Formannsskipti í Mosfellsbæ

Bjarki Bjarnason tók við formennsku í Vinstrihreyfingunni - grænu framboði af Ólafi Gunnarssyni á aðalfundi félagsins í síðustu viku. Ólafur hafði gegnt formennsku frá stofnun félagsins árið 2001.

Verðið lækkar mest í Nettó

Verð matvælakörfunnar hefur lækkað um þrettán prósent í Nettó frá í byrjun október samkvæmt verðkönnun ASÍ sem gerð var undir lok síðasta mánaðar.

Dæmdir fyrir að koma afla undan vigtun

Tveir menn voru sakfelldir í Héraðsdómi Reykjaness í gær fyrir brot á lögum um umgengni um nytjastofna sjávar og reglugerð um afladagbækur og vigtun sjávarafla.

Bretar tilbúnir að gefa eftir 70 milljarða af endurgreiðslum

Bretar eru tilbúnir að gefa eftir rúma sjötíu milljarða króna árlega af endurgreiðslum sínum frá Evrópusambandinu í því augnamiði að sátt náist um nýtt fjárlagafrumvarp sambandsins.

Mikil hálka á Austur- og Norðausturlandi

Veruleg hálka er á milli Raufarhafnar og Þórshafnar og um Brekknaheiði. Mjög mikil hálka er einnig frá Egilsstöðum til Reyðarfjarðar um Fagradal og þaðan um Hólmahálsinn til Eskifjarðar, þar er einnig þoka.

Hrímþoka á Akureyri

Hrímþoka hefur verið á Akureyri í alla nótt og hefur hrímið meðal annars sest á allar trjágreinar og breitt eins konar flosteppi á jörðina. Stillt veður er í bænum og að sögn sjónarvotta var hann einna líkastur undraveröld í morgunsárið þegar birtan frá jólaljósunum brotnaði í ískristöllum út um allt.

Ekkert samráð við íbúa eins og samþykkt var

Samþykkt borgarstjórnar um samráð við íbúa um lagningu Sundabrautar eru virt að vettugi, að sögn stjórnarmanns hjá Íbúasamtökum Laugardals. Samtökin skora á alþingismenn að hafna frumvarpi um ráðstöfun á andvirði Landssímans, þar sem í því felist að við lagningu Sundabrautar verði farin svokölluð innri leið.

Staðfest samvist á Bretlandseyjum

Hundruð samkynhneigðra para streymdu á skráningarskrifstofur á Bretlandseyjum í gær og sóttu um að fá að staðfesta samvist sína. Staðfest samvist mun veita samkynhneigðum pörum sömu réttarstöðu og giftu fólki og er það mikil réttarbót. Þetta er í fyrsta sinn sem samkynhneigðum er heimilt að staðfesta samvist sína á Bretlandseyjum og er búist við að um 22.000 manns muni gera slíkt á næstu fimm árum. Tónlistarmaðurinn Sir Elton John og maki hans til margra ára, David Furnish, voru með þeim fyrstu til að sækja um leyfi til að staðfesta samvist sína.

Safnað á fölskum forsendum

Félagsmál Mæðrastyrksnefnd í Kópavogi er ósátt við hvernig Mæðrastyrksnefnd Reykavíkur kynn­ir sig þegar styrkjum er safnað fyrir jólin. "Það er óeðlilegt að hringja og kynna sig bara sem Mæðrastyrksnefnd. Á landinu starfa sjö slíkar," segir María Marta Einarsdóttir, gjaldkeri Mæð­ra­styrks­nefnd­ar í Kópavogi.

Bandaríkin illa búin undir aðra árás

Bandarísk stjórnvöld hafa staðið sig afleitlega í öryggismálum eftir hryðjuverkin í New York 11. september 2001 að mati nefndar sem skipuð var eftir árásirnar. Nefndin gefur stjórnvöldum lægstu einkunn í mörgum þáttum öryggismála og segir Bandaríkin afar illa undirbúin undir aðra hryðjuverkaárás.

Lögreglumenn úr Reykjavík til að aðstoða við rannsókn á bruna

Tveir sérfræðingar úr tæknideild lögreglunnar í Reykjavík eru væntanlegir til Ísafjarðar fyrir hádegi til að aðstoða lögregluna þar við að rannsaka eldsupptök í tvíbýlishúsi við Aðalstræti í gær þar sem karlmaður á sextugsaldri fórst.

Kominn til meðvitundar eftir árás á Laugavegi

Maðurinn, sem ráðist var á á Laugaveginum aðfararnótt laugardags, komst til meðvitundar á gjörgæsludeild Landsspítalans í gær og er á hægum batavegi .Árásarmaðurinn játaði verknað sinn við yfirheyrslur í gær og var sleppt að því loknu, en hann hafði verið úrskurðaður í gæsluvarðhald.

Leynifangelsum lokað fyrir mánuði

Aðeins mánuður er síðan bandaríska leyniþjónustan CIA lokaði leynifangelsum sínum í Rúmeníu og Póllandi. Þetta hefur fréttastöðin ABC eftir núverandi og fyrrverandi starfsmönnum leyniþjónustunnar. Þeir segja að bandarísk stjórnvöld hafi lagst á eitt um að koma öllum föngum burt frá Evrópu strax eftir að Washington Post greindi frá leynifangelsunum.

Geir er sáttur við svörin

Geir H. Haarde utanríkisráðherra telur að með yfirlýsingu Condoleezzu Rice, utanríkisráðherra Bandaríkjanna, í gær hafi íslensk stjórnvöld fengið fullnægjandi svör við spurningum um meinta fangaflutninga bandarísku leyniþjónustunnar um íslenska lofthelgi og flugvelli.

Ikea flytur inn næsta haust

Framkvæmdir eru hafnar við byggingu tæplega 21 þúsund fermetra stórverslunar Ikea í Urriðaholti í Garðabæ. Gert er ráð fyrir að Ikea flytji í nýja húsnæðið næsta haust og loki þá um leið versluninni í Klettagörðum. Gengið hefur verið frá því að Byko byggi tólf þúsund fermetra verslun í Urriðaholti og hefjast framkvæmd­ir eftir áramót.

Útvarpsstjóri ánægður með nýtt frumvarp

Páll Magnússon, útvarpsstjóri, er ánægður með nýtt frumvarp þess efnis að Ríkisútvarpinu verði breytt í hlutafélag. Hann telur að það muni styrkja sérstöðu Ríkisútvarpsins.

Ríkisútvarpið verður gert að hlutafélagi

Nýtt frumvarp um Ríkisútvarpið var kynnt í stjórnarflokkunum í gær. Ekki verður heimiluð sala þótt Ríkisútvarpinu verði breytt í hlutafélag. Menntamálaráðherra segir nefskatt léttari fyrir heimilin en afnotagjöld.

Háseti missti fót við ökkla

Skipstjóri á togveiði­­báti hefur verið dæmdur í mán­að­ar­fang­elsi og svipt­ur skips­stjórn­ar­rétt­indum í þrjá mánuði vegna slyss sem varð um borð vestur af Sandgerði 10. mars sl. Fang­els­isvistin var skilorðs­bund­inn í þrjú ár.

Árásarmaður játaði sök

Karlmanni á þrítugsaldri, sem sat í gæsluvarðhaldi vegna stórfelldrar líkamsárásar á rúmlega þrítugan mann um helgina, hefur verið sleppt eftir að hann játaði sök. Málið telst upplýst, að sögn Harðar Jóhannessonar, yfirlögregluþjóns í Reykjavík.

Fávitar og örvitar teknir úr reglugerð

Stutt er síðan Íslendingar notuðu orðin fávitastofnanir, fávitar, vanvitar og örvitar í opinberum gögnum og manna á milli. Þessi orð heyrast ekki lengur um málefni þroskaheftra. Á árum áður var haldin spjaldskrá yfir fávita og örvita.

Maður lét lífið í eldsvoða

Maður lést í eldsvoða á Ísafirði í gærdag. Tilkynnt var um eld í íbúð að Aðalstræti, sem er við miðbæinn, skömmu fyrir klukkan fjögur. Slökkvilið og lögregla komu fljótlega á vettvang og fór reykkafari inn í íbúðina og fann þar íbúa hennar látinn. Enginn annar var í íbúðinni.

Ættingjar vilja fá skýr svör

Dánardómstjóri í Lundúnum hefur hafið sérstaka rannsókn á dauða 93 Breta sem fórust í flóðbylgjunni í Asíu á öðrum degi jóla í fyrra. Ættingjar og vinir þeirra sem fórust munu verða yfirheyrðir, svo og vísindamenn og lögregluþjónar.

Óljósar fréttir af tjóni

Öflugur jarðskjálfti varð í miðri Afríku í gær. Óljóst var af fyrstu fréttum hversu alvarlegt tjón hlaust af. Frá Kongó fréttist að þar hefðu hús hrunið og að minnsta kosti eitt barn týnt lífi.

Ribbaldakapitalismi á matvörumarkaði?

Ásta Möller, þingmaður Sjálfstæðisflokksins, segir að hér á landi ríki einhvers konar ribbaldakapitalismi eins og í Rússlandi á frumskeiði markaðsvæðingar. Þetta sagði hún í ljósi þess að hér ríkti einokun á matvörumarkaði þar sem Baugur hefði hér rúmlega 60 prósenta markaðshlutdeild. Spurði hún viðskiptaráðherra um það hvernig bregðast skyldi við.

Steypa stífluvegg í skammdeginu

Einhverjir harðsnúnustu byggingaverkamenn landsins steypa þessa dagana tvöhundruð metra háan og snarbrattan stífluvegg Kárahnjúkastíflu í fimbulkulda og skammdegi. Þetta eru einkum Kínverjar sem vinna störf sem hraustir íslenskir karlmenn hafa hrökklast frá.

Telur iðnaðar- og viðskiptaráðherra mæla fyrir tæknilegum viðskiptahindrunum

Varaformaður Samfylkingarinnar telur iðnaðar- og viðskiptaráðherra mæla fyrir tæknilegum viðskiptahindrunum. Í ljós hefur komið að heildarkostnaður við endurbætur á varðskipinu Ægir í Póllandi var 2 milljónum króna yfir tilboða Slippstöðvarinnar á Akureyri.

Auglýsir eftir stefnu í loftlagsmálum

Mörður Árnason, þingmaður Samfylkingarinnar, auglýsti eftir stefnu stjórnvalda í loftlagsmálum, það er, hvernig ríkisstjórnin ætlar að bregðast við hinni miklu vá sem af loftlagsbreytingum kann að hljótast. Umhverfisráðherra segir að stjórnvöld muni þrýsta á Bandaríkin og Ástralíu að taka þátt í Kyoto-bókuninni.

Utanríkisráðherra Bandaríkjanna útilokar alfarið Bandaríkin leyfi eða líði pyntingar

Utanríkisráðherra Bandaríkjanna útilokar alfarið að Bandaríkin leyfi eða líði pyntingar á föngum undir neinum kringumstæðum. Ráðherrann er í fimm daga för um Evrópu og er tilgangurinn að styrkja tengsl álfunnar og Bandaríkjanna.

Seðlabankastjóri segir að núverandi gengi krónunnar muni ekki standast

Davíð Oddsson seðlabankastjóri segir að núverandi gengi krónunnar muni ekki standast en menn séu að búa í haginn fyrir það að óhjákvæmileg breyting verði þolanleg. Gengi krónunnar lækkaði um 1,3% í dag og hefur nú krónan lækkað um 5% á skömmum tíma.

Hefur óskað eftir minnisblaði sem ríkisábyrgðarsjóður sendi Fjármálaráðuneytinu

Lúðvík Bergvinsson hefur óskað eftir minnisblaði sem ríkisábyrgðarsjóður sendi Fjármálaráðuneytinu um afstöðu hans til frekari ríkisábyrgðar vegna Íbúðalánasjóðs. Hann segir að þingið geti ekki tekið upplýsta afstöðu fyrr en minnisblaðið liggi fyrir.

Ríkisútvarpinu verður breytt í hlutafélag

Ríkisútvarpinu verður breytt í hlutafélag, samkvæmt frumvarpi sem þingflokkar ríkisstjórnarinnar samþykktu að leggja fram í dag. Ekki er einhugur innan stjórnarflokkanna um málið.

Maður lést í eldsvoða á Ísafirði

Rúmlega fimmtugur maður lést í eldsvoða á heimili sínu á Ísafirði í dag. Slökkviliðið var enn að störfum við að ráða niðurlögum eldsins um kvöldmatarleiti. Tilkynnt var um eld í íbúð við Aðalstræti 25 í gegnum neyðarlínu rétt fyrir klukkan fjögur í dag.

Utanríkisráðherra segir yfirlýsingu Condoleezzu Rice svara spurningum íslenskra stjórnvalda um ólögmæta fangaflutninga

Í yfirlýsingu sem Condoleezza Rice, utanríkisráðherra Bandaríkjanna, sendi frá sér í dag segir hún leyfilegt samkvæmt alþjóðalögum að flytja fanga milli landa sem ekki hefur verið réttað yfir. Condoleezza sagði jafnframt að bandarísk stjórnvöld gangi úr skugga um að hvers lags yfirheyrsluaðferðir sé við lýði í þeim löndum sem taka á móti föngunum. Bandarísk yfirvöld líði ekki að fangar séu pyntaðir.

Og Vodafone margfaldar flutningsgetu GSM notenda:

Og Vodafone hefur tekið í notkun svokallaða EDGE tækni (Enhanced Data Rates for Global Evolution) sem margfaldar flutningsgetu í farsímum viðskiptavina fyrirtækisins. EDGE nær fyrst um sinn til viðskiptavina á höfuðborgarsvæðinu og í Eyjafirði.

Bráðamóttaka við Sjúkrahúsið Vog opnuð á ný á morgun

Bráðamóttaka fyrir áfengis- og vímuefnasjúklinga verður opnuð á ný við Sjúkrahúsið á Vogi á morgun. Á síðastliðnum tveimur mánuðum hefur tekist að tryggja næga fjármuni til að opna bráðmóttökuna á ný.

Gísli Halldórsson, arkitekt og Heiðursforseti Íþróttasambands Íslands, gefur út endurminningbók

Gísli Halldórsson, arkitekt og heiðursforseti Íþróttasambands Íslands, fagnaði útgáfu endurminningbókar sinnar í Íþróttamiðstöðinni í Laugardal í dag. Gísli segir ánægjulegt hversu mikil uppbygging hefur verið á íþróttamannvirkjum á síðastliðnum áratugum.

Saddam óttast ekki dauðadóm

Saddam Hussein, fyrrverandi forseti Íraks, sagði fyrir rétti í Írak í dag að hann óttaðist ekki að vera tekinn af lífi. Aftökur væru enda minna virði en skór íraksks borgara, eins og Saddam orðaði það. Réttað er yfir einræðisherrranum fyrrverandi og sjö samverkamönnum hans fyrir fjöldamorð í stjórnartíð þeirra.

Skúli Helgason ráðinn framkvæmdastjóri Samfylkingarinnar

Skúli Helgason hefur verið ráðinn framkvæmdastjóri Samfylkingarinnar frá og með næstu áramótum. Hann hefur m.a. starfað sem útgáfustjóri tónlistar hjá Eddu-miðlun og útgáfu og framkvæmdastjóri innlendra verkefna hjá Reykjavík Menningarborg Evópu árið 2000.

RÚV breytt í hlutafélag

Ríkisútvarpinu verður breytt í hlutafélag, samkvæmt frumvarpi sem þingflokkar ríkisstjórnarinnar samþykktu að leggja fram í dag. Ríkisstjórnin samþykkti frumvarpið fyrir sitt leyti í síðustu viku.

Kviknaði í út frá kerti á Höfn

Slökkviliðið á Höfn í Hornafirði var kallað út rúmlega þrjú í dag að íbúðarhúsi vegna bruna. Kviknað hafði í út frá kerti og voru skemmdir óverulegar en reykræsta þurfti. Einn íbúi var í húsinu þegar eldsins varð vart en það var vegfarandi sem tilkynnti um brunann.

Karlmaður lést í eldsvoða á Ísafirði

Karlmaður á fimmtugsaldri lést í eldsvoða á Ísafirði í dag. Tilkynning um eld í íbúð mannsins barst slökkviliðinu skömmu fyrir fjögur í dag og þegar slökkvilið og lögregla komu á staðinn var nokkur eldur í íbúðinni. Reykkafarar fóru inn í íbúðina þar sem þeir fundu manninn og var hann úrskurðaður látinn. Enginn annar var í íbúðinni.

Tími Íbúðalánasjóðs ekki liðinn

Tími Íbúðalánasjóðs er ekki liðinn að sögn Árna Magnússonar félagsmálaráðherra. Hann er ósammála Davíð Oddssyni, Seðlabankastjóra, um að óeðliegt sé að Íbúðalánsjóður keppi við viðskiptabankana á íbúðalánamarkaði án þess að lúta sömu reglum og þeir. Árni segir að Íbúðalánasjóður lúti ákveðinni sérstöðu á íbúðalánamarkaði og pólitísk samstaða hefur verið um hlutverk hans.

Skora á þingmenn að hafna frumvarpinu

Íbúasamtök Laugardals skora á alþingismenn að hafna frumvarpi um ráðstöfun á andvirði Landssímans, þar sem skilyrt er í athugasemdum frumvarpsins að við lagningu Sundabrautar verði farin svokölluð innri leið. Samtökin segja frumvarpið brjóta bæði gegn umhverfismati og úrskurði umhverfisráðherra.

Óskhyggja að stefnubreyting felist í vaxtahækkun Seðlabankans

Ingibjörg Sólrún Gísladóttir, formaður Samfylkingarinnar, segir það óskhyggju hjá forsætisráðherra og utanríkisráðherra að stefnubreyting felist í tilkynningu Seðlabankans um 25 punkta hækkun á vöxtum í síðustu viku. Hún segir þá reyna að friða útflutningsgreinar og ferðaþjónustu.

Drengir á landsbyggðinni lakari en stúlkur í stærðfræði

Nánari niðurstöður á PISA rannsókninni frá 2003 hefur leitt í ljós að kynjamunurinn sem fannst á stærðfræðikunnáttu 15 ára barna á Íslandi skrifast nær einvörðungu á dreifbýlið. Ekki fannst marktækur kynjamunur á stærðfræðikunnáttu innan höfuðborgarsvæðisins. Drengir í dreifbýli eru á hinn bóginn mun lakari í stærðfræði en stúlkur.