Verkfall heldur áfram í París

Búist er við miklum töfum á lestarsamgöngum í Frakklandi í dag vegna verkfalls starfsmanna almenningssamgöngufyrirtækja sem hófst í gær. Upphaflega var um um sólahringsverkfall að ræða um allt land. Verkalýðsfélög í París hafa hins vegar ákveðið að framlengja það.

Tuttugu stiga hiti á Vopnafirði í morgun

Tuttugu stiga hiti var á Vopnafirði klukkan níu í morgun en einstök hlýindi eru víða á landinu.

Sættir í Sjálfstæðisflokknum?

REI-málið og upplausn meirihlutans í Reykjavík hefur verið afar erfitt mál fyrir flokkinn segir Vilhjálmur Þ. Vilhjálmsson, fyrrverandi borgarstjóri. Hann segir sátt hafa náðst á fundi Varðar, fulltrúaráðs Sjálfstæðisflokksins í gær. Bréf sem sent var Agli Helgasyni, fjölmiðlamanni bendir þó til annars.

Fundað um tillögur til lausnar manneklu

Nú stendur yfir aukafundur í borgarráði þar sem afgreiða á tillögu nýja meirihlutans um að leggja 796 milljónir krónar í að leysa manneklu á leikskólum, í grunnskólum, á frístundaheimilum og í þjónustu við aldraða í borginni.

Dómur fyrir vikulokin

Dómarinn í máli Gísla Þorkelssonar, sem var myrtur í Suður-Afríku sumarið 2005, gagnrýnir lögreglu í Jóhannesarborg fyrir handvömm. Dóm á að kveða upp yfir meintum morðingjum Gísla fyrir vikulokin.

Selalýsi hefur lækningamátt

Rannsóknir hafa leitt í ljós að hægt er að nota selalýsi til lækninga. Nýjar rannsóknir sýna að selalýsi og einnig hvalalýsi gagnast vel til að meðhöndla þarmabólgur. Þetta kemur fram á vefsíðunni Norden.org

Ekki vitað hvort olíutankar NATO séu nýtanlegir

Fjármálaráðherra hefur lagt fram svör við fyrirspurn Árna Þórs Sigurðssonar, þingmanns VG, um sölu fyrrum NATO-eigna í Hvalfirði. Í svörunum kemur m.a. fram að sSeljandi hefur hvorki látið kanna hvort umræddar eignir uppfylla skilyrði hlutaðeigandi stjórnvalda um geymslu á olíu né hvort leyfi fæst til að geyma olíu eða önnur mengandi efni í umræddum geymum.

Loka á óheftan aðgang að sígarettusjálfsölum

Reykingamenn í Japan munu frá og með júlí á næsta ári ekki lengur geta keypt sígarettur úr sjálfsala án þess að framvísa sérstökum persónuskilríkjum. Um 570 þúsund sígarettusjálfsalar eru nú starfræktir í Japan.

Burt með ríka og fræga fólkið!

Eldri borgari í smábæ í Devon á Englandi hefur hafnað rúmlega 200 milljónum til að bjarga þorpinu frá því að frægt og ríkt fólk taki það yfir. Isobel Waterhouse erfði fjögur smáhús í strandbænum East Portlemouth. Hún hefði getað selt þau fyrir rúmar sextíu milljónir hvert, sem annað heimili fræga fólksins.

Skilorðsbundið fangelsi fyrir að kýla og hóta lögreglumönnum

Hérðasdómur Norðurlands eystra dæmdi í morgun karlmann í þriggja mánaða skilorðsbundið fangelsi fyrir að slá lögregluþjón og hóta þremur lögreglumönnum lífláti.

Upplýsingafulltrúi aðstoðar Breiðavíkurdreng

Þór Jónsson upplýsingafulltrúi Kópavogsbæjar segir að hann muni aðstoða Breiðavíkurdrenginn Guðmund Gissurarson við að fá öll gögn sem til eru um hann í skjalasafni Kópavogsbæjar. Fram kom í frétt Vísi í gær að Guðmundur hefði gengið ritskoðaða skýrslu um sig frá barnaverndarnefnd Kópavogs. Þetta var misskilningur því þarna var um að ræða gögn úr fundargerðum nefndarinnar frá árinum 1964 og 1965.

Hyggjast setja á fót mannréttindasvið í borginni

Til stendur að stórefla stöðu mannréttindamála í borginni með tilkomu nýs meirihluta og koma á fót sérstöku mannréttindasviði sem heyra mun undir mannréttindaráð sem fagráðs.

Var brúðkaup í vændum hjá Díönu?

Réttarrannsóknin yfir dauða Díönu prinsessu og Dodi Al Fayed ástmanni hennar tók óvænta stefnu í gær þegar kviðdómendum var sýnd kvittun fyrir „trúlofunar“-hring sem Dodi keypti klukkustundum áður en parið lést.

Meintur barnaníðingur á yfir höfði sér 20 ára fangelsi

Yfirvöld í Tælandi hafa ákveðið að ákæra kanadamanninn Christopher Neil fyrir að hafa beitt börn kynferðislegu ofbeldi. Christopher var handtekinn í morgun í Nakhon Ratchasima héraði um 250 kílómetra fyrir norðan Bangkok. Hann flúði Suður-Kóreu eftir að Interpol lýsti eftir honum út um allan hemi.

Olíuleit við Jan Mayen í engu samræmi við stefnu Íslands

Það stangast á við stefnu Íslands í loftlagsmálum að hefja olíuleit á Drekasvæðinu við Jan Mayen að mati Árna Finnssonar, formanns Náttúruverndarsamtaka Íslands. Hann segist vera sammála norsku náttúruverndarsamtökunum í málinu. Fram kom norska ríkissjónvarpinu í gær að bæði norsku náttúruverndarsamtökin og norska umhverfisstofnunin telji að olíuvinnsla á svæðinu geti stefnt lífríkinu þar í hættu.

Björn Ingi stakk rýting í bak borgarstjóra

Þorgerður Katrín Gunnarsdóttir menntamálaráðherra segir í grein í Morgunblaðinu í dag að Björn Ingi Hrafnsson hafi kosið að stinga rýtingi í bak fyrrum borgarstjóra Vilhjálms Vilhjálmssonar.

Norðmenn leggjast gegn olíuvinnslu Íslendinga við Jan Mayen

Norska umhverfisstofnunin og náttúruverndarsamtök þar í landi vilja koma í veg fyrir að Íslendingar hefji olíuvinnslu á Drekasvæðinu svokallaða fyrir sunnan Jan Mayen.

Átta láta lífið í sprengingu í Manila

Átta létust og að minnsta kosti 70 særðust þegar sprenging varð í verslunarmiðstöð í Manila, höfuðborg Filippseyja, í morgun. Ekki liggur fyrir hvað olli sprengingunni.

Reykja fyrir sektinni

Kráareigandi í Holbæk á Jótlandi býður gestum sínum upp á að reykja á staðnum gegn því að leggja tvær krónur danskar, eða rúmar 20 íslenskar í púkk, til að greiða sektina sem kráareigandinn fær fyrir að heimila reykingar.

Fallið frá hugmyndum um bandaríki Evrópu

Fallið er frá hugmyndinum um bandaríki Evrópu og sameiginlegan þjóðsöng álfunnar í nýjum sáttmála sem leiðtogar ríkja Evrópusambandsins samþykktu í Lissabon gær.

Ráðherrar funda um Madeleine McCann

Mál Madeleine McCann kom til tals á fundi Gordon Brown, forsætisráðherra Bretlands, og Jose Socrates, forsætisráðherra Portúgals, í Lissabon í gær.

Meintur barnaníðingur handtekinn

Kanadíski kennarinn sem grunaður er um að hafa misnotað mörg hundruð drengi var handtekinn í Tælandi í gær.

Varðskip kom með Erling KE til hafnar í nótt

Varðskip kom með fiskiskipið Erling KE til Hafnarfjarðar um fjögur leitið í nótt, eftir að hafa dregið það til lands í miklu hvassviðri og töluverðum sjógangi. Vélin bilaði í Erlingi þegar skipið var statt suðaustur af Malarrifi í gær.

Yfir 130 létu lífið í tilræði gegn Benazir Bhutto

Að minnsta kosti 130 manns létu lífið og um eitt hundra særðust þegar tvær sprengjur sprungu í borginni Karachi í Pakistan í gær.

Stóð úti á svölum og öskraði

Lögregla var kölluð að fjölbýlishúsi í Kópavogi upp úr miðnætti, þar sem kona var út á svölum og öskraði. Hún tjáði lögreglumönnunum að hún birgði svo mikla reiði inni í sér að hún yrði að öskra, hverju sem tautaði og raulaði.

Innflytjandi í jafnréttismálin

Jens Stoltenberg, forsætisráðherra Noregs, stokkaði upp í ríkisstjórn sinni í gær. Hann skipti út þremur ráðherrum.

Oslóbúar hamstra vatn á flöskum

Noregur Nærri hálfri milljón Oslóbúa hefur verið ráðlagt af yfirvöldum að sjóða allt neysluvatn í minnst þrjár mínútur eftir að giardia-sníkjudýrið greindist í vatnssýnum úr höfuðvatnsbóli borgarbúa.

Einstakur ferill Benazir Bhutto

Benazir Bhutto var eitt sinn heiðruð í heimalandi sínu og erlendis sem tákn nútímaviðhorfa og lýðræðis. Síðan hefur hún barist gegn ásökunum um spillingu. Þær voru ástæða þess að hún fór í sjálfskapaða útlegð sem hún sneri aftur úr eftir átta ár í október. Hún lét lífið í árás í morgun eftir kosningafund í bænum Rawalpindi.

Hverjir eru mennirnir í Fáskrúðsfjarðarmálinu?

Fáskrúðsfjarðarmálið er eitt stærsta fíkniefnamál Íslandssögunnar. Fjöldi lögreglumanna hefur unnið að málinu í meira en eitt ár. Rannsóknin náði hámarki þegar hópur sérsveitarmanna gerði atlögu að seglskútu í Fáskrúðsfjarðarhöfn 20. september síðastliðinn, en skútan sigldi hingað til lands með metmagn af amfetamíni og e-pillur innanborðs.

Vilhjálmur: Ekki boðið upp á meirihlutasamstarf án mín

Vilhjálmur Þ. Vilhjálmsson, oddviti D-listans í borgarstjórn, sagði eftir fund sjálfstæðismanna í kvöld að borgarfulltrúar Sjálfstæðisflokksins hafi ekki boðið upp á meirihlutasamstarf við aðra flokka án sín.

Tölva styttir ferðatíma um götur Reykjavíkur

Ferðatími um götur borgarinnar styttist með nýjum tölvum sem tekið hafa yfir stjórn umferðarljósa á helstu gatnamótum. Tölvurnar skynja umferðarþungann og skipta yfir í grænt og rautt til að skapa sem best flæði.

Geir hvetur sjálfstæðismenn til samstöðu

„Enginn maður í flokknum er svo merkilegur að flokkurinn sé ekki miklu merkilegri," sagði Geir H. Haarde við fréttamann Stöðvar 2 í kvöld.

Dómur yfir fyrrverandi starfsmanni ÍE þyngdur

Hæstiréttur dæmdi í dag fyrrverandi starfsmann Íslenskrar erfðagreiningar, Jesus Sainz, í sex mánaða skilorðsbundið fangelsi fyrir ólöglega afritun á gögnum í eigu ÍE í júní í fyrra.

Tæplega 500 Pólverjar á Íslandi á kjörskrá

Tæplega fimm hundruð Pólverjar, búsettir á Íslandi, ætla að kjósa í pólsku þingkosningunum á sunnudag. Þetta er samt aðeins einn af hverjum tíu Pólverjum sem eru búsettir hér.

Burt með kvóta á innfluttar landbúnaðarvörur

Innflytjendur á ostum eru ósáttir við landbúnaðarráðherra og segja allt of skammt gengið í breytingum á tollkvótum fyrir innfluttar landbúnaðarvörur. Breytingarnar eiga að tryggja að innflytjendur geti ekki boðið í kvóta til þess eins að halda honum frá samkeppnisaðilum. Innflytjendur á erlendum gæðaostum segja að kvóti sé úrelt aðferð til að stýra neyslu og hann bitni bara á neytendum.

Hundruð þúsunda fögnuðu Bhutto

Hundruð þúsunda manna tóku fagnandi á móti Benazir Bhutto við komu hennar til Pakistans í dag, eftir átta ára sjálfskipaða útlegð.

Formaður Sjálfstæðisflokksins fundaði með borgarfulltrúum og fulltrúaráðinu

Geir H. Haarde, formaður sjálfstæðisflokksins, mætti nokkuð óvænt á fund Varðar - fulltrúaráðs sjálfstæðisfélaganna i Reykjavík með borgarfulltrúum flokksins. Hann stoppaði stutt.

Mjólkursamsalan fagnar því að Páli beri að víkja sæti

Mjólkursamsalan fagnar því að Páli Gunnari Pálssyni, forstjóra Samkeppniseftilitsins beri að víkja sæti samkvæmt dómi Héraðsdóms Reykjavíkur.

Dæmdar 26 milljónir króna í bætur vegna mistaka í fæðingu

Hæstiréttur dæmdi í dag íslenska ríkið til þess að greiða þrettán ára fötluðum dreng rúmar 26 milljónir króna í skaðabætur vegna mistaka sem urðu við fæðingu hans.

Hæstiréttur snýr við sýknu í kynferðisbrotamáli

Hæstiréttur snéri í dag við sýknudómi Héraðsdóms Norðurlands vestra yfir 21 árs karlmanni sem gefið var að sök að hafa tekið mynd á gsm síma sinn af stúlku án hennar vitneskju.

769 milljónir í starfsmannamál borgarinnar

Dagur B. Eggertsson, nýr borgarstjóri Reykjavíkur, lagði í dag fram tillögur í borgarráði til aðgerða í starfsmannamálum borgarinnar. Gangi tillögur Dags eftir mun 769 milljónum króna verða veitt í þennan málaflokk á þessu ári og því næsta.

Páll Gunnar víki sæti í rannsókn á mjólkurfélögum

Héraðsdómur Reykjavíkur hefur fallist á þá kröfu Mjólkursamsölunnar, Osta- og smjörsölunnar og Auðhumlu um að Páll Gunnar Pálsson, forstjóri Samkeppniseftirlitsins, víki sæti við meðferð stofnunarinnar á máli fyrirtækjanna.

Skrifstofustúlkan vann veðmálið

715 umsóknir bárust Tæknideild Kópavogsbæjar þegar lóðir í Vatnsendahlíð voru auglýstar nú á dögunum. Skipulagsstjóri Kópavogsbæjar segir að þar á bæ séu menn ánægðir með fjölda umsókna þrátt fyrir að þær séu töluvert færri en þegar úthlutað var í Þingahverfi á Vatnsendandum. Þá sóttu um 3000 manns um lóð.

Össur í leiguvél REI - Ráðuneytið borgar reikninginn

Eins og fram kom á Vísi í dag fer Össur Skarphéðinsson iðnaðarráðherra með sendifulltrúum REI til Indónesíu og Filippseyja um helgina þar sem fram munu fara viðræður í tengslum við tugmilljarða verkefni á sviði jarðvarma

Hvað kom fyrir augabrúnir Monu Lisu?

Málverkið af Monu Lisu hefur alla tíð valdið vísindamönnum miklum heilabrotum, bæði varðandi fyrirmyndina og málverkið. Ein ráðgátan sem fræðimenn hafa lengi staðið frammi fyrir er af hverju engin augnhár eru á myndinni af þessari dulúðugu konu.