Íslendingur dæmdur fyrir innflutning og sölu á hassi í Finnlandi

Íslendingur var í dag dæmdur í Finnlandi í eins árs og tveggja mánaða fangelsi fyrir innflutning og sölu á hassi í Finnlandi. Maðurinn, sem er á fertugsaldri, var dæmdur fyrir rétti í borginni Jyväskylä í mið-Finnlandi fyrir að hafa tvisvar flutt hass til landsins frá Hollandi, samtals 5,8 kíló, og selt það í Finnlandi.

Samtök eigenda sjávarjarða hyggjast stefna íslenska ríkinu

Formaður Verkalýðsfélags Akraness gagnrýnir endurskoðun samnings

Formaður Verkalýðsfélags Akraness gagnrýnir líkt og Samiðn samning Samtaka Atvinnulífs og ASÍ frá í gær. Hann segir skiptar skoðanir vera um samningin og að eðlilegra hefði verið að kynna tillögurnar aðildarfélögum áður en skrifað var undir.

Umdeild en vinsæl

Ritt Bjerregaard verður næsti borgarstjóri í Kaupmannahöfn eftir stórsigur Jafnaðarmannaflokksins í sveitarstjórnarkosningunum í Danmörku í gær. Endurkoma hennar í embætti þykir merkileg fyrir margra hluta sakir en hún hefur tvívegis verið neydd til að segja af sér embætti og verið mjög umdeildur stjórnmálamaður.

Börnum úr Arnarneshreppi hafnað um leiksskólapláss á Akureyri

Skólanefnd Akureyrarbæjar hefur hafnað fjórum börnum úr nágrannahreppnum, Arnarneshreppi, um leikskólavist í bænum. Oddviti hreppsins segir bagalegt að nefndin skuli hafa hafnað börnunum um leikskólavist enda hafi hún fengið þau skilboð að ekkert væri því til fyrirstöðu að þau fengju inni á leikskólum bæjarins.

Innanríkisráðherra Írak hefur rannsókn á leynilegu fangelsi sem fannst um helgina

Innanríkisráðherra landsins greindi frá því í gær, að hann myndi láta kanna hvort staðhæfingar þess efnis væru sannar, að ráðuneytið hefði látið pynta fanga vegna hugsanlegra tengsla þeirra við uppreisnarmenn í landinu.

Rice þrýstir á Norður-Kóreu um að hverfa frá kjarnorkuvopnaáætlun sinni

Utanríkisráðherra Bandaríkjanna, Condoleeza Rice, segir Norður-Kóreumenn verða að hverfa frá kjarnorkuvopnaáætlun sinni og það strax.

Hagnaður hjá Kögun

Hagnaður Kögunar eftir skatta nam 434 milljónum króna á fyrstu níu mánuðum ársins sem er aukning um 91% frá sama tímabili 2004. Kögun samanstendur af Verk- og kerfisfræðistofunni hf., Kögurnesi ehf., Ax hugbúnaðarhúsi hf., Huga hf., Landsteinum Streng hf., Skýrr hf., Teymi hf. og Opnum kerfum Group Holding ehf.

Aflabrestur á kolmunna

Kolmunnaveiðin er hrunin og búið að leggja nokkrum öflugustu fiskiskipum flotans við bryggjur þar sem þau hafa ekki önnur verkefni. Áfallið snertir afkomu margra sjómanna, útvegsmanna og og fiksimjölsverksmiðja.

Dagur íslenskrar tungu í dag

Dagur íslenskrar tungu er í dag, 16. nóvember, en það er fæðingardagur Jónasar Hallgrímssonar þjóðskálds. Dagsins verður minnst með margvíslegu móti, bæði í skólum, stofnunum og fyrirtækjum.

Sameinað framboð til Samfylkingar og Framsóknarflokks í Reykjanesbæ

Upp úr hádegi í dag mun koma í ljós hvort verði af sameiginlegu framboði Samfylkingarmanna og Framsóknarmanna til bæjarstjórnar í Reykjanesbæ.

Andstaða við byggingu fiskimjölsverksmiðju á Neskaupsstað

Talsverð andstaða er komin upp í bænum Leirvík á Hjaltlandi vegna áforma Síldarvinnslunnar í Neskaupstað um byggingu fiskimjölsverksmiðju í bænum, eftir því sem sjávarútvegsvefurinn skip.is greinir frá.

Þekkingarnet á Austurlandi

Háskólanemum á Austurlandi fjölgar um 100 % á næstu fimm árum nái áætlun starfshóps á vegum menntamálaráðuneytis fram að ganga. Starfshópurinn leggur til að stofnuð verði sjálfseignarstofnun, Þekkingarnet Austurlands, sem verði miðstöð háskólanáms, símenntunar og rannsókna í þágu atvinnulífs á svæðinu. Þekkingarnetið kæmi til með að byggja á Fræðsluneti Austurlands, auk þess að samþætta og efla það háskóla- og rannsóknarnám sem fyrir er á svæðinu. Þá yrði einnig mikil aukning í símenntun og 100 % fjölgun nema í meistara- og doktorsnámi.

Bensínverð lækkar

Olíufélögin lækkuðu verð á bensíni og gasolíu í gær og er það 16 lækkunin á sex vikum og rúmlega sjötugasta verðbreytingin á árinu. Algengt verð á bensínlítra á sjálfsafgreiðslustöðvum er nú komið niður í u.þ.b 105 krónur.

Íslensku farmennirnir verða eftir

Slagorð Avion Group um íslenska sókn um allan heim á ekki við um íslenska farmenn í dag, segir starfsmaður farmanna- og varðskipasviðs Félags skipstjórnarmanna og finnst auglýsingar félagsins ekki lýsa raunveruleikanum sem blasir við íslenskum farmönnum.

Erdogan strunsaði út af fundi með Rasmussen

Blaðamannafundur Anders Fogh Rasmussens, forsætisráðherra Danmerkur, og starfsbróður hans frá Tyrklandi, Tayyips Erdogans, í Kaupmannahöfn í gær var heldur endasleppur. Sá tyrkneski rauk á dyr þegar í ljós kom að fulltrúi kúrdískrar sjónvarpsstöðvar, sem starfar í Danmörku, var á staðnum.

Úrvalsvísitalan heldur áfram að hækka

Úrvalsvísitalan hélt áfram að hækka í gær og fór yfir 4,800 stig, sem er enn eitt metið. Hækkun varð á flestum fyrirtækjum, en þau sem lækkuðu, lækkuðu mjög lítið.

Tóku við nýju frystiskipi

Eimskip tóku við nýju frystiskipi í Álasundi í Noregi í gær. Skipið er 80 metra langt og sextán metrar á breidd. Það nær mest sextán sjómílna hraða á klukkustund og getur borið 2.500 tonn á 1.800 brettum og í tæplega þrjátíu 40 feta gámum á þilfari.

Verkalýðsfélag Akraness á móti

Verkalýðsfélag Akraness segir ljóst að samningarnir sem SA og ASÍ undirrituðu í gær sé heldur rýr og að samningsaðilar verkafólks hafi ekki sótt viðlíka leiðréttingu kjara og aðrir hópar.

Miðstjórn Samiðnar ósátt

Miðstjórn Samiðnar, samband iðnfélaga, er ósátt við tillögur ríkisstjórnar og samkomulag hennar við aðila vinnumarkaðrins. Samiðn vildi frekar segja upp samningum og komast í beint samband við viðsemjendur sína.

Ólafur Jóhann og Straumur Burðarás bætast í hóp hluthafa Árvakurs

Ólafur Jóhann Ólafsson, rithöfundur og athafnamaður, og Straumur Burðarás, undir forystu Björgólfs Thors Björgólfssonar bætast í hóp hluthafa Árvarkurs, sem gefur út Morgunblaðið, að því er Fréttablaðið greinir frá.

Afgreiðslutími kráa gefinn frjáls í Bretlandi í næstu viku

Ný lög um frjálsan afgreiðslutíma kráa í Bretlandi taka gildi í næstu viku eftir tilraun íhaldsmanna til að seinka gildistíma laganna var hrundið á breska þinginu í gær. Andstæðingar laganna óttast hið versta en stuðningsmenn þess segja það bæta drykkjumenningu Breta.

Ísraelskur hermaður sýknaður af morðákæru

Ísraelskur hermaður, sem ákærður var fyrir að hafa myrt 13 ára stúlku á Gasasvæðinu í Palestínu á síðasta ári, var í gær sýknaður af ísraelskum herdómstóli. Í niðurstöðum herréttarins kom fram að stúlkan hafi þegar verið látin þegar hermaðurinn skaut hana.

Miðstjórn Samiðnar ósátt við tillögur ríkissjórnarinnar og aðila vinnumarkaðarins

Miðstjórn Samiðnar, samband iðnfélaga, er ósátt við tillögur ríkisstjórnar og samkomulag hennar við aðila vinnumarkaðarins og vildi frekar segja upp samningunum. Hún bendir á að að um 40 prósent launþega búi við kaupmáttarskerðingu á sama tíma og stórir hópar séu að fá miklar launahækkanir.

Lítið meidd eftir bílveltu

Kona slapp lítið meidd þegar bíll hennar valt nokkrar veltur út af veginum í Skriðdal í gærkvöldi. Hún var ein í bílnum og notaði bílbelti, þannig að hún var allann tímann skorðuð í ökumannssætið. Fljúgandi hálka var þegar slysið varð og missti konan stjórn á bílnum þótt hann hafi verið vel búinn til vetraraksturs.

Bandaríki herinn notaði bannaðar sprengjur í Falluja í Írak

Bandaríkjastjórn hefur viðurkennt að herinn hafi notað sprengjur með hvítum fosfór í bardögunum í Falluja í Írak í fyrra en sprengjur þessar eru bannaðar samkvæmt alþjóðlegum sáttmála sem Bandaríkjamenn hafa þó ekki staðfest.

Um 3000 manns hafa verið handteknir í Frakklandi vegna óeirðanna

Hátt í þrjú þúsund manns hafa verið handteknir undanfarnar þrjár vikur í Frakklandi vegna óeirðanna sem geysað hafa þar yfir. Þá hafa um sex hundruð manns verið dæmdir til fangelsisvistar.

Jórdanir setja lög gegn hryðjuverkum

Ný hryðjuverkalög hafa verið sett í Jórdaníu í kjölfar árásanna á Amman, höfuðborg landsins í síðustu viku sem urðu 57 mönnum að bana. Fela þau meðal í sér að almennir borgarar verði að veita upplýsingar um útlendinga ef þeir leigja þeim húsnæði. 11 yfirmenn hjá ríkinu, meðal annars yfirmaður öryggismála, sögðu upp störfum í gær vegna árásanna á landið.

Kínversk stjórnvöld kosta bólusetningu fugla gegn fuglaflensu

Yfir 14 miljarðar fugla, verða bólusettir gegn fuglaflensu í Kína á næstu vikum. Í tilkynningu frá yfirvöldum þar í landi segir að nauðsynlegt sé að gera allt til að hefta útbreiðslu fuglaflensunnar og mun ríkisstjórnin standa straum af öllum kostnaði við bólusetninguna.

160 íraskir fangar fundust í leynilegu fangesli í Bagdad

Forsætisráðherra Íraks segir yfir 160 íraskir fangar hafa fundist í leynilegu fangelsi innanríkisráðuneytisins í Bagdad um helgina. Fangarnir höfðu verið pyntaðir og voru allir mjög vannærðir. Ráðherrann sagði rannsókn hafna á tildrögum málsins og hafa mannréttindasamtökin Amnestry International fagnað ákvörðun ráðherrans. Þá hvöttu þau hann til að gera niðurstöðurnar opinberar.

Skýrslu beðið vestra

Enn bólar ekkert á skýrslu sem félagsvísindadeild Háskóla Íslands var falið að að gera fyrir menntamálaráðuneytið um stjórnunarhætti og samskipti innan Menntaskólans á Ísafirði.

Tilkynnt um sameiginlegt framboð í dag

Upp úr hádegi í dag mun koma í ljós hvort verði af sameiginlegu framboði Samfylkingarmanna og Framsóknarmanna til bæjarstjórnar í Reykjanesbæ. Félagsfundir beggja flokka fóru fram í gærkvöldi.

Gæslan tilbúin í dómsmál

Ríkið hefur ekki í huga að sækja bætur vegna ólög­legs samráðs olíufélaganna nema hugsanlega fyrir stofnanir dóms­mála­ráðu­neytis­ins. Georg Lárusson, forstjóri Land­helgis­gæslunnar, segir gagna­öflun vegna málsins lokið og býst við að mál verði höfðað innan skamms.

Íhaldssöm stefna

Sigurður Guðmundsson landlæknir segir að íslensk heilbrigðisyfirvöld reki íhaldssama stefnu gagnvart kynskiptum af ýmsum ástæðum og vilji gera kynskiptiaðgerðir frekar seint, oft ekki fyrr en við 23-25 ára aldur.

Reiðubúinn að skoða málið

Jón Kristjánsson heilbrigðismálaráðherra segir að málefni transgender-fólks hafi ekki komið inn á borð hjá sér en komi þau þangað verði farið yfir þau eins og önnur mál.

Málið tekið til athugunar

Árni Magnússon félagsmálaráðherra telur rétt að sest verði sérstaklega yfir málefni transgender-fólks í ljósi umfjöllunar Fréttablaðsins í gær.

Ráðmenn fengu það óþvegið

Skattrannsóknarstjóri og ýmsir íslenskir ráðamenn fengu það óþvegið á blaðamannafundi þar sem Jón Ólafsson athafnamaður og Einar Kárason rithöfundur kynntu nýútkomna bók um ævi athafnamannsins og auðmannsins umdeilda frá Keflavík.

Fagnaði afmæli með máttarstólpum Framsóknar

Elsti framsóknarmaður heims býr í Holtsbúð í Garðabæ. Guðmundur Daðason heitir hann og fagnaði hundrað og fimm ára afmæli sínu í dag með vinum, vandamönnum og máttarstólpum Framsóknarflokksins.

Jólastemmning á Akureyri

Þótt nóvember sé ekki nema rétt hálfnaður, eru sumir Akureyringar komnir í jólaskap svo um munar. Bæjarstarfsmenn eru byrjaðir að skreyta miðbæinn og einstaka skreytingar eru komnar við íbúðarhús.

Einn lést eftir að aurskriða féll á hús

Aurskriða féll í gær á hús skammt utan Björgvinjar þar sem sjö manns voru að störfum. Einn þeirra lést í skriðunni. Óvenjumikil úrkoma hefur verið í vestanverðum Noregi undan­farna daga og hafa sterkir vindar fylgt votviðrinu.

Eins metra langir kjörseðlar í Danmörku

Eins metra langir kjörseðlar gerðu mörgum Dönum lífið leitt í sveitarstjórnarkosningum í dag. Vegna sameiningar sveitarfélaga þurfti að hafa seðlana svo stóra til að koma nöfnum allra frambjóðenda fyrir. Kosið var eftir nýrri skipan, sem tekur þó fyrst gildi í ársbyrjun 2007.

Birkið sækir í sig veðrið víða um land

Birkið, eina trjátegundin sem myndar skóga á Íslandi, hefur sótt í sig veðrið víða um land eftir því sem dregið hefur úr beit.

Landsbankinn kaupir írskt verðbréfafyrirtæki

Landsbanki Íslands herjar nú á Írland en bankinn keypti í morgun írska verðbréfafyrirtækið Merrion fyrir fjóra milljarða króna. Sjötíu og fimm manns vinna hjá fyrirtækinu og þeir verða fljótlega hluti af 1700 manna starfsliði Landsbankans. Fyrirtækið veltir hátt í 2 milljörðum króna á ári og hefur árlega skilað hálfum milljarði í hagnað frá því það var stofnað fyrir sex árum.

Viðbrögð vinnuveitenda og verkalýðshreyfingarinnar

Viðbrögð forkólfa vinnuveitenda og verkalýðshreyfingarinnar eru jákvæð og bjartsýni ríkir sem og léttir. Ingimundur Sigurpálsson, formaður Samtaka atvinnulífsins, sagði að það mikið fagnaðarefni að aðilar hafi náð saman og að ekki hafi komið til uppsagna samninga eins og útlit var fyrir á tímabili. Hann sagði það hins vegar ljóst að þessi niðurstaða verði mörgum fyritækjum nokkuð þungbær en heildarhagsmunir sem voru í húfi réttlæti tvímælalaust þessa niðurstöðu. Hann sagði aðkomu ríkisstjórnarinnar á ögurstund hafa riðið baggamuninn.

Bókhaldsbrella segir minnihlutinn

Oddviti Sjálfstæðisflokksins í Reykjavík segir of langt seilst ofan í vasa skattborgara í fjárhagsáætlun Reykjavíkurborgar. Framkvæmdastjóri Frjálslynda flokksins segir bókhaldsbrellu gera það að verkum að skuldir borgarsjóðs hafa lækkað.