Sjóræningjar fá að líkindum lausnargjald fyrir vopnaskip

Líklegt þykir að sómölsku sjóræningjarnir sem rændu úkraínsku skipi, fullu af gömlum skriðdrekum og alls kyns vopnum, fái greiddar 20 milljónir dollara í lausnargjald fyrir skipið. Þetta hefur CNN eftir háttsettum heimildamanni innan Bandaríkjahers.

Fangar lesa fyrir börn sín á DVD-diskum

Fangelsi í Edinborg hefur nú hleypt af stokkunum verkefni sem gerir föngum kleift að lesa sögur fyrir framan myndavél og senda börnum sínum á DVD-diski.

Áætla 70 prósent fjölgun þeirra sem missa húsnæði í Bretlandi

Samtök lánastofnana í Bretlandi áætla að fólki, sem missir húsnæði sitt vegna greiðsluerfiðleika, muni fjölga um tæplega 70 prósent á næsta ári og muni ástandið ekki hafa verið verra síðan í fjármálakreppunni þar í landi árið 1991 þegar 75.500 manns misstu heimili sín.

Barnfóstra sýknuð eftir þrjú ár í fangelsi

Breskur áfrýjunardómstóll sýknaði í gær barnfóstruna Suzanne Holdsworth sem dæmd var í lífstíðarfangelsi árið 2005 fyrir að hafa orðið tveggja ára dreng, sem hún gætti, að bana.

Jólagjöfum stolið úr bílskúr á Selfossi

Þó nokkrum jólagjöfum var stolið úr ólæstum bílskúr á Selfossi undir kvöld í gær. Þær voru þar í kössum og átti eftir að pakka þeim inn. Lögreglan bendir á að það sé ekki nóg að varast jólagjafaþjófnað úr bílum, fólk þurfi líka að læsa bílskúrum sínum. Þjófurinn er ófundinn.

Sjávarafurðir farnar að hlaðast upp vegna sölutregðu

Farið er að gæta sölutregðu á sjávarafurðum á erlendum mörkuðum og eru farnar að hlaðast upp birgðir af vissum afurðum, einkum þeim dýrustu.

Stolinn bíll kominn í leitirnar

Bíllinn, sem lögreglan á Suðurnesjum leitaði vegna rannsóknar á umsvifum þjófagengis útlendinga hér á landi, er fundinn, en grunur lék á að flytja ætti bílinn úr landi í gámi ásamt þýfi.

Indverjar koma sér upp FBI

Indverska þingið hefur samþykkt lagafrumvarp þess efnis að komið verði á fót alríkislögreglu í landinu sem starfa muni á svipaðan hátt og bandaríska alríkislögreglan FBI, það er óháð stjórnsýsluumdæmum.

Saknar nærveru Ingibjargar Sólrúnar

Ingibjörg Sólrún Gísladóttir utanríkisráðherra og formaður Samfylkingarinar er ekki viðstödd umræðu um breytingar á eftirlaunum æðsta ráðamanna þjóðarinnar. Kristinn H. Gunnarsson þingmaður sagðist sakna þess að Ingibjörg væri ekki á svæðinu.

Eftirlaunafrumvarpið gengur ekki nógu langt

Árni M. Mathiesen fjármálaráðherra lagði í kvöld fram frumvarp um breytingu á eftirlaunum forseta Íslands, ráðherra, alþingismanna og hæstaréttardómara. Lagði Árni til að frumvarpinu yrði vísað til fjárlaganefndar. Kristinn H. Gunnarsson tók til máls sagði strax í kjölfarið og sagðist hafa vorkennt fjármálaráðherra að þurfa að flytja frumvarpið fyrir hönd ríkisstjórnarinnar. Hann sagði greinilegt að Árni hefði verið að flýta sér eins mikið og hann gæti.

Kráareigendur mótmæla áfengisgjaldinu harðlega

Félag Kráareigenda mótmælir harðlega aðförum stjórnvalda að veitingastöðum með hækkun áfengisgjalda. Með þessari hækkun eru stjórnvöld að beina viðskiptum frá veitingahúsum, sem eru einkarekin fyrirtæki, til vínbúða, sem eru í eigu ríkisins. Þetta kemur fram í yfirlýsingu frá félaginu.

Við erum að falla á tíma

Grétar Mar Jónsson þingmaður Frjálslynda flokksins segir furðulegt að það þurfi frumvarp frá óbreyttum þingmanni til þess að samþykkja að farið verði í mál við breska ríkið vegna hryðjuverkalaganna sem sett voru á okkur. Fjárhagsleg fyrirgreiðsla úr ríkissjóði til málshöfðunar fyrir erlendum dómstólum var rædd á Alþingi í kvöld. Grétar segir þetta merki um rólegheit og aðgerðarleysi Ríkisstjórnarinnar í málinu.

Hagmunasamtök peningabréfa Landsbankans hitta viðskiptaráðherra

Forsvarsmenn Réttlætis.is hagsmunasamtaka til að endurheimta sparifé úr peningabréfum Landsbankans hittast á kaffi Sólon kl.10.00 í fyrramálið.

Gáttaður á meintum skattalagabrotum

Tryggvi Jónsson fyrrverandi forstjóri Baugs segir ákæru sem Ríkislögreglustjóri lagði fram í dag koma sér mjög á óvart. Ákæran snýst m.a að meintum skattalagabrotum Tryggva þegar hann var forstjóri fyrirtækisins.

Fordæma fyrirhugaðan niðurskurð til Háskóla Íslands

Ungir jafnaðarmenn fordæma fyrirhugaðan niðurskurð til Háskóla Íslands og námsmanna. Í fjárlögum sem rædd eru nú á Alþingi liggja fyrir tillögur frá menntamálaráðuneytinu um 3% flatan niðurskurð á háskóla- og framhaldsskólastiginu.

Fjárfestið frekar í menntun en að fara á atvinnuleysisbætur

Þorgerður Katrín Gunnarsdóttir menntamálaráðherra segir fólki að hugsa lengra og fjárfesta frekar í menntun en fara á atvinnuleysisbætur. Þorgerður var gestur Sölva Tryggvasonar í Íslandi í dag þar sem rædd voru málefni Háskólans og hugsanleg ráðherrastólaskipti í ríkisstjórn.

Vildi að Póst- og fjarskiptastofnun greiddi sálfræðikostnað

Forstjóri Póst- og fjarskiptastofnunar fór fram á að 400 þúsund króna sálfræðikostnaður sinn yrði greiddur af stofnunni. Í úttekt sem gerð var á rekstri hennar eru fjölmargar athugasemdir settar fram.

Svikin afhjúpuð

Ríkisskattstjóri hefur nú nöfn nær allra eigenda þeirra greiðslukorta sem skuldfærð eru af erlendum reikningum en notuð á Íslandi. Hópur fólks hefur þannig skotið tekjum undan skatti.

Grundvallarreglur um mannréttindi þverbrotnar

Jón Ásgeir Jóhannesson og þeir sem Ríkislögreglustjóri hefur ákært fyrir meint skattalagabrot hafa sent frá sér tilkynningu í kjölfar ákærunnar. Þar segir að hér sé enn á ferðinni gamla „Baugsmálið“ sem hófst með húsleit ríkislögreglustjóra hjá Baugi í ágúst 2002.

Slagveður og átta stiga hiti á aðfangadag

Það verður ekki glæsilegt jólaveðrið ef marka má spá Sigurðar „Storms“ Ragnarssonar veðurfræðings Stöðvar 2. Átta stiga hiti, rigning og hávaðarok.

Jón Ásgeir ákærður fyrir skattalagabrot

Helgi Magnús Gunnarsson settur Ríkislögreglustjóri hefur gefið út ákæru á hendur Jóni Ásgeir Jóhannessyni, Baugi Group og tengdum aðilum. Ákæran snertir meint skattalagabrot.

Teknir með rúmt kíló af kókaíni

Lögreglan á Keflavíkurvíkurflugvelli fann talsvert magn af kókaíni í Leifsstöð í vikunni. Tveir karlmenn hafa verið handteknir vegna málsins og úrskurðaðir í gæsluvarðhald.

Brá við að heyra af niðurskurði í barnageðlæknaþjónustu

Framkvæmdastjóri Geðhjálpar segir að sér hafi brugðið mjög við að heyra af fyrirhuguðum niðurskurði á þjónustu við geðsjúk börn á Akureyri.

Fimm mánuðir fyrir að ráðast á fyrrum unnustu

Karlmaður var í dag dæmdur af Hæstarétti í fimm mánaða fangelsi fyrir að hafa ráðist á fyrrum unnustu sína á heimili hennar á Akranesi 2. janúar 2008 og gripið í hár hennar, hárreytt hana og fellt í gólfið og eftir að hún hafi staðið upp tekið hana kverkataki og ýtt upp við vegg.

Hæstiréttur ómerkir átta mánaða fangelsisdóm

Hæstiréttur ómertki í dag dóm Héraðsdóms Reykjavíkur frá því í desember í fyrra um að Jens R. Kane, flugmaður hjá Icelandair, skyldi sæta átta mánaða fangelsi fyrir ofbeldi gagnvart fyrrverandi unnustu sinni, á heimili þeirra.

Rannsóknarnefndin verður fullskipuð fyrir jól

Ákvörðun verður tekin um það fyrir jól hvaða menn Alþingi mun skipa í rannsóknarnefnd um bankahrunið, segir Sturla Böðvarsson, forseti Alþingis.

Viðskiptaráðherra styrkir Mæðrastyrksnefnd

Björgvin G. Sigurðsson, viðskiptaráðherra, hefur ákveðið að feta í fótspor umhverfisráðherra og senda ekki út jólakort í ár í nafni ráðuneytisins. Í stað þess mun Mæðrastyrksnefnd hljóta styrk frá ráðuneytinu fyrir andvirði þess kostnaðar sem ella hefði farið í jólakort, eða tvöhundruð þúsund krónur.

Þriggja mánaða fangelsi fyrir að ráðast á lögreglumenn

Hæstiréttur dæmdi Algis Rucinskas í þriggja mánaða fangelsi fyrir að hafa ráðist á tvo óeinkennisklædda lögreglumenn á Laugarvegi í janúar 2008. Frá refsingu dregst rúmlega viku gæsluvarðhaldsvist hans. Hæstiréttur staðfesti sýknudóm Héraðdsóms Reykjavíkur yfir Sarunas Urniezius félaga mannsins.

Megum veiða 3.000 tonn af þorski í Barentshafi

Á grundvelli Smugusamningsins verður íslenskum skipum heimilt að veiða á næsta ári, í rússneskri lögsögu í Barentshafi, 2937 tonn af þorski auk meðafla. Samkvæmt samningnum stendur Íslendingum jafnframt til boða að kaupa 1763 tonn af þorski, ef um semst.

Jafet ákærður fyrir trúnaðarbrot

Jafet Ólafsson, fyrrverandi framkvæmdastjóri VBS fjárfestingabanka, hefur verið ákærður fyrir brot gegn lögum um fjármálafyrirtæki. Hann er sakaður um að hafa rofið þagnarskyldu í starfi sínu með því að hafa látið Sigurði G. Guðjónssyni lögmanni í té upptöku af samtali sem hann átti við Geir Zoëga án þess að Geir gæfi fyrir því leyfi.

Samfylkingin og VG hafa lagt niður rófuna og vinna með meirihlutanum

Svo virðist sem borgarfulltrúar Samfylkingar og Vinstri grænna hafi lagt niður rófuna við síðustu meirihlutaskipti og ákveðið að vinna alfarið með nýjum meirihluta gegn því að fá dúsur í starfshópum hjá meirihlutanum, að mati Ólafs F. Magnússonar borgarfulltrúa. ,,Raunar mætti orða þetta þannig að flestir borgarfulltrúar Samfylkingar og Vinstri grænna vilji ,,alcoa” með meirihlutanum."

Göngudeildaþjónusta fyrir börn lögð af

Páll Tryggvason, barnageðlæknir við Fjórðungssjúkrahúsið á Akureyri, segir að 70% samdráttur verði á þjónustu í barnageðlækningum vegna niðurskurðar hjá sjúkrahúsinu. Hann segir að staða hans við sjúkrahúsið hafi ekki verið lögð niður en samningi um

Minna rusl í kreppunni

Ef marka má nýjar tölur hjá Sorphiðirðu Reykjavíkur var neysla borgarbúa töluvert minni í nóvember en á sama tíma í fyrra. Mælingar leiða í ljós að sorpmagn heimilanna var 18 prósentum minna. Í tilkynningu frá borginni er þó minnt á að vinnan þyngist hjá sorphirðufólki í desember. „Mikilvægt er að flokka sorp til endurvinnslu um jólahátíðirnar því mikið leggst til," segir Sigríður Ólafsdóttir rekstrarstjóri Sorphirðu Reykjavíkur.

32 lögreglumenn brautskráðir

Brautskráning nemenda Lögregluskóla ríkisins fór fram 12. desember. Brautskráðir voru í hátíðlegri athöfn í Bústaðakirkju 32 nemendur sem hófu nám við skólann í september árið 2007. Sjö konur voru þar á meðal eða ríflega 22% hópsins.

Leggjast alfarið gegn öllum skattahækkunum

Félag ungra sjálfstæðismanna í Borgarnesi leggst alfarið gegn öllum hugmyndum ríkisstjórnarinnar um skattahækkanir og hækkanir á opinberum gjöldum.

Staða barna- og unglingageðlæknisins á Akureyri lögð niður

Staða eina barna- og unglingageðlæknisins sem starfar á utan höfuðborgarsvæðisins verður lögð niður og er ákvörðunin hluti af þeim niðurskurði sem tilkynnt hefur verið um á flestum sviðum stjórnsýslunnar. Læknirinn hefur hingað til haft aðstöðu á Fjórðungssjúkrahúsinu á Akureyri. Höskuldur Þórhallsson, þingmaður Framsóknarflokksins vakti athygli á málinu á þingi í dag.

Afgreiðslu fjárhagsáætlunar Reykjavíkur frestað til næsta árs

Borgarráð ákvað á fundi sínum í dag að óska eftir fresti vegna afgreiðslu fjárhagsáætlunar Reykjavíkurborgar en síðari umræða og afgreiðsla fjárhagsáætlunar fer fram á fundi borgarstjórnar 6. janúar 2009.

Segja færri skoðanir fjölga slysum

Fjöldi slysa og dauðsfalla í umferðinni myndi stóraukast ef dregið yrði úr tíðni ástandsskoðana, að því er kemur fram í nýrri skýrslu frá breska samgönguráðuneytinu.

Mótmæli við Fjármálaeftirlitið (myndskeið)

Fjármálaeftirlitið hefur brugðist þeirri skyldu sinni að veita viðskiptalífinu aðhald og eftirlit, segir hópurinn sem mótmælti við Fjármálaeftirlitið í dag.

Skókastarinn biðst afsökunar

Íraski blaðamaðurinn sem kastaði skóm í átt að George Bush, Bandaríkjaforseta, og Nouri al-Maliki, forsætisráðherra Íraks, fyrr í vikunni hefur beðist afsökunar. Afsökunarbeiðnin beinist þó ekki að Bush, heldur Maliki.

Mótmæli við Landsbankann á Selfossi

Það er víðar en í Reykjavík sem mótmælt er við fjármálastofnanir þessa dagana. Á Selfossi fóru fram mótmæli við útibú Landsbankans og stóðu þau sem hæst um hálfeittleytið í dag. Mikil umferð var um Austurveg á meðan að mótmælunum stóð en meðfylgjandi mynd var tekin um klukkan eitt, þegar að flestir mótmælendur höfðu haldið á brott.

Verklagsreglur bankanna á lokastigi

Ríkisbankarnir þrír eru við það að ljúka gerð verklagsreglna eins og stjórnvöld höfðu mælst til um. Þetta kom fram í máli Björgvins G. Sigurðssonar viðskiptaráðherra, á þingi í dag í svari við fyrirspurn Árna Páli Árnasyni, þingmanni Samfylkingarinnar. Björgvin segir að Glitnir muni kynna reglur sínar í þessari viku, Landsbankinn sé að leggja lokahönd á sínar reglur og ráðherrann segist ekki vita betur en að Kaupþing sé í svipaðri vinnu.

Fékk 300 þúsund króna sekt fyrir áfengisauglýsingu

Breki Logason, fyrrverandi ritstjóri tímaritsins Hér og nú, var dæmdur í Héraðsdómi Reykjavíkur í morgun til þess að greiða 300 þúsund króna sekt fyrir að birta áfengisauglýsingu í blaðinu árið 2006.

Vilja að ráðherrar aðstoði við jólaúthlutun

"Við höfum undanfarin ár tekið þátt í jólaúthlutuninni og vitum að það er góð leið til að átta sig á vandanum og því skorum við á ráðherra ríkisstjórnarinnar að taka þátt úthlutuninni í ár," segir Margrét Sverrisdóttir formaður stjórnar Kvenréttindafélags Íslands.

Flugmaður hafði ekki þjálfun til að lenda í þoku

Farþegum í flugvél á leið frá Bretlandi til Frakklands brá í brún þegar flugstjórinn tilkynnti að mikil þoka væri á flugvellinum í París og hann hefði ekki nauðsynlega þjálfun til þess að lenda í þoku.