Auknar líkur á aðild Tyrkja

Líkur á að Evrópusambandið hefji aðildarviðræður við Tyrki þykja heldur hafa aukist eftir fund Recep Erdogan, forsætisráðherra Tyrklands, og Günther Verheugen, sem fer með stækkunarmál í framkvæmdastjórn Evrópusambandsins.

Rannsókn á frumstigi

Rannsókn á einu umfangsmesta fíkniefnamáli síðustu ára sem staðið hefur yfir síðan í mars er á frumstigi og heldur áfram næstu vikur að sögn Ásgeirs Karlssonar, yfirmanns fíkniefnadeildar lögreglunnar í Reykjavík. Hann segir að enn sé ekki allt komið fram í málinu.

Málnotkun í auglýsingum verðlaunuð

Íslensk málnefnd hefur ákveðið að veita viðurkenningu fyrir íslenska málnotkun í auglýsingum.

Eik styrkir Umhyggju

Eik, fasteignafélag í eigu Lýsingar og KB banka, hefur styrkt Umhyggju, sem er félag til stuðnings langveikum börnum, um 527 þúsund krónur.

Bónus opnar í Spönginni

Verslun Bónuss í Spönginni verður opnuð á ný í dag eftir miklar breytingar.

Komum skemmtiferðaskipa fjölgar

Sjötíu skemmtiferðaskip komu til Reykjavíkur í sumar og er það tólf skipum meira en síðasta sumar.

Kjör kennara til skammar

Flokksfélag Vinstri grænna í Kópavogi hefur samykkt ályktun þar sem hvatt til þjóðarsáttar um kjarabætur til handa kennurum.

Þing Neytendasamtakanna hefst

Lögð verður fram ítarleg tillaga í stefnumótun í neytendamálum næstu tvö árin á þingi Neytendasamtakanna sem hefst á Grand hóteli í dag. Þingið hefst klukkan þrjú síðdegis með ávarpi Guðna Ágústssonar landbúnaðarráðherra.

Flugmaður á gjörgæslu

Flugmaður lítillar eins hreyfils flugvélar af gerðinni Cessna 152 er á gjörgæslu eftir að stutt flugferð hans endaði í fjörunni við norðurenda flugbrautarinnar á Akureyri.

LÍÚ ber ábyrgð á Brimi

LÍÚ ber sína ábyrgð á úrsögn skipsins Sólbaks úr samtökunum, segir Grétar Þorsteinsson, forseti ASÍ. Hann segir reginmisskilning hjá Guðmundi Kristjánssyni, forstjóra Brims, að ASÍ hafi hvatt til vinnustaðasamninga á borð við þann sem hann gerði við áhöfn skipsins.</< /> >

Bush segir CIA með getgátur

Bush Bandaríkjaforseti gefur lítið fyrir nýlega skýrslu bandaríski leyniþjónustunnar CIA um ástandið í Írak. Þar segir meðal annars að hætta sé á borgarastríðið og að ástandið fari hríðversnandi.

76% vilja mislæg gatnamót

Mikill meirihluti landsmanna, eða tæp 76 prósent þeirra, sem afstöðu tóku í nýrri skoðanakönnun Fréttablaðsins, telur brýnna að ráðast í gerð mislægra gatnamóta á mótum Miklubrautar og Kringlumýrarbrautar, en að ráðast í gerð Sundabrautar.

Annar gísl drepinn

Mannræningjar, sem héldu þremur gíslum í haldi, segjast nú hafa drepið einn þeirra, en annar var drepinn sólarhring áður. Annar tveggja kvenvísindamanna, sem eru í haldi Bandaríkjahers, verður hugsanlega sleppt í dag, en það er meginkrafa mannræningjanna.

Bannað að blóta í Belgorod

Það er bannað að blóta í Belgorod í Rússlandi. Yfirvöld eru á því að ungt fólk sé of kjaftfort og hafa því lagt blátt bann við bölvi og ragni, einkum fyrir framan eldra fólk. Sekt liggur við broti á þessum reglum, og eru þeir sem gómaðir eru sektaðir um 4 þúsund krónur.

Bíllaus dagur í dag

Bíllausi dagurinn er í dag og er fólk hvatt til að ganga eða hjóla til vinnu í dag, ef það hefur tök á því, eða nota strætó. Ókeypis verður í Strætó á höfuðborgarsvæðinu í dag. Á bíllausa deginum í fyrra virðist sem umferðin hafi dregist saman um 2%,

Stuðningur við Jón Steinar

Hópur hæstaréttarlögmanna hefur hafið undriskriftarsöfnun meðal stéttarbræðra sinna til stuðnings Jóni Steinari Gunnlaugssyni í stöðu Hæstaréttardómara. Þeir sem á listann rita skora á Geir Haarde, settan dómsmálaráðhera í málinu, að leggja sjálfstætt mat á kosti umsækjendanna og hagsmuni Hæstaréttar til framtíðar litið

Vatsnflaumur í Þrándheimi

Mikið vatnsveður hefur geysað í Þrándheimi í Noregi og þar í grennd og þurftu slökkviliðsmenn að bjarga nokkrum fjölskyldum út úr húsum þeirra í nóttt. Skemmdir hafa orðið á samgöngumannvirkjum og vatnsflaumurinn hefur hrifið með sér bíla og hjólhýsi. Þá hefur vatnið umlukið stóran hestabúgarð í grennd bæjarins og í morgun stóðu hrossin þar upp í hné á stöllum sínum.

Kindur í sjálfheldu

Bjarnfirðingar á Ströndum kölluðu í gær eftir aðstoð björgunarsveitarinnar á Drangsnesi til að aðstoða sig við að bjarga kindum, sem lent höfðu í sjálfheldu vegna mikilla vatnavaxta í Bjarnarfjarðará. Voru kindurnar orðnar um flotnar og óttast var að áin græfi undan þeim. Björgunin gekk vel.

Olíuverð í hámarki

Olíuverð hefur nú enn á ný náð metverði, og var í gær rétt undir 47 dollurum á fatið þegar lokað var á markaði. Þetta er hæsta verð á olíufatinu í meira en mánuð. Ástæður hækkunarinnar munu einkum vera mikil eldsneytisþörf Kína sem og trú olíukaupmanna að olíubirgðir í Bandaríkjunum séu mjög litlar vegna fellibylja sem gengið hafa yfir undanfarið

Forsætisráðherra fær lesefni

Femínistafélag Íslands afhenti nýjum forsætisráðherra hjólbörufylli af lesefni um jafnréttismál í gær sem félagið telur mikilvægt að hann kunni góð skil á, tileinki sér og miðli til þjóðarinnar. Forsætisráðherra sagðist hafa lesið eitthvað af bókunum en meðal þeirra var að finna sagnfræðirannsóknir, ævisögur, frásagnir og fæðingarsögur

Safnað fyrir börn Sri

Söfnun til styrktar börnum Sri Rahmawati er enn í gangi. EFnt verður til sérstaks söfnunardags 2. október.

Verkföll á flugvöllum í Bretlandi

Truflanir gætu orðið á flugi til og frá Bretlandi á næstu dögum, þar sem starfsmenn flugvalla hafa tilkynnt um verkföll á næstu dögum. Á Heathrow ætla starfsmenn sem sjá um að dæla bensíni á flugvélar fjöldamargra flugvéla að leggja niður störf. 

Ólöglegt verkfall

Dómstóll í Ísrael komst fyrir stundu að þeirri niðurstöðu, að um 400 þúsund opinberir starfsmenn, sem verið hafa í verkfalli, skyldu snúa aftur til starfa sinna. Verkfallið hófst fyrir tveimur dögum og lamaði alla flugumferð. Loka varð fjármálamörkuðum og opinberar stofnanir voru flestar óstarfhæfar.

11 látnir í bílsprengingu

Ellefu eru fundnir látnir eftir öfluga bílsprengju fyrir utan veitingahús i Bagdad í morgun og að minnstakosti 40 slösuðust. Mikið eignatjón varð í grenndinni en þetta er fjölfarið verslanasvæði. Nokkrir bílar þeyttust meðal annars á hvolf.

Raflögnum ábótavant

Raflögnum og rafbúnaði í íslenskum gisti- og veitingahúsum er víða ábótavant, samkvæmt skoðun rafmagnsöryggisdeildar Löggildingarstofu.

Eiginkonan laðaðist að fanga

Fangelsisyfirvöld í Noregi rannsaka nú mál eiginkonu fangelsisstjóra, en hún starfaði að mannúðarmálum innan fangelsisins sem eignmaður hennar stjórnaði. Í sumar tókust ástir með konunni og fanga sem afplánar 11 dóma í fanglesinu fyrir ýmis afbrot síðustu 10 árin. Konan hefur nú verið leyst frá störfum og er auk þess flutt frá fangelsisstjórnanum.

Danir kynna sér Alþingi

<font face="Helv"> Hluti forsætisnefndar danska þingsins hefur verið í vinnuheimsókn hér á landi síðan á þriðjudag í boði forseta Alþingis. </font>

Fólk nennir ekki að prófa Atkins

Þrátt fyrir meintar vinsældir Atkins-kúrsins og annara kolvetnasnauðra kúra hafa einungis 13% Breta reynt slíka kúra og aðeins 3% snætt slíkt fæði til frambúðar. Þetta er meðal þess sem fram kemur í nýrri könnun í Bretlandi, sem náði til 1000 manna. 

Olíuverð í hámarki

Olíuverð hefur nú enn á ný náð metverði, og var í gær rétt undir 47 dollurum á fatið þegar lokað var á markaði. Þetta er hæsta verð á olíufatinu í meira en mánið. Ástæður hækkunarinnar munu einkum vera mikil eldsneytisþörf Kína sem og trú olíukaupmanna að olíubirgðir í Bandaríkjunum séu mjög litlar vegna fellibylja sem gengið hafa yfir undanfarið

1600 látnir á Haiti?

Óttast er að allt að sextán hundruð manns hafi farist þegar fellibylurinn Jeanne gekk yfir Haítí, þar af fjölmörg börn. Neyðarástand er í landinu og segja talsmenn hjálparstofnana bráðnauðsynlegt að bregðast þegar í stað við.

Óðu djúpt til bjargar kindum

Bændur á Ströndum og björgunarsveitarmenn frá Drangsnesi óðu allt upp undir hendur í Bjarnarfjarðará í gærkvöldi, til að bjarga fé úr hólma sem var óðum að fara í kaf. Áin hafði breyst í beljandi fljót á svipstundu.

Lestir stöðvast vegna berjatínslu

Lestir á fjölfarinni leið í Þýskalandi stöðvust í fjórar klukkustundir í morgun í kjölfar neyðarstöðvunnar lestarstjóra. Hann taldi, að maður sem var í hnipri nálægt lestarteinunum ætlaði að fremja sjálfsmorð með því að stökkva fyrir lestina.

11 látnir og tveir gíslar að auki

Ellefu fórust í sjálfsmorðsárás í Bagdad í morgun og fjöldi særðist. Mannræningjar, sem héldu tveimur Bandaríkjamönnum og Breta í haldi, segjast hafa drepið Bandaríkjamennina.

Hluthöfum auðveldað að fara í mál

Hluthöfum í fyrirtækjum er auðveldað að höfða skaðabótamál á hendur stjórnendum fyrirtækja, endurskoðendum og fleirum, telji þeir þá hafa valdið félaginu tjóni samkvæmt frumvarpsdrögum viðskiptaráðherra um hlutafélög. Þá verður stjórnendum skylt að fá samþykki hluthafafundar fyrir kjörum stjórnenda.

Jón tekur við einkavæðingarnefnd

Forsætisráðhera skipaði í morgun Jón Sveinsson hæstaréttarlögmenn formann framkvæmdanefndar um einkavæðingu og tekur hann við af Ólafi Davíðssyni, fráfarandi ráðuneytisstjóra forsætisráðuneytisins. Jón hefur átt sæti í nefndinni frá árinu 1996.

Forsvarsmenn kennara funda

Samningamenn kennarasambandsins hafa ráðið ráðum sínum í húsakynnum Ríkissáttasemjara í morgun og hafa þar fyrst og fremst notið vinnuaðstöðunnar. Ekkert hefur hinsvegar sést til samningamanna sveitarfélaganna og ekki er vitað til þess að nefndirnar hafi haft neitt samband og sáttasemjari hefur engu miðlað á milli þeirra.

Spreningingar lögreglu vöktu fólk

Æfingar sérsveitar lögreglunnar vöktu íbúa í Þorlákshöfn um fjögurleytið í fyrrinótt.

Stuðningur við Jón Steinar

Undirskriftasöfnun er hafin meðal lögmanna til stuðnings Jóni Steinari Gunnlaugssyni í embætti hæstaréttardómara.

Listalistinn - börnin heim

Nýtt stjórnmálaafl, Listalistinn - börnin - heim, býður sig fram til bæjarstjórnar í nýsameinuðu sveitarfélagi á Héraði.

Skemmdir á Ólafsfirði

Skemmdir urðu á að minnstakosti tuttugu íbúðarhúsum í flóðunum í Óalfsfirði í gær, en tjónið hefur ekki verið metið, að sögn Stefaníu Traustadóttur bæjarstjóra. Hún segir að það hafi annars vegar flætt inn í kjallara og síðan hafi einnig nokkur þök ekki staðið af sér rigninguna og jarðvegsvatn sprautast í gegnum gólf og inn í húsin.

Beggja vegna borðsins

Birgir Björn Sigurjónsson, formaður launanefndar sveitarfélaga, var áður framkvæmdastjóri BHMR og hefur því á vissan hátt setið beggja vegna borðsins.

SVÞ mótmæla lokun Hverfisgötu

Samtök verslunar og þjónustu hafa lýst yfir undrun á því að Hverfisgötu hafi verið lokað í dag í tilefni bíllausa dagsins. Samtökin telja þetta mikið skilningsleysi á hagsmunum rekstraraðila í miðborg Reykjavíkur.

Verhofstadt í árekstri

Forsætisráðherra Belgíu, Guy Verhofstadt, var í dag fluttur á spítala eftir harðan árekstur. Hann er þó ekki í lífshættu að sögn fjölmiðla í Belgíu. Verhfofstadt var á leiðinni heim til sín í Ghent, þegar slysið átti sér stað, en hann var að koma frá miklum fundarhöldum í Brussel, þar sem til umræðu voru fyrirætlanir DHL-hraðþjónustufyrirtækisins um að auka umsvif sín í Brussel.

Líkið fundið?

Lík án höfuðs hefur fundist í Baghdad og er talið að það sé af öðrum Bandaríkjamannanna sem mannræningjar í Írak segjast hafa líflátið í gær. Líkið fannst í svörtum plastpoka á svipuðum slóðum og lík hins Bandaríkjamannsins fannst.

Karlmenn gera kröfur

Karlmenn vilja að konur séu í góðu formi....jafnvel þó að þeir sjálfir séu ekki upp á það grennsta. Meira en tveir þriðju hlutar karla í Bretlandi vilja að konur hgusi um útlitið, en minna en helmingur telur rétt að sömu kröfur séu gerðar til karlmanna, samkvæmt nýrri skoðanakönnun.