Slys á Miklubraut: Bláedrú handtekin fyrir ölvunarakstur

Stúlkan sem lögregla handtók í dag grunaða um ölvun við akstur eftir slys á Miklubrautinni reyndist hvorki undir áhrifum áfengis né fíkniefna, heldur þvert á móti bláedrú.

Verðandi varnarmálaráðherra Írans eftirlýstur fyrir sprengjuárás

Verðandi varnarmálaráðherra Írans er eftirlýstur af alþjóðalögreglunni, Interpol, fyrir að hafa skipulagt sprengjuárás á samkomuhús gyðinga í Argentíu fyrir fimmtán árum. Áttatíu og fimm týndu lífi í árásinni.

Icesave í þingnefnd fram yfir helgi

Fjögurra klukkustunda löngum fundi fjárlaganefndar Alþingis um Icesave-frumvarpið lauk á þriðja tímanum í dag en málinu var vísað til nefndarinnar á ný eftir að Alþingi lauk annarri umræðu um það í gærkvöldi.

Eldfossar í Súgandisey

Milli fjögur og fimm þúsund manns eru nú í Stykkishólmi þar sem fjölskylduhátíðin Danskir dagar fer fram um helgina og leikur veðrið við gesti, að sögn aðstandenda. Hámarki nær hátíðin með bryggjuballi í kvöld og flugeldasýningu úr Súgandisey við höfnina á miðnætti.

Segja töluvert um svik í forsetakosningum Afganistan

Afganskir kosningaeftirlitsmenn segja að töluvert hafi verið um svik í forsetakosningunum í Afganistan á fimmtudaginn. Evrópusambandið telur að kosningarnar hafi ekki verið að fullu fjrálsar en að mestu réttlátar.

Álfheiður Ingadóttir: Vítavert ekki viðeigandi orð í þessu samhengi

„Það hafa allir forsetar sitt mat á þessu, það er engin ein regla sem gildir þar," segir Álfheiður Ingadóttir, fimmti varaforseti Alþingis um athugasemd sína við orðaval þingmanns í gær.

Grunuð um ölvunarakstur: Var að hugsa um eitthvað annað

Ökumaður á leið Miklubraut í austurátt missti stjórn á bíl sínum klukkan rúmlega eitt í dag og hafnaði uppi á stétt hinu megin við akrein úr mótstæðri átt eftir að hafa keyrt í gegnum grindverk.

Aðgerðir öfgahóps gætu stuðlað að dreifingu erfðabreytts byggs

„Það sem þeir gera þarna, og hvernig þeir skilja við reitinn, er nákvæmlega það sem okkur ber ekki að gera" segir Björn Lárus Örvar, framkvæmdastjóri ORF Líftækni, um öfgahóp sem olli stórskemmdum á tilraunaræktun fyrirtækisins í Gunnarsholti.

„Vítavert" vítavert í sölum Alþingis

Álfheiður Ingadóttir, fimmti varaforseti Alþingis, hvatti Tryggva Þór Herbertsson, þingmann Sjálfstæðisflokksins, tvisvar til að gæta hófs í orðavali fyrir að nota orðið vítavert í máli sínu í þingsal í gærkvöld.

Tölvurefur ræðst á Náttúruverndarsamtök Íslands

Tölvuþrjótur hefur ráðist á heimasíðu Náttúruverndarsamtaka Íslands. Þegar reynt er að fara inn á síðuna birtast skilaboðin HAcked by EJDER ;) - eins konar yfirlýsing hins sigri hrósandi tölvurefs.

Vetur gerir vart við sig

Frost gerði mjög víða til landsins í nótt, bæði láglendi og hálendi. Mesta frostið á láglendi var á Þingvöllum 3,0 gráður en það stóð yfir í á fimmta tíma, eða frá klukkan ellefu í gærkvöldi til klukkan að verða fjögur í nótt þegar hitinn skreið yfir frostmark að nýju.

Snarpur skjálfti við Bárðarbungu

Jarðskjálftafræðingur á bakvakt Veðurstofu var ræstur út í nótt þegar skjálftahrina hófst í Bárðarbungu í norðanverðum Vatnajökli. Hrinan hófst um hálftvöleytið í nótt með skjálfta upp á 3,4 stig á aðeins eins kílómetra dýpi og á eftir fylgdi á annan tug skjálfta, flestir milli tvö og þrjú stig.

Steingrímur ræsti Reykjavíkurmaraþonið

Reykjavíkurmaraþonið var ræst í Lækjargötu klukkan tuttugu mínútur í níu í morgun. Metþáttaka er í hlaupinu. Fleiri en ellefu þúsund þátttakendur höfðu skráð sig í hlaup í dag, þar af 670 manns í heilt maraþon.

Fleiri gripnir dópaðir undir stýri en drukknir

Lögreglan á Suðurnesjum hafði afskipti af þremur ökumönnum grunuðum um fíkniefnaakstur í Keflavík í gærkvöld og í nótt. Einn þeirra var með sex grömm af kannabisefnum á sér, sem talið er að hafi verið til einkaneyslu.

Ísafjörður: Drukkin kona féll fimm metra í blómabeð

Lögreglan á Ísafirði var kölluð til klukkan átta nú í morgun vegna konu sem virtist vera að fara sér að voða, en hún var komin upp á húsþak í miðbænum. Lögreglumenn mættu samstundis á vettvang og reyndu að ná sambandi við konuna sem var undir miklum áhrifum áfengis.

Miðaldra kona stungin í miðbænum í morgun

Lögregla rannsakar nú líkamsárás við Barónstíg og Njálsgötu, en tilkynning um árásina barst rúmlega tíu í morgun. Að sögn lögreglu er fórnarlambið eitthvað slasað, en hugsanlega er um hnífstungu að ræða. Konan var flutt á slysadeild, en var að sögn lögreglu með meðvitund.

Birtíngur hótar að kæra Vilhjálm til siðanefndar

Framkvæmdastjóri útgáfufélagsins Birtíngs, Elín G. Ragnarsdóttir, vill að lögmaðurinn Vilhjálmur H. Vilhjálmsson biðji blaðamenn sem starfa hjá útgáfunni afsökunar á þeim orðum sínum að þeir séu síbrotamenn á sviði ærumeiðinga og annarra brota á prentlögum. Elín hótar því í fréttatilkynningu að kæra ella Vilhjálm til siðanefndar lögmannafélagsins fyrir ýmis brot.

Algjört hrun í sölu bíla til fyrirtækja

Nýskráningar fyrirtækjabifreiða hafa dregist saman um 87 prósent það sem af er ári miðað við sama tímabil árið 2007. Aðeins hafa 1.704 bílar verið skráðir á fyrirtæki en á sama tíma árið 2007 voru þeir 12.715. Sjaldgæft er að fleiri nýskráningar séu hjá einstaklingum, en þær eru 2.104 það sem af er ári. Heildarsamdráttur nýskráninga er því um 81 prósent frá árinu 2007.

Þóknun til lögmannsstofu alltof há

Þóknun sem lögmannsstofan Lögmál innheimti af brunatryggingu hjá Tryggingamiðstöðinni (TM) er tæplega sjöfalt hærri en lög gera ráð fyrir. Þetta er mat Lögmanna-félagsins og talsmanns neytenda.

Um helmingur treystir Obama

Tæpur helmingur Bandaríkjamanna, um 49 prósent þeirra sem tóku þátt í nýrri skoðanakönnun, segist trúa því að Barack Obama Bandaríkjaforseti muni taka réttar ákvarðanir.

Þrettán hundruð börn með blýeitrun

Meira en þrettán hundruð börn hafa greinst með blýeitrun vegna mengunar frá manganbræðslu í bænum Wenping í Hunan-héraði. Aðeins fáeinir dagar eru frá því hundruð manna greindust með blýeitrun vegna mengunar frá annarri verksmiðju í Kína.

Greiðslurnar tólffaldast á milli ára

Rúmlega tólf og hálfur milljarður króna var greiddur út í atvinnuleysisbætur fyrstu sex mánuði ársins. Þetta þýðir að kostnaður við atvinnuleysisbætur var rúmlega 69 milljónir á dag. Sömu sex mánuði í fyrra var rúmur milljarður greiddur út. Greiðslurnar tólffölduðust því á milli ára.

Lausn Líbíumanns vekur reiði og deilur

Bandarísk stjórnvöld hafa gagnrýnt ákvörðun dómsmálaráðherra Skotlands um að leysa Líbíumanninn Abdel Baset al-Megrahi úr haldi.

Tveir segjast vera sigurvegarar

Bæði Hamid Karzai, núverandi forseti, og Abdullah Abdullah, fyrrverandi utanríkisráðherra í stjórn Karzais, sögðust í gær sannfærðir um að hafa unnið sigur í forsetakosningunum í Afganistan sem haldnar voru daginn áður.

Íslenskt vatn á risa-skíðasvæði

Icelandic Glacial verður aðalvatnið sem selt verður á stærsta skíðasvæði Kaliforníu, Squaw-dalnum. Stofnandi Icelandic Glacial er Jón Ólafsson athafnamaður en margar af helstu skíðastjörnum heims sækja svæðið árlega. Jón Ólafsson segir, í fréttatilkynningu frá Icelandic Glacial, að það sé frábært að staður, sem sé eins fallegur og Squaw-dalurinn, hafi valið vatnið. Scott Rutter, yfirmaður matar- og drykkjar hjá hjá Squaw-dalnum, segir í sömu tilkynningu að dalurinn séu stoltur af því að geta boðið gestum sínum upp á alvöru ískalt vatn eins og Icelandic Glacial.

Mikill fjöldi fluttur frá Íslandi

Rúmlega fimmtán hundruð fleiri fluttust frá landinu en til þess á fyrstu sex mánuðum ársins. Á sama tíma í fyrra höfðu 2.674 fleiri flutt til landsins en frá því.

Bílaumferð eyðileggur kynlífið

Bílaumferð virðist hafa afar slæm áhrif á kynlíf trjáfroska sem búa í námunda við borgir og bæi í Ástralíu. Ný rannsókn hefur leitt í ljós að umferðarniðurinn drekkir lostafullu kvakki karlfroskana, með hörmulegum afleiðingum.

Obama-döðlur seljast langbest

Í Mið-Austurlöndum þykja döðlur ómissandi fæða í hinum helga mánuði, ramadan, sem hefst í dag í flestum löndum múslima. Í ár seljast döðlur, sem kenndar eru við Barack Obama Bandaríkjaforseta, betur en aðrar döðlur. „Við höfum hrifist af Obama og þess vegna nefnum við bestu döðlurnar okkar í höfuðið á honum,“ segir Athif Hashim, kaupmaður í Kaíró, höfuðborg Egyptalands.

Allar breytingatillögur samþykktar

Breytingatillögur meirihluta fjárlaganefndar vegna Icesave samningsins voru allar samþykktar á Alþingi fyrir stundu. Frávísunartillaga Framsóknarflokksins var felld. Flestar breytingatillögur ríkisstjórnarinnar voru samþykktar með 51 atkvæði gegn 9, líkt og búist hafði verið við. Frávísunartillaga Framsóknarmanna var felld með 48 atkvæðum gegn 10 en 2 greiddu ekki atkvæði. Þeir sem greiddu tillögunni atkvæði voru 9 þingmenn Framsóknarflokksins og Þráinn Bertelsson, óháður þingmaður. Höskuldur Þórhallsson, þingmaður Framsóknarflokksins, tilkynnti í kjölfarið að hann drægi breytingartillögurnar sem hann lagði fram við frumvarpið, til baka til 3. umræðu.

Lausn Megrahis sögð tengjast viðskiptasamningum

Lausn Lockerbie sprengjumannsins Abdel Baset al Megrahi er sagt tengjast viðskiptasamningum milli Bretlands og Líbíu. Þessu heldur sonurr Gaddafi ofursta Líbíu fram.

Bílbruna á Laufásvegi svipar til hommaofsókna - myndband

Af öryggismyndum af dæma virðist sem brennuvargarnir sem kveiktu í Range Rover á Laufásvegi í fyrrinótt, hafi haft hraðar hendur. Ekki verður loku fyrir það skotið að hugmyndina hafi þeir fengið í myndbandi sem finna má á internetinu, þar sem kveikt er í samskonar bíl.

Obama hrósar Afgönum fyrir lýðræðislegar forsetakosningar

Barack Obama, Bandaríkjaforseti, segir að forsetakosningarnar í Afganistan séu mikilvægt skref fram á við fyrir land sem hefur búið við ofbeldi og óstöðugleika árum saman.

Skrifstofustóll tókst á loft og festist í segulómunartæki

Skrifstofustóll tókst á loft og festist inni í segulómunartæki hjá Domus Medica í gær. Sjúklingi var ekið í stólnum að tækinu, en þegar hann stóð upp af stólnum, og settist á bekk segulómunartækisins, þá greip öflugt segulsvið tækisins í stólinn sem flaug inn í opið, þar sem hann situr fastur.

Innbrotum fækkað eftir að pólskt þjófagengi var handtekið

Innbrotum á höfuðborgarsvæðinu hefur snarfækkað frá því lögreglan handtók pólskt þjófagengi sem grunað er um að hafa staðið á bak við hundruð innbrota undanfarna mánuði. Gæsluvarðhaldi yfir mönnunum var framlengt í dag.

Fimmti maðurinn handtekinn í tengslum við Íbúðalánasjóðssvindlið

Fimmti maðurinn hefur verið handtekinn í tengslum við tugmilljóna króna Íbúðalánasjóðssvindlið sem uppgötvaðist fyrr í sumar. Sex hundruð og fimmtíu þúsund krónur fundust við húsleit efnahagsbrotadeildar ríkislögreglustjóra hjá honum og pappírsgögn sem talin eru bendla hann við málið.

Lögreglan leitar þriggja Range Rover brennuvarga

Lögreglan leitar þriggja manna í tengslum við bruna í Range Rover bifreið aðfararnótt síðastliðins þrijudags. Bíllinn var í eigu þeirra Stefáns Hilmarssonar, fyrrverandi fjármálastjóra Baugs og Friðriku Hjördísar Geirsdóttur dagskrárgerðarkonu.

Harður árekstur í Breiðholti

Harður tveggja bíla árekstur varð á gatnamótum Breiðholtsbrautar og Stekkjarbakka nú á fimmta tímanum. Á tímabili var talið að klippa þyrfti fólk út úr bílunum og var því tækjabíll frá slökkviliðinu sendur á staðinn ásamt tveimur sjúkrabifreiðum. Á þessari stundu er ekki vitað hversu margir hafi slasast en samkvæmt upplýsingum frá sjúkraflutningamönnum eru meiðsl þeirra sem voru í bílunum ekki eins alvarleg og talið var í fyrstu. Einhverjar umferðartafir eru á Breiðholtsbraut vegna slyssins.

Fótbrotnaði í vélhjólaslysi

Talið er að bifhjólamaður hafi fótbrotnað þegar að hann féll af hjóli sínu á gatnamótum Borgartúns og Kringlumýrabrautar um hálfþrjúleytið í dag. Samkvæmt upplýsingum frá lögreglunni var ekki um árekstur að ræða heldur missti ökumaðurinn stjórn á hjólinu af öðrum ástæðum.

Skapaði lengsta ljóð í heimi með aðstoð Twitter

Rúmenskur vefhönnuður heldur því nú fram að hann hafi skapað lengsta ljóð í heimi. Ljóðið samanstendur af handahófskenndum Twitter skilaboðum enskumælandi notenda og er ein 364 þúsund erindi.

Lagaprófessor: Fyrirvarar öðlast gildi þegar Bretar samþykkja

„Ég skil þá að því leyti að ég myndi vilja hnykkja á þessu," segir Stefán Már Stefánsson, lagaprófessor við Háskóla Íslands, um álit InDefence hópsins varðandi Icesave fyrirvarana. InDefence lýsti í morgun áhyggjum af því að fyrirvararnir hefðu hugsanlega ekki gildi fyrir breskum dómstólum.

Borgarfulltrúar fara í leikhús þeim að kostnaðarlausu

Borgarfulltrúar fá aðgang að leiksýningum í Borgarleikhúsinu þeim að kostnaðarlausu. Þorleifur Gunnlaugsson, borgarfulltrúi VG, sem hefur gagnrýnt boð til borgarfulltrúa um laxveiði í Elliðaánum, segir að spurningin sé sú hvar mörkin liggi þegar kemur að slíkum boðum til kjörinna fulltrúa. „Hvað á að þiggja og hvað ekki?" spyr Þorleifur.

Steingrímur ræsti jarðgerðarstöð

Jarðgerðarstöð Moltu ehf. í Eyjafirði tók formlega til starfa í dag, en stöðinni er ætlað að taka á móti lífrænum úrgangi af Eyjafjarðarsvæðinu og úr Þingeyjarsýslu.

Áttræður ruglaðist á bensíngjöfinni og bremsunni

Áttræður maður missti stjórn á Subaru bifreið sinni á bílastæði Bónus á Akranesi í gærdag þegar hann steig á óvart bensíngjöfina í stað bremsunnar.

Forsetadóttir ráðin til ASÍ

Dalla Ólafsdóttur, dóttir Ólafs Ragnars Grímssonar forseta Íslands, hefur verið ráðin til lögfræðideildar Alþýðusambands Íslands. Hún hefur störf um miðjan september. Frá þessu er greint á vef ASÍ í dag.

36 tonna framtíðartæknitrukkur á Íslandi

36 tonna tæknitrukkur frá tölvurisanum IBM verður hér á landi næstu daga. Í trukknum er að finna framtíðartækni fyrirtækisins.