36 tonna framtíðartæknitrukkur á Íslandi

36 tonna tæknitrukkur frá tölvurisanum IBM verður hér á landi næstu daga. Í trukknum er að finna framtíðartækni fyrirtækisins.

Meðal þess búnaðar og lausna sem er að finna í trukknum má nefna netþjóna, sýndarvæðingarlausnir og eftirlitskerfi.

Áhugasamir geta skoðað trukkinn hjá Nýherja í Borgartúni á morgun, laugardag.

Í tilkynningu frá Nýherja er markmið komu trukksins sagt að gefa samstarfsaðilum, viðskiptavinum og áhugasömum kost á að kynna sér nýjustu lausnir frá fyrirtækinu og hver þróunin verður í búnaði frá því. Ísland mun vera fyrsta landið sem trukkurinn heimsækir eftir viðamikla uppfærslu á búnaðinum.