ESB ætlar að herða vinnulöggjöf

Evrópusambandið hyggst herða reglur um hámarksvinnutíma innan landa sambandsins. Sem stendur er hámarksvinnutími 48 stundir á viku, en þó hefur verið hægt að fara á sveig við það hingað til. Nú þarf hins vegar samþykki bæði starfsmanns og stéttarfélags til þess að lengja vinnuvikuna ef hugmyndir framkvæmdastjórnar ESB verða að veruleika.

Tveir látnir í Jerúsalem

Þegar hafa tveir látist af völdum sprengingarinnar í Jerúsalem fyrr í dag. Þá særðust 15 í sprengingunni, sem var sjálfsmorðsárás ef hendi palestínskrar konu.

Heimsmet í sporðdrekasambúð

Kona frá Malasíu, hefur slegið heimsmet í sambýli með sporðdrekum. Nur Malena Hassan, sem kölluð er sporðdrekadrottningin hefur dvalið 33 daga í glerbúri ásamt 6 þúsund sporðdrekum. Þrátt fyrir að hafa ítrekað verið bitin af drekunum ætlar Hassan sér að dvelja þrjá daga til viðbótar í félagsskap skridýranna.

Þreföldun útgjalda

Útgjöld umhverfisráðuneytisins þrefölduðust í ráðherratíð Sivjar Friðleifsdóttur. Útgjöld umhverfisráðuneytisins á yfirstandandi ári, 2004, eiga að vera 4,1 milljarður samkvæmt fjárlögum. Þetta þýðir að útgjöld ráðuneytisins hafa þrefaldast, hækkað úr 1,3 milljörðum í rúma fjóra í fimm ára valdatíð Sivjar Friðleifsdóttur.

Gaukur Jörundsson látinn

Gaukur Jörundsson, dómari við Mannréttindadómstól Evrópu er látinn 69 ára að aldri. Hann hefði orðið sjötugur eftir tvo daga. Gaukur var dómari við Mannréttindadómstólinn frá árinu 1998, en starfaði við hann frá árinu 1974. Gaukur var Umboðsmaður Alþingis frá árinu 1988 til ársins 2000.

Fólk treystir einum en kýs annan

Lítið samhengi virðist milli trausts á forystumönnum og fylgis stjórmálaflokkanna í nýjustu skoðanakönnun Fréttablaðsins. Þetta kemur í ljós ef rýnt er í tölur í könnunum Fréttablaðsins.

Skilti afhjúpað við Gaddstaði

<font face="Helv"> Í vikunni var afhjúpað upplýsingaskilti í svokölluðum Aldamótaskógi á Gaddstöðum við Hellu. </font>

Enn ein árásin í Írak

Enn á ný varð gerð sjálfsmorðsárás í miðborg Bagdad í morgun, en í þetta skipti virðist skotmarkið hafa verið röð umsækjenda um störf hjá öryggissveitum Íraks. Þeir stóðu í röð til að láta ljósrita skilríki sín þegar bílsprengja sprakk. Fólk þeyttist í loft upp og tíu bílar brunnu til ösku. Ellefu fórust og fjöldi særðist.

Jeanne aftur til Bandaríkjanna?

Fellibylurinn Jeanne gæti lagt leið sína aftur til Bandaríkjanna um helgina að mati veðurfræðinga vestanhafs. Veðurfræðingar í Miami hafa varað íbúa frá Florida að Maryland við því að bylurinn, sem geysist um með 90 km hraða á klukkustund, gæti náð Suðurströnd Bandaríkjanna um helgina.

Fyrsti fundur deilenda í verkfalli

Forsvarsmenn kennara og sveitarfélaganna funda í dag hjá ríkissáttasemjara. Fundurinn hefst klukkan níu.

Engar undanþágur veittar enn

Verklagsreglur undanþágunefndar kennara og sveitarfélaganna voru ræddar á fyrsta fundi hennar í gær. Þegar hefur verið óskað eftir undanþágum vegna verkfalls kennara en engar ákvarðanir verið teknar, segir Þórarna Jónasdóttir, fulltrúi Félags grunnskólakennara og skólastjórnendafélags Íslands í undanþágunefndinni.

Þorgerður útilokar ekki inngrip

Þorgerður Katrín Gunnarsdóttir menntamálaráðherra útilokar ekki að stjórnvöld grípi inn í deilu kennara. "Ég mun ekki beita mér neitt í deilu kennara og sveitarfélaganna; alla vega ekki í bili," sagði Þorgerður eftir fund með fulltrúum svæðasamtaka og landssamtaka foreldra í ráðuneytinu í gær.

Orkan lægst á Akureyri

Í nýlegri verðkönnun Neytendasamtakanna á eldsneytisverði á Akureyri kemur fram að bensínverðið er lægst hjá Orkunni, þar sem líterinn af 95 oktana bensíni kostar 105,5 krónur. Orkan selur hins vegar líterinn á 103,7 krónur í Hafnafirði og 102,7 krónur í Hveragerði.

Geir stýrði fundi

Geir H. Haarde fjármálaráðherra stýrði í gær óformlegum samráðsfundi utanríkisráðherra Norðurlandanna sem haldinn var í New York í gær í tilefni allsherjarþings Sameinuðu þjóðanna. Geir situr þingið í fjarveru Davíðs Oddssonar utanríkisráðherra.

Tapið minnst 300 milljónir á viku

Þjóðarbúið tapar ekki minna en þrjú hundruð milljónum króna á viku vegna verkfalls grunnskólakennara.

Áhöfn Sólbaks svarar fyrir sig

Áhöfnin á Sólbaki EA 7 segir forystumenn sjómanna, skipstjórnenda og vélstjóra draga áhöfnina niður í svaðið, gera lítið úr henni og fullyrða ítrekað að áhöfninni hafi verið stillt upp við vegg, með yfirlýsingum sínum um ráðningarsamninga áhafnarinnar.

11 Afgönum sleppt

11 Afgönum var í dag sleppt úr fangabúðunum í Guantanamo á Kúbu, eftir að hafa verið þar í haldi í þrjú ár. Grunur lék á að þeir tengdust Talibönum, en svo reyndist ekki vera. Fangarnir fyrrverandi sögðust við komuna til Afganistans telja að bæta ætti þeim skaðann. Þeir sögðust ekki hafa sætt illri meðferð.

Kanadískri konu sleppt

Kanadískri konu, sem verið hefur í haldi mannræningja í Írak í tvær vikur, var sleppt í dag. Hún er nú í umsjá bandaríska hersins í Írak, að sögn Pierre Pettigrew utanríkisráðherra Kanada. Ekki hafði verið tilkynnt um að henni hefði verið rænt, en að sögn utanríkisráðherrans vissu menn engu að síður af því og hefur verið unnið að frelsun hennar. Hann sagði að ránið á konunni hefði ekki verið gert opinbert, að ósk fjölskyldu hennar. Konan er starfsmaður kanadísks fyrirtækis og var á vegum þess í Írak.

Missa skammtímavistun í verkfalli

Fötluð börn missa skammtímavist sína á heimilum á vegum svæðisskrifstofa fatlaðra, meðan á kennaraverkfalli stendur. Þau hafa heldur enga skóladagvist. Foreldrar óttast að missa störf sín vegna fjarveru

Tveir létust í sjálfsmorðsárás

Tveir létust þegar kona gerði sjálfsmorðsárás nærri vinsælli stoppistöð ferðalanga í Jerúsalem síðdegis, en skammt þar frá er eftirlitsstöð Ísraelshers. 15 slösuðust, þar á meðal börn. Þetta er fyrsta sjálfsmorðsárásin í Jerúsalem í sjö mánuði. Al-Aksa herdeildin, sem er hluti af Fatah-hreyfingu Jassirs Arafats, lýsti tilræðinu á hendur sér.

Velta í Ánanaustum

Fólksbifreið endastakkst og valt nokkrar veltur við hringtorgið í Ánanaustum í vesturborginni laust eftir klukkan 11 í morgun. Þrír ungir menn í bílnum máttu þakka fyrir að stórslasa sig ekki, því að auk þess að lenda á hvolfi skall bíllinn á ljósastaur. Tveir voru fluttir með minniháttar meiðsl á slysadeild en einn slapp ómeiddur.

Hóta að kæra bensínstöðvar

Neytendasamtökin hóta að kæra tvö olíufélög á Akureyri fyrir villandi verðmerkingar

Áhöfn Sólbaks svarar fyrir sig

Áhöfnin á Sólbaki sakar verkalýðsforingja sína um að draga sig niður í svaðið með harðri gagnrýni á samning hennar við útgerðarfélagið Brim. Áhöfnin telur sig og útgerðina hagnast á stofnun einkahlutafélags um rekstur togarans, en Sjómannasambandið álítur samninginn grafa undan verkalýðshreyfingunni.

Vantar fólk og matvöruverslun

Niðurstöður íbúaþings um miðbæ Akureyrar liggja fyrir: </font /></b />

Skemmdir á Ólafsfirði

Tuttugu íbúðarhús og lítil virkjun skemmdust í flóðunum á Ólafsfirði í gær. Endanlegt tjón liggur þó ekki ljóst fyrir. Það hefur að mestu stytt upp á Ólafsfirði nú, eftir úrhelli í gær, en þó rigndi fram yfir hádegi.

Auknar kröfur í matvælaiðnaði

Matvælavinnsla er í síauknum mæli að færast úr eldhúsum mötuneyta og heimila til iðnfyrirtækja. Kröfurnar eru miklar, því ekki einungis þarf maturinn að vera fljótlegur heldur líka hollur.

Keyrt á bíllausa daginn

Umferð í Reykjavík minnkaði ekkert í dag á bíllausa daginn. Og þótt Hverfisgatan væri lokuð í tilefni dagsins létu ökumenn sér fátt um finnast og óku eftir henni sem áður.

Verkfall tímaskekkja?

Menn eru almennt sammála um að svo mikið beri á milli deiluaðila að verkfallið verði að líkindum langvinnt. Eftir að launanefnd sveitarfélaga hafnaði tilboði kennara um samning til tíu mánaða á sunnudag er ólíklegt að menn nái saman um skammtímasamning.

Sólveig segir traust enn ríkja

Traust Íslendinga til bandamanna sinna og upplýsinga þeirra um forsendur Íraksstríðsins er ennþá til staðar, segir Sólveig Pétursdóttir, formaður utanríkismálanefndar. Hún segir það áhyggjuefni hafi forsætisráðherra borist upplýsingar sem gefi ástæðu til að ætla þær upplýsingar rangar.

Deilt um skipun hæstaréttardómara

Skipun í embætti hæstaréttardómara í stað Péturs Hafsteins er þegar orðin umdeild þótt enginn hafi verið skipaður enn. Lögmenn deila þessa dagana bæði um menn og aðferðir.

Úthúðar Evrópusambandinu

Bretland, Danmörk og fleiri ríki sætta sig ekki við alræðisvaldið sem ný, evrópsk stjórnarskrá færir framkvæmdastjórn Evrópusambandsins, að mati Dans Hannans, bresks þingmanns á Evrópuþinginu. Hann telur líklegt að ríkin kjósi fremur svipuð tengsl við Sambandið og ríkin á Evrópska efnahagssvæðinu.

Telja Jón Steinar hæfastan

Um tíu manna hópur lögmanna finnst Jón Steinar Gunnlaugsson hæstaréttarlögmaður ekki njóta sannmælis í umsögn Hæstaréttar og hefur hafið undirskriftarsöfnun meðal lögmanna honum til stuðnings. Sveinn Andri Sveinsson er í hópi lögmannanna og segir hann lögmennskuna hafa verið verðfellda í umsögninni.

Óvíst að Jón Steinar verji Gunnar

Jón Steinar Gunnlaugsson, lögmaður Gunnars Arnar Kristjánssonar fyrrverandi forstjóra SÍF, óskaði eftir annarri fyrirtöku í málinu gegn Gunnari fyrstu vikuna í október þegar fyrir liggur hver verði skipaður í stöðu hæstaréttardómara. Þá verður ljóst hvort Jón Steinar verji sjálfur Gunnar Örn en hann er einn umsækjenda um stöðu hæstaréttardómara.

Tilboð langt yfir áætlun

Tvö tilboð bárust vegna endurbóta og viðbyggingar við Fjórðungssjúkrahúsið í Neskaupsstað og eru bæði langt yfir kostnaðaráætlun. 

Ófrísk á spítala eftir sprengingar

Nýliðanámskeið víkingasveitar Ríkislögreglustjóra olli því að ófrísk kona í Þorlákshöfn þurfti að fara á spítala. Verið vara að æfa sprengingar frá hálf fjögur í fyrrinótt til hálf fimm.

Gísl biðlaði til Blair

"Herra Blair. Þér er ég ekkert, bara einn af íbúum Bretlands, ekkert meir, með fjölskyldu eins og þú, eins og fjölskyldan þín, eins og börnin þín, strákarnir þínir og konan þín," sagði Kenneth Bigley, breskur gísl í Írak þegar hann leitaði ásjár Tony Blair, forsætisráðherra Bretlands. "Þú getur hjálpað mér, ég veit þú getur hjálpað mér," sagði hann snöktandi.

Erdogan má búast við gagnrýni

Búist er við því að Recep Erdogan, forsætisráðherra Tyrklands, fái vænan skammt af gagnrýni þegar hann fundar með forystumönnum Evrópusambandsins í dag. Erdogan ræðir við forystumenn Evrópusambandsins um möguleika Tyrklands á að fá aðild að sambandinu en efasemdir eru uppi um hvort Tyrkir uppfylli skilyrði fyrir aðild.

Þrjú létust í sjálfsmorðsárás

Tveir ísraelskir landamæraverðir létu lífið og sextán manns særðust þegar nítján ára palestínsk stúlka sprengdi sjálfa sig í loft upp á fjölförnum gatnamótum í Jerúsalem.

Síðbúin lausn

Egypski klerkurinn Nashaat Ibrahim er laus úr haldi, tveimur árum eftir að dómstóll úrskurðaði hann saklausan af þeim ákærum sem hann var handtekinn fyrir.

Fjórir lögreglubílar í árekstri

Umferðarteppa myndaðist þegar fjórir lögreglubílar lentu í árekstri á hraðbraut í norðurhluta Englands. Engir fólksbílar eða flutningabílar komu við sögu í árekstrinum utan þeirra hundraða bíla sem stöðvuðust í umferðinni meðan verið var að hreinsa upp á vettvangi og losa einn lögreglumanninn úr bíl sínum með klippum.

Heilaskaði banaði Rauða baróninum

Tæpum níu áratugum eftir að frægasti flugkappi fyrri heimsstyrjaldar lést telja tveir bandarískir fræðimenn sig hafa fundið orsökina að því að Manfred von Richtofen, sem lengi virtist ósigrandi, lét lífið í bardaga.

Æsispennandi kosningar framundan

Úrslit forsetakosninganna í Bandaríkjunum ráðast af því hvernig kjósendur í Flórída og Arkansas greiða atkvæði, að því er segir í kosningaspá Zogby-fyrirtækisins sem kannar fylgi forsetaframbjóðendanna eftir ríkjum Bandaríkjanna.

Þjálfa íraska hermenn nærri Bagdad

Ríki Atlantshafsbandalagsins hafa komist að samkomulagi um að senda 300 herforingja til Íraks til að setja á fót og reka herskóla í nágrenni höfuðborgarinnar Bagdad. Fyrir höfðu 40 leiðbeinendur verið sendir til Íraks en ekki var hægt að ráðast í frekari aðgerðir þar sem Frakkar stóðu, þar til í gær, á móti því.

Vatnsskemmdir hamla umferð

Vegfarendur um Ólafsfjarðarmúla mega eiga von á töfum næstu daga meðan unnið er að viðgerðum vegna skemmda sem vatnavextir síðustu daga ullu. Þá er óvíst hvernig haga á ferðum stórra flutningabíla um Ólafsfjarðarmúla og verða ökumenn þeirra að hafa samráð við verkstjóra á staðnum.

Öryggisstofnanir fá aukin völd

Stofnanir sem berjast gegn hryðjuverkum fá aukin völd, samkvæmt nýrri og viðamikilli áætlun sem neðri deild rússneska þingsins samþykkti á fundi sínum í gær. Enn fremur verður hægt að refsa embættismönnum sem bregðast í því að koma í veg fyrir hryðjuverkaárásir.