Vetur gerir vart við sig

Frost gerði mjög víða til landsins í nótt, bæði láglendi og hálendi. Mesta frostið á láglendi var á Þingvöllum 3,0 gráður en það stóð yfir í á fimmta tíma, eða frá klukkan ellefu í gærkvöldi til klukkan að verða fjögur í nótt þegar hitinn skreið yfir frostmark að nýju.

Næst mest varð frostið á Torfum í Eyjafjarðaveit, tvær og hálf gráða, og stóð það yfir með hléum frá klukkan eitt í nótt til klukkan sjö í morgun. Ekki frysti í höfuðborginni og varð hitinn lægstur þar klukkan eitt í nótt, 6,8 gráður.

Veður fer heldur hlýnandi og er ekki búist við teljandi næturfrosti komandi nótt nema á hálendinu.