hún er búin að lofa honum hvolpi,“ segir Helga Elísdóttir, amma níu ára drengs sem átti að senda í fóstur á föstudaginn af Barnaverndarnefnd Reykjavíkur. Lögfræðingur Helgu, Dögg Pálsdóttir, kvartaði hinsvegar undan málsmeðferðinni og því hefur verið frestað að senda drenginn í fóstur. Að sögn Helgu þá er drengurinn núna í neyðarvistun í Reykjavík. Sjálf fær hún aðeins að umgangast hann í einn og hálfan tíma.

Réttað yfir sjóðsstjóra og miðlara

Aðalmeðferð er hafin í máli Ríkislögreglustjóra gegn sjóðstjórnanum Daníels Þórðarsonar og verðbréfamiðlaranum Stefni Inga Agnarssonar fer nú fram í Héraðsdómi Reykjavíkur. Mennirnir störfuðu fyrir Kaupþing. Þeir hafa verið ákærðir fyrir að hafa sett inn kauptilboð í skuldabréfaflokk Exista alls sex sinnum frá janúar til febrúar á síðasta ári.

Fjárhagsstaða dómstóla rædd á þingi

Fjárhagsstaða dómstóla verður rædd í umræðu utan dagskrár á Alþingi í dag að beiðni Ólafar Nordal, þingmanns Sjálfstæðisflokksins. Til andsvara verður Ragna Árnadóttir, dómsmálaráðherra. Umræðan hefst klukkan 13:30.

Tyson handtekinn enn á ný

Hnefaleikameistarinn fyrrverandi, Mike Tyson, var handtekinn á flugvellinum í Los Angeles í gær eftir að til átaka kom milli hans og ljósmyndara.

Sonur Escobars biðst afsökunar

Sonur kókaínbarónsins Pablo Escobar segist harma afbrot föður síns.

Kínverjar reka ólögleg fangelsi

Kínverjar reka fjölda ólöglegra fangelsa í hótelum, hjúkrunarheimilum og geðsjúkrahúsum í ríkiseigu. Mannréttindasamtökin Human Rights Watch greina frá þessu og byggja upplýsingarnar á viðtölum við 38 manns sem verið hafa í haldi í slíkum fangelsum.

Skátaforingi hafði mök við barn

Danskur fyrrverandi skátaforingi á fertugsaldri hefur verið dæmdur í níu mánaða fangelsi fyrir að hafa kynmök við skátastúlku undir lögaldri en brotin áttu sér stað frá því að stúlkan var 13 ára og þar til hún varð 15 ára.

Vafasamur ljósmyndari í Bretlandi

Breskur dómstóll hefur bannað þrítugum manni að bera myndavél á almannafæri í tvö ár auk þess sem honum er gert að sinna samfélagsþjónustu í eitt ár.

Afhentu Svandísi hvirfilbyl

Fulltrúar Breytenda, ungliðahreyfingar Hjálparstarfs kirkjunnar, afhentu Svandísi Svavarsdóttur umhverfisráðherra, undirskriftir sem hreyfingin safnaði undir yfirskriftinni hlýnun jarðar er mannréttindamál. Undirskriftunum hafði verið safnað á íspinnaprik við ýmsa gjörninga og atburði í sumar og haust og úr þeim var byggður hvirfilbylur sem er táknrænn fyrir þann vanda sem steðjar að jörðinni, verði ekkert að gert.

Milljarðar í bónusa í varnarmálaráðuneyti

Starfsfólk breska varnarmálaráðuneytisins hefur fengið 47 milljónir punda, jafnvirði tæpra tíu milljarða króna, í bónusgreiðslur það sem af er yfirstandandi fjárhagsári.

Flughált á Fjarðarheiði

Á Austurlandi, er flughált á Fjarðarheiði og víða hálka eða hálkublettir inn til landsins þótt autt sé með ströndinni. Á Vesturlandi er hálka á Holtavörðuheiði og í Miðdölum en hálkublettir víðar.

Ræður Obama frá því að auka við herliðið í Afganistan

Sendiherra Bandaríkjanna í Kabúl hefur skrifað Bandaríkjaforseta bréf þar sem lagst er gegn því að auka við liðssöfnuð bandaríska hersins í Afganistan. Bréfinu hefur verið lekið til fjölmiðla en sendiherrann, Karl Eikenberry lýsir einnig efasemdum sínum um að Hamid Karzai forseti landsins og ríkisstjórn hans séu hæf til starfans.

Oftar verði gripið til brottvísunar

Lögreglan á höfuðborgarsvæðinu og Útlendingastofnun hafa stillt saman strengi og sameinast um skilning á þeim ákvæðum laga um útlendinga sem snúa að heimildum til að vísa fólki úr landi leiki grunur á að það hafi í hyggju að fremja lögbrot.

Þekktir fyrir ofbeldisverk hér á landi

Menn í hópi fimm Litháa sem enn sitja í gæsluvarðhaldi vegna rannsóknar lögreglu á skipulagðri glæpastarfsemi hér, þar á meðal mansali, eru þekktir að ofbeldisverkum hér á landi. Fimmmenningarnir voru í gær úrskurðaðir í Héraðsdómi Reykjaness í áframhaldandi gæsluvarðhald til 2. desember eða í þrjár vikur til viðbótar, að kröfu lögreglustjórans á Suðurnesjum.

Stillti saman strengi

Samninganefnd Íslands í aðildarviðræðunum við Evrópusambandið kom saman til síns fyrsta fundar í Þjóðmenningarhúsinu í gær.

Nýtir skinn sem hefði annars verið fargað

Skinn af lömbum sem drepast við burð eða drepast áður en þau eru rekin á fjall eru nú nýtt í nýrri fatalínu Eggerts Jóhannssonar feldskera.

Geta greitt tæp tíu prósent

Skilanefnd Landsbankans hefur stefnt eignarhaldsfélaginu Gift vegna skulda félagsins við bankann. Viðræður hafa átt sér stað um skuldina. Fyrirtaka fór fram í málinu í gær en var frestað fram í næsta mánuð.

Ný þjófafæla er nú fáanleg

„Þjófafælurnar eru farnar að tínast út,“ segir Haukur Hannesson, framkvæmdastjóri verslunarinnar Glóeyjar sem selur nú nýtt tæki í baráttunni við innbrotsþjófa. Þetta er svokölluð FakeTV þjófafæla, sem gefur frá sér sams konar flöktandi birtu og sjónvarpstæki.

Réðust á tvo lögreglumenn

Ríkissaksóknari hefur ákært mann á þrítugsaldri fyrir að skalla lögreglumann, sem var við skyldustörf í Bankastræti, í ennið. Maðurinn játaði sök fyrir dómara í gær. Annar maður var einnig ákærður fyrir ofbeldi gegn lögreglumanni við skyldustörf. Hann mætti ekki við þingfestingu málsins í Héraðsdómi Reykjavíkur.